LAMPULAN 26
26
Agrippa Sheshaome Paul-e Yoi Nying Nyingke Tiennang
1Hüwante Agrippawe Paulte i, “Nange nang nying nyingke nang jeng ilak jingne phanang.” Hüwante Paul-e yak hong yange I shuwe ngohpu ngao ine wang: 2“Ahngpa Agrippa! Jehudilanne tao hangjingne yeshushe i, tüopa khongkümpu jeng tenyih nang sheshao me ü-tienpu ngao ilak tüopa jingne, taowe ü-nying nyingke yatuhshao meinang she teihnangki; 3hüyange ünyei ne Jehudilan wanglam tongpu üshei me nang wange ngohpupa khei, nange nünne jailak taowe tongnang.”
4“Tao naha memuh ü-jatli yo me hüyange Jerusalem me hangke ngoh pei, hatüo Jehudilan üsheiye shing. 5Iman-e ü-jeng üwang memuh shinge, hangke toman wanglam shewanpupa ükhong phei, tao Pharisee ja ne menge ngohpei, hatüo iman nehi mongma-a, saki phapu oklak. 6Hüyange sha-a toman puyimlante Kahwange janpu, hanghepa tüolak jingne monghümnang, hatüo monghümpu jingne ü-ngao phünlak tao tüome yonge ngohnang. 7Hatüo monghümpu jingne toman jat penme niye wangnyak wangngai Kahwang te mongong mongle puphei shaoshan nang. Hüyange O Ahngpa, hatüo monghümpu jengme Jehudilanne tao yeshushe yeine tamnang! 8Kahwange lipulan yange yenetamma-a, hangne numan-e hatüo üting yelak oklakpa she teihpu?
9 #
Lam 9.1-8; 22.4-16. “Taowe Nazarethlan Jesu min phei toktei-e toimeng maawe linglak wongpong she, ütingme taowe ü-nying nyingke teihngoh. 10Hüyange hatüowa Jerusalem me-o taowe ling; hüyange ngengpa üjenglan mepu wong tüoyange hüyange üjaolan maawe taowe küpnok me ang, hüyange aope iman li ne tam, taowe iman phei tüi-e yak hong. 11Hüyange synagogue üshei me hipak lep iye iman shangne tamme, taowe iman phei tüi-e Kahwangte phoipu ngao ngaotamlak jingne ngang, hüyange imante jamloi mongshih ngaiye yinhulan chingnyulan me-o taowe iman shangne tam.”
Paul-e I Monglüppu Inang
(Lam 9.1-19; 22.6-16)
12“Hüke ütahpa ngengpalan mepu wong hüyange nyinge tampu ngao phei tao Damascus te tai. 13O Ahngpa, nyihning lamme wanghe phei sheteepu wangngai ja wangdang mepu tao hüyange ü-phei yinte taipalan neikonne teepu taowe nge. 14Hüyange aope toman üshei kahtok me toita ngoh, taowe Hebrew ngaome ngaowüng jawe üte ngaopu jai, ‘Saul! Saul! Hangne nange tao shangne tampu shi? Kahwang phei tüi-e vi me yashah hüolak nang jingne wannang.’ 15Hüwante taowe i, ‘Youngwanpa, nang ao shi?’ Hüyange Youngwanpawe i, ‘Nange shangne tampu Jesu Tao. 16#Eze 2.1,3.Hüyangpoi lüotüoh, hüyange yayong tüoh, hangjingne hangyin ngaome nange Tao ngeyangki, hüyange hangyin ngaome Taowe nang tangte ngailak, tüolan jingne nang shaoshanpa ja hüyange saki phapa ja ne menglak jingne Tao nang tangte ngaiyangki. 17Jehudilan hüyange yinhulan, aoyin tangte Taowe nang shonlak, iman yak mepu Taowe nang yinlak. 18#Isa 42.7,16.Nange iman mük eppe tamlak hüyange wangnyak mepu iman wangngaite lüppe tamlak, hüyange kahshih wong mepu Kahwang tangte ye-e tamlak, hüyange üte ütinglakpu kaiye iman ünu winpu oklak hüyange Kahwange lepu yo me mothleilak jingne Taowe nang iman tangte shonnang.’
Paul-e I Toishao Inang
19“Tüojingne, O Ahngpa Agrippa, wangdangpa himangte taowe ngao yejaipe yengoh. 20Hüyangpoi üwangne Damascus me, Jerusalem me, hüyange Judea kahtok üshei yete hüyange yinhulante-o, iman-e monglüplak wongpong she, hüyange Kahwang tangte lüplak yangshe hüyange iman monglüppe wangngoiye toi linglak yang she, taowe üngwünne tam. 21Tüojingne Jehudilanne khümjing me tao pho, hüyange tao toilak jingne ngang. 22Hüyangpoi tenyih ngoiye taowe Kahwang mepu jampu tüowe, tüopa jeng üyong hei üjoi nite taowe saki phawe, hipalan hüyange Mosawe hanghe ngailak she i, hatüo tokte kaiye taowe ülao hango ye-i-pe: 23tüowe Khrista shanglak wongpong, hüyange lipu mepu üwangne yange yepuwe, Iye Jehudilan hüyange yinhulan moini te wangngai peipu jeng nyüolak yonge ngoh nang.”
24Iye hüke tienpu ngao ngaowante, Festuswe Ite üngwün, “Paul, nang nganang! Jamloi shingpu kaiye nang nga ne tamnang!” 25Hüyangpoi Paul-e i; “Üshei tangte üyongpa Festus, tao ngapu yeje? Hüyangpoi taowe ngaoting hei bumei ngao hei ngaonang. 26Hangjingne ahngpa ao te taowe ngaiye ngaonang, Iye tüolan jeng shingnang. Hangjingne tüolan ngao hanghe-o I mepu lowe yenang she taowe ütinglak nang; hangjingne hatüo ünuk ja me lowe lingpu ne yeje. 27Ahngpa Agrippa, nange hipalan ngaote mengya? Nange mengnang she taowe, shingnang.” 28Hüyange Agrippawe Paulte i, “Hipak shohkü nohpu mongme nange tao khristan ne menge tampu oklak she teihnang kü a?” 29Paul-e jan i, “Shohkü nohpu mongme jeyah, laolüngpu me jeyah, nang shaha yeje, hüyangpoi tenyih ü-ngao jaipalan üshei, tüolan shapu tokte kaiye, iman ü-kih-e menglak jingne taowe Kahwangte yopnang!”
30Hüwante Ahngpa yong, hüyange Governor, Bernice, hüyange ülaolan üshei yong; 31hüyange aope iman-e yanne tai, iman hei iman nipa me teingaowe i, “Tüopa kahtawe lilak ne yejema-a, küpnok me anglak ne wange hango linge yenang.” 32Hüyange Agrippawe Festuste i, “Tüopa kahtawe Kaisar ngoiye ngaolakei she yengao shihma-a, hüke lanne teine-o ok hah shepu yang.”
Currently Selected:
LAMPULAN 26: KONYBSI
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
LAMPULAN 26
26
Agrippa Sheshaome Paul-e Yoi Nying Nyingke Tiennang
1Hüwante Agrippawe Paulte i, “Nange nang nying nyingke nang jeng ilak jingne phanang.” Hüwante Paul-e yak hong yange I shuwe ngohpu ngao ine wang: 2“Ahngpa Agrippa! Jehudilanne tao hangjingne yeshushe i, tüopa khongkümpu jeng tenyih nang sheshao me ü-tienpu ngao ilak tüopa jingne, taowe ü-nying nyingke yatuhshao meinang she teihnangki; 3hüyange ünyei ne Jehudilan wanglam tongpu üshei me nang wange ngohpupa khei, nange nünne jailak taowe tongnang.”
4“Tao naha memuh ü-jatli yo me hüyange Jerusalem me hangke ngoh pei, hatüo Jehudilan üsheiye shing. 5Iman-e ü-jeng üwang memuh shinge, hangke toman wanglam shewanpupa ükhong phei, tao Pharisee ja ne menge ngohpei, hatüo iman nehi mongma-a, saki phapu oklak. 6Hüyange sha-a toman puyimlante Kahwange janpu, hanghepa tüolak jingne monghümnang, hatüo monghümpu jingne ü-ngao phünlak tao tüome yonge ngohnang. 7Hatüo monghümpu jingne toman jat penme niye wangnyak wangngai Kahwang te mongong mongle puphei shaoshan nang. Hüyange O Ahngpa, hatüo monghümpu jengme Jehudilanne tao yeshushe yeine tamnang! 8Kahwange lipulan yange yenetamma-a, hangne numan-e hatüo üting yelak oklakpa she teihpu?
9 #
Lam 9.1-8; 22.4-16. “Taowe Nazarethlan Jesu min phei toktei-e toimeng maawe linglak wongpong she, ütingme taowe ü-nying nyingke teihngoh. 10Hüyange hatüowa Jerusalem me-o taowe ling; hüyange ngengpa üjenglan mepu wong tüoyange hüyange üjaolan maawe taowe küpnok me ang, hüyange aope iman li ne tam, taowe iman phei tüi-e yak hong. 11Hüyange synagogue üshei me hipak lep iye iman shangne tamme, taowe iman phei tüi-e Kahwangte phoipu ngao ngaotamlak jingne ngang, hüyange imante jamloi mongshih ngaiye yinhulan chingnyulan me-o taowe iman shangne tam.”
Paul-e I Monglüppu Inang
(Lam 9.1-19; 22.6-16)
12“Hüke ütahpa ngengpalan mepu wong hüyange nyinge tampu ngao phei tao Damascus te tai. 13O Ahngpa, nyihning lamme wanghe phei sheteepu wangngai ja wangdang mepu tao hüyange ü-phei yinte taipalan neikonne teepu taowe nge. 14Hüyange aope toman üshei kahtok me toita ngoh, taowe Hebrew ngaome ngaowüng jawe üte ngaopu jai, ‘Saul! Saul! Hangne nange tao shangne tampu shi? Kahwang phei tüi-e vi me yashah hüolak nang jingne wannang.’ 15Hüwante taowe i, ‘Youngwanpa, nang ao shi?’ Hüyange Youngwanpawe i, ‘Nange shangne tampu Jesu Tao. 16#Eze 2.1,3.Hüyangpoi lüotüoh, hüyange yayong tüoh, hangjingne hangyin ngaome nange Tao ngeyangki, hüyange hangyin ngaome Taowe nang tangte ngailak, tüolan jingne nang shaoshanpa ja hüyange saki phapa ja ne menglak jingne Tao nang tangte ngaiyangki. 17Jehudilan hüyange yinhulan, aoyin tangte Taowe nang shonlak, iman yak mepu Taowe nang yinlak. 18#Isa 42.7,16.Nange iman mük eppe tamlak hüyange wangnyak mepu iman wangngaite lüppe tamlak, hüyange kahshih wong mepu Kahwang tangte ye-e tamlak, hüyange üte ütinglakpu kaiye iman ünu winpu oklak hüyange Kahwange lepu yo me mothleilak jingne Taowe nang iman tangte shonnang.’
Paul-e I Toishao Inang
19“Tüojingne, O Ahngpa Agrippa, wangdangpa himangte taowe ngao yejaipe yengoh. 20Hüyangpoi üwangne Damascus me, Jerusalem me, hüyange Judea kahtok üshei yete hüyange yinhulante-o, iman-e monglüplak wongpong she, hüyange Kahwang tangte lüplak yangshe hüyange iman monglüppe wangngoiye toi linglak yang she, taowe üngwünne tam. 21Tüojingne Jehudilanne khümjing me tao pho, hüyange tao toilak jingne ngang. 22Hüyangpoi tenyih ngoiye taowe Kahwang mepu jampu tüowe, tüopa jeng üyong hei üjoi nite taowe saki phawe, hipalan hüyange Mosawe hanghe ngailak she i, hatüo tokte kaiye taowe ülao hango ye-i-pe: 23tüowe Khrista shanglak wongpong, hüyange lipu mepu üwangne yange yepuwe, Iye Jehudilan hüyange yinhulan moini te wangngai peipu jeng nyüolak yonge ngoh nang.”
24Iye hüke tienpu ngao ngaowante, Festuswe Ite üngwün, “Paul, nang nganang! Jamloi shingpu kaiye nang nga ne tamnang!” 25Hüyangpoi Paul-e i; “Üshei tangte üyongpa Festus, tao ngapu yeje? Hüyangpoi taowe ngaoting hei bumei ngao hei ngaonang. 26Hangjingne ahngpa ao te taowe ngaiye ngaonang, Iye tüolan jeng shingnang. Hangjingne tüolan ngao hanghe-o I mepu lowe yenang she taowe ütinglak nang; hangjingne hatüo ünuk ja me lowe lingpu ne yeje. 27Ahngpa Agrippa, nange hipalan ngaote mengya? Nange mengnang she taowe, shingnang.” 28Hüyange Agrippawe Paulte i, “Hipak shohkü nohpu mongme nange tao khristan ne menge tampu oklak she teihnang kü a?” 29Paul-e jan i, “Shohkü nohpu mongme jeyah, laolüngpu me jeyah, nang shaha yeje, hüyangpoi tenyih ü-ngao jaipalan üshei, tüolan shapu tokte kaiye, iman ü-kih-e menglak jingne taowe Kahwangte yopnang!”
30Hüwante Ahngpa yong, hüyange Governor, Bernice, hüyange ülaolan üshei yong; 31hüyange aope iman-e yanne tai, iman hei iman nipa me teingaowe i, “Tüopa kahtawe lilak ne yejema-a, küpnok me anglak ne wange hango linge yenang.” 32Hüyange Agrippawe Festuste i, “Tüopa kahtawe Kaisar ngoiye ngaolakei she yengao shihma-a, hüke lanne teine-o ok hah shepu yang.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.