Aposel 16
16
Timoti nafe' naloma Pol
1Pol naloma Sailas mafe' mataga Derbe ea' makwaha Derbe mafe' Listra. Wambel anama anona aman alupunai nembale'efa Jisasi nape, agilinama Timoti. Anan mama'wana ano'w nemata'w Judai'wi, akwa'w wapoti' kombale'efa Jisasi. Ea' ahalomana anona epen Grikinai. 2Esis Kristen sahin owan Listra naloma Aikoniam sa'i waf Timoti nanda'anai bu'unai. 3Pol na'i Timoti nefe' nolomana. Amama atom dei' nao'wana natopa'mana alop. Pol okokoma esis Juda sape na'amai na'i, “I'i Timoti owa' neatopa' alop, esis ina nambimb sila basef ananimi, owa'.” Na'ama dei' naila waf esis Judai natopa'mana alop. Dei' main, esis hiesi sogawa Timoti ahalomana anan Grikinai. 4Nimeguf hiami amam maitu mafe' wambel hiagoma ma'ipasa basef esis. Basef amama fowa' amam aposel maloma agufumi ma'iam mandame'mam Jerusalemi, amama dei' ma'ipasam esis Kristen ea' ma'ipas ma'i, “Ipe' pila basef amama.”
5Ea' dei' esis Kristen sombale'efa Jisasi sataga la'ifis endilisi ea' wambota esis Kristeni sataga sandanda nimeguf hiami sataga hias endilisi.
Pol nape nati amamaga si'i na'oh nandondo'oh nati anona aman Masedoniainai
6Ambal Bu'unai Godi nasopama amam mawalapa basefa esis sape etap hiagoma Esiai. Ea' mafe' la'afena etap hiagoma biefina Frigia naloma Galesia. 7Ea' mape anona etap hiagoma Misia, mafe' mataga felefele' ma anona etap hiagoma nafe' notanimaima Bitinia ma'i muwis etap anama ma mawalapa basef Godi etap anama hiagoma. Ea' Ambal Bu'unai Jisasi na'ipapa na'i owa'. 8Ea' amam mawis etap hiagoma mafe' Misia misila'agon makini' mafe' Troas.
9Owamb anama Pol nati anom amamaga si'i na'oh nandondo'oh nati anona aman Masedoniainai naitu nofalai Pol na'ipana mehip na'i, “Ine' newala nimbuwi naoh ea' nifi'i Masedonia nigiambamapa.”
10Ea' Pol nati amama, afa' mehip wandoga eaf wafe' etap hiagoma Masedonia. Afa' ogawa God nofalafa ma owalapa basef bu'wami ananimi ma esis.
Lidia kwataga Kristen
11Ea' walata sip wambel anama Troas ea' wafe' usi'ifa Samotres. Wefilu wafe' Neapolis. 12Ea' wakwaha wambel anama wafe' Filipai, anama fowa' esis Rom safi'i sapoma. Wambel anama lu'unai ma etap hiagoma Masedonia. Ea' wape anama anom nimeguf.
13Wape anama, nemaf anama sabat nataga wafe' wawis endalelemb uta ande' ma wambel anama wafe' anona walemb. Afa' wa'i wambel anama esis Juda sanda' beten sapoma. Wape anama, wati anowa nematawa ondowa'anima wape etifigin ea' afa' wafe' wape walomawa wa'i. 14Ano'w nemata'w agili'wa Lidia kwanda' lotuma God kwape kwalomawa. Dembinai namboma okom akwa'inai kwame' basef amama Pol na'ipakwami. Akwa'w Taiatairai'wi, kwanda' maol kwanda' bisnisa luwaguf akwahimi. 15Ea' kofa' baptais kwaloma esis sape ipat atona wapoti'. Akwa'w kofa' baptais, kwa'ipafa basef kwa'i, “I'i ipe' ukup mi'i ae' embale'efa Dembinai endilisi, ipe' fi'i pepe peloma ae' ipat ae'anai.”
Ea' akwa'w la'ifikw kwao'wafa wafe' waila basef akwa'umi.
Pol naloma Sailas manda' kalabus Filipai
16Anona nemaf afa' wafe' anama esis sanda' beten sapoma, wati ano'w nemata'w kwafi'i kwatolofa eaf. Akwa'w agel a'akw kwape owina anom amam kwanda' maolana amam. Nemata'w akwama anona ambal aonai napai'w ea' nawalapa basefa amamaga nambimb meatagai. Akwa'w kwahali' ambal anama ma basef mamumami ea' nagwama'wa basef. Ea' dei' amam amama dambami akwa'umi mofa' otamba hiami ma akwa'w kwanda'am na'ama. 17Nemata'w akwama kwagi'ma Pol kwaloma afa', kofalafa timbi tambel kwa'i, “Amam manda' maola God nape ilif endilisi ma'ipapa basefa eaf God nofa'apa mutanimani.”
18La'ela'ef nemata'w akwama kwanda'am na'ama etin nimeguf hiami. Ea' Pol okom aona endilisi ma akwa'w, nandamboma na'ipa ambal anama napai'wi na'i, “Ae' a'ipina agel Jisas Kraisi, kwaho'w nemata'w akwama ea' fo'o!”
Ea' dei' atef ambal anama nakwaha akwa'w ea' nafe'.
19Ea' nogota anama amam mumafia'wi mogawa ofagema ma eaf anama mofa' otambanai owa'. Ea' dei' mombalo' Pol naloma Sailas mahonde'am mafe'ma sandowa'anima ma mi'ipa amam agufumi mumafi koti mapoma. 20Ea' ma'ipam ma'i, “Amam amama biam Judaimi, amam mafela ukup awami esis amam nematawai ma wambel ape'ima. 21Ea' mawalapa basefa anona waf ape' epes Romipai mandaiwa'manai. Mi'uli ape'inai nandaiwa'ma ape' mila waf anama amamunai, owa'.”
22Ea' esis amam nematawa wapoti' sambaso'ma amam biam. Ea' amam dambami mumafi koti mowaliam siogw amamumi ma mopagahom. 23Ea' amam mapagahom mehip timbi tambel ea' manda'am manda' kalabus. Ma'ipa aman naitu numafi utai mehipa nope numafiam andeande'. 24Ea' anan name' basef la'ifimi na'ama, nanda'am mapani rum anama nape la'afen atogon ipat anama sanda' kalabus sapeinai. Ea' nowa' bo'wagah amamumi sen, mail anona endap lu'unai. 25Owamb la'afina amanota Pol naloma Sailas manda' beten manda' awalef mafela agel Godi ea' enis epes sanda' kalabusi same' manda'am. 26Ea' mehip suwambon lu'unai nakoto' olalef mombalo' ipat anama sanda' kalabus sapeinai. Ea' utagw mandawisi', sen nowa' esis hiesi sanda' kalabusi nandatagah. 27Ea' anan numafi esis sanda' kalabusi nohafel nati utagw ipat sanda' kalabus sapeinai mandawisi', na'i sanda' kalabusi sawisi safa' safe'. Ea' nagiai bainat ananinai na'i noha anan noga'. 28Ea' Pol na'ipana mehip na'i, “Ai, ine' owa' nehambombaga ine'! Afa' hiafai wape na'ae!”
29Ea' anan numafi kalabusi mehip nofalasa nogwapin sofa'ana safi'i ea' nasagih nafi'i nawisi nomon Pol naloma Sailas mapoma. Anan umbamahana endilisi ilaus mana nape nindiwa nembawa notawa opalefima amam biam. 30Ea' nofa' amam biam mawis ande' nahali'am na'i, “Ipe' dembipei, ae' enda' maina nambimb God nofa'e itanimani?”
31Ea' amam ma'ipana ma'i, “Ine' nembale'efa Dembinai Jisas, ama nambimb God nofa'ena netanimani. Ea' neloma wambota ine'inai wapoti' na'ama etin.”
32Amam ma'ipana basef Godi naloma epes isima sape ipat ananinai. 33Ea' dei' atef owamb anama atona anan nofa' amam nasa'opamam esimbela melegw amamumi sahama. Ea' mehip anan naloma wambota awasi waulu'mana ananisi sofa' baptais. 34Ea' nofa'am mafe' ipat ananinai nase'ama gwa'aimi. Ea' anan naloma esis hiesi sape ipat ananinai sandanifel endilisi ma sombale'efa God.
35Ea' lala, amam dambami manda'masa koti masapa' plisman amamumi mafi'i ma'i, “Ipe' kwaha amam amama biam mofo'o.”
36Ea' anan numafi kalabusi nofa' basef amama nafe'ma Pol na'ipana na'i, “Amam dambami manda'masa koti masapa' basef mafi'mai ipe' apefe'. Na'ama dei' ipe' pekwaha kalabus pefe' ea' opalef ipe'imi mope awanem.”
37Ea' Pol na'ipa amam plisman na'i, “Afa' biafa Romufai, amam ina manda' kotimafa andeande'ma miti anona waf aonai ma afa' biafa, owa'. Amam mahafa etina naep esis amam nematawai. Ea motofa afa' ofe'? Owa'! Amam ata' mifi'i mo'wafa uwis ande'.”
38Ea' amam plisman mofa' basef amama mafe'ma amam amama dambami manda'masa koti, mame' basef ma'i amam biam Romumi ea' umbamaham. 39Ea' mafe'ma amam biam maolai amam mawisi ande' ma'i basef bu'wami malomam. Ea' ma'ipama mokwaha wambel anama mefe' anagon. 40Ea' makwaha ipat sanda' kalabus sapeinai mawisi mafe' ipat Lidiai mati esis Kristen ma'ipasa basef manda'as sataga la'ifis ea' mafe'.
Currently Selected:
Aposel 16: aojF
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Aposel 16
16
Timoti nafe' naloma Pol
1Pol naloma Sailas mafe' mataga Derbe ea' makwaha Derbe mafe' Listra. Wambel anama anona aman alupunai nembale'efa Jisasi nape, agilinama Timoti. Anan mama'wana ano'w nemata'w Judai'wi, akwa'w wapoti' kombale'efa Jisasi. Ea' ahalomana anona epen Grikinai. 2Esis Kristen sahin owan Listra naloma Aikoniam sa'i waf Timoti nanda'anai bu'unai. 3Pol na'i Timoti nefe' nolomana. Amama atom dei' nao'wana natopa'mana alop. Pol okokoma esis Juda sape na'amai na'i, “I'i Timoti owa' neatopa' alop, esis ina nambimb sila basef ananimi, owa'.” Na'ama dei' naila waf esis Judai natopa'mana alop. Dei' main, esis hiesi sogawa Timoti ahalomana anan Grikinai. 4Nimeguf hiami amam maitu mafe' wambel hiagoma ma'ipasa basef esis. Basef amama fowa' amam aposel maloma agufumi ma'iam mandame'mam Jerusalemi, amama dei' ma'ipasam esis Kristen ea' ma'ipas ma'i, “Ipe' pila basef amama.”
5Ea' dei' esis Kristen sombale'efa Jisasi sataga la'ifis endilisi ea' wambota esis Kristeni sataga sandanda nimeguf hiami sataga hias endilisi.
Pol nape nati amamaga si'i na'oh nandondo'oh nati anona aman Masedoniainai
6Ambal Bu'unai Godi nasopama amam mawalapa basefa esis sape etap hiagoma Esiai. Ea' mafe' la'afena etap hiagoma biefina Frigia naloma Galesia. 7Ea' mape anona etap hiagoma Misia, mafe' mataga felefele' ma anona etap hiagoma nafe' notanimaima Bitinia ma'i muwis etap anama ma mawalapa basef Godi etap anama hiagoma. Ea' Ambal Bu'unai Jisasi na'ipapa na'i owa'. 8Ea' amam mawis etap hiagoma mafe' Misia misila'agon makini' mafe' Troas.
9Owamb anama Pol nati anom amamaga si'i na'oh nandondo'oh nati anona aman Masedoniainai naitu nofalai Pol na'ipana mehip na'i, “Ine' newala nimbuwi naoh ea' nifi'i Masedonia nigiambamapa.”
10Ea' Pol nati amama, afa' mehip wandoga eaf wafe' etap hiagoma Masedonia. Afa' ogawa God nofalafa ma owalapa basef bu'wami ananimi ma esis.
Lidia kwataga Kristen
11Ea' walata sip wambel anama Troas ea' wafe' usi'ifa Samotres. Wefilu wafe' Neapolis. 12Ea' wakwaha wambel anama wafe' Filipai, anama fowa' esis Rom safi'i sapoma. Wambel anama lu'unai ma etap hiagoma Masedonia. Ea' wape anama anom nimeguf.
13Wape anama, nemaf anama sabat nataga wafe' wawis endalelemb uta ande' ma wambel anama wafe' anona walemb. Afa' wa'i wambel anama esis Juda sanda' beten sapoma. Wape anama, wati anowa nematawa ondowa'anima wape etifigin ea' afa' wafe' wape walomawa wa'i. 14Ano'w nemata'w agili'wa Lidia kwanda' lotuma God kwape kwalomawa. Dembinai namboma okom akwa'inai kwame' basef amama Pol na'ipakwami. Akwa'w Taiatairai'wi, kwanda' maol kwanda' bisnisa luwaguf akwahimi. 15Ea' kofa' baptais kwaloma esis sape ipat atona wapoti'. Akwa'w kofa' baptais, kwa'ipafa basef kwa'i, “I'i ipe' ukup mi'i ae' embale'efa Dembinai endilisi, ipe' fi'i pepe peloma ae' ipat ae'anai.”
Ea' akwa'w la'ifikw kwao'wafa wafe' waila basef akwa'umi.
Pol naloma Sailas manda' kalabus Filipai
16Anona nemaf afa' wafe' anama esis sanda' beten sapoma, wati ano'w nemata'w kwafi'i kwatolofa eaf. Akwa'w agel a'akw kwape owina anom amam kwanda' maolana amam. Nemata'w akwama anona ambal aonai napai'w ea' nawalapa basefa amamaga nambimb meatagai. Akwa'w kwahali' ambal anama ma basef mamumami ea' nagwama'wa basef. Ea' dei' amam amama dambami akwa'umi mofa' otamba hiami ma akwa'w kwanda'am na'ama. 17Nemata'w akwama kwagi'ma Pol kwaloma afa', kofalafa timbi tambel kwa'i, “Amam manda' maola God nape ilif endilisi ma'ipapa basefa eaf God nofa'apa mutanimani.”
18La'ela'ef nemata'w akwama kwanda'am na'ama etin nimeguf hiami. Ea' Pol okom aona endilisi ma akwa'w, nandamboma na'ipa ambal anama napai'wi na'i, “Ae' a'ipina agel Jisas Kraisi, kwaho'w nemata'w akwama ea' fo'o!”
Ea' dei' atef ambal anama nakwaha akwa'w ea' nafe'.
19Ea' nogota anama amam mumafia'wi mogawa ofagema ma eaf anama mofa' otambanai owa'. Ea' dei' mombalo' Pol naloma Sailas mahonde'am mafe'ma sandowa'anima ma mi'ipa amam agufumi mumafi koti mapoma. 20Ea' ma'ipam ma'i, “Amam amama biam Judaimi, amam mafela ukup awami esis amam nematawai ma wambel ape'ima. 21Ea' mawalapa basefa anona waf ape' epes Romipai mandaiwa'manai. Mi'uli ape'inai nandaiwa'ma ape' mila waf anama amamunai, owa'.”
22Ea' esis amam nematawa wapoti' sambaso'ma amam biam. Ea' amam dambami mumafi koti mowaliam siogw amamumi ma mopagahom. 23Ea' amam mapagahom mehip timbi tambel ea' manda'am manda' kalabus. Ma'ipa aman naitu numafi utai mehipa nope numafiam andeande'. 24Ea' anan name' basef la'ifimi na'ama, nanda'am mapani rum anama nape la'afen atogon ipat anama sanda' kalabus sapeinai. Ea' nowa' bo'wagah amamumi sen, mail anona endap lu'unai. 25Owamb la'afina amanota Pol naloma Sailas manda' beten manda' awalef mafela agel Godi ea' enis epes sanda' kalabusi same' manda'am. 26Ea' mehip suwambon lu'unai nakoto' olalef mombalo' ipat anama sanda' kalabus sapeinai. Ea' utagw mandawisi', sen nowa' esis hiesi sanda' kalabusi nandatagah. 27Ea' anan numafi esis sanda' kalabusi nohafel nati utagw ipat sanda' kalabus sapeinai mandawisi', na'i sanda' kalabusi sawisi safa' safe'. Ea' nagiai bainat ananinai na'i noha anan noga'. 28Ea' Pol na'ipana mehip na'i, “Ai, ine' owa' nehambombaga ine'! Afa' hiafai wape na'ae!”
29Ea' anan numafi kalabusi mehip nofalasa nogwapin sofa'ana safi'i ea' nasagih nafi'i nawisi nomon Pol naloma Sailas mapoma. Anan umbamahana endilisi ilaus mana nape nindiwa nembawa notawa opalefima amam biam. 30Ea' nofa' amam biam mawis ande' nahali'am na'i, “Ipe' dembipei, ae' enda' maina nambimb God nofa'e itanimani?”
31Ea' amam ma'ipana ma'i, “Ine' nembale'efa Dembinai Jisas, ama nambimb God nofa'ena netanimani. Ea' neloma wambota ine'inai wapoti' na'ama etin.”
32Amam ma'ipana basef Godi naloma epes isima sape ipat ananinai. 33Ea' dei' atef owamb anama atona anan nofa' amam nasa'opamam esimbela melegw amamumi sahama. Ea' mehip anan naloma wambota awasi waulu'mana ananisi sofa' baptais. 34Ea' nofa'am mafe' ipat ananinai nase'ama gwa'aimi. Ea' anan naloma esis hiesi sape ipat ananinai sandanifel endilisi ma sombale'efa God.
35Ea' lala, amam dambami manda'masa koti masapa' plisman amamumi mafi'i ma'i, “Ipe' kwaha amam amama biam mofo'o.”
36Ea' anan numafi kalabusi nofa' basef amama nafe'ma Pol na'ipana na'i, “Amam dambami manda'masa koti masapa' basef mafi'mai ipe' apefe'. Na'ama dei' ipe' pekwaha kalabus pefe' ea' opalef ipe'imi mope awanem.”
37Ea' Pol na'ipa amam plisman na'i, “Afa' biafa Romufai, amam ina manda' kotimafa andeande'ma miti anona waf aonai ma afa' biafa, owa'. Amam mahafa etina naep esis amam nematawai. Ea motofa afa' ofe'? Owa'! Amam ata' mifi'i mo'wafa uwis ande'.”
38Ea' amam plisman mofa' basef amama mafe'ma amam amama dambami manda'masa koti, mame' basef ma'i amam biam Romumi ea' umbamaham. 39Ea' mafe'ma amam biam maolai amam mawisi ande' ma'i basef bu'wami malomam. Ea' ma'ipama mokwaha wambel anama mefe' anagon. 40Ea' makwaha ipat sanda' kalabus sapeinai mawisi mafe' ipat Lidiai mati esis Kristen ma'ipasa basef manda'as sataga la'ifis ea' mafe'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.