Ifyacitilwe 9
9
1Sombi Saulu ili acipemasika ifyakuŵapatila nekuŵepaya aŵasambile ŵaŵaSikulu, aliile kumupapatilisi umukulu, 2nekulomba kuli ye iŋkalata isyakuya kuDamasiko kumasunagoge, ati kani ŋkasaŋge-ko ŵambi aŵali ŵaNsila iyi, kani ŵalalume kani ŵanakasi, ŋkawakake, mbalete kuJelusalemi, 3Popele, pakuya ili enda, paliŵele ati alipalamine kuDamasiko; peŋka ukutuŵa ukwafumine kwiulu kwalipulilile ukumuŵyatila. 4Naye aliwilile pansi, nekumfwa nesiwi lilukulaŵila kuli ye ati: Saulu, Saulu, mbanindo ulukuŋkululusisya? 5Naye ati: Mbanimweŵanani, mweŵaSikulu? Kumfwa ati: NineŵaYesu aŵa ulukupensya: ukusaŵula iciŵambala coŵe kufyakusosala kulikatesye! 6Naye alitutumine, nekukaŋkamana, nekulaŵila ati: MweŵaSikulu, mulukufwaya ati ncite' ndo? Naŵo ŵaSikulu ŵalilaŵile kuli ye ati: Ima, winjile mumusi, lomba fikalaŵilwa kuli weŵo ifyo ifyelelwe weŵo ukucita. 7Kaŵili aŵantu aŵo, aŵo alukwenda naŵo, ŵaliimakene lukoso celele, pakuti ŵalukumfwe'siwi, sombi taŵabwene-po muntu. 8Fyopele'fyo Saulu nekupatamuka; peŋka pakutapuka, taabwene-po neli kantu; naŵo ŵalimukulicile, nekumwinjisya muDamasiko. 9Naye aliikele uwakuŵulo'kulaŵa insiku sitatu; taalile-po neli kunwa konse koku.
10Ekwali umbi umusambile kuDamasiko, isina lyakwe niAnanaya; popele ŵaSikulu ŵalilaŵile kuli ye mukulota ati: Ananaya! Naye ati: Nineŵo, Sikulu! 11Kumfwa ŵaSikulu ŵalilaŵile kuli ye ati: Ima, uye kumuseŵo uwilicilwe ati Uluŋgeme, ukepusye muŋanda yakwe Juda, mukufwaya umuntu isina lyakwe niSaulu, umuntu wakuTaso; pakuti, ŵona, alukutembela. 12Lomba aŵona umuntu, isina lyakwe niAnanaya, alukwinjila nekumutintila iminwe yakwe, ati apoke ukulaŵa kwakwe. 13Sombi Ananaya aliasucile ati: MweŵaSikulu, naliumfwile kuŵantu aŵenji ifyamuntu uyu, ifyakuŵifya ukukulu acitile kuwaluŋgeme ŵenu kuJelusalemi: 14nakaŵili pano ali neŵukulu kuŵapapatilisi aŵakulu, ubwakuŵakaka ŵonse aŵalukulilila isina lyenu. 15Sombi ŵaSikulu ŵalilaŵile kuli ye ati: Koya lukoso, pakuti uyu ninoŋgo isalulwilwe kuli neŵo, iyakupinta isina lyanji pamenso aŵenafyalo nemfumu neŵaIsilaeli naŵo; 16pakuti ŋkamulanjisya ati ukumwelelwa ukusomenwa kufintu ifinji pakuti pesina lyanji.
17Popele Ananaya alikumbulucile, nekwinjila namuŋanda iyo, nekumutintila neminwe, nekulaŵila ati: Wemukwasu Saulu, ŵaSikulu Yesu, aŵabwenekele kuli weŵo munsila umu waisile, eŵantuma neŵo, ati upoke ukulaŵa koŵe, wisule Umupasi Uswetelele. 18Impindi iyo yopele, fyaliponene ifintu mumenso akwe koti mamba; naye alipokele nekulaŵa kwakwe; nekwima, nekuŵatisiwa; 19kaŵili nekupoka ifyakulya, nekukosa.
Popele apo aliikele insiku simbi pamo neŵasambile aŵali kuDamasiko; 20naye walipulilile ukulukutulisya mumasunagoge ati ŵaYesu Ŵana ŵaŵaLesa. 21Peŋka ŵonse aŵamumfwile ŵalikaŋkamene, nekulaŵila ati: Kansi uyu teye ulya uwalukonala aŵo aŵalukulilila isina ili kujelusalemi? Kaŵili aliisile kuno ati ŋkawakake aŵantu mbatwale kuŵapapatilisi aŵakulu. 22Sombi Saulu alikulile nemakosa ukwakucila, nekuŵakaŋkamika aŵaJuda aŵaikele kuDamasiko, nekulanjisya ati aŵa niŵaKlistu.
23Lomba, pakukumana insiku isinji, aŵaJuda ŵalifundene ati tumwipaye. 24Sombi ukwalika kwaŵo kwaliisiŵilwe kuli Saulu. Ŵalukuceta pamisiko yeliŋga pakasuŵa napaŵusiku, ati ŋgatumwipaye. 25Sombi aŵasambile ŵakwe ŵalimutwite uŵusiku, nekumupusya mwiliŋga, ukumuselusisya mucitundu.
26Popele, pakufika kuJelusalemi, aliesesye ukukumaŋkana neŵasambile; sombi ŵonse ŵalimutinine, pakuti taŵacetekele ati naye musambile. 27Sombi Banaba alimupintile, nekumutwala kuntanjisi, nekusiŵulisisya ifi abwene ŵaSikulu munsila, ati ŵalilaŵile kuli ye; nefi alukuŵulisisya mwisina lyaŵaYesu nemutima ukosele kuDamasiko. 28Popele apo ali nasyo pakulukufuma napakulukwinjila mu Jelusalemi, 29ili asimika nemutima ukosele mwisina lyaŵaSikulu; kaŵili alukulaŵila nekuŵapicisisya aŵaEla aŵaalucile ŵaJuda. Sombi aŵo ŵalukwesyo'kumwipaya. 30Popele awana-ŵaŋkasi, pakwisiŵe'fyo, ŵalimutwite kuKaisalia, nekumutuma kuTaso.
31Nalyo ikelesya ilyali monse mucalo caŵena-Juda namuGalili namuSamalya, lyaliikele neŵutende, nekwiŵakwa; lomba, pakulukwenda ili litonda ŵaSikulu nekusaŋgalala kuMupasi Uswetelele, lyalifulile.
32Paliŵele ati Petilo, pakulukupitana ponse, alificile nakuwaluŋgeme aŵaikele kuLida. 33Kopele uko alisanjile umbi umuntu isina lyakwe niAinea, uwalukulala paŵulo bwakwe imyaka isanu naitatu, pakuti alikonaicile. 34Naye Petilo alilaŵile kuli ye ati: WeAinea, ŵaYesu Klistu ŵalukukuŵusya; ima, wansike uŵulo ŵoŵe! Naye nekupulutiokwima. 35Lomba ŵonse aŵalukwikala kuLida nakuSyaloni ŵalimubwene, nekwalulucila kuli ŵaSikulu.
36Sombi ekwali kujopa umusambile umbi, isina lyakwe niTabita, ilyakwaluka ati niDokasi; umwanakasi uyu alifulile imilimo iweme nefyaluse ifi alukupa. 37Paliŵele ati insiku isyo alilwele, nekufwa; popele aŵantu, pakumusamfya, ŵalimulalicile munande'yapeulu. 38Peŋka, pakuti umusi waLida wali apepi nakuJopa, aŵasambile, pakumfwa ati Petilo ekwali, ŵalitumine aŵantu ŵaŵili kuli ye mukumukombetela ati: Mwikokola ukwisa kuli fweŵo. 39Peŋka Petilo aliimine, nekuya naŵo. Ili aficile, ŵalimwinjisye munande'yo iyapeulu; neŵanakasi ŵamukamfwilwe naŵo ŵonse ŵaliimakene pali ye, ukulukulila, nekulanjisya iminjila nefyakufwala, ifyo ifi apasile Dokasi, ili alukwikala naŵo. 40Sombi Petilo aliŵafumisye-mo ŵonse, nekufukama pansi, nekutembela; naye nekwalucila kumufu uyo, nekulaŵila ati: Tabita, ŵuka! Naye nekusinsimuka; peŋka, pakumuŵona Petilo, alianducile. 41Naye alitambicile ukuŵoko kwakwe, nekumwimya; popele aliŵetile aŵaluŋgeme naŵamukamfwilwe, nekuŵapela lomba mulaŵi. 42Lomba ifyo fyaliumfwanicile monse muJopa; neŵantu aŵenji naŵo ŵalicetekele kuli ŵaSikulu. 43Popele apo Petilo aliikele insiku isinji kujopa, pamo naSimoni umunyucisi.
Currently Selected:
Ifyacitilwe 9: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Ifyacitilwe 9
9
1Sombi Saulu ili acipemasika ifyakuŵapatila nekuŵepaya aŵasambile ŵaŵaSikulu, aliile kumupapatilisi umukulu, 2nekulomba kuli ye iŋkalata isyakuya kuDamasiko kumasunagoge, ati kani ŋkasaŋge-ko ŵambi aŵali ŵaNsila iyi, kani ŵalalume kani ŵanakasi, ŋkawakake, mbalete kuJelusalemi, 3Popele, pakuya ili enda, paliŵele ati alipalamine kuDamasiko; peŋka ukutuŵa ukwafumine kwiulu kwalipulilile ukumuŵyatila. 4Naye aliwilile pansi, nekumfwa nesiwi lilukulaŵila kuli ye ati: Saulu, Saulu, mbanindo ulukuŋkululusisya? 5Naye ati: Mbanimweŵanani, mweŵaSikulu? Kumfwa ati: NineŵaYesu aŵa ulukupensya: ukusaŵula iciŵambala coŵe kufyakusosala kulikatesye! 6Naye alitutumine, nekukaŋkamana, nekulaŵila ati: MweŵaSikulu, mulukufwaya ati ncite' ndo? Naŵo ŵaSikulu ŵalilaŵile kuli ye ati: Ima, winjile mumusi, lomba fikalaŵilwa kuli weŵo ifyo ifyelelwe weŵo ukucita. 7Kaŵili aŵantu aŵo, aŵo alukwenda naŵo, ŵaliimakene lukoso celele, pakuti ŵalukumfwe'siwi, sombi taŵabwene-po muntu. 8Fyopele'fyo Saulu nekupatamuka; peŋka pakutapuka, taabwene-po neli kantu; naŵo ŵalimukulicile, nekumwinjisya muDamasiko. 9Naye aliikele uwakuŵulo'kulaŵa insiku sitatu; taalile-po neli kunwa konse koku.
10Ekwali umbi umusambile kuDamasiko, isina lyakwe niAnanaya; popele ŵaSikulu ŵalilaŵile kuli ye mukulota ati: Ananaya! Naye ati: Nineŵo, Sikulu! 11Kumfwa ŵaSikulu ŵalilaŵile kuli ye ati: Ima, uye kumuseŵo uwilicilwe ati Uluŋgeme, ukepusye muŋanda yakwe Juda, mukufwaya umuntu isina lyakwe niSaulu, umuntu wakuTaso; pakuti, ŵona, alukutembela. 12Lomba aŵona umuntu, isina lyakwe niAnanaya, alukwinjila nekumutintila iminwe yakwe, ati apoke ukulaŵa kwakwe. 13Sombi Ananaya aliasucile ati: MweŵaSikulu, naliumfwile kuŵantu aŵenji ifyamuntu uyu, ifyakuŵifya ukukulu acitile kuwaluŋgeme ŵenu kuJelusalemi: 14nakaŵili pano ali neŵukulu kuŵapapatilisi aŵakulu, ubwakuŵakaka ŵonse aŵalukulilila isina lyenu. 15Sombi ŵaSikulu ŵalilaŵile kuli ye ati: Koya lukoso, pakuti uyu ninoŋgo isalulwilwe kuli neŵo, iyakupinta isina lyanji pamenso aŵenafyalo nemfumu neŵaIsilaeli naŵo; 16pakuti ŋkamulanjisya ati ukumwelelwa ukusomenwa kufintu ifinji pakuti pesina lyanji.
17Popele Ananaya alikumbulucile, nekwinjila namuŋanda iyo, nekumutintila neminwe, nekulaŵila ati: Wemukwasu Saulu, ŵaSikulu Yesu, aŵabwenekele kuli weŵo munsila umu waisile, eŵantuma neŵo, ati upoke ukulaŵa koŵe, wisule Umupasi Uswetelele. 18Impindi iyo yopele, fyaliponene ifintu mumenso akwe koti mamba; naye alipokele nekulaŵa kwakwe; nekwima, nekuŵatisiwa; 19kaŵili nekupoka ifyakulya, nekukosa.
Popele apo aliikele insiku simbi pamo neŵasambile aŵali kuDamasiko; 20naye walipulilile ukulukutulisya mumasunagoge ati ŵaYesu Ŵana ŵaŵaLesa. 21Peŋka ŵonse aŵamumfwile ŵalikaŋkamene, nekulaŵila ati: Kansi uyu teye ulya uwalukonala aŵo aŵalukulilila isina ili kujelusalemi? Kaŵili aliisile kuno ati ŋkawakake aŵantu mbatwale kuŵapapatilisi aŵakulu. 22Sombi Saulu alikulile nemakosa ukwakucila, nekuŵakaŋkamika aŵaJuda aŵaikele kuDamasiko, nekulanjisya ati aŵa niŵaKlistu.
23Lomba, pakukumana insiku isinji, aŵaJuda ŵalifundene ati tumwipaye. 24Sombi ukwalika kwaŵo kwaliisiŵilwe kuli Saulu. Ŵalukuceta pamisiko yeliŋga pakasuŵa napaŵusiku, ati ŋgatumwipaye. 25Sombi aŵasambile ŵakwe ŵalimutwite uŵusiku, nekumupusya mwiliŋga, ukumuselusisya mucitundu.
26Popele, pakufika kuJelusalemi, aliesesye ukukumaŋkana neŵasambile; sombi ŵonse ŵalimutinine, pakuti taŵacetekele ati naye musambile. 27Sombi Banaba alimupintile, nekumutwala kuntanjisi, nekusiŵulisisya ifi abwene ŵaSikulu munsila, ati ŵalilaŵile kuli ye; nefi alukuŵulisisya mwisina lyaŵaYesu nemutima ukosele kuDamasiko. 28Popele apo ali nasyo pakulukufuma napakulukwinjila mu Jelusalemi, 29ili asimika nemutima ukosele mwisina lyaŵaSikulu; kaŵili alukulaŵila nekuŵapicisisya aŵaEla aŵaalucile ŵaJuda. Sombi aŵo ŵalukwesyo'kumwipaya. 30Popele awana-ŵaŋkasi, pakwisiŵe'fyo, ŵalimutwite kuKaisalia, nekumutuma kuTaso.
31Nalyo ikelesya ilyali monse mucalo caŵena-Juda namuGalili namuSamalya, lyaliikele neŵutende, nekwiŵakwa; lomba, pakulukwenda ili litonda ŵaSikulu nekusaŋgalala kuMupasi Uswetelele, lyalifulile.
32Paliŵele ati Petilo, pakulukupitana ponse, alificile nakuwaluŋgeme aŵaikele kuLida. 33Kopele uko alisanjile umbi umuntu isina lyakwe niAinea, uwalukulala paŵulo bwakwe imyaka isanu naitatu, pakuti alikonaicile. 34Naye Petilo alilaŵile kuli ye ati: WeAinea, ŵaYesu Klistu ŵalukukuŵusya; ima, wansike uŵulo ŵoŵe! Naye nekupulutiokwima. 35Lomba ŵonse aŵalukwikala kuLida nakuSyaloni ŵalimubwene, nekwalulucila kuli ŵaSikulu.
36Sombi ekwali kujopa umusambile umbi, isina lyakwe niTabita, ilyakwaluka ati niDokasi; umwanakasi uyu alifulile imilimo iweme nefyaluse ifi alukupa. 37Paliŵele ati insiku isyo alilwele, nekufwa; popele aŵantu, pakumusamfya, ŵalimulalicile munande'yapeulu. 38Peŋka, pakuti umusi waLida wali apepi nakuJopa, aŵasambile, pakumfwa ati Petilo ekwali, ŵalitumine aŵantu ŵaŵili kuli ye mukumukombetela ati: Mwikokola ukwisa kuli fweŵo. 39Peŋka Petilo aliimine, nekuya naŵo. Ili aficile, ŵalimwinjisye munande'yo iyapeulu; neŵanakasi ŵamukamfwilwe naŵo ŵonse ŵaliimakene pali ye, ukulukulila, nekulanjisya iminjila nefyakufwala, ifyo ifi apasile Dokasi, ili alukwikala naŵo. 40Sombi Petilo aliŵafumisye-mo ŵonse, nekufukama pansi, nekutembela; naye nekwalucila kumufu uyo, nekulaŵila ati: Tabita, ŵuka! Naye nekusinsimuka; peŋka, pakumuŵona Petilo, alianducile. 41Naye alitambicile ukuŵoko kwakwe, nekumwimya; popele aliŵetile aŵaluŋgeme naŵamukamfwilwe, nekuŵapela lomba mulaŵi. 42Lomba ifyo fyaliumfwanicile monse muJopa; neŵantu aŵenji naŵo ŵalicetekele kuli ŵaSikulu. 43Popele apo Petilo aliikele insiku isinji kujopa, pamo naSimoni umunyucisi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.