Ifyacitilwe 1
1
1Teofilo, nalilembele akale amalembo afyefyo fyonse ifi ŵataticile ŵa Yesu ukulukucita nekusambisya, 2ukuficila akasuŵa ako ako ŵapokelwe-mo kwiulu, ili ŵasilaile kuMupasi Uswetelele intanjisi syaŵo isyo isyasalulwilwe kuli ŵo. 3Kuli syesyo kaŵili ŵalilibwenesye aŵalaŵi netwisiŵilo utwinji, ili kwasilile ukusomenwa kwaŵo, nekulukuŵoneka kuli syo insiku amakumi ane, nekulukulaŵila ifintu ifyakuŴufumu bwaŵaLesa.
4Popele ili ŵaŵuŋgene nasyo, ŵalisifundile ati: Tekufuma-mo muJelusalemi, sombi mukapembelele ukulaya kwaŵaTata, uko kopele uku mwaumfwile kuli neŵo. 5Pakuti Yoane icine alukuŵatisya mumenda; sombi mweŵo mukaŵatisiwa muMupasi Uswetelele, ili tasiŋgapita insiku isinji.
6Pakuti pali fyefyo, pakuŵuŋgana, syaliŵepwisye ati: MweŵaSikulu, kani mulukuŵabwesesya uŵufumu aŵaIsilaeli ino-mpindi? 7Naŵo ŵalilaŵile kuli syo ati: Tauli mulandu wenu ukwisiŵa impindi neli myensi, iyo iyi ŵekalicile aŵene ŵaTata: 8sombi mukapoka amako sa, pakumuselucileni Umupasi Uswetelele; peŋka mukaŵa nimboni syanji muJelusalemi, namucalo monse icaŵena-Juda necaSamalya, nekuficilo'kupelele icalo capansi. 9Popele, pakusilo'kulaŵile'fyo-fintu, ili syalukutontomeka, ŵalitwitwe kwi ulu; nekumbi lyaliŵapokele ukuŵafumya pamenso asisyo. 10Popele pakulukutontomekesya kwiulu, ili ŵalukuya, lomba neŵantu ŵaŵili aŵafwite ifituŵile ŵaliimakene pali syo; 11nekulaŵila ati: Mweŵantu ŵakuGalili, mbanindo mwimakanine ukulukutontomeka kwiulu? Aŵa-ŵaYesu aŵapokwa kwi ulu ukufuma kuli mweŵo ŵakabwela koti nifyopele'fyo ifi mwaŵaŵona ukuya kwiulu.
12Popele apo syalifumine kulupili lwaMaolife, ululi apepi kuJelusalemi, ulwendo lwakasuŵa kasabata, nekubwelela kuJelusalemi. 13Peŋka, pakwinjila, syalininine kucipinda icapeulu, copele'co ici syalukwikala-mo: Petilo naYoane naJakobo naAndaleya naFilipo na Tomasi naBatolomayo naMatayo na Iakobo umwana wakwe Alifayo na Simoni Selote, naJuda umwana wakwe Jakobo. 14Ŵonse aŵo ŵalukwikala nemutima umo, nekulukutembela nemuŋkonsya, pamo neŵanakasi, naMaliya ŵanyinaŵo ŵaYesu, neŵakwaŵo ŵaYesu.
15Popele, pansiku isyo, Petilo aliimakene pakati pawana-ŵaŋkasi: (e-po lyali iŵumba lyaŵantu aŵakukumana koti mwanda umo nemakumi aŵili peu lu) lomba alilaŵile ati: 16Mweŵakwasu, fyalielelwe ati ilembo likonsiwe, ilyo ili walaŵile akale Umupasi Uswetelele pakanwa kakwe Dafidi, ifyakwe Juda, uwaŵatanjilile aŵo aŵaŵekete ŵaYesu. 17Pakuti alipendelwe pamo nafweŵo, nekulukupoka icakulekanya cakwe icamumilimo iyi. 18(Lomba umuntu uyo aliulile iŵala nekulambulwa kwakuŵifya kwakwe; peŋka aliponene akamfulamukoŋko, nekupanduka pakati, nemala akwe onse nekusefuka. 19Popele apo ifyo fyaliumfwanicile kuŵantu ŵonse aŵalukwikala mujelusalemi, fyopele'fyo iŵala ilyo lyaliilicilwe mumulaka waŵo ati niAkelidama-liŵala lyamilopa.) 20Pakuti fililembelwe mwibuku lyaMasamo ati:
Umwakwikala mwakwe mukaŵe koti nimumasala;
Aŵantu ŵonse neli umo tekwikalamo mulya!
nakaŵili ati:
Ŵucilolo bwakwe akapyane umbi! 21Lomba pali ŵaŵo aŵalukwambala nafweŵo impindi yonse iyakupitana pali fweŵo ŵaYesu Klistu, 22ukutatika pakuŵatisya kwakwe Yoane, ukuficila pakasuŵa ako ŵapokelwe-mo ŵo kwiulu ukufuma kuli fweŵo; pali ŵaŵo ukwelelwa ati umbi aŵe nimboni pamo nafweŵo iyakukuŵuka kwaŵo. 23Popele ŵalisalulwile ŵaŵili: Josefi uwailicilwe ati niBasaba, icikoto cakwe niJusito, naMatia. 24Naŵo ŵalitombele, nekulaŵila ati: Mweŵo, mweŵaSikulu, mwemwisiŵa imitima yaŵantu ŵonse, mubwenesye aŵa ŵaŵili ati mba ninani mwasalulula, 25ati apyane umupunda wamilimo naŵuntanjisi uŵu, uŵu apasucile-mo Juda mukuya kwakwe umwine. 26Popele apo ŵaliŵateyele ifipa; lomba Matia nekwikatwa; naye alipendelwe pamo nentanjisi isyo ikumi naimo.
Currently Selected:
Ifyacitilwe 1: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Ifyacitilwe 1
1
1Teofilo, nalilembele akale amalembo afyefyo fyonse ifi ŵataticile ŵa Yesu ukulukucita nekusambisya, 2ukuficila akasuŵa ako ako ŵapokelwe-mo kwiulu, ili ŵasilaile kuMupasi Uswetelele intanjisi syaŵo isyo isyasalulwilwe kuli ŵo. 3Kuli syesyo kaŵili ŵalilibwenesye aŵalaŵi netwisiŵilo utwinji, ili kwasilile ukusomenwa kwaŵo, nekulukuŵoneka kuli syo insiku amakumi ane, nekulukulaŵila ifintu ifyakuŴufumu bwaŵaLesa.
4Popele ili ŵaŵuŋgene nasyo, ŵalisifundile ati: Tekufuma-mo muJelusalemi, sombi mukapembelele ukulaya kwaŵaTata, uko kopele uku mwaumfwile kuli neŵo. 5Pakuti Yoane icine alukuŵatisya mumenda; sombi mweŵo mukaŵatisiwa muMupasi Uswetelele, ili tasiŋgapita insiku isinji.
6Pakuti pali fyefyo, pakuŵuŋgana, syaliŵepwisye ati: MweŵaSikulu, kani mulukuŵabwesesya uŵufumu aŵaIsilaeli ino-mpindi? 7Naŵo ŵalilaŵile kuli syo ati: Tauli mulandu wenu ukwisiŵa impindi neli myensi, iyo iyi ŵekalicile aŵene ŵaTata: 8sombi mukapoka amako sa, pakumuselucileni Umupasi Uswetelele; peŋka mukaŵa nimboni syanji muJelusalemi, namucalo monse icaŵena-Juda necaSamalya, nekuficilo'kupelele icalo capansi. 9Popele, pakusilo'kulaŵile'fyo-fintu, ili syalukutontomeka, ŵalitwitwe kwi ulu; nekumbi lyaliŵapokele ukuŵafumya pamenso asisyo. 10Popele pakulukutontomekesya kwiulu, ili ŵalukuya, lomba neŵantu ŵaŵili aŵafwite ifituŵile ŵaliimakene pali syo; 11nekulaŵila ati: Mweŵantu ŵakuGalili, mbanindo mwimakanine ukulukutontomeka kwiulu? Aŵa-ŵaYesu aŵapokwa kwi ulu ukufuma kuli mweŵo ŵakabwela koti nifyopele'fyo ifi mwaŵaŵona ukuya kwiulu.
12Popele apo syalifumine kulupili lwaMaolife, ululi apepi kuJelusalemi, ulwendo lwakasuŵa kasabata, nekubwelela kuJelusalemi. 13Peŋka, pakwinjila, syalininine kucipinda icapeulu, copele'co ici syalukwikala-mo: Petilo naYoane naJakobo naAndaleya naFilipo na Tomasi naBatolomayo naMatayo na Iakobo umwana wakwe Alifayo na Simoni Selote, naJuda umwana wakwe Jakobo. 14Ŵonse aŵo ŵalukwikala nemutima umo, nekulukutembela nemuŋkonsya, pamo neŵanakasi, naMaliya ŵanyinaŵo ŵaYesu, neŵakwaŵo ŵaYesu.
15Popele, pansiku isyo, Petilo aliimakene pakati pawana-ŵaŋkasi: (e-po lyali iŵumba lyaŵantu aŵakukumana koti mwanda umo nemakumi aŵili peu lu) lomba alilaŵile ati: 16Mweŵakwasu, fyalielelwe ati ilembo likonsiwe, ilyo ili walaŵile akale Umupasi Uswetelele pakanwa kakwe Dafidi, ifyakwe Juda, uwaŵatanjilile aŵo aŵaŵekete ŵaYesu. 17Pakuti alipendelwe pamo nafweŵo, nekulukupoka icakulekanya cakwe icamumilimo iyi. 18(Lomba umuntu uyo aliulile iŵala nekulambulwa kwakuŵifya kwakwe; peŋka aliponene akamfulamukoŋko, nekupanduka pakati, nemala akwe onse nekusefuka. 19Popele apo ifyo fyaliumfwanicile kuŵantu ŵonse aŵalukwikala mujelusalemi, fyopele'fyo iŵala ilyo lyaliilicilwe mumulaka waŵo ati niAkelidama-liŵala lyamilopa.) 20Pakuti fililembelwe mwibuku lyaMasamo ati:
Umwakwikala mwakwe mukaŵe koti nimumasala;
Aŵantu ŵonse neli umo tekwikalamo mulya!
nakaŵili ati:
Ŵucilolo bwakwe akapyane umbi! 21Lomba pali ŵaŵo aŵalukwambala nafweŵo impindi yonse iyakupitana pali fweŵo ŵaYesu Klistu, 22ukutatika pakuŵatisya kwakwe Yoane, ukuficila pakasuŵa ako ŵapokelwe-mo ŵo kwiulu ukufuma kuli fweŵo; pali ŵaŵo ukwelelwa ati umbi aŵe nimboni pamo nafweŵo iyakukuŵuka kwaŵo. 23Popele ŵalisalulwile ŵaŵili: Josefi uwailicilwe ati niBasaba, icikoto cakwe niJusito, naMatia. 24Naŵo ŵalitombele, nekulaŵila ati: Mweŵo, mweŵaSikulu, mwemwisiŵa imitima yaŵantu ŵonse, mubwenesye aŵa ŵaŵili ati mba ninani mwasalulula, 25ati apyane umupunda wamilimo naŵuntanjisi uŵu, uŵu apasucile-mo Juda mukuya kwakwe umwine. 26Popele apo ŵaliŵateyele ifipa; lomba Matia nekwikatwa; naye alipendelwe pamo nentanjisi isyo ikumi naimo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.