KAHTAMYENGHAN 23
23
Sarah Li Hüyange Mupu
1Sarah nyupuh wangpeng gho ja phei me da me nyit ngoiye jin laowe ngoh. 2Hüyange yha Kanan kahtok Hebron#Kiriath-arba she-o ngelak. me li. Hüyange Abraham-e yha lipu jingne shappe yoonge mangshap.
3Abraham-e lipunyu tüopa nyoi me tüoh, hüyange yayonge tai-e Hit hayimlante i, 4#Heb 11.9,13.“Tao numan phei yinpa ja hüyange jam-e ngoh peipu kahta; taowe ü-lipu nyu ü-sheshao me mu oklak ne numan mepu mang mulak nyoi ja yüowe tamkhu.”
5Hitlan-e Abraham te janne i, 6“Tomante jaipha, üyongpa. Toman-e nanga wongnangpu ahngha ja she leinang. Toman jing mangkoksa nyoi shemeipupa me nang lipu nyu-a mu tüoh; nange nang lipu nyu yemu oklakne toman aowe-o yoi mangjong nang mepu tükke ye-anglak.”
7Hüwante Abraham yong hüyange kahmük kahta Hitlante khuh ta-e khüm. 8Iye i, “Numan-e üte hatüo me ü-sheko mu ne tamhu küma-a, chingmei lamlinge Zohar üha Ephronte tongkei, hümme nakshih, I jingne mengpu Machpelah longsa Iye üte phakülak; hatüo-a I jing kah yashong me ngohnang. 9Numan ngohwante ümee khakwange Iye hatüo-a üte mangmu nyoine phapu oklak.”
10Sha-a Ephron-a Hitlan yo me shot-e ngoh, hüyange Hitlan Ephron-e Hitlan aoyin chingnyu peten mongte ongyapeih, tüolan üshei ngao jaiyange Abrahamte jan, 11“Yeje, üyongpa, üte jaipha; taowe nangte kah phanang, hüyange taowe nangte hatüo me ngohpu longsa-o om-e ü-kahta tüolan sheshao me phanang, nang manga mutüoh.”
12Abraham-e Hitlan sheshao me khuhtawe khüm; 13hüyange kahta lili-e jailak jingne Ephron phei ngaowe i, “Taowe nangte tonghu nang, chingmei lam linge jaikei. Kah-a taowe khongküm shaklakei; taowe phapu ümee yahtepha, hüyange taowe ü-sheko tüoken me mu ning.”
14Ephron-e Abrahamte janne i, 15“Üyongpa, üte jaikei, kahmük-a khüm ngin ükhüw gho peli hei shangnang ja, tümni pa me hatüowa hanghe? Tüoken me nenok mang mu tüoh.” 16#Lam 7.16.Abraham-e Ephron ngao me yah; hüyange Abraham-e Iye Hitlan sheshao me ngaiye ipu khüm ngin ükhüw gho peli, pheeinyu leihpalan-e jonpu khak wangpu toklak me tokke Ephron te pha.
17Tüokhei Ephron moth ne ngohpu kahtok, hanghepa Machpelah me Mamre heong ye me ngoh, Abraham jingne meng. Tüopa me kah, tüopa nyoi me ngohpu longsa, hüyange kah me ngohpu pee khongkümpu, Inok moth yikengpong te linpu omme ngoh yangki. 18Hitlan aoyin tüopa jempu me omme chingnyu peten me ngoh, khongkümpuwe hatüowa Abraham jing moth she shinge yah.
19Tüophei me, Abraham-e Mamre heong ye me ngohpu Machpelah longsa Kanan kahtok me yoi shekonyu Sarah mang mu. 20Tüokhei Hitlan jingne ngoh yangpu kah, hüyange tüopa me ngohpu longsa, Abraham jing mang mulak kahtok moth ne menge mah.
Currently Selected:
KAHTAMYENGHAN 23: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
KAHTAMYENGHAN 23
23
Sarah Li Hüyange Mupu
1Sarah nyupuh wangpeng gho ja phei me da me nyit ngoiye jin laowe ngoh. 2Hüyange yha Kanan kahtok Hebron#Kiriath-arba she-o ngelak. me li. Hüyange Abraham-e yha lipu jingne shappe yoonge mangshap.
3Abraham-e lipunyu tüopa nyoi me tüoh, hüyange yayonge tai-e Hit hayimlante i, 4#Heb 11.9,13.“Tao numan phei yinpa ja hüyange jam-e ngoh peipu kahta; taowe ü-lipu nyu ü-sheshao me mu oklak ne numan mepu mang mulak nyoi ja yüowe tamkhu.”
5Hitlan-e Abraham te janne i, 6“Tomante jaipha, üyongpa. Toman-e nanga wongnangpu ahngha ja she leinang. Toman jing mangkoksa nyoi shemeipupa me nang lipu nyu-a mu tüoh; nange nang lipu nyu yemu oklakne toman aowe-o yoi mangjong nang mepu tükke ye-anglak.”
7Hüwante Abraham yong hüyange kahmük kahta Hitlante khuh ta-e khüm. 8Iye i, “Numan-e üte hatüo me ü-sheko mu ne tamhu küma-a, chingmei lamlinge Zohar üha Ephronte tongkei, hümme nakshih, I jingne mengpu Machpelah longsa Iye üte phakülak; hatüo-a I jing kah yashong me ngohnang. 9Numan ngohwante ümee khakwange Iye hatüo-a üte mangmu nyoine phapu oklak.”
10Sha-a Ephron-a Hitlan yo me shot-e ngoh, hüyange Hitlan Ephron-e Hitlan aoyin chingnyu peten mongte ongyapeih, tüolan üshei ngao jaiyange Abrahamte jan, 11“Yeje, üyongpa, üte jaipha; taowe nangte kah phanang, hüyange taowe nangte hatüo me ngohpu longsa-o om-e ü-kahta tüolan sheshao me phanang, nang manga mutüoh.”
12Abraham-e Hitlan sheshao me khuhtawe khüm; 13hüyange kahta lili-e jailak jingne Ephron phei ngaowe i, “Taowe nangte tonghu nang, chingmei lam linge jaikei. Kah-a taowe khongküm shaklakei; taowe phapu ümee yahtepha, hüyange taowe ü-sheko tüoken me mu ning.”
14Ephron-e Abrahamte janne i, 15“Üyongpa, üte jaikei, kahmük-a khüm ngin ükhüw gho peli hei shangnang ja, tümni pa me hatüowa hanghe? Tüoken me nenok mang mu tüoh.” 16#Lam 7.16.Abraham-e Ephron ngao me yah; hüyange Abraham-e Iye Hitlan sheshao me ngaiye ipu khüm ngin ükhüw gho peli, pheeinyu leihpalan-e jonpu khak wangpu toklak me tokke Ephron te pha.
17Tüokhei Ephron moth ne ngohpu kahtok, hanghepa Machpelah me Mamre heong ye me ngoh, Abraham jingne meng. Tüopa me kah, tüopa nyoi me ngohpu longsa, hüyange kah me ngohpu pee khongkümpu, Inok moth yikengpong te linpu omme ngoh yangki. 18Hitlan aoyin tüopa jempu me omme chingnyu peten me ngoh, khongkümpuwe hatüowa Abraham jing moth she shinge yah.
19Tüophei me, Abraham-e Mamre heong ye me ngohpu Machpelah longsa Kanan kahtok me yoi shekonyu Sarah mang mu. 20Tüokhei Hitlan jingne ngoh yangpu kah, hüyange tüopa me ngohpu longsa, Abraham jing mang mulak kahtok moth ne menge mah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.