Yoane 19
19
1Pilati lomba aliŵekete ŵaYesu nekuŵakupaula. 2Naŵo aŵasilikani ŵaliposele umuntinya wamvuŋga, nekuŵika napamutwi waŵo, nekuŵafwika nemwinjila ukasicile; 3peŋka ŵaliisile kuli ŵo nekulaŵila ati: Mutende, wemfumu yaŵaJuda! peŋka nekumupamala nemapi. 4Lomba Pilati alifumine liŵili, nekulaŵila kuli ŵo ati: Ŵoneni, ndukumufumisya pesonde pali mweŵo, ati mwisiŵe ati neŵo nsibwene-po muli ye neli keŵo akakumuŵipila. 5Lomba ŵa Yesu ŵalifumine ili ŵafwite umuntinya wamyuŋga, nemwinjila ukasicile. Naye Pilati alilaŵile kuli ŵo ati: Ŵoneni umuntu ŋgu! 6Pakuti pali fyefyo aŵapapatilisi aŵakulu nefilolo, pakuŵaŵona, ŵaliŵilicisye ati: Mutalikeni, mutalikeni! Pilati naye alilaŵile kuli ŵo ati: Mweŵo mweŵene mumutwale, mumutalike; pakuti neŵo nsibwene-po muli ye neli keŵo akakumuwipila, 7Naŵo aŵaJuda ŵalimwasucile ati: Sombi fweŵo tuli nefunde; nakwifunde'lyo ukwelelwa ati afwe, pakuti alukulieŵa ati nineMwana waŵaLesa.
8Lomba Pilati, pakumfwa amasiwi ayo, aliŵele nemwenso ukucila; 9peŋka nekwinjila liŵili mwilaŵililo, nekuŵepusya ŵaYesu ati: Mbawe ulitulile kwisa? Sombi ŵaYesu taŵamwasucile-po. 10Pakuti pali fyefyo Pilati alilaŵile kuli ŵo ati: Tolukulaŵila kuli neŵo? Kansi tawisiŵile ati ndi neŵukulu ubwakukukakulula, kaŵili ndi neŵukulu ubwakukutalika? 11ŴaYesu nekumwasuka ati: Ŋga tamupelwe uŵukulu ubwakufuma kwiulu, ŋga tamuli-po neŵukulu pali ncŵo; pakuti pali fyefyo uwandetele ukumupeleni mweŵo, uyo euli nekuŵifya ukwakucila. 12Pakumfwe'fyo Pilati alukufwavo'kuwakakulula: sombi aŵaJuda ŵaliŵilicisye ati: Kani mumukakulule uyu, tamuli-po ciŵusa caŵaKaisa, pakuti aŵantu ŵonse uyo ulukulieŵa nimfumu eulukuŵaalucila ŵaKaisa. 13Pakuti pali fyefyo Pilati, pakumfwa amasiwi ayo, aliŵafumisye ŵaYesu pesonde, nekwikala peteŵe ilyakusololwelapo imilandu pamupunda apailicilwe ati Luŵansa lwaMabwe, sombi muŵuEbeya ati niGabata. 14Akasuŵa ako kalukwansicilwa pamuciluko; kaŵili akasuŵa kali pakati keulu, Peŋka Pilati alilaŵile kuŵaJuda ati: Ŵoneni, Imfumu yenu nji! 15Eli ŵaŵilicisye ati: Mufumyeni, mufumyeni! Mumutalike! Pilati naye nekuŵepusya ati: Njitalike Imfumu yenu? Aŵapapatilisi aŵakulu ŵaliasucile ati: Tatukwete imfumu imbi sombi ŵeŋka waKaisa emfumu yesu. 16Lomba Pilati aliŵaposele kuli ŵo mukutalikwa.
Naŵo ŵaliŵapokele ŵaYesu nekuŵatwala. 17Naŵo ŵalifumine ili ŵapintile aŵene umutaliko waŵo, ukuyo'ko ukwailicilwe ati nikwiKoŵoŋgo, sombi muŵuEbeya ati niGolagota. 18Eko ŵaŵatalicile, naŵambi naŵo ŵaŵili pamo naŵo; umbi kumbali yacipiko, umbi naye kumbali yalwine, ŵaYesu aŵene pakati. 19Kaŵili Pilati alilembele umutalilo nekuuŵika pamutaliko. Palilembelwe ati: YESU UWAKUNASALETI, IMFUMU YAŴAJUDA. 20Lomba aŵaJuda aŵenji ŵalipendele umutalilo uyo, pakuti apo apatalicilwe ŵaYesu pali apepi napamusi; kaŵili palilembelwe muŵuEbeya namuŵuEla namuŵuLoma. 21Pakuti pali fyefyo aŵapapatilisi aŵakulu ŵaŵaJuda ŵalilaŵile kuli Pilati ati: Mwilemba ati—Nimfumu yaŵaJuda; sombi ati umwine alukulieŵa ati—Ninemfumu yaŵaJuda. 22Eli aŋgaasuka Pilati ati: Ifyo ifi nalemba'kale, nalemba.
23Peŋka aŵasilikani, ili ŵaŵatalicile ŵa Yesu, ŵaliŵulile ifyakufwala fyaŵo nekulekanya pane, ukwaŵana-aŵana aŵasilikani ŵonse; kaŵili nemwinjila; sombi umwinjila tawakwete-milundo, wali lukoso uwakuposa ukufumya kwiulu ukufika nakunsi. 24Pakuti pali fyefyo ŵaliŵulansyenye ati: Twiukwamala, sombi ŋgatucite icipa, tuŵone nemwine uwakupoka; ifyo ati amalembo apelelwe pamo alaŵile ati:
Ŵaliaŵene ifyakufwala fyanji,
Napamwinjila wanji napo ŵalicitile icipa.
Efyopele'fyo ifi ŵacitile aŵasilikani. 25Lomba apepi napamutaliko waŵaYesu paliimakene ŵanyinaŵo, neŵakwaŵo ŵanyinaŵo, Maliya umukasi wakwe Klopa, naMaliya uwakuMagadala. 26Lomba ŵaYesu pakuŵona ŵanyinaŵo nemusambile uyo ŵatemenwe ŵaliimakene apo, ŵalilaŵile kuli ŵanyinaŵo ati: Mweŵanakasi, ŵoneni, umwana wenu ŋgu! 27Eli ŵaŋgalaŵila kumusambile uyo ati: Ŵona ŵanoko mba! Lomba ukutatika nakumpindi iyo umsambile uyo aliŵatwite kwaŵo umwine.
28Lomba panuma pali fyefyo, ŵa Yesu, pakuti ŵaliisiŵile ati ifintu fyonse pano fyakonsiwa, ŵalilaŵile ati: Ndi necilaka! Ifyo ati amalembo akumanine. 29Kopele uko ŵaliŵicile-ko nemusasi uwiswile ifinega; peŋka ŵalisumpwilemo nesiponje mwifinega, nekuŵika namucipeti caesobi, nekusuntula ukufisya namukanwa kaŵo. 30Lomba ŵaYesu, pakupoke'finega ŵalilaŵile ati: Pano kwakonsiwa! Eli ŵalebwisye umukosi waŵo, nekuleko'mupasi waŵo.
31Pakuti pali fyefyo aŵaJuda ŵalimukombetele Pilati ati aŵo aŵatalikwa amolu aŵo akonalwe, ŵafumisiwe-po; fiiŋgekala ifitumbi pamutaliko pakasuŵa kasabata, pakuti kalukwansicilwa pamuciluko; nako akasuŵa ako akasabata kakulu. 32Eli ŵaisile aŵasilikani nekwakonala amolu awakutaŋga neawoyo uwatalicilwe pamo naŵo; 33sombi pakufika kuli ŵaYesu, nekuŵona ati ŵafwa' kale, taŵaŵakonawile-po amolu; 34sombi umbi umusilikani aliŵatibwile muntiŵi ifumo; peŋka nemilopa nemenda alipulilile ukupokomoka. 35Uwabwene'fyo alukufisimika, nako ukusimika kwakwe kwacine; naye aliisi ati alukulaŵile'fyacine, ati namweŵo mucetekele. 36Pakuti ifintu ifyo fyaliŵele, ati fikapelelwe pamo nemalembo ayo ati: Uyo, ifupa lyakwe neli limo talikakononwa-po. 37Nakaŵili ilembo limbi ati: Ŵakalukumulolesya-po uyo uyu ŵatibwile.
38Panuma pali fyefyo-fintu, Josefi uwakuAlimatea, uwali musambile waŵaYesu, sombi wakumfiso pakuti alukuŵatina aŵaJuda, alimulombele Pilati ati ŋgancifumye icitumbi caŵaYesu; naye Pilati alisumine. Pakuti pali fyefyo aliisile nekucifumya icitumbi caŵo. 39Kaŵili kwaliisile naNikodemo, uwaisile pakutaŋga kuli ŵa Yesu uŵusiku, ili apintile mola naŵaaloe awapataŋkene pamo; aŵo ukwesya kwaŵo kwali koti nimpondo umwanda umo. 40Lomba ŵoŵilo ŵaliciŵulile icitumbi caŵa Yesu nekucipamba munsalu syambafuta pamo nefinuncile bwino, koti kwisiŵila kwaŵaJuda ifi ŵacita pakusike'mfwa. 41Kopele uko uku ŵatalicilwe kwali neŵala; mwiŵale'lyo mwali neceŋgo lyaŵukumo, umo tamuŋgawikwa-mo neli umo umuntu. 42Peŋka mopele umo ŵaliŵaŵicile ŵaYesu, pakuti impindi yalimanamine napamuciluko waŵaJuda; pakuti ilyoceŋgo lyali apepi.
Currently Selected:
Yoane 19: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Yoane 19
19
1Pilati lomba aliŵekete ŵaYesu nekuŵakupaula. 2Naŵo aŵasilikani ŵaliposele umuntinya wamvuŋga, nekuŵika napamutwi waŵo, nekuŵafwika nemwinjila ukasicile; 3peŋka ŵaliisile kuli ŵo nekulaŵila ati: Mutende, wemfumu yaŵaJuda! peŋka nekumupamala nemapi. 4Lomba Pilati alifumine liŵili, nekulaŵila kuli ŵo ati: Ŵoneni, ndukumufumisya pesonde pali mweŵo, ati mwisiŵe ati neŵo nsibwene-po muli ye neli keŵo akakumuŵipila. 5Lomba ŵa Yesu ŵalifumine ili ŵafwite umuntinya wamyuŋga, nemwinjila ukasicile. Naye Pilati alilaŵile kuli ŵo ati: Ŵoneni umuntu ŋgu! 6Pakuti pali fyefyo aŵapapatilisi aŵakulu nefilolo, pakuŵaŵona, ŵaliŵilicisye ati: Mutalikeni, mutalikeni! Pilati naye alilaŵile kuli ŵo ati: Mweŵo mweŵene mumutwale, mumutalike; pakuti neŵo nsibwene-po muli ye neli keŵo akakumuwipila, 7Naŵo aŵaJuda ŵalimwasucile ati: Sombi fweŵo tuli nefunde; nakwifunde'lyo ukwelelwa ati afwe, pakuti alukulieŵa ati nineMwana waŵaLesa.
8Lomba Pilati, pakumfwa amasiwi ayo, aliŵele nemwenso ukucila; 9peŋka nekwinjila liŵili mwilaŵililo, nekuŵepusya ŵaYesu ati: Mbawe ulitulile kwisa? Sombi ŵaYesu taŵamwasucile-po. 10Pakuti pali fyefyo Pilati alilaŵile kuli ŵo ati: Tolukulaŵila kuli neŵo? Kansi tawisiŵile ati ndi neŵukulu ubwakukukakulula, kaŵili ndi neŵukulu ubwakukutalika? 11ŴaYesu nekumwasuka ati: Ŋga tamupelwe uŵukulu ubwakufuma kwiulu, ŋga tamuli-po neŵukulu pali ncŵo; pakuti pali fyefyo uwandetele ukumupeleni mweŵo, uyo euli nekuŵifya ukwakucila. 12Pakumfwe'fyo Pilati alukufwavo'kuwakakulula: sombi aŵaJuda ŵaliŵilicisye ati: Kani mumukakulule uyu, tamuli-po ciŵusa caŵaKaisa, pakuti aŵantu ŵonse uyo ulukulieŵa nimfumu eulukuŵaalucila ŵaKaisa. 13Pakuti pali fyefyo Pilati, pakumfwa amasiwi ayo, aliŵafumisye ŵaYesu pesonde, nekwikala peteŵe ilyakusololwelapo imilandu pamupunda apailicilwe ati Luŵansa lwaMabwe, sombi muŵuEbeya ati niGabata. 14Akasuŵa ako kalukwansicilwa pamuciluko; kaŵili akasuŵa kali pakati keulu, Peŋka Pilati alilaŵile kuŵaJuda ati: Ŵoneni, Imfumu yenu nji! 15Eli ŵaŵilicisye ati: Mufumyeni, mufumyeni! Mumutalike! Pilati naye nekuŵepusya ati: Njitalike Imfumu yenu? Aŵapapatilisi aŵakulu ŵaliasucile ati: Tatukwete imfumu imbi sombi ŵeŋka waKaisa emfumu yesu. 16Lomba Pilati aliŵaposele kuli ŵo mukutalikwa.
Naŵo ŵaliŵapokele ŵaYesu nekuŵatwala. 17Naŵo ŵalifumine ili ŵapintile aŵene umutaliko waŵo, ukuyo'ko ukwailicilwe ati nikwiKoŵoŋgo, sombi muŵuEbeya ati niGolagota. 18Eko ŵaŵatalicile, naŵambi naŵo ŵaŵili pamo naŵo; umbi kumbali yacipiko, umbi naye kumbali yalwine, ŵaYesu aŵene pakati. 19Kaŵili Pilati alilembele umutalilo nekuuŵika pamutaliko. Palilembelwe ati: YESU UWAKUNASALETI, IMFUMU YAŴAJUDA. 20Lomba aŵaJuda aŵenji ŵalipendele umutalilo uyo, pakuti apo apatalicilwe ŵaYesu pali apepi napamusi; kaŵili palilembelwe muŵuEbeya namuŵuEla namuŵuLoma. 21Pakuti pali fyefyo aŵapapatilisi aŵakulu ŵaŵaJuda ŵalilaŵile kuli Pilati ati: Mwilemba ati—Nimfumu yaŵaJuda; sombi ati umwine alukulieŵa ati—Ninemfumu yaŵaJuda. 22Eli aŋgaasuka Pilati ati: Ifyo ifi nalemba'kale, nalemba.
23Peŋka aŵasilikani, ili ŵaŵatalicile ŵa Yesu, ŵaliŵulile ifyakufwala fyaŵo nekulekanya pane, ukwaŵana-aŵana aŵasilikani ŵonse; kaŵili nemwinjila; sombi umwinjila tawakwete-milundo, wali lukoso uwakuposa ukufumya kwiulu ukufika nakunsi. 24Pakuti pali fyefyo ŵaliŵulansyenye ati: Twiukwamala, sombi ŋgatucite icipa, tuŵone nemwine uwakupoka; ifyo ati amalembo apelelwe pamo alaŵile ati:
Ŵaliaŵene ifyakufwala fyanji,
Napamwinjila wanji napo ŵalicitile icipa.
Efyopele'fyo ifi ŵacitile aŵasilikani. 25Lomba apepi napamutaliko waŵaYesu paliimakene ŵanyinaŵo, neŵakwaŵo ŵanyinaŵo, Maliya umukasi wakwe Klopa, naMaliya uwakuMagadala. 26Lomba ŵaYesu pakuŵona ŵanyinaŵo nemusambile uyo ŵatemenwe ŵaliimakene apo, ŵalilaŵile kuli ŵanyinaŵo ati: Mweŵanakasi, ŵoneni, umwana wenu ŋgu! 27Eli ŵaŋgalaŵila kumusambile uyo ati: Ŵona ŵanoko mba! Lomba ukutatika nakumpindi iyo umsambile uyo aliŵatwite kwaŵo umwine.
28Lomba panuma pali fyefyo, ŵa Yesu, pakuti ŵaliisiŵile ati ifintu fyonse pano fyakonsiwa, ŵalilaŵile ati: Ndi necilaka! Ifyo ati amalembo akumanine. 29Kopele uko ŵaliŵicile-ko nemusasi uwiswile ifinega; peŋka ŵalisumpwilemo nesiponje mwifinega, nekuŵika namucipeti caesobi, nekusuntula ukufisya namukanwa kaŵo. 30Lomba ŵaYesu, pakupoke'finega ŵalilaŵile ati: Pano kwakonsiwa! Eli ŵalebwisye umukosi waŵo, nekuleko'mupasi waŵo.
31Pakuti pali fyefyo aŵaJuda ŵalimukombetele Pilati ati aŵo aŵatalikwa amolu aŵo akonalwe, ŵafumisiwe-po; fiiŋgekala ifitumbi pamutaliko pakasuŵa kasabata, pakuti kalukwansicilwa pamuciluko; nako akasuŵa ako akasabata kakulu. 32Eli ŵaisile aŵasilikani nekwakonala amolu awakutaŋga neawoyo uwatalicilwe pamo naŵo; 33sombi pakufika kuli ŵaYesu, nekuŵona ati ŵafwa' kale, taŵaŵakonawile-po amolu; 34sombi umbi umusilikani aliŵatibwile muntiŵi ifumo; peŋka nemilopa nemenda alipulilile ukupokomoka. 35Uwabwene'fyo alukufisimika, nako ukusimika kwakwe kwacine; naye aliisi ati alukulaŵile'fyacine, ati namweŵo mucetekele. 36Pakuti ifintu ifyo fyaliŵele, ati fikapelelwe pamo nemalembo ayo ati: Uyo, ifupa lyakwe neli limo talikakononwa-po. 37Nakaŵili ilembo limbi ati: Ŵakalukumulolesya-po uyo uyu ŵatibwile.
38Panuma pali fyefyo-fintu, Josefi uwakuAlimatea, uwali musambile waŵaYesu, sombi wakumfiso pakuti alukuŵatina aŵaJuda, alimulombele Pilati ati ŋgancifumye icitumbi caŵaYesu; naye Pilati alisumine. Pakuti pali fyefyo aliisile nekucifumya icitumbi caŵo. 39Kaŵili kwaliisile naNikodemo, uwaisile pakutaŋga kuli ŵa Yesu uŵusiku, ili apintile mola naŵaaloe awapataŋkene pamo; aŵo ukwesya kwaŵo kwali koti nimpondo umwanda umo. 40Lomba ŵoŵilo ŵaliciŵulile icitumbi caŵa Yesu nekucipamba munsalu syambafuta pamo nefinuncile bwino, koti kwisiŵila kwaŵaJuda ifi ŵacita pakusike'mfwa. 41Kopele uko uku ŵatalicilwe kwali neŵala; mwiŵale'lyo mwali neceŋgo lyaŵukumo, umo tamuŋgawikwa-mo neli umo umuntu. 42Peŋka mopele umo ŵaliŵaŵicile ŵaYesu, pakuti impindi yalimanamine napamuciluko waŵaJuda; pakuti ilyoceŋgo lyali apepi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.