KAHTAMYENGHAN 36
36
Esau Huhayimlan
(1 Put 1.34-37)
1Tüolan-a Esau huhayimlan, üne-o Edom she-o nyiknang. 2#Kaht 26.34; 28.9.Esauwe Kananlan hayim mepu yoi shekonyu ne yah; Hitlan Elon üha Adah; hüyange Hivlan Zibeon üha Anah üha Oholibamah; 3hüyange Ishmael üha, Nebaioth ünao Basemath yah. 4Hüyange Adahwe Esaute Eliphaz puhtam; hüyange Basemath te Reuel puhtam; 5hüyange Oholibamah-e Jeush, Jalam, hüyange Korah puhtam. Tüolan-a Kanan kahtok me Esau te puhtampu netan hayim.
6Tüophei me Esauwe yoi shekonyulan yoi hayim sheko hei netanlan, hüyange nok me ngohpu kahtalan khongkümpu phei jamme yoi jing mahu ükhong, hüyange Kanan kahtok me lye linge yah-e ngai okpu moth khongkümpu yahyange Inao Jacob mepu yanne ülao kahtok te tai. 7I yanne tai, hangjingne ima-a ümeken kahmük me I hüyange Jacob nyoiye ngoh, tüopa kahmük-e iman yeshang ok; iman me tampu yinmoklan loishe ngoh, hüyange shaaji jam she nyoipu ye-okpe ngai. 8Tüokhei Esauwe phaotang kahtok Edom me chingnyoi.
9Tüolan-a Seir kahtang me ngohpu Edomlan üpa Esau huhayim: 10Tüolan-a Esau hayim min: Esau sheko Adahwe Eliphaz puhtam; Esau sheko Basemath-e Reuel puhtam. 11Eliphaz hayimlan: Teman, Omar, Zepho, Gatam, hüyange Kenaz. 12Hüyange Esau üha Eliphaz phongphenyu Timna ngoh yangki; hüyange yhawe Eliphaz te Amalek puhtam; tüolan-a Esau sheko Adah hayim: 13Reuel me naoshe peli ngai: Nahath, Zerah, Shammah, hüyange Mizzah. Tüolan-a Esau shekonyu Basemath hayim.
14Hüyange Zibeon üha Anah yhala Oholibamah Esau shekowe, yhawe Esaute Jeush, Jalam, hüyange Korah puhtam.
15Tüolan-a Esau mepu jalunpu nokphonglan: Esau mepu üwangpa ha Eliphaz-tüolan nokphong pajeiyong ne meng. Teman, Omar, Zepho, Kenaz, 16Korah, Gatam, hüyange Amalek. Tüolan khongkümpu Esau sheko Adah huhayimlan ngohnang.
17Esau üha, Reuel-a tüolan nokphonglan pajeiyong ngohnang: Nahath, Zerah, Shammah, hüyange Mizzah. Tüolan-a Edom kahtok me Reuel nokphonglan. Tüolan khongkümpu Esau sheko Basemath huhayimlan ngohnang.
18Tüolan nokphonglan, Esau sheko Anah yhala Oholibamah mepu jalunpu ngohnang: Jeush, Jalam, hüyange Korah. 19Tüolan nokphong khongkümpu Esau (Edom) mepu jalun yangki.
Seir Huhayimlan
(1 Put 1.38-42)
20 #
1 Put 1.38-42. Hor mepu Seir hayim, tüopa kahmük chingpuhulan hatüo: Lotan, Shobal, Zibeon, hüyange Anah, 21Dishon, Ezer, hüyange Dishan; tüolan-a Seir üha Horlan Edom kahtok me ngaipu üshanglan. 22Lotan-a Hor hei Heman puhu pajeiyong ne ngohyangki. Hüyange Lotan ünao shekonyu Timna ngoh yangki.
23Shobal-a Alvan, Manahath, Ebal, Shepho, hüyange Onamlan puhu pajeiyong ne ngoh yangki.
24Zibeon me naoshe ni, Aiah hüyange Anah ngoh. Tüopa Anahwe Ipa gadolan yomwante phao me yeng üshem ngaipu yengpeiwo tüo. 25Anah hayimlan tüolan ngohnang; Dishon hüyange Anah üha Oholibamah. 26Hüyange Dishon hayim tüolan; Hemdan, Eshban, Ithran, hüyange Cheran.
27Ezer-a Bilhan, Zaavan, hüyange Akanlan puhu pajeiyong ngoh nang.
28Dishon-a Uz hei Aran puhu pajeiyong ngoh nang.
29Tüolan-a Edom kahtok me Horlan nokphong ngoh nang; Lotan, Shobal, Zibeon, Anah, 30Dishon, Ezer, hüyange Dishan: Seir me ngohpu nokphong japhei me ja ngenang.
Edom Ahnglan
(1 Put 1.43-54)
31 #
1 Put 1.43-53. Tüolan-a Israel tangme üne-o aowe-o man-ahng wante, Edom kahtok me jeileiye wanglam lampu Ahngpalan ne ngoh. 32Beor üha Bela Edom me Ahng ne meng; hüyange I jing chingnyu minna Dinhabah. 33Bela li, hüyange Bozrahlan Zerah üha Jobab I nanleiye ahngne meng. 34Jobab li, hüyange Temanlan kahtok mepu Husham-e I nanleiye ahngne meng. 35Husham li, hüyange Bedad üha Hadad, aowe Moab kahmük me Midialan nao, I nanleiye ahngne meng; hüyange I jing chingnyu min Avith ngoh yangki. 36Hadad li, hüyange Masrekahlan Samlahwe I nanleiye ahngne meng. 37Samlah li, hüyange Euphrates ü-o me Rehoboth lan Shaul-e nanleiye ahngne meng. 38Shaul li, hüyange Acbor üha Baal-hanan I nanleiye ahngne meng. 39Acbor üha Baal-hanan li, hüyange Hadawe I nanleiye ahngne meng; hüyange I jing chingnyu min Pau ngohyangki; hüyange I sheko min Mehetabel, Matred üha hüyange Mezahab ühu.
40Tüolan-a Esau mepu ngaipu pajeiyonglan, iman nokphong lili me, iman ngohpu nyoi lili me, hüyange iman min lili me tüo ngoh nang; pajeiyonglan Timna, Alvah, Jetheth; 41Oholibamah, Elah, Pinon; 42Kenaz, Teman, Mibzar, 43Magdiel, hüyange Iram; tüolan iman ngohpu nyoi lili me iman me nangpu kahtok me, Edom pajeiyonglan. Tüowa Edomlan üpa Esau.
Currently Selected:
KAHTAMYENGHAN 36: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
