WOITEI 3
3
Kahwange Mosate Nyik
1 #
Woi 6.2-13. Sha-a aope Mosawe Midian ngengpa I küo Jethro nokjing mantoop yom-e ngoh yapeih, lye mantoop-a kahko yete teine tamyange, Horeb, Kahwang kahtangte leih ye. 2#Lam 7.30.Tüoken phümtümp mepu vünloong ja me Youngwanpa shongmokpa I tangte ngai. Tüopa phümtümp me vünloongpu Mosawe nge hüpoi tüopa hah yeshu! 3Hüwante Mosawe i, “Hangne phümtümp-a hah yekümpu? Tao she-o she wenlakei, hüyange hatüo ngaipu üyongte leilakei.”
4Aope Youngwanpawe Mosa-a leilak jingne she-o she wenpu nge, phümtümp mepu Youngwanpawe Ite nyik hüyange i, “Mosa! Mosa!” lye jan, “Oi, tao tüome ngohnang.”
5 #
Lam 7.33. Hüwante Kahwange i, “Tüome shaaji owe tahwen. Nang ya mepu yashom khoktüoh, hangjingne hanghe kahmük me nang yong nang hatüowa üjao nyoi ngoh nang. 6#Mt 22.32; Mk 12.26; Lk 20.37; Lam 3.13; 7.32.Iye üne-o i, Taowa nangjing pajeiyonglan Kahwang, Abraham Kahwang, Isaac Kahwang, hüyange Jacob Kahwang ngoh nang.” Tüokhei Mosawe yoi sheta jüo, hangjingne Kahwang te leilak jingne I nyam.
7Hüwante Youngwanpawe i, “Taowe ü-kahtalan Egypt kahtok me shaoshi yatengpu ngeteki; hüyange imante yemeipe jonpu mepu yinpha she iman üngwünpu Taowe jaiteki. Ütingme iman shanghah shaoshipu jeng khongküm Taowe shingnang. 8Tüokhei iman Egyptlan yak mepu yinlak, hüyange tüopa kahtok mepu woiye shemeipupa hüyange shekhaopupa kahmük ja hüke kahtok üyao hüyange wangman-e hahnyoi ngohpu#Düamyeng hei zahtai jelo yin-e ngohpu kahmük she-o ngelak. kahmükte woiyeteilak jingne hüyange sha-a Kananlan, Hitlan, hüyange Amorlan, hei Perizzlan, hüyange Hivlan hei Jebuslan ngohpu kahtok te iman woiteilak jingne Tao pei. 9Israel hayimlan ne üngwünpu ü-tangte ngoiteki hüyange Egyptlan ne iman hanghe shaoshipuwe shaoshi ne tamnang, tüopa-o Taowe ngeteki. 10Tüokhei yayong tüoh, Taowe ü-kahtalan Israel hayim Egypt kahtok mepu woi teilak jingne Taowe nang Egypt ahngpa tangte shonlak.”
11Hüpoi Mosawe Kahwangte hüke i, “Taowa minshing kahta ja ne-o yeje. Egypt kahtok mepu Israel lan woiteilak jingne ahngpa tangte tao hangke taiye oklak?”
12Kahwange jan-e i, “Tao nang phei ngohlak, hüyange aope nange kahtalan Egypt mepu yah ngailakei, nange üte tüopa kahtang me yoppe khümlak. Tüopa toiye hüopu kaiye Taowe nang shonyangki she shinglak.”
Üjaopa Min Ngaitam
13Tüoyangpoi Mosawe Kahwangte jan-e i, “Tao Israellan tangte tai-e imante ‘Numan jing pajeiyonglan Kahwange tao numan tangte shon,’ she iwante, iman-e üte, ‘Ite hangke minpu?’ tongma-a, taowe imante hangke ilak?”
14Kahwange Mosate i, “Taowa Tao” Üne-o lye i, “Israel kahtalante tüo itüoh, ‘Taowe numan tangte Tao shonnang.’ ” 15Kahwange Mosate i, “Israellante hüke Youngwanpa, numanjing pajeiyonglan Kahwang, Abraham, Isaac, hüyange Jacob Kahwange numan tangte tao shon. Jintepu jingne ü-min-a tüokih hei ngohkülak; hatüo hüke ngoikülak jin üsheime üte nyiklak. 16Taitüoh hüyange Israel lwngmeilan jamshe shaijem tüoh hüyange imante itüoh hüke Tao Youngwanpa, imanjing pajeiyong Kahwang, Abraham, Isaac, hüyange Jacob Kahwang nang tangte ngai she itüoh. Imante itüoh, hüke Tao iman tangte pei hüyange Egypt lan-e imante hanghe ling, ngeteki she itüoh. 17Hüyange Taowe jan, Taowe numan Egypt me shanghah shaoshipu mepu Kananlan, Hitlan, Amorlan, Perizzlan, Hivlan, hüyange Jebuslan kahtok, hüyange düamyeng hei zahtai jelo yin-e ngohpu kahtok te woiteilak.”
18“Nange imante hanghe ilakei ü-kahtalan-e jaikülak. Tüokhei Egypt ahngpa tangte Israel woipalan phei nang tailak yang hüyange Ite itüoh, ‘Youngwanpa Hebrewlan Kahwang I nying nyingke toman tangte ngaiyangki. Sha-a toman Kahwang, Youngwanpa te toidopu phalak jingne wanwüng kahtok te nyih lüm mongme kem-e taine tomante tampha.’ 19Ite kange lingne mantam mantam Egypt ahngpawe numante taine yetam külak-a Taowe shingnang. 20Tüokhei Taowe ü-ünganwong jonlak hüyange iman kahtok me nyam nyam shepu toi linge tampu kaiye Taowe Egypt te shaoshi yateng ne tamlak. Tüophei me lye numan taine tampha lak.
21“Numan te Egyptlan-e wangshüm hüolak ne Taowe linge tamlak, tüo kaiye aope ü-kahtalan tailakei iman yakkeng me yetai lak. 22Israel sheko lili yoi yupinyu Egyptlan tangte tailak hüyange yha nok me nyoi ngohpu Egyptlan sheko jajahi tangte tailak hüyange inkheklan jingne hüyange hon hei khüm juyük jingne tonglak. Hüke Israel lan-e tüolan-a iman hala yhalalan me yah ne tamlak, hüyange Egyptlan jing moth-a kiye tailak.”
Currently Selected:
WOITEI 3: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
WOITEI 3
3
Kahwange Mosate Nyik
1 #
Woi 6.2-13. Sha-a aope Mosawe Midian ngengpa I küo Jethro nokjing mantoop yom-e ngoh yapeih, lye mantoop-a kahko yete teine tamyange, Horeb, Kahwang kahtangte leih ye. 2#Lam 7.30.Tüoken phümtümp mepu vünloong ja me Youngwanpa shongmokpa I tangte ngai. Tüopa phümtümp me vünloongpu Mosawe nge hüpoi tüopa hah yeshu! 3Hüwante Mosawe i, “Hangne phümtümp-a hah yekümpu? Tao she-o she wenlakei, hüyange hatüo ngaipu üyongte leilakei.”
4Aope Youngwanpawe Mosa-a leilak jingne she-o she wenpu nge, phümtümp mepu Youngwanpawe Ite nyik hüyange i, “Mosa! Mosa!” lye jan, “Oi, tao tüome ngohnang.”
5 #
Lam 7.33. Hüwante Kahwange i, “Tüome shaaji owe tahwen. Nang ya mepu yashom khoktüoh, hangjingne hanghe kahmük me nang yong nang hatüowa üjao nyoi ngoh nang. 6#Mt 22.32; Mk 12.26; Lk 20.37; Lam 3.13; 7.32.Iye üne-o i, Taowa nangjing pajeiyonglan Kahwang, Abraham Kahwang, Isaac Kahwang, hüyange Jacob Kahwang ngoh nang.” Tüokhei Mosawe yoi sheta jüo, hangjingne Kahwang te leilak jingne I nyam.
7Hüwante Youngwanpawe i, “Taowe ü-kahtalan Egypt kahtok me shaoshi yatengpu ngeteki; hüyange imante yemeipe jonpu mepu yinpha she iman üngwünpu Taowe jaiteki. Ütingme iman shanghah shaoshipu jeng khongküm Taowe shingnang. 8Tüokhei iman Egyptlan yak mepu yinlak, hüyange tüopa kahtok mepu woiye shemeipupa hüyange shekhaopupa kahmük ja hüke kahtok üyao hüyange wangman-e hahnyoi ngohpu#Düamyeng hei zahtai jelo yin-e ngohpu kahmük she-o ngelak. kahmükte woiyeteilak jingne hüyange sha-a Kananlan, Hitlan, hüyange Amorlan, hei Perizzlan, hüyange Hivlan hei Jebuslan ngohpu kahtok te iman woiteilak jingne Tao pei. 9Israel hayimlan ne üngwünpu ü-tangte ngoiteki hüyange Egyptlan ne iman hanghe shaoshipuwe shaoshi ne tamnang, tüopa-o Taowe ngeteki. 10Tüokhei yayong tüoh, Taowe ü-kahtalan Israel hayim Egypt kahtok mepu woi teilak jingne Taowe nang Egypt ahngpa tangte shonlak.”
11Hüpoi Mosawe Kahwangte hüke i, “Taowa minshing kahta ja ne-o yeje. Egypt kahtok mepu Israel lan woiteilak jingne ahngpa tangte tao hangke taiye oklak?”
12Kahwange jan-e i, “Tao nang phei ngohlak, hüyange aope nange kahtalan Egypt mepu yah ngailakei, nange üte tüopa kahtang me yoppe khümlak. Tüopa toiye hüopu kaiye Taowe nang shonyangki she shinglak.”
Üjaopa Min Ngaitam
13Tüoyangpoi Mosawe Kahwangte jan-e i, “Tao Israellan tangte tai-e imante ‘Numan jing pajeiyonglan Kahwange tao numan tangte shon,’ she iwante, iman-e üte, ‘Ite hangke minpu?’ tongma-a, taowe imante hangke ilak?”
14Kahwange Mosate i, “Taowa Tao” Üne-o lye i, “Israel kahtalante tüo itüoh, ‘Taowe numan tangte Tao shonnang.’ ” 15Kahwange Mosate i, “Israellante hüke Youngwanpa, numanjing pajeiyonglan Kahwang, Abraham, Isaac, hüyange Jacob Kahwange numan tangte tao shon. Jintepu jingne ü-min-a tüokih hei ngohkülak; hatüo hüke ngoikülak jin üsheime üte nyiklak. 16Taitüoh hüyange Israel lwngmeilan jamshe shaijem tüoh hüyange imante itüoh hüke Tao Youngwanpa, imanjing pajeiyong Kahwang, Abraham, Isaac, hüyange Jacob Kahwang nang tangte ngai she itüoh. Imante itüoh, hüke Tao iman tangte pei hüyange Egypt lan-e imante hanghe ling, ngeteki she itüoh. 17Hüyange Taowe jan, Taowe numan Egypt me shanghah shaoshipu mepu Kananlan, Hitlan, Amorlan, Perizzlan, Hivlan, hüyange Jebuslan kahtok, hüyange düamyeng hei zahtai jelo yin-e ngohpu kahtok te woiteilak.”
18“Nange imante hanghe ilakei ü-kahtalan-e jaikülak. Tüokhei Egypt ahngpa tangte Israel woipalan phei nang tailak yang hüyange Ite itüoh, ‘Youngwanpa Hebrewlan Kahwang I nying nyingke toman tangte ngaiyangki. Sha-a toman Kahwang, Youngwanpa te toidopu phalak jingne wanwüng kahtok te nyih lüm mongme kem-e taine tomante tampha.’ 19Ite kange lingne mantam mantam Egypt ahngpawe numante taine yetam külak-a Taowe shingnang. 20Tüokhei Taowe ü-ünganwong jonlak hüyange iman kahtok me nyam nyam shepu toi linge tampu kaiye Taowe Egypt te shaoshi yateng ne tamlak. Tüophei me lye numan taine tampha lak.
21“Numan te Egyptlan-e wangshüm hüolak ne Taowe linge tamlak, tüo kaiye aope ü-kahtalan tailakei iman yakkeng me yetai lak. 22Israel sheko lili yoi yupinyu Egyptlan tangte tailak hüyange yha nok me nyoi ngohpu Egyptlan sheko jajahi tangte tailak hüyange inkheklan jingne hüyange hon hei khüm juyük jingne tonglak. Hüke Israel lan-e tüolan-a iman hala yhalalan me yah ne tamlak, hüyange Egyptlan jing moth-a kiye tailak.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.