WOITEI 4
4
Mosa Me Yashanlak Ünganwong
1Hüwante Mosawe Youngwanpa te jan-e i, “Hüpoi leppu ja me Israel lan-e üte ütinglak-e yeteih hüyange taowe hanghe i tüopate üting yelakma-a; hüyange üte nang ngaiye yehüoja she iman-e ima-a taowe hangke ilak?”
2Tüokhei Youngwanpa Ite tonge i, “Nang yak me hanghe jonyange ngoh nangki?”
Iye i, “Wongjoi ja.”
3Youngwanpawe i, “Tüopa-a kahtokte shüptam tüoh.” Tüokhei Iye wongjoi-a kahtokte shüp, hüyange tüopa-a pu ne meng, hüwante Mosa tüopa mepu tokphei te shin ye. 4Hüwante Youngwanpawe Mosa te i, “Nang yak ngaitüoh, hüyange ünyei me jonyange toon yahtüoh.” Tüokhei I khuhta hüyange tüopa phowe yah, hüyange tüopa-a nishe wongjoi ne meng. 5Youngwanpawe i, “Israellante hüke Youngwanpa imanjing pajeiyonglan Kahwang, Abraham, Isaac, hüyange Jacob Kahwang nang tangte ngaiyangpu yang she shinglak jingne tüopa lingtüoh.”
6Youngwanpawe Mosa te üne-o ngao, “Nange nang phakshaoh ülao khok me nang yak phoh tüoh.” Hüyange Mosawe hüke I yak phoh, hüyange aope lye yoi yak yah ngaiyapeih, I yak-a ngon maa phei yi kih-e henge ngoh yangki. 7Tüophei me Youngwanpawe i, “Nang jing phakshaoh ülao khokte nishe nang yak phoh tüoh.” Tüokhei lye hüke yoi yak nishe phoh, hüyange aope lye tüopa okke ngai, leihuyah, hatüowa ülao tangta kih-e meiteiye ngoh. 8Youngwanpawe i, “Iman-e nangte üting yelakma-a, yejema-a üwangpa kahnyingwüngha me mong yehahküma-a, iman-e nishepupa kahnyingwünghawe mong hahkülak. 9Hüyange tüopa kahnyingwüngha ni lingyang phei te iman-e üting yelakma-a yejema-a nange hanghe iyangki tüote iman-e minjai she ima-a, hüwante nange Nile mepu yeng shaowe kahtok üwan tangme shoktüoh; hüyange hanghe yeng nange Nile mepu shao in, tüopa kahtok üwan tangme iy ne mengkülak.”
10Hüpoi Mosawe Youngwanpate i, “Tüone yeje, Youngwanpa, tao tah shon tampha. Taowa aope-o ngao meiye manngao ok, hüyange nange ü-phei ngao phei me peiye taowe aope-o ngao ipa ja ne manmeng. Taowa ngao meiye yengao okpu, monglaowe hüyange nüngneipu kahta.”
11Hüwante Youngwanpawe Ite i, “Aowe kahta te I ju pha pu? Aowe I napanpa ne yejema-a yee shohpa ne lingpu? Aowe Ite mük pha yejema-a I mükmüopa ne linge tampu? Hatüowa Tao, Youngwanpa ne üje a? 12Tüokhei sha-a taitüoh! Ngao ngaolak jingne Taowe nangte jamlak, hüyange nange hanghe ngaolak hatüo Taowe nangte ilak.”
13Hüpoi Mosawe jan-e i, “Tüone yeje, Youngwanpa; chingmei lam linge ütamja shon shih.”
14Hüwante Youngwanpawe Mosa phei mongshih ngai, hüyange i, “Levi nokphong me nangjei Aaron yenang a? lye meiye ngaopu oknang she Taowe shing nang. Ütingpa me I sha-a nang phei hüolak jingne peiküpu; hüyange aope lye nang ngelakei, lye yoi mongjang me mongmeiye ngohlak. 15Hüyange nange I phei ngaolak, hüyange ngaowa I ju me hinne tamlak, hüyange Taowe nangju hei I ju phei omme ngohlak, hüyange nangni moi ni-e hanghe linglak Taowe hüolak. 16I-a nang jingne ngao ipane menglak hüyange nang nanleiye kahtalan phei ngaolak. Hüwante nanga Kahwang kih-e, hanghe ngaolakei Ite ine tam-e ngohlak. 17Nang phei tüopa wongjoi yahtüoh, hangjingne tüopa phei nange kahnyingwüngha linge ngailak.”
Egypt Te Mosa Leihye
18Tüophei me Mosa Iküo Jethro tangte leihye, hüyange Ite i, “Egypt kahtok me ngohpu ü-jeihei naolan üne-o üyin me muh ngohlak heiya hangke ngohlakei leilak jingne chingmei lam linge tao taine tampha.” Jethro-e monge yah, hüyange Ite meiye taitüoh she i.
19 #
Lam 7.34. Aope Mosa Midian me muh ngoh, Youngwanpawe Ite i, “Egypt kahtok te leih yetüoh; hangjingne aoyinne nang toilak jingne yam iman khongkümpu liteki.” 20Tüokhei Mosawe yoi sheko hei I halan woi peiye gado me iman üshei shotne tam, hüyange iman Egypt kahtokte leih ye, hüyange Mosawe Kahwang wongjoi yoi yak me jon.
21Hüyange Youngwanpawe Mosa te üne-o i, “Sha-a nanga Egypt te leih ye nang, hanghepa kahnyingwüngha linglak jingne Taowe nang te ünganwong pha khongkümpu Egypt ahngpa sheshao me linge hüolak teih tüoyah. Hüpoi Taowe ahngpa-a üngei ne linge tamlak, hüyange lye kahtalan taine yetamkülak. 22Hüwante nange Ite hüke ilak, hüke Tao, Youngwanpawe inang, Israel-a üha, ü-üwangpa ha ngoh nang. 23Taowe nangte ü-ha taine tamtüoh she inang, hümme nakshih lye üte yoppe khümlak. Hüpoi nange I teilak yemong; Tüokhei, Taowe nangha jeiyongpa toitamlak.” 24Egypt te tailam ümeken me iman lakjing nyoi ling, tüome Youngwanpawe Mosa hüo hüyange I toilak jingne ngang. 25Hüwante Inok shekonyu Zipporah-e ünah pheipu long yahpuwe yoiha üsho khüp, hüyange Mosa ya te tüopawe shahtam; hüyange yhawe i, “Ütingme üjingne iy kaiye nokyam tampu nyemthepa-a nang ngohnang!” 26Tüokhei Youngwanpawe Mosa hüke yinne tam. Hüwante üsho khüppe tampu nanjingne yhawe i, “Iy kaiye nokne mengpu nyemthepa nang ngoh nang.”
27Hüke ngohpu hipak me Youngwanpawe Aaron te i, “Mosa phei hüolak jingne wanwüng jengte taitüoh.” Tüokhei I phei hüolak jingne I tai, hüyange Kahwang kahtang me lye I hüowe Ite omhüp. 28Hüyange Youngwanpa ngao khongkümpu hanghepa ngao ilak jingne lye I shon, hüyange lye Ite kahnyingwüngha khongkümpu hanghe yin linglak jingne tam, tüolan-a Mosawe Aaronte i. 29Tüophei me Mosa hei Aaron ni Egypt te tai hüyange Israel lwngmei kahtalan khongkümpu jamshe jem ne tam. 30Hüyange Youngwanpawe Mosa te ngaopu ngao khongkümpu Aaron-e imante ngaotam, hüyange tüophei me kahtalan sheshao me Mosawe kahnyingwüngha ling. 31Hüyange kahtalan-e ütinglak; hüyange Youngwanpawe Israel hayimlan tangte peiteki hüyange lye iman shaoshi yateng ngeteki she aope iman-e jai, hüwante iman ngüm khuhtawe iman-e khüm.
Currently Selected:
WOITEI 4: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
WOITEI 4
4
Mosa Me Yashanlak Ünganwong
1Hüwante Mosawe Youngwanpa te jan-e i, “Hüpoi leppu ja me Israel lan-e üte ütinglak-e yeteih hüyange taowe hanghe i tüopate üting yelakma-a; hüyange üte nang ngaiye yehüoja she iman-e ima-a taowe hangke ilak?”
2Tüokhei Youngwanpa Ite tonge i, “Nang yak me hanghe jonyange ngoh nangki?”
Iye i, “Wongjoi ja.”
3Youngwanpawe i, “Tüopa-a kahtokte shüptam tüoh.” Tüokhei Iye wongjoi-a kahtokte shüp, hüyange tüopa-a pu ne meng, hüwante Mosa tüopa mepu tokphei te shin ye. 4Hüwante Youngwanpawe Mosa te i, “Nang yak ngaitüoh, hüyange ünyei me jonyange toon yahtüoh.” Tüokhei I khuhta hüyange tüopa phowe yah, hüyange tüopa-a nishe wongjoi ne meng. 5Youngwanpawe i, “Israellante hüke Youngwanpa imanjing pajeiyonglan Kahwang, Abraham, Isaac, hüyange Jacob Kahwang nang tangte ngaiyangpu yang she shinglak jingne tüopa lingtüoh.”
6Youngwanpawe Mosa te üne-o ngao, “Nange nang phakshaoh ülao khok me nang yak phoh tüoh.” Hüyange Mosawe hüke I yak phoh, hüyange aope lye yoi yak yah ngaiyapeih, I yak-a ngon maa phei yi kih-e henge ngoh yangki. 7Tüophei me Youngwanpawe i, “Nang jing phakshaoh ülao khokte nishe nang yak phoh tüoh.” Tüokhei lye hüke yoi yak nishe phoh, hüyange aope lye tüopa okke ngai, leihuyah, hatüowa ülao tangta kih-e meiteiye ngoh. 8Youngwanpawe i, “Iman-e nangte üting yelakma-a, yejema-a üwangpa kahnyingwüngha me mong yehahküma-a, iman-e nishepupa kahnyingwünghawe mong hahkülak. 9Hüyange tüopa kahnyingwüngha ni lingyang phei te iman-e üting yelakma-a yejema-a nange hanghe iyangki tüote iman-e minjai she ima-a, hüwante nange Nile mepu yeng shaowe kahtok üwan tangme shoktüoh; hüyange hanghe yeng nange Nile mepu shao in, tüopa kahtok üwan tangme iy ne mengkülak.”
10Hüpoi Mosawe Youngwanpate i, “Tüone yeje, Youngwanpa, tao tah shon tampha. Taowa aope-o ngao meiye manngao ok, hüyange nange ü-phei ngao phei me peiye taowe aope-o ngao ipa ja ne manmeng. Taowa ngao meiye yengao okpu, monglaowe hüyange nüngneipu kahta.”
11Hüwante Youngwanpawe Ite i, “Aowe kahta te I ju pha pu? Aowe I napanpa ne yejema-a yee shohpa ne lingpu? Aowe Ite mük pha yejema-a I mükmüopa ne linge tampu? Hatüowa Tao, Youngwanpa ne üje a? 12Tüokhei sha-a taitüoh! Ngao ngaolak jingne Taowe nangte jamlak, hüyange nange hanghe ngaolak hatüo Taowe nangte ilak.”
13Hüpoi Mosawe jan-e i, “Tüone yeje, Youngwanpa; chingmei lam linge ütamja shon shih.”
14Hüwante Youngwanpawe Mosa phei mongshih ngai, hüyange i, “Levi nokphong me nangjei Aaron yenang a? lye meiye ngaopu oknang she Taowe shing nang. Ütingpa me I sha-a nang phei hüolak jingne peiküpu; hüyange aope lye nang ngelakei, lye yoi mongjang me mongmeiye ngohlak. 15Hüyange nange I phei ngaolak, hüyange ngaowa I ju me hinne tamlak, hüyange Taowe nangju hei I ju phei omme ngohlak, hüyange nangni moi ni-e hanghe linglak Taowe hüolak. 16I-a nang jingne ngao ipane menglak hüyange nang nanleiye kahtalan phei ngaolak. Hüwante nanga Kahwang kih-e, hanghe ngaolakei Ite ine tam-e ngohlak. 17Nang phei tüopa wongjoi yahtüoh, hangjingne tüopa phei nange kahnyingwüngha linge ngailak.”
Egypt Te Mosa Leihye
18Tüophei me Mosa Iküo Jethro tangte leihye, hüyange Ite i, “Egypt kahtok me ngohpu ü-jeihei naolan üne-o üyin me muh ngohlak heiya hangke ngohlakei leilak jingne chingmei lam linge tao taine tampha.” Jethro-e monge yah, hüyange Ite meiye taitüoh she i.
19 #
Lam 7.34. Aope Mosa Midian me muh ngoh, Youngwanpawe Ite i, “Egypt kahtok te leih yetüoh; hangjingne aoyinne nang toilak jingne yam iman khongkümpu liteki.” 20Tüokhei Mosawe yoi sheko hei I halan woi peiye gado me iman üshei shotne tam, hüyange iman Egypt kahtokte leih ye, hüyange Mosawe Kahwang wongjoi yoi yak me jon.
21Hüyange Youngwanpawe Mosa te üne-o i, “Sha-a nanga Egypt te leih ye nang, hanghepa kahnyingwüngha linglak jingne Taowe nang te ünganwong pha khongkümpu Egypt ahngpa sheshao me linge hüolak teih tüoyah. Hüpoi Taowe ahngpa-a üngei ne linge tamlak, hüyange lye kahtalan taine yetamkülak. 22Hüwante nange Ite hüke ilak, hüke Tao, Youngwanpawe inang, Israel-a üha, ü-üwangpa ha ngoh nang. 23Taowe nangte ü-ha taine tamtüoh she inang, hümme nakshih lye üte yoppe khümlak. Hüpoi nange I teilak yemong; Tüokhei, Taowe nangha jeiyongpa toitamlak.” 24Egypt te tailam ümeken me iman lakjing nyoi ling, tüome Youngwanpawe Mosa hüo hüyange I toilak jingne ngang. 25Hüwante Inok shekonyu Zipporah-e ünah pheipu long yahpuwe yoiha üsho khüp, hüyange Mosa ya te tüopawe shahtam; hüyange yhawe i, “Ütingme üjingne iy kaiye nokyam tampu nyemthepa-a nang ngohnang!” 26Tüokhei Youngwanpawe Mosa hüke yinne tam. Hüwante üsho khüppe tampu nanjingne yhawe i, “Iy kaiye nokne mengpu nyemthepa nang ngoh nang.”
27Hüke ngohpu hipak me Youngwanpawe Aaron te i, “Mosa phei hüolak jingne wanwüng jengte taitüoh.” Tüokhei I phei hüolak jingne I tai, hüyange Kahwang kahtang me lye I hüowe Ite omhüp. 28Hüyange Youngwanpa ngao khongkümpu hanghepa ngao ilak jingne lye I shon, hüyange lye Ite kahnyingwüngha khongkümpu hanghe yin linglak jingne tam, tüolan-a Mosawe Aaronte i. 29Tüophei me Mosa hei Aaron ni Egypt te tai hüyange Israel lwngmei kahtalan khongkümpu jamshe jem ne tam. 30Hüyange Youngwanpawe Mosa te ngaopu ngao khongkümpu Aaron-e imante ngaotam, hüyange tüophei me kahtalan sheshao me Mosawe kahnyingwüngha ling. 31Hüyange kahtalan-e ütinglak; hüyange Youngwanpawe Israel hayimlan tangte peiteki hüyange lye iman shaoshi yateng ngeteki she aope iman-e jai, hüwante iman ngüm khuhtawe iman-e khüm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.