WOITEI 17
17
Longnyu Mepu Yeng
(Lung 20.1-13)
1Israel bangnyuha nopu Sin wanwüng jeng tüohyange, Youngwanpawe ngaokeng phapu kih-e lak jang lak-e tai. Iman Rephidim me lakjing ling; hüpoi tüoken me kahtalan jingne yinglak yeng yenangpe ngoh. 2Tüokhei iman-e Mosa phei tee hüyange i, “Tomante yinglak yeng yahkei.”
Mosawe imante jan-e i, “Hangne numan-e ü-phei teepu? Hangne numan-e Youngwanpate tok pu shi?”
3 #
Woi 14.12; 16.3. Hüpoi kahtalan yeonge yengle hüyange Mosate yelakpe ngao. Iman-e i, “Toman hüyange toman hayimlan hüyange toman-e tampu yinmoklan yengle-e litamlak ne hangne nange Egypt mepu toman yah ngai ei?”
4Tüokhei Mosawe Youngwanpate üngwün, “Tüolan kahtalan phei taowe hang linglak? Iman-e üte longe shüplak jingne yayongne hei ngoh nangki.”
5Youngwanpawe Mosate jan i, “Nang phei Israel lwngmeilan ütam woiyah, hüyange kahtalan shaote taitüoh. Nang wongjoi hangheye nange Nile te heap, tüopa nang me jonyange taitüoh. 6Horeb me longnyu ja me nang sheshao me Tao yonglak. Longnyute heaptüoh, hüyange kahtalan-e yinglak ne tüopa mepu yeng ngaikülak.” Tüokhei Mosa-e Israel lwngmeilan sheshao me hüke ling.
7Iye tüopa nyoi te Masah hüyange Meribah she min, hangjingne Israel lan-e yemeipe ngao ngai hüyange Youngwanpa te tokpu phawe iman-e hüke tonge i, “Teman phei Youngwanpa-a ngohpu heiya yengohpu shi?”
Amaleklan Naotam
8Tüophei me Amaleklan peiye Israel phei Rephidim me hok. 9Mosawe Joshua te i, “Ngainyih Amaleklan phei hokne tailak jingne kahta ütam leye ngaitüoh. Kahmüoh shedaopu nyoi me Kahwange üte jontüoh she ipu wongjoi jonyange tao yongyange ngohlak.” 10Tüokhei Mosawe Ite ngaokeng phapu kih-e Joshuawe ling hüyange Amaleklan phei hoklak jingne yayonge tai; hüyange Mosa, Aaron, hüyange Hur iman-a kahmüoh ütangte ong. 11Hangshin me Mosawe I yak hong yange ngohlakei, Israel lan-e okpu nge, hüpoi aope lye I yak tailakei, hüwante Amalek lan-e okne wange ngoh. 12Hüpoi aope Mosa yak khaiye tayapeih, Aaron hei Hur niye I shotlak jingne long ja yahpei, I phin me imni yong, hüyange I yak japong me jonyange wanghe mannyip mannyip noyange yonge tan. 13Hükih-e linge Joshua-e Amaleklan lanshe naone tam.
14 #
Hin 25.17-19; 1 Sam 15.2-9. Hüyange Youngwanpawe Mosate i, “Tüopa teih tüowe ngohlak jingne, tüopa okpu ngepu jeng laitep me nyan-e angtüoh. Joshuate itüoh, hüke Taowe Amaleklan-a lanshe mahne tamlak.” 15Mosawe wümjong ja ling hüyange tüopa te “Youngwanpa-a Ü-khüwkam” she nyik. 16lye i, “Youngwanpa khüwkam yak-e nowe intüoh! Amaleklan phei Youngwanpawe jin ja phei me jin ja yelakpe hoklak.”
Currently Selected:
WOITEI 17: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
WOITEI 17
17
Longnyu Mepu Yeng
(Lung 20.1-13)
1Israel bangnyuha nopu Sin wanwüng jeng tüohyange, Youngwanpawe ngaokeng phapu kih-e lak jang lak-e tai. Iman Rephidim me lakjing ling; hüpoi tüoken me kahtalan jingne yinglak yeng yenangpe ngoh. 2Tüokhei iman-e Mosa phei tee hüyange i, “Tomante yinglak yeng yahkei.”
Mosawe imante jan-e i, “Hangne numan-e ü-phei teepu? Hangne numan-e Youngwanpate tok pu shi?”
3 #
Woi 14.12; 16.3. Hüpoi kahtalan yeonge yengle hüyange Mosate yelakpe ngao. Iman-e i, “Toman hüyange toman hayimlan hüyange toman-e tampu yinmoklan yengle-e litamlak ne hangne nange Egypt mepu toman yah ngai ei?”
4Tüokhei Mosawe Youngwanpate üngwün, “Tüolan kahtalan phei taowe hang linglak? Iman-e üte longe shüplak jingne yayongne hei ngoh nangki.”
5Youngwanpawe Mosate jan i, “Nang phei Israel lwngmeilan ütam woiyah, hüyange kahtalan shaote taitüoh. Nang wongjoi hangheye nange Nile te heap, tüopa nang me jonyange taitüoh. 6Horeb me longnyu ja me nang sheshao me Tao yonglak. Longnyute heaptüoh, hüyange kahtalan-e yinglak ne tüopa mepu yeng ngaikülak.” Tüokhei Mosa-e Israel lwngmeilan sheshao me hüke ling.
7Iye tüopa nyoi te Masah hüyange Meribah she min, hangjingne Israel lan-e yemeipe ngao ngai hüyange Youngwanpa te tokpu phawe iman-e hüke tonge i, “Teman phei Youngwanpa-a ngohpu heiya yengohpu shi?”
Amaleklan Naotam
8Tüophei me Amaleklan peiye Israel phei Rephidim me hok. 9Mosawe Joshua te i, “Ngainyih Amaleklan phei hokne tailak jingne kahta ütam leye ngaitüoh. Kahmüoh shedaopu nyoi me Kahwange üte jontüoh she ipu wongjoi jonyange tao yongyange ngohlak.” 10Tüokhei Mosawe Ite ngaokeng phapu kih-e Joshuawe ling hüyange Amaleklan phei hoklak jingne yayonge tai; hüyange Mosa, Aaron, hüyange Hur iman-a kahmüoh ütangte ong. 11Hangshin me Mosawe I yak hong yange ngohlakei, Israel lan-e okpu nge, hüpoi aope lye I yak tailakei, hüwante Amalek lan-e okne wange ngoh. 12Hüpoi aope Mosa yak khaiye tayapeih, Aaron hei Hur niye I shotlak jingne long ja yahpei, I phin me imni yong, hüyange I yak japong me jonyange wanghe mannyip mannyip noyange yonge tan. 13Hükih-e linge Joshua-e Amaleklan lanshe naone tam.
14 #
Hin 25.17-19; 1 Sam 15.2-9. Hüyange Youngwanpawe Mosate i, “Tüopa teih tüowe ngohlak jingne, tüopa okpu ngepu jeng laitep me nyan-e angtüoh. Joshuate itüoh, hüke Taowe Amaleklan-a lanshe mahne tamlak.” 15Mosawe wümjong ja ling hüyange tüopa te “Youngwanpa-a Ü-khüwkam” she nyik. 16lye i, “Youngwanpa khüwkam yak-e nowe intüoh! Amaleklan phei Youngwanpawe jin ja phei me jin ja yelakpe hoklak.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.