LAMPULAN 25
25
Festus Sheshao Me Paul Peinang
1Festus tüopa kahtokte pei pheime, nyih lüm ngohyange Kaisarea mepu Jerusalemte ong. 2Hüyange ngengpa üjenglan hei Jehudi woipalanne Ite Paul phei tüi-e ngao shingne tam. 3Iye Jerusalemte Paul nyik-e peilak jingne iman-e Ite yoppe tong, hüyange lamme I toilak jingne iman-e konkon. 4Hüyangpoi Festus janne i: “Paul Kaisarea me phowe angnang, hüyange tüoyete tao mamshe leih yelak. 5Tüokhei Iye i, numan yo me aoyin üjenglan ngohnang, ü-phei laihah, hüyange kahtawe ülamja nehoi püohpu ngohma-a, iman-e I ümeng phone tamtüoh.”
6Festus, iman phei nyih tet yejema-a nyih pen yengoipe nyoi, hüyange tüophei me Kaisareate tai, üne nyih I ngaophün jingme shot, hüyange Paul woi peilak jingne ngaopha. 7Hüyange aope Paul peingoi, Jerusalem mepu peipu Jehudilanne I neikonne yong. Hüyange ngaoting she hüone ye-okpu ngaolan üyong maawe I phei tüi-e yahpei.
8Hüwante Paul-e I tienne i, “Jehudilan ngaokeng phei tüi-e jeyah, khümjing phei tüi-e jeyah, yejema-a Kaisar phei tüi-e jeyah taowe hang ümengo üjingha nehoi ye-om.” 9Hüyangpoi Festuswe Jehudilan mongmeine tamhuwe Paulte janne i, “Nange Jerusalemte onglak hüyange tüome ü-sheshao me tüolan ngao phünlak monge ngohya?”
10Hüyangpoi Paul-e i, “Kaisar ngaophün jingme, ümeken me ü-ngao phünlakne ngoh, tüopa tangme tao yongyange ngohnang. Nange meiye shingpuke Jehudilante taowe hang ümengo yeling. 11Tüokhei tao ümeng lingpu ja ne mengma-a, hüyange lilak wange ülam ja nehoi lingyange ngohma-a, tao minli she ye-ilak. Hüyangpoi iman-e hanghe üne tao ümengne i, hatüolan-a ja nehoi üting yejema-a aowe-o iman yakme tao phünne phapu ye-ok. Taowe Kaisar ngoine ngaolak.” 12Hüwante yoijing ngengtüplan phei shenpong yange Festus janne i, “Nange Kaisar (ahngpa) ngoiye ngaolak she iyangki; nang Kaisar ngoiye tailak wongpong.”
Ahngpa Agrippa Phei Festuswe Teingao
13Sha-a aope nyih ütenja linteiye ngoh, Ahngpa Agrippa hei Bernice ni Festus te wangshüm hüolak jingne Kaisareate peingoi. 14Tüome nyih nangjange iman nyoi ngohwante, Festuswe ahngpa shaome Paul ngaojeng ngaiye i, “Felix-e tüome kahta ja küpnok me tüoyange tai; 15hüyange aope tao Jerusalem me ngoh, Jehudi ngengpa üjenglan hüyange jeiyonglanne üte ngao shingne tamme, I phei tüi-e ngaophünlak jingne tong. 16Hüpoi taowe imante janne i, Romelan wanglam me yeshuja she lapukhong sheta teihüowe metpawe-o I phei tüi-e ngaipu ngaote tienpu ilak hipak ümei mantüo mantüo, kahta aowe-o phünne phalak she yenang. 17Aope iman üshei tüome jem, tao shonne yengohpe ünenyih muh ngaophün jingme shot, hüyange kahta-a woipeilak jingne ngaopha. 18Hüpoi aope I phei lapukhong yong, taowe teihpu kih ngaomeng jeng hanghe-o yeitampu iman-e yah yepei ok. 19Iman teimoppu liliya iman yoi yoi mengpu wanglam jengme hüyange litepu Jesu she minpu kahta ja Paul-e tüopa üyin me ngohnang ja she ipu jeng me iman mopngai. 20Hüyange taowe tüolan jeng hangke ngaoponga yamlak teihpu yetüope, Paulte Jerusalem te taiye tüome tüolan ngao phünlak jeya she taowe tong. 21Hüwante Paul-e Ahngpawe ngao phünpu tanne ngao ilakei, she ipu jingne, taowe I Kaisar tangte manshon manshon tanne anglak jingne ngaopha.”
22Hüyange Agrippawe Festus te i, “Taowe-o ünawe tüopa kahta mepu jaihu nangki.” Hüyange Festus i, “Ngainyih nange I ngao jailak.”
Agrippa Sheshao Me Paul
23Tüokhei üne nyih aope Agrippa hei Bernice yeonge müktishiwa puphei pei, hüyange iman-e haja woipalan hei chingnyu me üjengne ngohpu kahtalan phei chingjem jingte ong. Festuswe ngaophawe Paul woipei. 24Hüyange Festus i: “Ahngpa Agrippa, hüyange tüome toman phei omme ngohpu kahta üshei, Jerusalem me hüyange tüome-o Jehudilan ükhong khongkümpuwe I shaaji üyin angne yetamlak she üngwünne, ao phei tüi-e ngaopei, tüopa kahta numan-e ngenang. 25Hüyangpoi lilak wange Iye hango yeling she taowe nge, hüyange Iye yoi nying nyingke ütahpa Ahngpa ngoiye ngaolakei she ipu jingne, taowe I shonlak jingne mongyangki. 26Hüpoi I jeng ü-nokpupa tangte taowe hüke ilak shepu ngao hango yenyan ok. Tüokhei tokyang phei me taowe ülam ja nehoi nyanlak ne ngaiyalak jeyapu she, numan sheshao me, hüyange ünyei ne nang tangte, Ahngpa Agrippa! taowe I yüoyangki. 27Hangjingne küpnok me ngohpu ja teiwante, I phei tüi-e ngaipulan shingne yetampe teilaka yeshupu toi she taowe teihnang.”
Currently Selected:
LAMPULAN 25: KONYBSI
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
LAMPULAN 25
25
Festus Sheshao Me Paul Peinang
1Festus tüopa kahtokte pei pheime, nyih lüm ngohyange Kaisarea mepu Jerusalemte ong. 2Hüyange ngengpa üjenglan hei Jehudi woipalanne Ite Paul phei tüi-e ngao shingne tam. 3Iye Jerusalemte Paul nyik-e peilak jingne iman-e Ite yoppe tong, hüyange lamme I toilak jingne iman-e konkon. 4Hüyangpoi Festus janne i: “Paul Kaisarea me phowe angnang, hüyange tüoyete tao mamshe leih yelak. 5Tüokhei Iye i, numan yo me aoyin üjenglan ngohnang, ü-phei laihah, hüyange kahtawe ülamja nehoi püohpu ngohma-a, iman-e I ümeng phone tamtüoh.”
6Festus, iman phei nyih tet yejema-a nyih pen yengoipe nyoi, hüyange tüophei me Kaisareate tai, üne nyih I ngaophün jingme shot, hüyange Paul woi peilak jingne ngaopha. 7Hüyange aope Paul peingoi, Jerusalem mepu peipu Jehudilanne I neikonne yong. Hüyange ngaoting she hüone ye-okpu ngaolan üyong maawe I phei tüi-e yahpei.
8Hüwante Paul-e I tienne i, “Jehudilan ngaokeng phei tüi-e jeyah, khümjing phei tüi-e jeyah, yejema-a Kaisar phei tüi-e jeyah taowe hang ümengo üjingha nehoi ye-om.” 9Hüyangpoi Festuswe Jehudilan mongmeine tamhuwe Paulte janne i, “Nange Jerusalemte onglak hüyange tüome ü-sheshao me tüolan ngao phünlak monge ngohya?”
10Hüyangpoi Paul-e i, “Kaisar ngaophün jingme, ümeken me ü-ngao phünlakne ngoh, tüopa tangme tao yongyange ngohnang. Nange meiye shingpuke Jehudilante taowe hang ümengo yeling. 11Tüokhei tao ümeng lingpu ja ne mengma-a, hüyange lilak wange ülam ja nehoi lingyange ngohma-a, tao minli she ye-ilak. Hüyangpoi iman-e hanghe üne tao ümengne i, hatüolan-a ja nehoi üting yejema-a aowe-o iman yakme tao phünne phapu ye-ok. Taowe Kaisar ngoine ngaolak.” 12Hüwante yoijing ngengtüplan phei shenpong yange Festus janne i, “Nange Kaisar (ahngpa) ngoiye ngaolak she iyangki; nang Kaisar ngoiye tailak wongpong.”
Ahngpa Agrippa Phei Festuswe Teingao
13Sha-a aope nyih ütenja linteiye ngoh, Ahngpa Agrippa hei Bernice ni Festus te wangshüm hüolak jingne Kaisareate peingoi. 14Tüome nyih nangjange iman nyoi ngohwante, Festuswe ahngpa shaome Paul ngaojeng ngaiye i, “Felix-e tüome kahta ja küpnok me tüoyange tai; 15hüyange aope tao Jerusalem me ngoh, Jehudi ngengpa üjenglan hüyange jeiyonglanne üte ngao shingne tamme, I phei tüi-e ngaophünlak jingne tong. 16Hüpoi taowe imante janne i, Romelan wanglam me yeshuja she lapukhong sheta teihüowe metpawe-o I phei tüi-e ngaipu ngaote tienpu ilak hipak ümei mantüo mantüo, kahta aowe-o phünne phalak she yenang. 17Aope iman üshei tüome jem, tao shonne yengohpe ünenyih muh ngaophün jingme shot, hüyange kahta-a woipeilak jingne ngaopha. 18Hüpoi aope I phei lapukhong yong, taowe teihpu kih ngaomeng jeng hanghe-o yeitampu iman-e yah yepei ok. 19Iman teimoppu liliya iman yoi yoi mengpu wanglam jengme hüyange litepu Jesu she minpu kahta ja Paul-e tüopa üyin me ngohnang ja she ipu jeng me iman mopngai. 20Hüyange taowe tüolan jeng hangke ngaoponga yamlak teihpu yetüope, Paulte Jerusalem te taiye tüome tüolan ngao phünlak jeya she taowe tong. 21Hüwante Paul-e Ahngpawe ngao phünpu tanne ngao ilakei, she ipu jingne, taowe I Kaisar tangte manshon manshon tanne anglak jingne ngaopha.”
22Hüyange Agrippawe Festus te i, “Taowe-o ünawe tüopa kahta mepu jaihu nangki.” Hüyange Festus i, “Ngainyih nange I ngao jailak.”
Agrippa Sheshao Me Paul
23Tüokhei üne nyih aope Agrippa hei Bernice yeonge müktishiwa puphei pei, hüyange iman-e haja woipalan hei chingnyu me üjengne ngohpu kahtalan phei chingjem jingte ong. Festuswe ngaophawe Paul woipei. 24Hüyange Festus i: “Ahngpa Agrippa, hüyange tüome toman phei omme ngohpu kahta üshei, Jerusalem me hüyange tüome-o Jehudilan ükhong khongkümpuwe I shaaji üyin angne yetamlak she üngwünne, ao phei tüi-e ngaopei, tüopa kahta numan-e ngenang. 25Hüyangpoi lilak wange Iye hango yeling she taowe nge, hüyange Iye yoi nying nyingke ütahpa Ahngpa ngoiye ngaolakei she ipu jingne, taowe I shonlak jingne mongyangki. 26Hüpoi I jeng ü-nokpupa tangte taowe hüke ilak shepu ngao hango yenyan ok. Tüokhei tokyang phei me taowe ülam ja nehoi nyanlak ne ngaiyalak jeyapu she, numan sheshao me, hüyange ünyei ne nang tangte, Ahngpa Agrippa! taowe I yüoyangki. 27Hangjingne küpnok me ngohpu ja teiwante, I phei tüi-e ngaipulan shingne yetampe teilaka yeshupu toi she taowe teihnang.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.