Aposel 14
14
1Ea' Pol naloma Barnabas mafe' mataga Aikoniam mafe' mawis ipat esis Juda sa'i basef sapeinai mawalapa basef si'i mali' manda'am. Amam mawalapa basef bu'wami ea' esis Juda hiesi saloma enis epes owa' Judaisi sombale'efa God. 2Ea' enis epes Juda ina sombale'efa God, owa'. Esis safela ukupa enis amam nematawa owa' Judaisi ea' sanda' epes isima opalef aoma esis Kristen. 3Amam biam mapani nogota launai Aikoniam ea' mawalapa basef Dembinai la'ifim alihim. Amam ina umbamaham, owa'. Ma'ipasa basefa Dembinai nandahomas endilisi nagiambamas. Ea' Dembinai nanda' amam biam mataga la'ifim manda' ikwaf la'ifinai naninani hianai. Ea' dei' esis sogawa basef amama endilisimi atom. 4Ea' esis amam nematawa taun anama sandawaloga biefis. Enis opalef atifim saloma esis Juda, ea' enis saloma amam aposel biam ukup etifim. 5Esis epes ina Judaisi saloma esis sanda'ipama sa'i basef sandame'mam saloma amam agufumi asasimi ea' sa'i sonda' Pol naloma Barnabas aom. Sa'i sokwaha otamba soham afum. 6Ea' amam biam mogawa amama mafa' mafe' etap hiagoma Likonia ma wambel biefina Listra naloma Derbe ea' anona wambel felefele'ma anama. 7Amam manda' maol mawalapa basef bu'wami Godi ma esis sape wambel anama.
Pol naloma Barnabas manda' maol Listra naloma Derbe
8Anona aman nape wambel anama Listra, bo'wagah ananimi maga' mailana. Fowa' anan ata' nape opaf mama'wanai bo'wagah ananimi maga' mailana nape na'ama. Aman anama ina naitu nafe' kwaukwawie', owa'. 9Ea' anan name' Pol na'i basef ea' Pol natolona titi nogawana na'i aman anama nembale'efa Goda notaga bo'ona wapoti'. 10Ea' natolona titi na'i basef la'ifimi na'ama na'i, “Ine' hafel nitu.”
Ea' nohafel mehip naitu ea' nafe'.
11Amam nematawa hiesi sati amama Pol nanda'ami ea' sa'i mehip diga Likoniai na'ama sa'i, “Amam god dambami ape'imi biam mataga si'i epes misila'a ape'!”
12Barnabas sofalana sa'i anona dembinai Sus. Ea' Pol anan aman nanda' basef atomi. Ea' sofalana sa'i anona dembinai Hermes. 13Ipat esis sanda' lotuma Susi notawa ande' taun anama. Ea' pris nondolalima Susi nofa' anom bulmakau suwafumi maloma enis afis sowalo'ami ea' nafi'i uta anama tauni. Anan nalumai esis amam nematawa sa'i sondolali sonda' ofa ma amam biam.
14Amam aposel Barnabas naloma Pol mame' esis sa'i basef na'ama, amam mawala luwaguf maim amam malami. Ea' masagih mafe' mawala esis amam nematawa la'afena esis ma'ipas mehip ma'i, 15“Ipe' epes, dei' maina panda'am na'ama? Afa' wandaiwa'. Afa' biafa ina God dembifai, owa'. Afa' epes atofa etin si'i ipe' wawalipipa basef bu'wami. Wawalipipa ma ipe' pekwaha god anama falafunai baso'maimi ma pefe' pembale'efa God ambal namunai nape la'ela'efi. Anan nanda' otaga ilif naloma etap maloma epes hiesi saloma naoh embel lu'wami maloma amamaga hiami mape. 16Endilisi fowa' nimeguf hiami nape nati amam nematawa hiesi saila waf asasinai. 17Ea' anan ina nape nandambahi'i, owa'. Anan nihi'ambapa waf ananinai ma nanda' waf bu'unai ma ape'. Anan napani heven nanda' asaf nalai ma ipe' ea' nanda' amamaga gwa'aimi bu'wami mataga dende' nimeguf amamumi. Ea' nowapoti'mipa gwa'aimi ipe', nanda' opalef ipe'imi mandanifel.”
18Amam ma'ipasa basef amama, manda' maol lu'unai endilisi ma'ipas ina sandolalimam sanda' ofamam, owa'.
Esis sakwaha otamba saha Pol
19Anom Juda mape Antiok naloma Aikoniam mafi'i Listra mafela ukup asasimi amam nematawa. Ea' dei' esis sakwaha otamba saha Pol sa'i endilisi anan afuna ea' sahonde'ana nawisi na'oh ande' taun anama. 20Ea' esis sombale'efa Godi safi'i saitu salipana, nohafel wapoti' ea' nafe' nawis taun anama. Wafilu nafe' naloma Barnabas mafe' Derbe.
21Pol naloma Barnabas mawalapa basef bu'wami Godi taun anama ea' mafela ukup esis amam nematawa hiesi sataga alupusi Jisasi. Anom nimeguf mafe'ma ea', motanima mafe' wambel anama Listra naloma Aikoniam naloma Antiok. 22Ea' manda' esis Kristen sataga la'ifis. Amam ma'ipasa basef la'ifimi na'ama ma'i, “Ipe' pepe la'ifipa pembale'efa dembinai God. Ape' meme' mofa' nimanimi mamumami lu'wami ma muwis nomon wambota Godi numafiapa.”
23Ea' mandandepa agufumi mumafi esis Kristeni mandanda' ma sios amama hiami. Amam makwaha gwa'aimi manda' betena manda' esis sope la'ifisa lagel Dembinai anama sembale'efana.
Pol naloma Barnabas motanima mafe' wambel Antiok mape etap hiagoma Siria
24Ea' amam mafe' la'afena anona etap hiagoma Pisidia, mafe' mataga anona etap hiagoma wa'ol Pamfilia. 25Amam mawalapa basefa epes sape Pergai ea' makini' Atalia. 26Anama Atalia malata sip ea' nefa'am mafe' Antiok. Wambel anama fowa' esis Kristen sandandepam mapoma lagel Godi ma nandahomam manda' maol anama dei' manda'anai hi'alana. Ea' dei' motanima mafi'i wambel anama. 27Amam mataga Antiok mofala esis mowa'anias sandakolas etifigin ma'ipasa basefa maol Dembinai nape nalomam nagiambamam manda'anai. Ea' ma'i, “God nanda' eaf nagala esis amam nematawa hiesi enis owa' Judaisi ma sombale'efa Krais.”
28Ea' mapani anom nimeguf hiami maloma esis sembale'efa Krais sailana.
Currently Selected:
Aposel 14: aojF
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Aposel 14
14
1Ea' Pol naloma Barnabas mafe' mataga Aikoniam mafe' mawis ipat esis Juda sa'i basef sapeinai mawalapa basef si'i mali' manda'am. Amam mawalapa basef bu'wami ea' esis Juda hiesi saloma enis epes owa' Judaisi sombale'efa God. 2Ea' enis epes Juda ina sombale'efa God, owa'. Esis safela ukupa enis amam nematawa owa' Judaisi ea' sanda' epes isima opalef aoma esis Kristen. 3Amam biam mapani nogota launai Aikoniam ea' mawalapa basef Dembinai la'ifim alihim. Amam ina umbamaham, owa'. Ma'ipasa basefa Dembinai nandahomas endilisi nagiambamas. Ea' Dembinai nanda' amam biam mataga la'ifim manda' ikwaf la'ifinai naninani hianai. Ea' dei' esis sogawa basef amama endilisimi atom. 4Ea' esis amam nematawa taun anama sandawaloga biefis. Enis opalef atifim saloma esis Juda, ea' enis saloma amam aposel biam ukup etifim. 5Esis epes ina Judaisi saloma esis sanda'ipama sa'i basef sandame'mam saloma amam agufumi asasimi ea' sa'i sonda' Pol naloma Barnabas aom. Sa'i sokwaha otamba soham afum. 6Ea' amam biam mogawa amama mafa' mafe' etap hiagoma Likonia ma wambel biefina Listra naloma Derbe ea' anona wambel felefele'ma anama. 7Amam manda' maol mawalapa basef bu'wami Godi ma esis sape wambel anama.
Pol naloma Barnabas manda' maol Listra naloma Derbe
8Anona aman nape wambel anama Listra, bo'wagah ananimi maga' mailana. Fowa' anan ata' nape opaf mama'wanai bo'wagah ananimi maga' mailana nape na'ama. Aman anama ina naitu nafe' kwaukwawie', owa'. 9Ea' anan name' Pol na'i basef ea' Pol natolona titi nogawana na'i aman anama nembale'efa Goda notaga bo'ona wapoti'. 10Ea' natolona titi na'i basef la'ifimi na'ama na'i, “Ine' hafel nitu.”
Ea' nohafel mehip naitu ea' nafe'.
11Amam nematawa hiesi sati amama Pol nanda'ami ea' sa'i mehip diga Likoniai na'ama sa'i, “Amam god dambami ape'imi biam mataga si'i epes misila'a ape'!”
12Barnabas sofalana sa'i anona dembinai Sus. Ea' Pol anan aman nanda' basef atomi. Ea' sofalana sa'i anona dembinai Hermes. 13Ipat esis sanda' lotuma Susi notawa ande' taun anama. Ea' pris nondolalima Susi nofa' anom bulmakau suwafumi maloma enis afis sowalo'ami ea' nafi'i uta anama tauni. Anan nalumai esis amam nematawa sa'i sondolali sonda' ofa ma amam biam.
14Amam aposel Barnabas naloma Pol mame' esis sa'i basef na'ama, amam mawala luwaguf maim amam malami. Ea' masagih mafe' mawala esis amam nematawa la'afena esis ma'ipas mehip ma'i, 15“Ipe' epes, dei' maina panda'am na'ama? Afa' wandaiwa'. Afa' biafa ina God dembifai, owa'. Afa' epes atofa etin si'i ipe' wawalipipa basef bu'wami. Wawalipipa ma ipe' pekwaha god anama falafunai baso'maimi ma pefe' pembale'efa God ambal namunai nape la'ela'efi. Anan nanda' otaga ilif naloma etap maloma epes hiesi saloma naoh embel lu'wami maloma amamaga hiami mape. 16Endilisi fowa' nimeguf hiami nape nati amam nematawa hiesi saila waf asasinai. 17Ea' anan ina nape nandambahi'i, owa'. Anan nihi'ambapa waf ananinai ma nanda' waf bu'unai ma ape'. Anan napani heven nanda' asaf nalai ma ipe' ea' nanda' amamaga gwa'aimi bu'wami mataga dende' nimeguf amamumi. Ea' nowapoti'mipa gwa'aimi ipe', nanda' opalef ipe'imi mandanifel.”
18Amam ma'ipasa basef amama, manda' maol lu'unai endilisi ma'ipas ina sandolalimam sanda' ofamam, owa'.
Esis sakwaha otamba saha Pol
19Anom Juda mape Antiok naloma Aikoniam mafi'i Listra mafela ukup asasimi amam nematawa. Ea' dei' esis sakwaha otamba saha Pol sa'i endilisi anan afuna ea' sahonde'ana nawisi na'oh ande' taun anama. 20Ea' esis sombale'efa Godi safi'i saitu salipana, nohafel wapoti' ea' nafe' nawis taun anama. Wafilu nafe' naloma Barnabas mafe' Derbe.
21Pol naloma Barnabas mawalapa basef bu'wami Godi taun anama ea' mafela ukup esis amam nematawa hiesi sataga alupusi Jisasi. Anom nimeguf mafe'ma ea', motanima mafe' wambel anama Listra naloma Aikoniam naloma Antiok. 22Ea' manda' esis Kristen sataga la'ifis. Amam ma'ipasa basef la'ifimi na'ama ma'i, “Ipe' pepe la'ifipa pembale'efa dembinai God. Ape' meme' mofa' nimanimi mamumami lu'wami ma muwis nomon wambota Godi numafiapa.”
23Ea' mandandepa agufumi mumafi esis Kristeni mandanda' ma sios amama hiami. Amam makwaha gwa'aimi manda' betena manda' esis sope la'ifisa lagel Dembinai anama sembale'efana.
Pol naloma Barnabas motanima mafe' wambel Antiok mape etap hiagoma Siria
24Ea' amam mafe' la'afena anona etap hiagoma Pisidia, mafe' mataga anona etap hiagoma wa'ol Pamfilia. 25Amam mawalapa basefa epes sape Pergai ea' makini' Atalia. 26Anama Atalia malata sip ea' nefa'am mafe' Antiok. Wambel anama fowa' esis Kristen sandandepam mapoma lagel Godi ma nandahomam manda' maol anama dei' manda'anai hi'alana. Ea' dei' motanima mafi'i wambel anama. 27Amam mataga Antiok mofala esis mowa'anias sandakolas etifigin ma'ipasa basefa maol Dembinai nape nalomam nagiambamam manda'anai. Ea' ma'i, “God nanda' eaf nagala esis amam nematawa hiesi enis owa' Judaisi ma sombale'efa Krais.”
28Ea' mapani anom nimeguf hiami maloma esis sembale'efa Krais sailana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.