LAMPULAN 17
17
Thessalonica Me Paul
1Sha-a iman Amphipolis hei Apollonia kaiye taiphei me, Thessalonica, ümeken me Jehudilan synagogue ja ngoh, tüome pei. 2Hüyange Paul-e I wanglamke, synagogue te ong, hüyange hatmong lüm ngoiye Iye iman phei ngaolai mepu saki phawe nyüo. 3Hüyange ngaolai mepu yah-e, Khrista-a, shangeponglak wongpong hüyange lipu mepu nishe yange yelak wongpong ne ngohyangki she, hüyange taowe numante ngaowe tampu Jesuwa “Messiah ngohnang she,” Iye khoihngao. 4Iman ütam mengne tamme, wanglamte kenpa Greeklan ükhong üyong ja hüyange üyonglan sheko maapuwe Paul hei Silas phei om.
5Hüyangpoi Jehudilanne müktakke jokpa ümenglan ütam shai jemme, ükhong ja ne mengyange chingnyu mop ngaine tam, hüyange Jason nok shümme kahtalan tangte iman woipeilak jingne yam. 6Hüyangpoi aope iman-e iman yetüo, iman-e Jason hüyange jeiheinaolan ütam chingnyu wanglam lampalan tangte shui peiye üngwünne i, “Aoyinne kahtoknyu leihkeihne tam, iman-a tüome-o peiye ngohnang! 7Jason-e iman ngoine tam, hüyange tüolan üsheiye, Jesu she nyikpu ülao Ahngpa ja ngohnang she, ngaowe Kaisar ngaokeng nushakke jonnang.” 8Aope ükhong meinyuwe hüyange wanglam lampalanne tüolan ngao jai, iman jünge yengoh ok. 9Hüyangpoi iman-e Jason hüyange ülao mepu janpu ngin yahyang phei me, iman lantam.
Berea Me Paul Hei Silas
10Hüwante muh jeiheinaolanne Paul hei Silas wangnyak me Berea te shonne tei, hüyange aope iman tüote pei, Jehudilan synagogue te ong. 11Sha-a Thessalonica me ngohpulan phei tüome ngohpu Jewlan shemei she ngoh, hangjingne iman-e yeonge hoonglipu phei ngao yah, hüyange tüolan-a ütingne jeya she nyihjeih ngaolai me yam. 12Tüokhei iman maawe hüyange Greek üyonglan sheko maapuwe hüyange netanlan maapuwe meng. 13Hüyangpoi aope Paul-e Berea me-o Kahwang ngao konnyüo nangki she, Thessalonica me Jehudilanne shinge pei, iman-e tüoye me-o hüke muh peiye ükhong hengne tamme mop ngaine tam. 14Hüwante sha-a jeiheinaolanne Paul yengching nah ngoiye hüwante muh teine tam, hüyangpoi Silas hei Timothy ni Berea me muh ngoh. 15Hüyangpoi Paul lünge teipalanne I Athen ngoiye woipei, hüyange Silas hei Timothy nite I tangte okpu shinne mamshe peikei she ipu ngao yahyange iman yan.
Athen Me Paul
16Sha-a Paul-e iman tanne Athen me ngohwante, chingnyuwa moung khümpuwe maawe ngeye, I yoi yaha yoi nying nyingke yeonge mongshih. 17Tüokhei synagogue me Jehudilan hei wanglamte ütinglakke mengpalan phei, hüyange nyih jeih she hatleih nyoi me I phei hüopalan phei Iye ngao saki phawe nyüo. 18Epikurean hei Stoic konnyüopalan ütam me-o I phei hüo. Ütamme i, “Hatüo jupang pawe hang ihupu?” Ülaolanne i, “I-a eihajat kahwanglan konnyüopa ja ne menghuwe.” Hangjingne Iye Jesu hüyange yange yepu jeng konnyüo. 19Tüokhei iman-e Areopagas sheshao me Paul woiteiye i, “Nange nyüopu ngaola hanghe tomane-o shinghu nangki. 20Hangjingne yashan yalilak ngao ütam nange toman tangte yah pei. Tüokhei tüoyin hanghete leppu toman-e shinghu nangki.” 21Sha-a Athenlan hüyange tüome nyoi ngohpu yinpalan üshei nyihlao hipak toi hango yeling, hüyangpoi ngao üla ja ngaolak yejema-a jailak jingne hei nyoi.
22Hüwante Paul-e Areopagas jempu yo me yongyange i: “Athenlan numan-a shemin lamphe me wanglam me yeonge wongnang she taowe nge ok nangki. 23Hangjingne tao numan khümpu nyoijing leiye kemwante, ‘Yeshingpu kahwang ja jingne’ she nyanyange hüyange wümjong taowe nge. Tüokhei numan-e hanghe yeshingpe khümnang, numante taowe nyüowe tamnang. 24#Isa 42.5.Kahtoknyu hüyange tüome ngohpu khongküm lingpupa Kahwangne menge, yakke lingpu yopnoklan me I yengoh ja. 25Yejema-a I ülamja wongpong ngohnang pukih, kahtalan yakke I shaoyeshan, hangjingne, Iye hei üsheite üyin lüo, hüyange toi üshei phanang. 26Hüyange kahtoknyu tangme ngohlak jingne Iye kahta ja mepu jatlan linge ngai; nyih hei hipak hüyange iman kahmük yikeng ityange ngaitam; 27tüokaiye iman-e Kahwang yamlak, hüyange iman-e I tüolak hüyange I phei iman ngohnang she, teihtamlak. Tüoyangpoi teman kahta lili mepu I jaiye yenang. 28Hangjingne,
“ ‘I me teman ngohnang, hüyange ponang, hüyange üyin ngohnang.’
Numan lokngaopa ütam-e ipuke,
‘Hangjingne teman-o Ime lickpu.’
29Tüokhei Kahwang me lickpune menge Kahwange hon, khüm, long, yejema-a juteih meipu kahta kaiye lingpu kih teman-e yeteihlak yang. 30Tüokhei yeshingpu hipak-a Kahwange hüke ang, hüyangpoi, shaapa-a üshei yeme kahta üsheiye monglüplak yang she Iye ngaokeng phanang. 31#Tüo 9.8; 96.13; 98.9.Hangjingne Iye lepu kahta jawe khakshupu me kahtoknyu ngao phünlak jingne Iye nyih ja leyangki, hüyange tüopa jengme, I#Jesu Khrista lipu mepu yange ye tampu kai-e, kahta üsheite saki phayangki!”
32Sha-a lipu mepu yangeyepu jeng aope iman-e jai, ütam-e phoiwüm, hüyangpoi ülaolanne i, “Hatüo jeng-a nang mepu toman-e üne-o ja me jailakei.” 33Tüokhei Paul iman mepu yayonge tai. 34Hüyangpoi kahta ütam-e I phei jam, hüyange meng. Iman yo me Areopagas yomepu Dionysius; hüyange sheko ja min Damaris, hüyange iman phei ülao lanno ngoh.
Currently Selected:
LAMPULAN 17: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
LAMPULAN 17
17
Thessalonica Me Paul
1Sha-a iman Amphipolis hei Apollonia kaiye taiphei me, Thessalonica, ümeken me Jehudilan synagogue ja ngoh, tüome pei. 2Hüyange Paul-e I wanglamke, synagogue te ong, hüyange hatmong lüm ngoiye Iye iman phei ngaolai mepu saki phawe nyüo. 3Hüyange ngaolai mepu yah-e, Khrista-a, shangeponglak wongpong hüyange lipu mepu nishe yange yelak wongpong ne ngohyangki she, hüyange taowe numante ngaowe tampu Jesuwa “Messiah ngohnang she,” Iye khoihngao. 4Iman ütam mengne tamme, wanglamte kenpa Greeklan ükhong üyong ja hüyange üyonglan sheko maapuwe Paul hei Silas phei om.
5Hüyangpoi Jehudilanne müktakke jokpa ümenglan ütam shai jemme, ükhong ja ne mengyange chingnyu mop ngaine tam, hüyange Jason nok shümme kahtalan tangte iman woipeilak jingne yam. 6Hüyangpoi aope iman-e iman yetüo, iman-e Jason hüyange jeiheinaolan ütam chingnyu wanglam lampalan tangte shui peiye üngwünne i, “Aoyinne kahtoknyu leihkeihne tam, iman-a tüome-o peiye ngohnang! 7Jason-e iman ngoine tam, hüyange tüolan üsheiye, Jesu she nyikpu ülao Ahngpa ja ngohnang she, ngaowe Kaisar ngaokeng nushakke jonnang.” 8Aope ükhong meinyuwe hüyange wanglam lampalanne tüolan ngao jai, iman jünge yengoh ok. 9Hüyangpoi iman-e Jason hüyange ülao mepu janpu ngin yahyang phei me, iman lantam.
Berea Me Paul Hei Silas
10Hüwante muh jeiheinaolanne Paul hei Silas wangnyak me Berea te shonne tei, hüyange aope iman tüote pei, Jehudilan synagogue te ong. 11Sha-a Thessalonica me ngohpulan phei tüome ngohpu Jewlan shemei she ngoh, hangjingne iman-e yeonge hoonglipu phei ngao yah, hüyange tüolan-a ütingne jeya she nyihjeih ngaolai me yam. 12Tüokhei iman maawe hüyange Greek üyonglan sheko maapuwe hüyange netanlan maapuwe meng. 13Hüyangpoi aope Paul-e Berea me-o Kahwang ngao konnyüo nangki she, Thessalonica me Jehudilanne shinge pei, iman-e tüoye me-o hüke muh peiye ükhong hengne tamme mop ngaine tam. 14Hüwante sha-a jeiheinaolanne Paul yengching nah ngoiye hüwante muh teine tam, hüyangpoi Silas hei Timothy ni Berea me muh ngoh. 15Hüyangpoi Paul lünge teipalanne I Athen ngoiye woipei, hüyange Silas hei Timothy nite I tangte okpu shinne mamshe peikei she ipu ngao yahyange iman yan.
Athen Me Paul
16Sha-a Paul-e iman tanne Athen me ngohwante, chingnyuwa moung khümpuwe maawe ngeye, I yoi yaha yoi nying nyingke yeonge mongshih. 17Tüokhei synagogue me Jehudilan hei wanglamte ütinglakke mengpalan phei, hüyange nyih jeih she hatleih nyoi me I phei hüopalan phei Iye ngao saki phawe nyüo. 18Epikurean hei Stoic konnyüopalan ütam me-o I phei hüo. Ütamme i, “Hatüo jupang pawe hang ihupu?” Ülaolanne i, “I-a eihajat kahwanglan konnyüopa ja ne menghuwe.” Hangjingne Iye Jesu hüyange yange yepu jeng konnyüo. 19Tüokhei iman-e Areopagas sheshao me Paul woiteiye i, “Nange nyüopu ngaola hanghe tomane-o shinghu nangki. 20Hangjingne yashan yalilak ngao ütam nange toman tangte yah pei. Tüokhei tüoyin hanghete leppu toman-e shinghu nangki.” 21Sha-a Athenlan hüyange tüome nyoi ngohpu yinpalan üshei nyihlao hipak toi hango yeling, hüyangpoi ngao üla ja ngaolak yejema-a jailak jingne hei nyoi.
22Hüwante Paul-e Areopagas jempu yo me yongyange i: “Athenlan numan-a shemin lamphe me wanglam me yeonge wongnang she taowe nge ok nangki. 23Hangjingne tao numan khümpu nyoijing leiye kemwante, ‘Yeshingpu kahwang ja jingne’ she nyanyange hüyange wümjong taowe nge. Tüokhei numan-e hanghe yeshingpe khümnang, numante taowe nyüowe tamnang. 24#Isa 42.5.Kahtoknyu hüyange tüome ngohpu khongküm lingpupa Kahwangne menge, yakke lingpu yopnoklan me I yengoh ja. 25Yejema-a I ülamja wongpong ngohnang pukih, kahtalan yakke I shaoyeshan, hangjingne, Iye hei üsheite üyin lüo, hüyange toi üshei phanang. 26Hüyange kahtoknyu tangme ngohlak jingne Iye kahta ja mepu jatlan linge ngai; nyih hei hipak hüyange iman kahmük yikeng ityange ngaitam; 27tüokaiye iman-e Kahwang yamlak, hüyange iman-e I tüolak hüyange I phei iman ngohnang she, teihtamlak. Tüoyangpoi teman kahta lili mepu I jaiye yenang. 28Hangjingne,
“ ‘I me teman ngohnang, hüyange ponang, hüyange üyin ngohnang.’
Numan lokngaopa ütam-e ipuke,
‘Hangjingne teman-o Ime lickpu.’
29Tüokhei Kahwang me lickpune menge Kahwange hon, khüm, long, yejema-a juteih meipu kahta kaiye lingpu kih teman-e yeteihlak yang. 30Tüokhei yeshingpu hipak-a Kahwange hüke ang, hüyangpoi, shaapa-a üshei yeme kahta üsheiye monglüplak yang she Iye ngaokeng phanang. 31#Tüo 9.8; 96.13; 98.9.Hangjingne Iye lepu kahta jawe khakshupu me kahtoknyu ngao phünlak jingne Iye nyih ja leyangki, hüyange tüopa jengme, I#Jesu Khrista lipu mepu yange ye tampu kai-e, kahta üsheite saki phayangki!”
32Sha-a lipu mepu yangeyepu jeng aope iman-e jai, ütam-e phoiwüm, hüyangpoi ülaolanne i, “Hatüo jeng-a nang mepu toman-e üne-o ja me jailakei.” 33Tüokhei Paul iman mepu yayonge tai. 34Hüyangpoi kahta ütam-e I phei jam, hüyange meng. Iman yo me Areopagas yomepu Dionysius; hüyange sheko ja min Damaris, hüyange iman phei ülao lanno ngoh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.