Ifyakutaŋga 22
22
1Popele apo panuma yafintu ifyo, lomba ŵaLesa ŵalimwesesye Ablaamu, nekulaŵila kuli ye ati: Ablaamu! Naye ati: 2Nineŵo ŋkuno. Lomba ŵaLesa ati: Pano pinto'mwana woŵe, uyu uli eŋka, uyu ulukutemwa, lsaci, uye kucalo caMoliya; ukamupose uko koti mulambu uwakoca pambi palupili apo ŋkakuwula.
3Popele Ablaamu aliimine ulucelocelo, nekusamike'mboŋgolo yakwe, nekupinta aŵantu ŵakwe awasaŋkwa ŵaŵili, pamo nalsaci umwana wakwe; kaŵili aliteŵele iŋkuni isyakumulambu uwakoca, lomba nekwima nekuyo'ko ukwamuŵulile ŵaLesa. 4Pakasuŵa akakuleŋge'nsiku sitatu Ablaamu aliceŵucile, nekukuŵono'ko ukutali. 5Popele Ablaamu alilaŵile kuwasaŋkwa ŵakwe ati: Ikaleni pano nemboŋgolo, lomba fweŵilo nemusaŋkwa twakuyo'ko; popele twakucindika ŵaLesa, eli twakubwelela kuli mweŵo. 6Popele Ablaamu aliŵulile iŋkuni isyakumulambu uwakoca, nekumutwika Isaci umwana wakwe; kaŵili alipintile muminwe yakwe umulilo neciŵesi; popele ŵaliile ŵoŵilo pamo. 7Popele Isaci walilaŵile kuli Ablaamu wisi ati: Tata! Naye ati: Nineŵo ŋkuno, wemwana wanji. Naye Isaci ati: Ŵoneni umulilo ŋguno neŋkuni: sombi ali kulipi umwana wambelele uwakoco'mulambu? 8Popele Ablaamu ati: ŴaLesa'ŵene eŵakutupelo'mwana wambelele uwakoco'mulambu, wemwana wanji. Fyopele'fyo kaŵenda pamo ŵoŵilo.
9Lomba ŵalificile uko ukwamuŵulile ŵaLesa; popele Ablaamu waliŵunjile amabwe iconto, nekwansike'ŋkuni, nekumukaka lsaci umwana wakwe, nekumulalika paconto, peulu paŋkuni, 10Popele Ablaamu alitambicile ukuŵoko kwakwe, nekuŵule'ciŵesi ati mwipaye umwana wanji. 11Lombe'ŋkalamba yaŵaYawe yalimwitile kwiulu, ati: Ablaamu! Ablaamu! Naye ati: Nineŵo ŋkuno. 12Nayo ati: Wiŵiko'kuŵoko koŵe pamusaŋkwa, neli kumucita neli kantu: pakuti ŵukumo ndiisi ati ulukuŵatonda ŵaLesa, pakuti toŋkenye umwana woŵe, uyu uli eŋka, 13Popele Ablaamu aliceŵucile, nekucencenta, lomba kuŵona panuma pakwe nikumbelele iyalalume iiketwe mucinsokela kumaseŋgo; popele Ablaamu waliile nekupoka imbelele, nekwiposo'mulambu uwakoca pamupunda wamwana wakwe.
14Popele apo Ablaamu alipelicile apo isina lyapapo ati niYawe-yile: koti nifyopele'fyo ifilaŵilwe nakukasuŵa kalelo, ati: Palupililwa ŵaYawe fikapelwa.
15Kaŵili iŋkalamba yaŵaYawe yalimwi tile Ablaamu naliŵili kwiulu, nekulaŵila ati: 16ŴaYawe ati: Pakuti wacite'ci-cintu, nekuŵulo'kukanyo'mwana woŵe, uyu uli eŋka, lomba nalilapa ati: 17Ukukusyucisya ŋkakusyucisya, nakaŵili ukuŵafusya ŋkawafusya aŵana ŵoŵe, ŵakaŵa koti tuwaŋgawaŋga utwamwiulu, nakoti miseŋga iyapambali yacisiŵa; kaŵili aŵana ŵoŵe ŵakalukuli nemulyaŋgo watupondo twaŵo; 18nakaŵili muŵana ŵoŵe emo ikasyucila imikoka yaŵantu iyamucalo yonse; pakuti wakuticisya isiwi lyanji.
19Popele Ablaamu walibwelele kuŵantu ŵakwe awasaŋkwa, naŵo ŵaliimine nekuya ŵonse kuBeyasyeba; popele apo Ablaamu walukwikele kuBeyasyeba.
20Popele apo panuma pali fyefyo, palilaŵilwe kuli Ablaamu ati: Ŵona, Milika naye alimufyalile aŵana umukwanu Nako; 21Use umwana wakwe umuŵele, naBuse umukwaŵo, naKemweli wisi Alama; 22naCesedi naYa so naPilidasi naYidilafi naBetweli. 23Kaŵili Betweli walifyele Libeka: aŵo ŵasanu naŵatatu Milika ewamufyalile Nako, umukwaŵo Ablaamu. 24Nakaŵili umwanakasi wakwe, isina lyakwe niLeuma, naye walifyele Teba naGayami naTayasi naMa yaka.
Currently Selected:
Ifyakutaŋga 22: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
