Aposel 15
15
Amam agufumi ma Kristen hiesi mandatama etifigin gani Jerusalem
1Anom amam mape Judiai makini' mataga Antiok ma'ipama basef esis Kristen sahin owan sape anama. Ma'ipasa basef ma'i, “I'i ipe' amam owa' pila mi'uli God fowa' gani na'ipa Mosesanai ma owa' petopa' alop ipe'inai, anona nemaf God ina nofa'epa pitanimani, owa'.”
2Amam ma'iam na'ama, manda' ukup Poli Barnabasi wandafum endilisi ma'i basef la'ifimi mandahihianamam maloma amam Judaimi. Ea' esis Kristen sandandepa Pol naloma Barnabas maloma anom amam mombale'efa Kraisi wapoti' mondowasa' Jerusalem ma'i basef amama monandonam maloma amam aposel maloma agufumi siosi.
3Esis Kristen sasapa'am mafe' ea' mafe' la'afena etap hiagoma Fonisia naloma Samaria. Ma'ipasa basef esis Kristen sape etap anama biefina ma sogawa God namboma ukupa enis epes owa' Judaisi. Esis Kristen same' basef amama manda' esis sandanifel endilisi.
4Amam mafe' mataga Jerusalem, amam aposel maloma esis amam nematawa Kristen saloma agufumi asasimi sohafel sandalalamam sanda'mam gude amam. Ea' Pol naloma Barnabas mohafel ma'ipasa basefa maol hianai God nagiambamama manda'anai. 5Ea' anom Farisi mombale'efa Kraisi mohafel ma'ipa esis ma'i, “Ipe' petopa'mama alop amamunai, pi'ipama mila wafa mi'uli God fowa' gani na'ipa Mosesanai.”
6Ea' amam aposel maloma agufumi mumafi maol Godi mandakolas etifigin mape monandona basef amama. 7Amam ma'i basef hiami ma ea', Pita nohafel naitu na'ipam na'i, “Ipe' sahin owan, ipe' pegawa fowa' God nawaloga maola afa', ea' Anan nasahe'e ae' ea' ewalapa basef bu'wami ananimi ma enis epes owa' Judaisi seme'am sembale'efa God. 8God nogawa opalef esis amam nematawa hiesi ea' nihi'ambafa okom Ananinai wila ma esis. Anan nihi'ambapa na'ama ea' nase'asa Ambal Bu'unai Ananinai esis si'i fowa' nali' nase'apana ape'. 9Anan ina nanda' anona wafa ape' ea' nonda' anona waf esis, owa'. Esis sembale'efa God amama atom opalef asasimi mataga bo'om si'i afa'. 10Dei' maina ipe' pa'i pegwamba God? Ipe' ina pese'asa amamaga amama nimanimi esis Kristen sofa'am, owa'. Fowa' amam bafalomapa maloma ape' wapoti', ina la'ifipama mofa' nimanimi amama ma matopa' alop ape'inai, owa'. 11Ape' mogawa eaf anama Dembinai Jisas nagiambamapa etin, dei' God nofa'apa matanimani ea' ananipai, ape' maloma esis wapoti'.”
12Pita na'iam na'ama ea' esis sandatama etifigin ina sa'i anom basef, owa'. Ea' sape same' basef Barnabas naloma Pol ma'ipasami. Amam biam mawalapa basef hiami ma God nanda'am la'ifim manda' amamaga pepel hianai ma naep esis amam nematawa owa' Judaisi.
13Amam ma'ipasa ea', Jems na'iam na'i, “Ipe' sahin owan, ipe' peme' basef ae'ami. 14Simeon na'ipapa ma dambadamba God nihi'ambapa nali' nati esis amam nematawa owa' Judaisi uwahipis nofa'ai enis sotanimani sope ananisi. 15Ea' basef fowa' gani God na'ipa amam profet mape buk Baibeli na'ama etin si'i amama. Basef amama ma'iam ma'i,
16‘Anona nemaf ae' etanima iefi'i, ipat anama Deviti natuwi, anama efelona notawa wapoti'. Amamaga ipat anamai aom, amama anona nemaf enda'am motaga dambaim wapoti' ea' efelona natawa. 17Ae' enda'am na'ama ma esis soloma enis epes sololama Godi wapoti' sogolopa Dembinai, isima hiesi efalasi ea' ae'asi. 18Fowa' gani endilisi Ae' Dembiwai awalapa basef amama.’
19Dei' okom ae'anai nape na'ama. Epes hiesi owa' Judaisi samboma opalef safe'ma God ea'i, ape' ina mose'asa nimanimi esis, owa'. 20Ape' monda' anom basef mofe'ma esis mi'ipas mi'i ina sea' gwa'aimi maim sondolalimama god baso'amunai, owa'. Amama alogw awami ma'ami. Esis sihi'amago waf aonai anama so'a waulanai ea' ina sea' mafis saham sowa' bagafowa afumi, owa'. Ina sea' esimbela anom mafis amama moloma anom mafis wapoti', owa'. Ae' a'i ape' monda'masa basef amama atom mofe'ma esis. 21Dei' main, ape' mogawa fowa' gani nafi'i nafi'i nataga dei' ma amam mawalapa basef God fowa' naso' Mosesami ofagema amama atom mawalipasam taun anama hianai. Matalifam ifagw hiami ape' Juda ma'i basef mapeimi nimeguf hiami sapoma noma'wami.”
Amam manda' basef mafe'ma esis Kristen owa' Judaisi
22Ea' amam aposel maloma agufumi mumafi maol Godi maloma esis Kristen hiesi sa'i basef etifim sandandepa anom amam biam asasimi mefe' Antiok maloma Pol naloma Barnabas. Amam amama agufumi Judas agel wa'ana Barsabas naloma Sailas. Amam biam agof lu'wami la'afena esis Kristen. Ea' sa'i sosapa'am mofe' Antiok moloma Pol noloma Barnabas. 23Esis sase'ama anom basef mail pepa ma lagof amam biam Judas naloma Sailas ma'i na'ama ma'i, “Afa' aposel agufufai sahopepa afa'ipei, afa' dei' wanda'ago basef amama mafe'mago ipe' sahin owan owa' Judaipei. Ipe' pape wambel Antioki ma etap hiagoma Siria naloma Silisia, afa' wa'i nemaf bu'unai ma ipe'. 24Afa' wame'am enis epes afa'isi safo'o sanda'epa pehafel gegelalasipa kwapete'epa ma basef asasimi, sanda'epa umbamahepa ukup matamea. Esis sanda'am na'ama sa'i somboma ukup ipe'imi. Ea' afa' ine' wa'ipas safo'o sanda'epa na'ama, owa'. 25Afa' wame' basef amama ea' wa'ipasa ukup mape atogon wa'i basef wandame'mam. Ea' wandandepa amam amama biam ma osapa'am mefe'mago ipe' malomago biam ape' ukup mailam endilisi, Barnabas naloma Pol. 26Amam biam ina umbamahama enis epes soham moga' mefela agel Dembinai ape'inai Jisas Kraisi monda' maol ananinai, owa'. 27Afa' dei' wasapa'ago Judas naloma Sailas ama nambimb mi'ipipa basef amama atom afa' wa'iam wanda'am mail pepa mafe'mago ipe'. 28Ambal Bu'unai Godi nape nalomafa wa'i basef wandame'mam na'ama. Afa' ina ose'epa anom nimanimi pefa'am, owa'. Waf anama atona ipe' penda'ana. 29Ipe' ina pea' mafis saham sondolali ma god baso'amunai, owa'. Ipe' ina pea' esimbela anom mafis, owa'. Ipe' ina pea' mafis sowa' bagafowa ma afumi, owa'. Ea' pihi'ama waf anama so'a waulanai aonai. I'i ipe' pindumafuma andeande'ma pihi'ama waf anama, andeande' ipe' penda' waf bu'unai pepe andeande'.”
30Ea' esis Kristen sape Jerusalemi sasapa'am mafi'i Antiok, makolasai esis Kristen etifigin mase'asa pas amama. 31Ea' esis satolom sandanifel ama basef amama bu'wami manda'as sataga la'ifisa bale'ef. 32Judas naloma Sailas amam profet. Dei' ma'ipasa basef hiami bu'wami esis Kristen, manda'as sataga la'ifis mafela ukup asasimi. 33Amam ata' mapani anom nimeguf Antiok, esis Kristen sanda'mam nemaf bu'unai ma amam mape opalef awanem. Ea' sasapa'am mutanima mafe'ma esis sasapa'am mafi'i. 34Ea' Sailas na'i nopani Antiok. 35Ea' Barnabas naloma Pol ata' mapani Antiok maloma anom amam hiami wapoti' mawalapa basef bu'wami Dembinai mawalipasam.
Pol naloma Barnabas mandawaloga mafe' deindei
36Anom nimeguf mafe'ma ea', Pol na'ipa Barnabas na'i, “Afa' biafa otanima ofe' uti esis Kristen sahin owan taun anama hiagoma fowa' wafe' wawalapa basef Dembinaima. Ofe' ogawas, sape andeande' o owa.”
37-38Ea' Barnabas na'i no'wa Jon agel wa'ana Mak nofe' nolomam. Ea' Pol nandaiwa'ma anan nofe' nolomam. Dei' main, aman anama fowa' nakwaha amam gani Pamfilia notanima nafe'. Ina nalomam etin mafe' mambefa maolan, owa'. 39Amam biam manda' migimigaha amama ea' dei' ina ata' manda' maol etifigin, owa'. Ea' Barnabas nao'wa Jon Mak nafe' nalomana malata anona sip mafe' anona ailan Saiprus. 40Ea' Pol nao'wa Sailas nalomana mafe'. Ea' esis Kristen hiesi sasapa'am sa'i, “Okom lu'unai Dembinai nope nolomepa nigiambamepa numafipa.”
41Ea' Pol nafe' la'afena etap anama hiagoma Siria naloma Silisia naloma Sailas mafe' manda' esis Kristen sataga la'ifis.
Currently Selected:
Aposel 15: aojF
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Aposel 15
15
Amam agufumi ma Kristen hiesi mandatama etifigin gani Jerusalem
1Anom amam mape Judiai makini' mataga Antiok ma'ipama basef esis Kristen sahin owan sape anama. Ma'ipasa basef ma'i, “I'i ipe' amam owa' pila mi'uli God fowa' gani na'ipa Mosesanai ma owa' petopa' alop ipe'inai, anona nemaf God ina nofa'epa pitanimani, owa'.”
2Amam ma'iam na'ama, manda' ukup Poli Barnabasi wandafum endilisi ma'i basef la'ifimi mandahihianamam maloma amam Judaimi. Ea' esis Kristen sandandepa Pol naloma Barnabas maloma anom amam mombale'efa Kraisi wapoti' mondowasa' Jerusalem ma'i basef amama monandonam maloma amam aposel maloma agufumi siosi.
3Esis Kristen sasapa'am mafe' ea' mafe' la'afena etap hiagoma Fonisia naloma Samaria. Ma'ipasa basef esis Kristen sape etap anama biefina ma sogawa God namboma ukupa enis epes owa' Judaisi. Esis Kristen same' basef amama manda' esis sandanifel endilisi.
4Amam mafe' mataga Jerusalem, amam aposel maloma esis amam nematawa Kristen saloma agufumi asasimi sohafel sandalalamam sanda'mam gude amam. Ea' Pol naloma Barnabas mohafel ma'ipasa basefa maol hianai God nagiambamama manda'anai. 5Ea' anom Farisi mombale'efa Kraisi mohafel ma'ipa esis ma'i, “Ipe' petopa'mama alop amamunai, pi'ipama mila wafa mi'uli God fowa' gani na'ipa Mosesanai.”
6Ea' amam aposel maloma agufumi mumafi maol Godi mandakolas etifigin mape monandona basef amama. 7Amam ma'i basef hiami ma ea', Pita nohafel naitu na'ipam na'i, “Ipe' sahin owan, ipe' pegawa fowa' God nawaloga maola afa', ea' Anan nasahe'e ae' ea' ewalapa basef bu'wami ananimi ma enis epes owa' Judaisi seme'am sembale'efa God. 8God nogawa opalef esis amam nematawa hiesi ea' nihi'ambafa okom Ananinai wila ma esis. Anan nihi'ambapa na'ama ea' nase'asa Ambal Bu'unai Ananinai esis si'i fowa' nali' nase'apana ape'. 9Anan ina nanda' anona wafa ape' ea' nonda' anona waf esis, owa'. Esis sembale'efa God amama atom opalef asasimi mataga bo'om si'i afa'. 10Dei' maina ipe' pa'i pegwamba God? Ipe' ina pese'asa amamaga amama nimanimi esis Kristen sofa'am, owa'. Fowa' amam bafalomapa maloma ape' wapoti', ina la'ifipama mofa' nimanimi amama ma matopa' alop ape'inai, owa'. 11Ape' mogawa eaf anama Dembinai Jisas nagiambamapa etin, dei' God nofa'apa matanimani ea' ananipai, ape' maloma esis wapoti'.”
12Pita na'iam na'ama ea' esis sandatama etifigin ina sa'i anom basef, owa'. Ea' sape same' basef Barnabas naloma Pol ma'ipasami. Amam biam mawalapa basef hiami ma God nanda'am la'ifim manda' amamaga pepel hianai ma naep esis amam nematawa owa' Judaisi.
13Amam ma'ipasa ea', Jems na'iam na'i, “Ipe' sahin owan, ipe' peme' basef ae'ami. 14Simeon na'ipapa ma dambadamba God nihi'ambapa nali' nati esis amam nematawa owa' Judaisi uwahipis nofa'ai enis sotanimani sope ananisi. 15Ea' basef fowa' gani God na'ipa amam profet mape buk Baibeli na'ama etin si'i amama. Basef amama ma'iam ma'i,
16‘Anona nemaf ae' etanima iefi'i, ipat anama Deviti natuwi, anama efelona notawa wapoti'. Amamaga ipat anamai aom, amama anona nemaf enda'am motaga dambaim wapoti' ea' efelona natawa. 17Ae' enda'am na'ama ma esis soloma enis epes sololama Godi wapoti' sogolopa Dembinai, isima hiesi efalasi ea' ae'asi. 18Fowa' gani endilisi Ae' Dembiwai awalapa basef amama.’
19Dei' okom ae'anai nape na'ama. Epes hiesi owa' Judaisi samboma opalef safe'ma God ea'i, ape' ina mose'asa nimanimi esis, owa'. 20Ape' monda' anom basef mofe'ma esis mi'ipas mi'i ina sea' gwa'aimi maim sondolalimama god baso'amunai, owa'. Amama alogw awami ma'ami. Esis sihi'amago waf aonai anama so'a waulanai ea' ina sea' mafis saham sowa' bagafowa afumi, owa'. Ina sea' esimbela anom mafis amama moloma anom mafis wapoti', owa'. Ae' a'i ape' monda'masa basef amama atom mofe'ma esis. 21Dei' main, ape' mogawa fowa' gani nafi'i nafi'i nataga dei' ma amam mawalapa basef God fowa' naso' Mosesami ofagema amama atom mawalipasam taun anama hianai. Matalifam ifagw hiami ape' Juda ma'i basef mapeimi nimeguf hiami sapoma noma'wami.”
Amam manda' basef mafe'ma esis Kristen owa' Judaisi
22Ea' amam aposel maloma agufumi mumafi maol Godi maloma esis Kristen hiesi sa'i basef etifim sandandepa anom amam biam asasimi mefe' Antiok maloma Pol naloma Barnabas. Amam amama agufumi Judas agel wa'ana Barsabas naloma Sailas. Amam biam agof lu'wami la'afena esis Kristen. Ea' sa'i sosapa'am mofe' Antiok moloma Pol noloma Barnabas. 23Esis sase'ama anom basef mail pepa ma lagof amam biam Judas naloma Sailas ma'i na'ama ma'i, “Afa' aposel agufufai sahopepa afa'ipei, afa' dei' wanda'ago basef amama mafe'mago ipe' sahin owan owa' Judaipei. Ipe' pape wambel Antioki ma etap hiagoma Siria naloma Silisia, afa' wa'i nemaf bu'unai ma ipe'. 24Afa' wame'am enis epes afa'isi safo'o sanda'epa pehafel gegelalasipa kwapete'epa ma basef asasimi, sanda'epa umbamahepa ukup matamea. Esis sanda'am na'ama sa'i somboma ukup ipe'imi. Ea' afa' ine' wa'ipas safo'o sanda'epa na'ama, owa'. 25Afa' wame' basef amama ea' wa'ipasa ukup mape atogon wa'i basef wandame'mam. Ea' wandandepa amam amama biam ma osapa'am mefe'mago ipe' malomago biam ape' ukup mailam endilisi, Barnabas naloma Pol. 26Amam biam ina umbamahama enis epes soham moga' mefela agel Dembinai ape'inai Jisas Kraisi monda' maol ananinai, owa'. 27Afa' dei' wasapa'ago Judas naloma Sailas ama nambimb mi'ipipa basef amama atom afa' wa'iam wanda'am mail pepa mafe'mago ipe'. 28Ambal Bu'unai Godi nape nalomafa wa'i basef wandame'mam na'ama. Afa' ina ose'epa anom nimanimi pefa'am, owa'. Waf anama atona ipe' penda'ana. 29Ipe' ina pea' mafis saham sondolali ma god baso'amunai, owa'. Ipe' ina pea' esimbela anom mafis, owa'. Ipe' ina pea' mafis sowa' bagafowa ma afumi, owa'. Ea' pihi'ama waf anama so'a waulanai aonai. I'i ipe' pindumafuma andeande'ma pihi'ama waf anama, andeande' ipe' penda' waf bu'unai pepe andeande'.”
30Ea' esis Kristen sape Jerusalemi sasapa'am mafi'i Antiok, makolasai esis Kristen etifigin mase'asa pas amama. 31Ea' esis satolom sandanifel ama basef amama bu'wami manda'as sataga la'ifisa bale'ef. 32Judas naloma Sailas amam profet. Dei' ma'ipasa basef hiami bu'wami esis Kristen, manda'as sataga la'ifis mafela ukup asasimi. 33Amam ata' mapani anom nimeguf Antiok, esis Kristen sanda'mam nemaf bu'unai ma amam mape opalef awanem. Ea' sasapa'am mutanima mafe'ma esis sasapa'am mafi'i. 34Ea' Sailas na'i nopani Antiok. 35Ea' Barnabas naloma Pol ata' mapani Antiok maloma anom amam hiami wapoti' mawalapa basef bu'wami Dembinai mawalipasam.
Pol naloma Barnabas mandawaloga mafe' deindei
36Anom nimeguf mafe'ma ea', Pol na'ipa Barnabas na'i, “Afa' biafa otanima ofe' uti esis Kristen sahin owan taun anama hiagoma fowa' wafe' wawalapa basef Dembinaima. Ofe' ogawas, sape andeande' o owa.”
37-38Ea' Barnabas na'i no'wa Jon agel wa'ana Mak nofe' nolomam. Ea' Pol nandaiwa'ma anan nofe' nolomam. Dei' main, aman anama fowa' nakwaha amam gani Pamfilia notanima nafe'. Ina nalomam etin mafe' mambefa maolan, owa'. 39Amam biam manda' migimigaha amama ea' dei' ina ata' manda' maol etifigin, owa'. Ea' Barnabas nao'wa Jon Mak nafe' nalomana malata anona sip mafe' anona ailan Saiprus. 40Ea' Pol nao'wa Sailas nalomana mafe'. Ea' esis Kristen hiesi sasapa'am sa'i, “Okom lu'unai Dembinai nope nolomepa nigiambamepa numafipa.”
41Ea' Pol nafe' la'afena etap anama hiagoma Siria naloma Silisia naloma Sailas mafe' manda' esis Kristen sataga la'ifis.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.