Ifyacitilwe 8
8
1Saulu naye alisumine ati afwe. Akasuŵa ako kwaliŵucile ukuŵapensyo'kwakuti aŵekelesya ilyali muJelusalemi; lomba ŵonse ŵalipalaŋganine monse mufyalo fyawena-Juda, nefyaSamalya, sombi intanjisi, syesi. 2Popele aŵantu aŵatekenye ŵalimusicile Stefano, nekulukumulilo'kwakuti. 3Sombi Saulu alilionawile ikelesya, ili enjila mumananda onse, nekwikatala aŵalalume neŵanakasi, nekuŵaposa mwikati.
4Pakuti pali fyefyo awapalaŋgene ŵalukwenda-enda, ili ŵasambisya lsiwi. 5Peŋka Filipo aliile kumusi waSamalya, nekutulisya ŵaKlistu kuŵantu. 6Popele amaŵumba aŵantu nemutima umo ŵaliumfwilisye ifintu ifyo ifyalaŵilwe kuli Filipo, pakumfwa nekuŵona utwisiŵilo uto acitile. 7Pakuti imipasi iŵipile yalifumine muŵantu aŵenji, ili iŵilicisya nesiwi'likulu; nakaŵili aŵenji aŵakonaicile neŵalukusunta ŵaliŵucile. 8Popele mumusi uyo mwaliŵele nekusaŋgalalo' kwakuti.
9Sombi mwali umuntu umbi, isi na lyakwe niSimoni, uwalukupando'bwaŋga akale mumusi uyo, nekuwakaŋkamika aŵantu aŵakuSamalya, ati ndi mukulu. 10Ŵonse aŵo ŵalukumilsuminisya neŵacete nefileme, nekulaŵila ati: Uyumuntu makosa aŵaLesa ailicilwe ati akulu. 11Naŵo ŵalukumumfwisya, pakuti impindi ikulu alukuwakaŋkamika kubwaŋga bwakwe. 12Sombi pakucetekela Filipo, ili atulisye leeŵo Iciweme icaŴufumu bwaŵaLesa neceSina lyaŵa-Yesu Klistu, ŵaliŵatisiwe neŵalalume neŵanakasi. 13NaSimoni naye umwine alicetekele; popele, pakuŵatisiwa, aciikele nakwe Filipo; lomba pakuŵona utwisiŵilo nefimpelampela ifikulu ifyalukucitwa, alikaŋkamene lukoso.
14Peŋka'po intanjisi, isyali ku lelusalemi, pakumfwa ati aŵakuSamalya ŵalisumine lsiwi lyaŵaLesa, syalitumine kuli ŵo Petilo naYoane. 15Aŵo, pakufiko' ko, ŵaliŵatembelele kuli ŵaLesa, ati ŵapoke Umupasi Uswetelele. 16Pakuti impindi iyo lomba tauŋgaselucila pali ŵo ŵonse neli umo: ŵalukuŵatisiwa lukoso mwisina lyaŵaSikulu Yesu. 17Peŋka' po ŵalitintile-po neminwe pali ŵo, naŵo nekupoko' Mupasi Uswetelele.
18Popele Simoni, pakuŵona ati intanjisi pakuŵatintila lukoso iminwe, ŵalukupelwa Umupasi Uswetelele, alisitambicile indalama, 19ati: Mpeleni-po naneŵo amakosa aya, ati aŵantu ŵonse uŋkatintila-po iminwe yanji, akapoke Umupasi Uswetelele. 20Sombi Petilo alilaŵile kuli ye ati: Indalama syoŵe syonaike pamo naweŵo, pakuti walaŋguluka ati indalama yakuula impese yaŵaLesa! 21Weŵo tokumine-ko neli nikuceŵo ici, pakuti umutima woŵe toluŋgeme pamenso aŵaLesa. 22Pakuti pali fyefyo lapila kiukuŵifya koŵe uku, utembele kuli ŵaSikulu, ati kusimaŋgane cipale ukulaŋguluka ukwamumutima woŵe. 23Pakuti ndukuŵona ati uli mundulwe yaŵululu, uli mukukakwa kwakuŵifya. 24Kumfwa Simoni nekumwasuka ati: Muntembelele kuli ŵaSikulu ati ifyo ifi mwalaŵila tekwisa kuli neŵo neli cimo.
25Popele apo ŵo, ili ŵasimicile nekulaŵila Isiwi lyaŵaSikulu, ŵalibwelele kuJelusalemi, nekulukutulisya leeŵo Iciweme mumisi iinji iyaŵaSamalya.
26Sombi iŋkalamba yaŵaSikulu yalilaŵile kuli Filipo ati: Ima, uye kusaufu kunsila ifumine kujelusalemi iyakuya kuGasa, yopele iyamumpaŋga lukoso! 27Naye aliimine nekuya. Kusaŋga niku muntu umbi umuEtiopia, intuŋgu, umuntu uwali neŵukulu bwakwe Kandake, imfumu yanakasi yaŵaEtiopia, wopele ewalukulama amaŵoni aiyo onse; aliile kuJelusalemi mukucindika; 28lomba alukubwela, nekwikala muŋgolofwana yakwe; alukupenda amasiwi awakusimika Yisaya. 29Peŋka Umupasi walilaŵile kuli Filipo ati: Palamina, ukakumane neŋgolofwana iyo. 30Naye Filipo aliŵutucile kuli ye, nekumumfwa alukupenda ifyakwe Yisaya uwakusimika, nekulaŵila ati: Uliisiŵisye ifyo ifi ulukupenda? 31Naye ati: Njisiŵe syani newakuŵulo'muntu wakumbulisisya-ko? Naye alikombetele Filipo ati, Munine mwikale naneŵo. 32Kansi pamalembo, apo apa alukupenda nipapa ati:
Alikulicilwe koti nimbelele mukumwipaya;
Nakaŵili koti mwana wambelele atutumene pamenso aŵaŵeyesi ŵakwe,
Naye fyopele'fyo taasamwine-po pakanwa.
33Pakumupufya ŵalimukenye ukusololola kwakwe.
Mbaninani ukaŵulisisya ifyacikoto cakwe?
Pakuti ŵalifumisye umweo wakwe pacalo capansi.
34Popele intuŋgu yalimwasucile Filipo ati: Ndukumwipusyeni ati: Mboyuwakusimika, fyakwe nani alaŵilile'fi? Kani fyakwe umwine, kani fyamuntu umbi? 35Naye Filipo aliasamwine pakanwa, nekutatika kumalembo ayo, nekwiŵulisisya ŵaYesu. 36Peŋka kaŵacenda, ŵalificile kumenda ambi; popele kumfwa intuŋgu ati: Ŵoneni, amenda ŋga! Cindo icakuŋkanya ŋga naŵatisiwa? 37Kumfwa Filipo ati: Kani ulukucetekela nemutima woŵe wonse, uliisi. Nayo nekwasuka ati: Ndukucetekela ati ŵaYesu Klistu Ŵana ŵaŵaLesa. 38Popele yaliiminicile Iŋgolofwana; naŵo ŵoŵilo nekukuŋkulucila pamenda, naFilipo nentuŋgu: naye aliiŵatisye. 39Popele apo, ili ŵaaŵucile mumenda, Umupasi waŵaSikulu walimusompwele Filipo; nayo intuŋgu tayamubwene-po liŵili, pakuti ulwendo lwaiyo ulo yaliile ili isaŋgalala. 40Sombi Filipo ye alibwenekele kuAsoto; popele alipitilile nekutulisya Iceŵo Iciweme mumisi yonse ukufika nakuKaisalia.
Currently Selected:
Ifyacitilwe 8: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Ifyacitilwe 8
8
1Saulu naye alisumine ati afwe. Akasuŵa ako kwaliŵucile ukuŵapensyo'kwakuti aŵekelesya ilyali muJelusalemi; lomba ŵonse ŵalipalaŋganine monse mufyalo fyawena-Juda, nefyaSamalya, sombi intanjisi, syesi. 2Popele aŵantu aŵatekenye ŵalimusicile Stefano, nekulukumulilo'kwakuti. 3Sombi Saulu alilionawile ikelesya, ili enjila mumananda onse, nekwikatala aŵalalume neŵanakasi, nekuŵaposa mwikati.
4Pakuti pali fyefyo awapalaŋgene ŵalukwenda-enda, ili ŵasambisya lsiwi. 5Peŋka Filipo aliile kumusi waSamalya, nekutulisya ŵaKlistu kuŵantu. 6Popele amaŵumba aŵantu nemutima umo ŵaliumfwilisye ifintu ifyo ifyalaŵilwe kuli Filipo, pakumfwa nekuŵona utwisiŵilo uto acitile. 7Pakuti imipasi iŵipile yalifumine muŵantu aŵenji, ili iŵilicisya nesiwi'likulu; nakaŵili aŵenji aŵakonaicile neŵalukusunta ŵaliŵucile. 8Popele mumusi uyo mwaliŵele nekusaŋgalalo' kwakuti.
9Sombi mwali umuntu umbi, isi na lyakwe niSimoni, uwalukupando'bwaŋga akale mumusi uyo, nekuwakaŋkamika aŵantu aŵakuSamalya, ati ndi mukulu. 10Ŵonse aŵo ŵalukumilsuminisya neŵacete nefileme, nekulaŵila ati: Uyumuntu makosa aŵaLesa ailicilwe ati akulu. 11Naŵo ŵalukumumfwisya, pakuti impindi ikulu alukuwakaŋkamika kubwaŋga bwakwe. 12Sombi pakucetekela Filipo, ili atulisye leeŵo Iciweme icaŴufumu bwaŵaLesa neceSina lyaŵa-Yesu Klistu, ŵaliŵatisiwe neŵalalume neŵanakasi. 13NaSimoni naye umwine alicetekele; popele, pakuŵatisiwa, aciikele nakwe Filipo; lomba pakuŵona utwisiŵilo nefimpelampela ifikulu ifyalukucitwa, alikaŋkamene lukoso.
14Peŋka'po intanjisi, isyali ku lelusalemi, pakumfwa ati aŵakuSamalya ŵalisumine lsiwi lyaŵaLesa, syalitumine kuli ŵo Petilo naYoane. 15Aŵo, pakufiko' ko, ŵaliŵatembelele kuli ŵaLesa, ati ŵapoke Umupasi Uswetelele. 16Pakuti impindi iyo lomba tauŋgaselucila pali ŵo ŵonse neli umo: ŵalukuŵatisiwa lukoso mwisina lyaŵaSikulu Yesu. 17Peŋka' po ŵalitintile-po neminwe pali ŵo, naŵo nekupoko' Mupasi Uswetelele.
18Popele Simoni, pakuŵona ati intanjisi pakuŵatintila lukoso iminwe, ŵalukupelwa Umupasi Uswetelele, alisitambicile indalama, 19ati: Mpeleni-po naneŵo amakosa aya, ati aŵantu ŵonse uŋkatintila-po iminwe yanji, akapoke Umupasi Uswetelele. 20Sombi Petilo alilaŵile kuli ye ati: Indalama syoŵe syonaike pamo naweŵo, pakuti walaŋguluka ati indalama yakuula impese yaŵaLesa! 21Weŵo tokumine-ko neli nikuceŵo ici, pakuti umutima woŵe toluŋgeme pamenso aŵaLesa. 22Pakuti pali fyefyo lapila kiukuŵifya koŵe uku, utembele kuli ŵaSikulu, ati kusimaŋgane cipale ukulaŋguluka ukwamumutima woŵe. 23Pakuti ndukuŵona ati uli mundulwe yaŵululu, uli mukukakwa kwakuŵifya. 24Kumfwa Simoni nekumwasuka ati: Muntembelele kuli ŵaSikulu ati ifyo ifi mwalaŵila tekwisa kuli neŵo neli cimo.
25Popele apo ŵo, ili ŵasimicile nekulaŵila Isiwi lyaŵaSikulu, ŵalibwelele kuJelusalemi, nekulukutulisya leeŵo Iciweme mumisi iinji iyaŵaSamalya.
26Sombi iŋkalamba yaŵaSikulu yalilaŵile kuli Filipo ati: Ima, uye kusaufu kunsila ifumine kujelusalemi iyakuya kuGasa, yopele iyamumpaŋga lukoso! 27Naye aliimine nekuya. Kusaŋga niku muntu umbi umuEtiopia, intuŋgu, umuntu uwali neŵukulu bwakwe Kandake, imfumu yanakasi yaŵaEtiopia, wopele ewalukulama amaŵoni aiyo onse; aliile kuJelusalemi mukucindika; 28lomba alukubwela, nekwikala muŋgolofwana yakwe; alukupenda amasiwi awakusimika Yisaya. 29Peŋka Umupasi walilaŵile kuli Filipo ati: Palamina, ukakumane neŋgolofwana iyo. 30Naye Filipo aliŵutucile kuli ye, nekumumfwa alukupenda ifyakwe Yisaya uwakusimika, nekulaŵila ati: Uliisiŵisye ifyo ifi ulukupenda? 31Naye ati: Njisiŵe syani newakuŵulo'muntu wakumbulisisya-ko? Naye alikombetele Filipo ati, Munine mwikale naneŵo. 32Kansi pamalembo, apo apa alukupenda nipapa ati:
Alikulicilwe koti nimbelele mukumwipaya;
Nakaŵili koti mwana wambelele atutumene pamenso aŵaŵeyesi ŵakwe,
Naye fyopele'fyo taasamwine-po pakanwa.
33Pakumupufya ŵalimukenye ukusololola kwakwe.
Mbaninani ukaŵulisisya ifyacikoto cakwe?
Pakuti ŵalifumisye umweo wakwe pacalo capansi.
34Popele intuŋgu yalimwasucile Filipo ati: Ndukumwipusyeni ati: Mboyuwakusimika, fyakwe nani alaŵilile'fi? Kani fyakwe umwine, kani fyamuntu umbi? 35Naye Filipo aliasamwine pakanwa, nekutatika kumalembo ayo, nekwiŵulisisya ŵaYesu. 36Peŋka kaŵacenda, ŵalificile kumenda ambi; popele kumfwa intuŋgu ati: Ŵoneni, amenda ŋga! Cindo icakuŋkanya ŋga naŵatisiwa? 37Kumfwa Filipo ati: Kani ulukucetekela nemutima woŵe wonse, uliisi. Nayo nekwasuka ati: Ndukucetekela ati ŵaYesu Klistu Ŵana ŵaŵaLesa. 38Popele yaliiminicile Iŋgolofwana; naŵo ŵoŵilo nekukuŋkulucila pamenda, naFilipo nentuŋgu: naye aliiŵatisye. 39Popele apo, ili ŵaaŵucile mumenda, Umupasi waŵaSikulu walimusompwele Filipo; nayo intuŋgu tayamubwene-po liŵili, pakuti ulwendo lwaiyo ulo yaliile ili isaŋgalala. 40Sombi Filipo ye alibwenekele kuAsoto; popele alipitilile nekutulisya Iceŵo Iciweme mumisi yonse ukufika nakuKaisalia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.