KAHTAMYENGHAN 25
25
Abraham Mepu Ülao Huhayimlan
(1 Put 1.32-33)
1Abraham-e sheko ülao yah, hüyange yha min Keturah. 2Hüyange yhawe Ite Zimran, Jokshan, Medan, Midian, Ishabak, hüyange Shuah puh tam. 3Jokshan mepu Sheba, hei Dedan jalun. Hüyange Dedan hayimlan Asshurim, Letushmim, hüyange Leummim ne ngoh. 4Hüyange Midian halan Ephah, Epher, Hanoch, Abida, hüyange Eldaah ngoh yangki. Tüolan khongkümpu-o Keturah hayimlan.
5Abraham-e yoi me nangpu üshei Isaac te tüoh. 6Hüyangpoi I üyin me ngohpu hipak me ülao shekolan-e puhtampu hayimlante-o moth hünghao pha; tüophei me tüolan hayim Isaac mepu yanne heongye kahmükte shonne teiyangki.
Abraham Lipu Hüyange Mupu
7Abraham nyupuh wangpeng gho ja phei me denyit me nga ngoh yangki. 8Hüyange Abraham-e yoi yaha phawe nyupuh wangpeng wange ngoiyang phei me I li; puyong kahta, wangpeng shaaji ngoiteiye I yoi pheipulan phei om. 9Isaac hei Ishmael, I ha niye I-a Hitlan Zohar üha Ephron kahtok me ngohpu Machpelah longsa me mu; hatüowa Mamre shaome ngoh nang. 10Hitlan mepu Abraham-e shakpu kah; tüoken me Abraham yoi shekonyu Sarah phei mu. 11Abraham liphei me Iha Isaac te Kahwange yeonge moimantam hüyange Isaac Beer-lahai-roi me nyoi yangki.
Ishmael Huhayimlan
(1 Put 1.28-31)
12Egypt sheko Hagar, Sarah rhanyuwe Abraham te puhtampu Abraham üha Ishmael jin hatüo; 13#1 Put 1.29-31.Hatüolan-a Ishmael hayim ja phei me ja she: Nebaioth, Ishmael mepu üwangpa ha; tüophei me Kedar, Adbeel, Mibsam, 14Mishma, Dumah, Massa, 15Hadad, Tema, Jetur, Naphish, hüyange Kedemah. 16Iman-a jat pen me ni tepu pajeiyong lanne meng; hüyange iman minna yoi chingshao hüyange iman ngoipu nyoijing lante minne tam. 17Hatüowa Ishmael üyin jin, wangpeng ghoja phei me delüm me nyit laowe ngohyangki; Iye yoi ükümpa lüohe hüyange li, hüyange Iphei pulan phei om. 18Ishmael huhayimlan Assyriate taipu lam Egypt heongye me, Havilah hei Shur nipa yikeng pongme nyoi. Abraham huhayim ülaolan phei iman yoi yoi ne yanne nyoi.
Esau Hei Jacob Ni Puhpu
19Hatüolan-a Abraham üha Isaac pungao: Abraham, mepu Isaac puh; 20hüyange Isaac wangpeng deli lwngmei ne ngoh wante Iye, Mesopotamia mepu Aramelan Bethuel üha, Laban ünao Rebekah sheko ne yah. 21Rebekah me moi yepai hayim yenangpu jingne, yha jingne Isaac-e Youngwanpate yop. Iye yoppute Youngwanpawe jan, hüyange Rebekah püm yekengpe ngai. 22Yhawe nipet puhlak ne ngoh, hüyange iman wangngai ngeshao memuh, yha sea me imni jawe japhei teihok. Hüwante yhawe i, “Hükih-e üte hanghe ülam jakih-e ngaipu shi?” Tüokhei janpu yahlak jingne Youngwanpa te tongne yha tai.
23Youngwanpawe yha te i,
“Nang nao nyoi me jatnyu ni ngohnang;
Nange kahta ükhong ni hokke wepu phei puhlak.
Sheja-a japa phei wong shenang she ngohlak.
Jeiyongpawe naolipa shao shanlak.”
24Moipailak jingne yha te hipak ngoi, hüyange yhawe naoshe nipet puh. 25Üwangne ngaipupa taakke, püm khongküm pume ümin maayange puh; tüokhei iman-e I min Esau she nyik. 26Tüophei me ni shepupa ngai, hüyange Esau ya-ong me I yakke monge tükyange ngaiyangki; tüokhei Ite Jacob she min. Aope iman puh, Isaac nyupuh wangpeng dewok ngoiteiye ngoh yangki.
Esauwe Yoi Jeiyongpa Mothlei Yüo
27Aope naha ni-a jong; Esauwa meitoipa ütahpa ne, phao hah-e kempute lengpu üyin ne meng; hüpoi Jacobpa-a innenyaiye nokme ngohpu kahta ne meng. 28Isaac-e Esaute ken, hangjingne lye toipu mei hahpu Iye leng; hüpoi Rebekah-e Jacobte ken.
29Nyih japu hipak me Jacob pheang hoi yange ngoh, hüwante Esau phao mepu meikep ne taipu nyaowe le teiye ye. 30Hüyange Esauwe Jacob te i, “Üte tüopa taakpu pheang hoi chingmei lam linge uhtamkhu; hangjingne tao nyaowe le teki.” (Tüokhei I minna Edom).
31Jacob-e janne i. “Nange üte nang jeiyongpa nyupuh mothlei üte phaküma-a, taowe nangte tüopa phalak.”
32Esauwe i, “Leitüoh, tao li ne oteiye ngoh nang; hüyange tao nyupuh mothlei üte hanghe ne menglak?”
33Jacob-e janne i, “Ü-sheshao me üwangne jieng tüoh.” Hüyange Iye Ite jiengjeppe yoi nyupuh mothlei Jacobte yüo.
34Tüophei me Jacob-e Ite hahying hüyange pheang hoi tümme pha. Hüyange Iye hah yingyange yoi lamte yayonge tai. Hüke Esauwe yoi jeiyongpa nyupuh mothlei te paowe tükpuwa halan ne meng.
Currently Selected:
KAHTAMYENGHAN 25: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
KAHTAMYENGHAN 25
25
Abraham Mepu Ülao Huhayimlan
(1 Put 1.32-33)
1Abraham-e sheko ülao yah, hüyange yha min Keturah. 2Hüyange yhawe Ite Zimran, Jokshan, Medan, Midian, Ishabak, hüyange Shuah puh tam. 3Jokshan mepu Sheba, hei Dedan jalun. Hüyange Dedan hayimlan Asshurim, Letushmim, hüyange Leummim ne ngoh. 4Hüyange Midian halan Ephah, Epher, Hanoch, Abida, hüyange Eldaah ngoh yangki. Tüolan khongkümpu-o Keturah hayimlan.
5Abraham-e yoi me nangpu üshei Isaac te tüoh. 6Hüyangpoi I üyin me ngohpu hipak me ülao shekolan-e puhtampu hayimlante-o moth hünghao pha; tüophei me tüolan hayim Isaac mepu yanne heongye kahmükte shonne teiyangki.
Abraham Lipu Hüyange Mupu
7Abraham nyupuh wangpeng gho ja phei me denyit me nga ngoh yangki. 8Hüyange Abraham-e yoi yaha phawe nyupuh wangpeng wange ngoiyang phei me I li; puyong kahta, wangpeng shaaji ngoiteiye I yoi pheipulan phei om. 9Isaac hei Ishmael, I ha niye I-a Hitlan Zohar üha Ephron kahtok me ngohpu Machpelah longsa me mu; hatüowa Mamre shaome ngoh nang. 10Hitlan mepu Abraham-e shakpu kah; tüoken me Abraham yoi shekonyu Sarah phei mu. 11Abraham liphei me Iha Isaac te Kahwange yeonge moimantam hüyange Isaac Beer-lahai-roi me nyoi yangki.
Ishmael Huhayimlan
(1 Put 1.28-31)
12Egypt sheko Hagar, Sarah rhanyuwe Abraham te puhtampu Abraham üha Ishmael jin hatüo; 13#1 Put 1.29-31.Hatüolan-a Ishmael hayim ja phei me ja she: Nebaioth, Ishmael mepu üwangpa ha; tüophei me Kedar, Adbeel, Mibsam, 14Mishma, Dumah, Massa, 15Hadad, Tema, Jetur, Naphish, hüyange Kedemah. 16Iman-a jat pen me ni tepu pajeiyong lanne meng; hüyange iman minna yoi chingshao hüyange iman ngoipu nyoijing lante minne tam. 17Hatüowa Ishmael üyin jin, wangpeng ghoja phei me delüm me nyit laowe ngohyangki; Iye yoi ükümpa lüohe hüyange li, hüyange Iphei pulan phei om. 18Ishmael huhayimlan Assyriate taipu lam Egypt heongye me, Havilah hei Shur nipa yikeng pongme nyoi. Abraham huhayim ülaolan phei iman yoi yoi ne yanne nyoi.
Esau Hei Jacob Ni Puhpu
19Hatüolan-a Abraham üha Isaac pungao: Abraham, mepu Isaac puh; 20hüyange Isaac wangpeng deli lwngmei ne ngoh wante Iye, Mesopotamia mepu Aramelan Bethuel üha, Laban ünao Rebekah sheko ne yah. 21Rebekah me moi yepai hayim yenangpu jingne, yha jingne Isaac-e Youngwanpate yop. Iye yoppute Youngwanpawe jan, hüyange Rebekah püm yekengpe ngai. 22Yhawe nipet puhlak ne ngoh, hüyange iman wangngai ngeshao memuh, yha sea me imni jawe japhei teihok. Hüwante yhawe i, “Hükih-e üte hanghe ülam jakih-e ngaipu shi?” Tüokhei janpu yahlak jingne Youngwanpa te tongne yha tai.
23Youngwanpawe yha te i,
“Nang nao nyoi me jatnyu ni ngohnang;
Nange kahta ükhong ni hokke wepu phei puhlak.
Sheja-a japa phei wong shenang she ngohlak.
Jeiyongpawe naolipa shao shanlak.”
24Moipailak jingne yha te hipak ngoi, hüyange yhawe naoshe nipet puh. 25Üwangne ngaipupa taakke, püm khongküm pume ümin maayange puh; tüokhei iman-e I min Esau she nyik. 26Tüophei me ni shepupa ngai, hüyange Esau ya-ong me I yakke monge tükyange ngaiyangki; tüokhei Ite Jacob she min. Aope iman puh, Isaac nyupuh wangpeng dewok ngoiteiye ngoh yangki.
Esauwe Yoi Jeiyongpa Mothlei Yüo
27Aope naha ni-a jong; Esauwa meitoipa ütahpa ne, phao hah-e kempute lengpu üyin ne meng; hüpoi Jacobpa-a innenyaiye nokme ngohpu kahta ne meng. 28Isaac-e Esaute ken, hangjingne lye toipu mei hahpu Iye leng; hüpoi Rebekah-e Jacobte ken.
29Nyih japu hipak me Jacob pheang hoi yange ngoh, hüwante Esau phao mepu meikep ne taipu nyaowe le teiye ye. 30Hüyange Esauwe Jacob te i, “Üte tüopa taakpu pheang hoi chingmei lam linge uhtamkhu; hangjingne tao nyaowe le teki.” (Tüokhei I minna Edom).
31Jacob-e janne i. “Nange üte nang jeiyongpa nyupuh mothlei üte phaküma-a, taowe nangte tüopa phalak.”
32Esauwe i, “Leitüoh, tao li ne oteiye ngoh nang; hüyange tao nyupuh mothlei üte hanghe ne menglak?”
33Jacob-e janne i, “Ü-sheshao me üwangne jieng tüoh.” Hüyange Iye Ite jiengjeppe yoi nyupuh mothlei Jacobte yüo.
34Tüophei me Jacob-e Ite hahying hüyange pheang hoi tümme pha. Hüyange Iye hah yingyange yoi lamte yayonge tai. Hüke Esauwe yoi jeiyongpa nyupuh mothlei te paowe tükpuwa halan ne meng.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.