Mako 13
13
1Peŋka, ili ŵalukufuma-mo mwitempuli, umbi umusambile waŵo alilaŵile kuli ŵo ati: MweŵaSambisi, ŵoneni-ko! Amabwe aya! Imiiŵacilo iyi! 2Naŵo ŵaYesu nekumwasuka ati: Ulukuŵone'cine imiiŵacilo iyi ikulu? Talikasyala-po neli libwe limo peulu paliŵyakwe, ilikaŵulo'kuposwa pansi.
3Peŋka, ili ŵaikele palupili lwaMaolife ulwasiŋkamene kwitempuli, naPetilo na Iakobo naYoane naAndaleya ŵaliŵepwisye kumpelo ati: 4Ŋgamutuŵule mbalisa ifi-fintu fikacitwa? Nakaŵili mbakesa-kesiŵilo kakaŵa-po pakupalamina ukucitwa lfi-fintu fyonse?
5Lomba ŵaYesu ŵalitaticile ukulaŵila kuli ŵo ati: Cenjeleni ŵeŋgesa aŵantu neli umo ukumupasusyeni! 6A ŵenji ŵakesa mwisina lyanji, nekulukulaŵila ati: Neŵo ndi woyo! nekuŵapasusya aŵenji. 7Nakaŵili, ili mukalukumfwa ifyaŋkondo, nefyampupo isyaŋkondo, tekususwa: fyelelwe ati ifyo-fintu fikesakwikala; sombi icipelele-ko tacikesa-po peŋka'po, tau. 8Pakuti umusyoŵo waŵantu ukemina pamusyoŵo uŵyakwe, newufumu naŵo paŵufumu uŵuŵyakwe; kaŵili fikaŵa-po nefitulika pambi napambi: nensala syafipumpula sikaŵapo: ifyo-fintu fyakutatika ifyakupotwa.
9Sombi mulukucenjele mweŵene; ŵakamuloŵeleni kumawuŋgano: namumasunagoge namo mukapamiwa, nekwikalikwa pamenso ampemba nemfumu, pakuti pali neŵo, koti niŵumboni ubwakuli syo. 10Sombi leeŵo leiweme cikataŋge ukutulika kumisyoŵo yaŵantu yonse. 11Peŋka ili ŵakalukumutwaleni mukumuloŵeleni, tekuŵamba mumitima ifyafyefyo ifi mukalaŵila; sombi fyonse'fyo ifikapelwa kuli mweŵo pampindi iyo, efyo mukalaŵila; pakuti tamukalukuli nimweŵo mukalukulaŵila, sombi Mupasi Uswetelele. 12Peŋka umuntu akaloŵelo'mukwaŵo kulufu, naŵawisi naŵo umwana waŵo; nakaŵili neŵana ŵakaŵucila aŵaŵafyele, nekuŵepaya. 13Nakaŵili aŵantu ŵonse ŵakalukumufitilweni pakuti pesina lyanji; sombi uyo ukalukukoselela ukuficila pampindi yakupela-ko, uyo wopele eukapuluka.
14Sombi, ili mukaciŵona icakukowesya icakonala iciimakene apo apatapelelwe (uyo upenda, ŋgaalikutute,) peŋka aŵo aŵakalukuli mucalo ca Iudiya, ŋgaŵakaŵutucile kumapili. 15Nawoyo naye ukalukuli pamutenje, tekuseluka, neli kwinjila muŋanda yakwe, ati ŋkafumvemo icintu. 16Nawoyo naye, ukalukuli kwiŵala, tekubwelela ati ŋkaŵule icakufwala canji. 17Sombi ŵakasyama aŵo awakalukuli nemapafu insiku isyo, naŵaŵo aŵakalukonsya! 18Sombi mulukutembela ati ifyo fiikesa-po pamwela. 19Pakuti, pansiku isyo, pakekala ukukululuka, ukwakuŵe'fyo takuŋgesa ukufuma apo apa ŵaleŋgele ŵaLesa ifileŋgelwe fyonse, ukuficila nakumpindi yaŵukumo, neli takukesa-po liŵili insiku syonse. 20Peŋka ŵaSikulu ŋga taŵasicefesye insiku isyo, ŋga tapapulucile neli umo aŵamunefu: sombi pakuti pali ŵaŵo aŵasalulwilwe kuli ŵo, ŵalisicefesye insiku isyo. 21Peŋka pampindi iyo, kani umbi akalaŵile kuli mweŵo ati: Uyu ŵule Klistu! neli ati: Ulya ŵule! tekuficetekela: 22pakuti pakema ŵaklisiu aŵakutumpaika, neŵakusimika aŵakutumpaika, nekubwenesya utwisiŵilo nefyakukaŋkamana, ati ŵakesye ukuŵapasusya neŵasalulwilwe. 23Sombi mweŵo cenjeleni! Ŵoneni, namusimicileni limo ifintu fyonse.
24Sombi pansiku isyo, ili kukasila ukukululuka uko, akasuŵa kakafita, nemwensi nawo tokatuŵa; 25netuwaŋgaŵaŋga nato tukalukupona-mo mwiulu, nemakosa amwiulu akateŋkanisiwa. 26Eli ŵakaŵona Umwana waMuntunsi alukwisa mumakumbi nemakosa akulu neŵuleme. 27Popele apo akasituma iŋkalamba, nekuwuŋganya aŵasalulwilwe ŵakwe ukuwafumya kufipupu fyonane, ukupelele kwacalo capansi ukufika nekupelele kwiulu.
28Sombi musambile ukupalanya uku kumukuyu ati: Imitano yauo, ili yaŵele nekunaka, nekusonsa'maŵula, muliisi ati ulusuŵa lwapalamina. 29Koti nifyopele'fyo namweŵo, ili mukaŵona ati ifyo-fintu filukucitwa, mukesiŵe ati ali apepi pamilyaŋgo, 30leinenene ndukumuŵuleni ati, icitentekwa ici tacikapitapo neli kupita konse, ili tafiŋgakonsiwa ifyo fyonse. 31Iulu necalo capansi cikapita, sombi amasiwi anji taakapita-po, neli kupita konse. 32Sombi ifyakasuŵa ako nempindi iyo taŵalukwisiŵa-po aŵantu ŵonse neli umo, neli niŋkalamba isyakwiulu, neli Mwana, sombi niŵaWisi. 33Kamulukucenjela nekulukulaŋga-laŋga, nekutembela, pakuti tamwisi-po impindi iyo. 34Fili koti muntu uwaile kwikala kucalo cimbi, uwasile iŋanda yakwe, nekuŵapela aŵapyunjisi ŵakwe uŵukulu, nekuŵaŵula ŵonse imilimo yaŵo yaŵo, nekumufunda mulonda ati apembelele. 35Pakuti pali fyefyo, kamulukupembelela, pakuti tamwisi-po iyo-mpindi akesa-mo umwine wananda, kani ciŋgulo, kani nipakati paŵusiku, kani nikumaca, kani lucelo; 36ekesa mukumupulumucileni muli mutulo. 37Ifi ifi ndukulaŵila kuli mweŵo, ndukufilaŵila nakuli ŵo ŵonse, ati: Kamulukupembelela!
Currently Selected:
Mako 13: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Mako 13
13
1Peŋka, ili ŵalukufuma-mo mwitempuli, umbi umusambile waŵo alilaŵile kuli ŵo ati: MweŵaSambisi, ŵoneni-ko! Amabwe aya! Imiiŵacilo iyi! 2Naŵo ŵaYesu nekumwasuka ati: Ulukuŵone'cine imiiŵacilo iyi ikulu? Talikasyala-po neli libwe limo peulu paliŵyakwe, ilikaŵulo'kuposwa pansi.
3Peŋka, ili ŵaikele palupili lwaMaolife ulwasiŋkamene kwitempuli, naPetilo na Iakobo naYoane naAndaleya ŵaliŵepwisye kumpelo ati: 4Ŋgamutuŵule mbalisa ifi-fintu fikacitwa? Nakaŵili mbakesa-kesiŵilo kakaŵa-po pakupalamina ukucitwa lfi-fintu fyonse?
5Lomba ŵaYesu ŵalitaticile ukulaŵila kuli ŵo ati: Cenjeleni ŵeŋgesa aŵantu neli umo ukumupasusyeni! 6A ŵenji ŵakesa mwisina lyanji, nekulukulaŵila ati: Neŵo ndi woyo! nekuŵapasusya aŵenji. 7Nakaŵili, ili mukalukumfwa ifyaŋkondo, nefyampupo isyaŋkondo, tekususwa: fyelelwe ati ifyo-fintu fikesakwikala; sombi icipelele-ko tacikesa-po peŋka'po, tau. 8Pakuti umusyoŵo waŵantu ukemina pamusyoŵo uŵyakwe, newufumu naŵo paŵufumu uŵuŵyakwe; kaŵili fikaŵa-po nefitulika pambi napambi: nensala syafipumpula sikaŵapo: ifyo-fintu fyakutatika ifyakupotwa.
9Sombi mulukucenjele mweŵene; ŵakamuloŵeleni kumawuŋgano: namumasunagoge namo mukapamiwa, nekwikalikwa pamenso ampemba nemfumu, pakuti pali neŵo, koti niŵumboni ubwakuli syo. 10Sombi leeŵo leiweme cikataŋge ukutulika kumisyoŵo yaŵantu yonse. 11Peŋka ili ŵakalukumutwaleni mukumuloŵeleni, tekuŵamba mumitima ifyafyefyo ifi mukalaŵila; sombi fyonse'fyo ifikapelwa kuli mweŵo pampindi iyo, efyo mukalaŵila; pakuti tamukalukuli nimweŵo mukalukulaŵila, sombi Mupasi Uswetelele. 12Peŋka umuntu akaloŵelo'mukwaŵo kulufu, naŵawisi naŵo umwana waŵo; nakaŵili neŵana ŵakaŵucila aŵaŵafyele, nekuŵepaya. 13Nakaŵili aŵantu ŵonse ŵakalukumufitilweni pakuti pesina lyanji; sombi uyo ukalukukoselela ukuficila pampindi yakupela-ko, uyo wopele eukapuluka.
14Sombi, ili mukaciŵona icakukowesya icakonala iciimakene apo apatapelelwe (uyo upenda, ŋgaalikutute,) peŋka aŵo aŵakalukuli mucalo ca Iudiya, ŋgaŵakaŵutucile kumapili. 15Nawoyo naye ukalukuli pamutenje, tekuseluka, neli kwinjila muŋanda yakwe, ati ŋkafumvemo icintu. 16Nawoyo naye, ukalukuli kwiŵala, tekubwelela ati ŋkaŵule icakufwala canji. 17Sombi ŵakasyama aŵo awakalukuli nemapafu insiku isyo, naŵaŵo aŵakalukonsya! 18Sombi mulukutembela ati ifyo fiikesa-po pamwela. 19Pakuti, pansiku isyo, pakekala ukukululuka, ukwakuŵe'fyo takuŋgesa ukufuma apo apa ŵaleŋgele ŵaLesa ifileŋgelwe fyonse, ukuficila nakumpindi yaŵukumo, neli takukesa-po liŵili insiku syonse. 20Peŋka ŵaSikulu ŋga taŵasicefesye insiku isyo, ŋga tapapulucile neli umo aŵamunefu: sombi pakuti pali ŵaŵo aŵasalulwilwe kuli ŵo, ŵalisicefesye insiku isyo. 21Peŋka pampindi iyo, kani umbi akalaŵile kuli mweŵo ati: Uyu ŵule Klistu! neli ati: Ulya ŵule! tekuficetekela: 22pakuti pakema ŵaklisiu aŵakutumpaika, neŵakusimika aŵakutumpaika, nekubwenesya utwisiŵilo nefyakukaŋkamana, ati ŵakesye ukuŵapasusya neŵasalulwilwe. 23Sombi mweŵo cenjeleni! Ŵoneni, namusimicileni limo ifintu fyonse.
24Sombi pansiku isyo, ili kukasila ukukululuka uko, akasuŵa kakafita, nemwensi nawo tokatuŵa; 25netuwaŋgaŵaŋga nato tukalukupona-mo mwiulu, nemakosa amwiulu akateŋkanisiwa. 26Eli ŵakaŵona Umwana waMuntunsi alukwisa mumakumbi nemakosa akulu neŵuleme. 27Popele apo akasituma iŋkalamba, nekuwuŋganya aŵasalulwilwe ŵakwe ukuwafumya kufipupu fyonane, ukupelele kwacalo capansi ukufika nekupelele kwiulu.
28Sombi musambile ukupalanya uku kumukuyu ati: Imitano yauo, ili yaŵele nekunaka, nekusonsa'maŵula, muliisi ati ulusuŵa lwapalamina. 29Koti nifyopele'fyo namweŵo, ili mukaŵona ati ifyo-fintu filukucitwa, mukesiŵe ati ali apepi pamilyaŋgo, 30leinenene ndukumuŵuleni ati, icitentekwa ici tacikapitapo neli kupita konse, ili tafiŋgakonsiwa ifyo fyonse. 31Iulu necalo capansi cikapita, sombi amasiwi anji taakapita-po, neli kupita konse. 32Sombi ifyakasuŵa ako nempindi iyo taŵalukwisiŵa-po aŵantu ŵonse neli umo, neli niŋkalamba isyakwiulu, neli Mwana, sombi niŵaWisi. 33Kamulukucenjela nekulukulaŋga-laŋga, nekutembela, pakuti tamwisi-po impindi iyo. 34Fili koti muntu uwaile kwikala kucalo cimbi, uwasile iŋanda yakwe, nekuŵapela aŵapyunjisi ŵakwe uŵukulu, nekuŵaŵula ŵonse imilimo yaŵo yaŵo, nekumufunda mulonda ati apembelele. 35Pakuti pali fyefyo, kamulukupembelela, pakuti tamwisi-po iyo-mpindi akesa-mo umwine wananda, kani ciŋgulo, kani nipakati paŵusiku, kani nikumaca, kani lucelo; 36ekesa mukumupulumucileni muli mutulo. 37Ifi ifi ndukulaŵila kuli mweŵo, ndukufilaŵila nakuli ŵo ŵonse, ati: Kamulukupembelela!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.