WOITEI 18
18
Mosa Tangte Jethro Pei
1Jethro, Midian ngengpa, hüyange Mosa üküowe, hangke Youngwanpawe Egypt mepu Israellan woiye pei, hüyange Mosa hei Israel kahtalan jingne hangke Kahwange toi ling khongkümpu jai. 2Mosawe yoi shekonyu Zipporah shon teiyang phei me, Iküo Jethro-e yha, 3#Lam 7.29.hüyange yha ha ni yah. Naoshe jate Gershom she min, hangjingne Mosawe i, “Heangching kahtok me tao yinpa ja ne ngohyangki.” 4Hüyange japate Eliezer she min, hangjingne Iye i, “Üpalan Kahwang-a üte jampa; Iye Pharaoh yanglow mepu tao yintam.” 5Mosa sheko hüyange Iha ni phei üjao kahtang ümeken me Mosa-e lakjing lingyange ngoh tüopa wanwüng jeng te Jethro pei. 6Iye Mosate ngaolan shon-e i, “Tao nangküo Jethro nenok sheko hüyange Iha ni phei, nang tangte peiküki.” 7Tüokhei Mosa Iküo pongte yuwe Ite wangshüm hüowe khuhtawe khüm, hüyange Ite omhüp. Hüyange iman-e meiye ngohyangpu heiya yengohpu teingao, tüophei me Mosa jing nyenok ümongte ong. 8Hüyange Israellan yin-e tamlak jingne Youngwanpawe ahngpa hüyange Egyptlante lingyangpu üshei, Mosawe Jethro te i. Hüyange lye üne-o lamme imante ngoipu shaoshi khongkümpu, hüyange Youngwanpawe iman hangke yin-e tam tüolan jeng Mosawe Iküo te i. 9Egyptlan yak mepu Israel yintamlak jingne Youngwanpawe lingpu, meipulam khongkümpu jai-e Jethro mongmei yangki.
10Jethrowe i, “Youngwanpate minyongtüoh, aohe-e Egyptlan hüyange Ahngpa mepu numan yintam! 11Sha-a taowe shing, ülao kahwanglan üshei phei Youngwanpa sheyongpupa ngoh nang; hangjingne, aope iman-e Israellan te yemeipe ling, lye Egyptlan yak mepu kahtalan yinne tam.” 12Hüyange Jethro, Mosa Iküo-e, jak dolak hüyange Kahwangte toidolak yahpei; hüyange Kahwang ompu phei Mosa Iküo phei hahyinglak jingne, Israel woipalan khongkümpu phei Aaron pei.
Kahpalan Lepu
(Hin 1.9-18)
13Üne nyih Mosa-e kahtalan ngaophünlak jingne shot; hüyange kahtalan-e shom mepu ün ngoiye Mosa neikon-e yonge nan yengai tampe ngoh. 14Aope shemin lamphe Mosa shahawe linglak ne ngaipu Jethrowe nge, lye tong; “Nange kahtalan jingne ling hümpu tüolan lili-a hangkihpu shi? Shom mepu ün ngoiye nang phei ngaolak jingne kahta khongkümpu yongne tam-e, nang shahawe tüolan khongkümpu hangne linghümpu!”
15Mosawe Iküote jan i, “Taowe tüopa lingne ngainang, hangjingne kahtalan-e Kahwangpawe mongpu shinghupu jingne ü-tangte peinang. 16Aope kahta nipa me moppu ngohlakei, iman ü-tangte peinang, hüyange iman pa me aohipa shuwe ngohnang, taowe hüke ngao phünne tamnang, hüyange taowe imante Kahwang ngaokhüm hüyange lye phünne tampu shingne tamnang.”
17Mosa Iküo-e Ite i, “Nange hanghe lingnang hatüo-a meipu yeje. 18Ütingme nang hüyange nang phei ngohpu tüolan kahtalan-a nyai-e shonlak. Hangjingne hatüo toishaolan nang shahawe linglaka jamloi nang. 19Sha-a taowe nangte shemeipupa kon ütam yah phaning, hüyange nang phei Kahwang omme ngohlak. Kahwang sheshao me kahtalan woi peiye tamlaka hüyange iman moppu Ite peitamlaka nang jingne tingpu toishao ngohnang. 20Nange imante Kahwangpa ngaokhüm nyüowe tamlak yang hüyange iman hangke nyoilak hüyange iman-e hanghe linglak meimei-e nyüoweleiye tamlak yang. 21Hüpoi tüo tokte, nange hünghao ngohpu kahta ütam lelak yang hüyange kahtalan woipalan ne menglak jingne iman letamlak yang: haja tang me, gho ja tangme, denga tangme, hüyange pen tangme woipa ne menge tamlak yang. Iman-a Kahwang te nyampu hüyange kahtalan-e monghahlak ne ngoh okpu, hünghao lojai te yekenpu kahtalanne menglak yang. 22Hüyange kahtalan tangme hipak lep iye iman-e ngaophünne tamtüoh; hüyange ngaonyu khongkümpuwa iman-e nang tangte yah-e peilak, hüpoi üjoi ünao ngao lili-a iman nying nyingke phünlak. Hükih-e iman-e nang toishao te jampu kaiye nangjing ne hangki yih shelan she ngohlak.
23“Hükih-e nange lingma-a hüyange hatüowa Kahwange mongpu ne mengma-a nang teshin-e tonyaipu yenanglak, hüyange ngao phün shophei me kahtalan-a chingmei me yoi yoi nokte yekümlak.”
24Tüokhei Mosawe Iküo-e ipu ngao me yah hüyange Iye ipu khongkümpu ling. 25Hüyange Mosawe Israel üshei mepu hünghao pheipu kahta le; hüyange haja tangme, gho ja tangme, denga tangme, hüyange penlan tang me woipa ne menge tam. 26Hüyange hipak lep iye iman-e kahtalan ngaophün, ye-okpu ngaonyu iman-e Mosa tangte yah pei, hüpoi ngao üjoi ünao khongkümpu iman-e iman nying nyingke phün.
27Tüophei me Mosawe yoi küo taine tam; hüyange Jethro yoi lamnyu yoi kahtok te leihye.
Currently Selected:
WOITEI 18: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
WOITEI 18
18
Mosa Tangte Jethro Pei
1Jethro, Midian ngengpa, hüyange Mosa üküowe, hangke Youngwanpawe Egypt mepu Israellan woiye pei, hüyange Mosa hei Israel kahtalan jingne hangke Kahwange toi ling khongkümpu jai. 2Mosawe yoi shekonyu Zipporah shon teiyang phei me, Iküo Jethro-e yha, 3#Lam 7.29.hüyange yha ha ni yah. Naoshe jate Gershom she min, hangjingne Mosawe i, “Heangching kahtok me tao yinpa ja ne ngohyangki.” 4Hüyange japate Eliezer she min, hangjingne Iye i, “Üpalan Kahwang-a üte jampa; Iye Pharaoh yanglow mepu tao yintam.” 5Mosa sheko hüyange Iha ni phei üjao kahtang ümeken me Mosa-e lakjing lingyange ngoh tüopa wanwüng jeng te Jethro pei. 6Iye Mosate ngaolan shon-e i, “Tao nangküo Jethro nenok sheko hüyange Iha ni phei, nang tangte peiküki.” 7Tüokhei Mosa Iküo pongte yuwe Ite wangshüm hüowe khuhtawe khüm, hüyange Ite omhüp. Hüyange iman-e meiye ngohyangpu heiya yengohpu teingao, tüophei me Mosa jing nyenok ümongte ong. 8Hüyange Israellan yin-e tamlak jingne Youngwanpawe ahngpa hüyange Egyptlante lingyangpu üshei, Mosawe Jethro te i. Hüyange lye üne-o lamme imante ngoipu shaoshi khongkümpu, hüyange Youngwanpawe iman hangke yin-e tam tüolan jeng Mosawe Iküo te i. 9Egyptlan yak mepu Israel yintamlak jingne Youngwanpawe lingpu, meipulam khongkümpu jai-e Jethro mongmei yangki.
10Jethrowe i, “Youngwanpate minyongtüoh, aohe-e Egyptlan hüyange Ahngpa mepu numan yintam! 11Sha-a taowe shing, ülao kahwanglan üshei phei Youngwanpa sheyongpupa ngoh nang; hangjingne, aope iman-e Israellan te yemeipe ling, lye Egyptlan yak mepu kahtalan yinne tam.” 12Hüyange Jethro, Mosa Iküo-e, jak dolak hüyange Kahwangte toidolak yahpei; hüyange Kahwang ompu phei Mosa Iküo phei hahyinglak jingne, Israel woipalan khongkümpu phei Aaron pei.
Kahpalan Lepu
(Hin 1.9-18)
13Üne nyih Mosa-e kahtalan ngaophünlak jingne shot; hüyange kahtalan-e shom mepu ün ngoiye Mosa neikon-e yonge nan yengai tampe ngoh. 14Aope shemin lamphe Mosa shahawe linglak ne ngaipu Jethrowe nge, lye tong; “Nange kahtalan jingne ling hümpu tüolan lili-a hangkihpu shi? Shom mepu ün ngoiye nang phei ngaolak jingne kahta khongkümpu yongne tam-e, nang shahawe tüolan khongkümpu hangne linghümpu!”
15Mosawe Iküote jan i, “Taowe tüopa lingne ngainang, hangjingne kahtalan-e Kahwangpawe mongpu shinghupu jingne ü-tangte peinang. 16Aope kahta nipa me moppu ngohlakei, iman ü-tangte peinang, hüyange iman pa me aohipa shuwe ngohnang, taowe hüke ngao phünne tamnang, hüyange taowe imante Kahwang ngaokhüm hüyange lye phünne tampu shingne tamnang.”
17Mosa Iküo-e Ite i, “Nange hanghe lingnang hatüo-a meipu yeje. 18Ütingme nang hüyange nang phei ngohpu tüolan kahtalan-a nyai-e shonlak. Hangjingne hatüo toishaolan nang shahawe linglaka jamloi nang. 19Sha-a taowe nangte shemeipupa kon ütam yah phaning, hüyange nang phei Kahwang omme ngohlak. Kahwang sheshao me kahtalan woi peiye tamlaka hüyange iman moppu Ite peitamlaka nang jingne tingpu toishao ngohnang. 20Nange imante Kahwangpa ngaokhüm nyüowe tamlak yang hüyange iman hangke nyoilak hüyange iman-e hanghe linglak meimei-e nyüoweleiye tamlak yang. 21Hüpoi tüo tokte, nange hünghao ngohpu kahta ütam lelak yang hüyange kahtalan woipalan ne menglak jingne iman letamlak yang: haja tang me, gho ja tangme, denga tangme, hüyange pen tangme woipa ne menge tamlak yang. Iman-a Kahwang te nyampu hüyange kahtalan-e monghahlak ne ngoh okpu, hünghao lojai te yekenpu kahtalanne menglak yang. 22Hüyange kahtalan tangme hipak lep iye iman-e ngaophünne tamtüoh; hüyange ngaonyu khongkümpuwa iman-e nang tangte yah-e peilak, hüpoi üjoi ünao ngao lili-a iman nying nyingke phünlak. Hükih-e iman-e nang toishao te jampu kaiye nangjing ne hangki yih shelan she ngohlak.
23“Hükih-e nange lingma-a hüyange hatüowa Kahwange mongpu ne mengma-a nang teshin-e tonyaipu yenanglak, hüyange ngao phün shophei me kahtalan-a chingmei me yoi yoi nokte yekümlak.”
24Tüokhei Mosawe Iküo-e ipu ngao me yah hüyange Iye ipu khongkümpu ling. 25Hüyange Mosawe Israel üshei mepu hünghao pheipu kahta le; hüyange haja tangme, gho ja tangme, denga tangme, hüyange penlan tang me woipa ne menge tam. 26Hüyange hipak lep iye iman-e kahtalan ngaophün, ye-okpu ngaonyu iman-e Mosa tangte yah pei, hüpoi ngao üjoi ünao khongkümpu iman-e iman nying nyingke phün.
27Tüophei me Mosawe yoi küo taine tam; hüyange Jethro yoi lamnyu yoi kahtok te leihye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.