WOITEI 31
31
Bezalel hei Oholiab
(Woi 35.30—36.1)
1 #
Woi 35.30—36.1. Youngwanpawe Mosate i, 2“Leihuyah, Uri üha, hüyange Hur ühu, Bezalel she minpu Judah nokphong mepu Taowe leteki; 3hüyange Taowe I-a Kahwang yahawe maawe tamnang; Taowe Ite okkeshangpu me, shingeokpu me, jaiye okpu me, hüyange khongküm yaowe okpu me, 4hon, khüm, hüyange shakphan yan-e okkeshange manyangpu toi linglak, 5yonglak jingne toinyu long tanglak, hüyange pee yaowe linglak jingne, hüyange yaowe lingpu toishao lili jingne Taowe Ite shinge oklak phateki. 6Hüyange leihu, Taowe I phei Ahisamach üha Dan nokphong mepu Oholiab leteki. Hüyange okkeshangpu mongjang üshei phei, iman-e Taowe nangte lingne tampu khongkümpu linglak jingne, Taowe imante hintamteki. 7Khümjing nyenok, ghonu, hüyange tüopa tangme ngohpu shüpshe shotjing, hüyange nyenok me toinan khongkümpu; 8hüyange khao hei tük-hei-sheng hüyange hon shaha pheipu vüntük yongjing hüyange itepu wongponglan khongkümpu, hüyange sünyet jakke dopu wümjong, 9hüyange tük-hei-sheng hüyange yengjon yankhong hüyange tüotepu yajenth, 10hüyange shemei yaomapuwe lingpu nyemolan, hüyange Aaron ngengpa jingne üjao nyemo, hüyange ngengpa toishao me shaoshanlak jingne Ihalan jingne nyemo; 11hüyange pholak minnga, hüyange üjao nyoi jingne sünyet üpe meipu; tüolan khongkümpu Taowe nangte ngaophapu kih-e iman-e khongkümpu linglak yang”.
Sabbath Ngaokhüm
12 #
Woi 20.8; 23.12; 35.2; Hin 5.12-15. Youngwanpawe Mosate i, 13“Nange Israel kahtalan te hüke itüoh; ‘Sabbath, Tao toloimeipu nyih nyüowe nyoilak yang; hangjingne hatüowa ngoikülak hipak khongkümpu me Tao Youngwanpawe ü-kahtalanne menglak jingne numan lingyangki she hüolak jingne Tao hei numan nipa me hatüowa yepinlakpa ne menglak. 14Numan-e Sabbath toloimeiye nyoilak yang, hangjingne numan aohipawe tüopa nyih jaowe ye-angpe tüopa nyih me toi linglakei, I-a li ne tamlak. 15Numan-e yoi toishao linglak jingne nyih wok ngohnang, hüpoi nyit shepupa nyih-a üte jaowe tam-e yihnoonlak nyih ngoh nang. Aohipawe tüopa nyih toi ülamja nehoi linglakei, I-a li ne tamlak yang. 16Tüojing ne Israel kahtalan-e Sabbath nyih-a jiengjeppu füo nyih ne jinte jonlak yang. 17Hatüowa Tao hüyange Israel kahtalan nipa me jintepu jingne füo ja ngohnang; hangjingne nyih wok mongme Tao, Youngwanpawe wangdang hüyange kahtoknyu linge ngai, hüyange nyit shepupa nyih me Taowe toi lingpu lak hüyange toloimei.’ ”
18Aope Sinai kahtang me Kahwange Mosa phei ngaowe sho, Kahwange yoi yaklanne nyanpu ngaokhüm longsheng khüo ni lye Mosate pha.
Currently Selected:
WOITEI 31: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.