Matyu 25
25
Basef womun etina nematawa awiawai 10-peleiwa
1Nemaf anama epes siowis kingdom heveni si'i anom basef womun etina nematawa awiawai 10-peleiwa. Anona aman na'i noso' ano'w nemata'w, nafe' napani ma notanima nifi'i. Ea' nematawa awama awiawaiwai ohafel ofa' lamifah mandandawa wafe' wa'i witi aman anama eaf o'wana ufi'i. 2Wanowa biawa gawa a'awai ea' wanowa biawa ogawai. 3Awama gawa a'awai ofa' lamifah malomawa wafi'i, ea' awau ina ofa'ai kerosin etifin nalomawa, owa'. 4Ea' awama gawaiwai owala kerosin batowagof ofa'am etifim maloma lamifah awoumi ofa'am etifim wafe'. 5Aman anama ina dei' nafi'i ulal, ata' owa'. Ea' awau hiawai naep nimanim ambeh mahawa wa'oh.
6Wa'oh wafe' wafe' ma amaneta la'efina wame' anona maf nataga na'i, ‘Dei' aman naso' nemata'wi nafi'i. Ipe' pefe' petolona eaf pe'wanai pifi'i.’ 7Ea' nematawa awama ohafel, wandondomba lamifah awoumi ma weafe'. 8Ea' nematawa awama gawa a'awai wandaila awama gawaiwai wa'ipawa wa'i, ‘Ipe' ata' pese'apa kerosin tu'wanina. Lamifah ape'imi ma'i fendaga'am.’ 9Ea' awau wa'ipawa wa'i, ‘Owa'. Kerosin anae' dende'ma ape'. Ipe' fo'o stua petala anona ipe'inai.’
10Ea' awo ata' wafe' watala kerosin etin, aman anama noso' nemata'wi nafi'i. Ea' nematawa awama wandandombol wapoti', wawis ipat nomon walomana sa' gwa'aimi lu'wami ma aman naso' nemata'wi, ea' uta naso'.
11Ea' awama wafe' watala kerosin otanima wafi'i wagi' wataga, ea' waitu ofalana wa'i, ‘Dembinai, Dembinai, ine' usi'mapai uta.’
12Ea' anan nagwamawa basef na'i, ‘Ae' a'ipipa endilisi, ae' owa' eagaupei.’
13Ea' Jisas na'i anom basef wapoti' na'i, ‘Dei' ea' na'ama etin, ipe' pindumafuma andeande'. Dei' main, ipe' ina pegawa nambai' ae' iefi'i.’
Basef womun etina amam mofa' otamba
(Lu 19:11-27)
14Nemaf anama ae' etanima iefi'ianai epes siowis kingdom heveni na'ama etin si'i anom basef womun etina anona aman na'i nefe' anagon. Anan nofalai amam amama manda' maola anani mafi'i, nase'ama amamaga ananimi atona etina mumafiam. 15Ea' anan nawalomam moni amam. Anona nase'ana 5,000 kina, anona nase'ana 2,000 kina, anona nase'ana 1,000 kina. Anan nase'am otamba amama dende' ma gawa amamunai ea' nafe'. 16Ea' aman anama nofa' 5,000 kinai mehip etin nanda' maolana ea' nofa' 5,000 kina wamenai wapoti'. 17Ea' aman anama nofa' 2,000 kinai wapoti' nanda' maolan nofa' 2,000 kina wamenai wapoti' naloma fowa'inai. 18Ea' aman anama nofa' 1,000 kinai dembinai ananinai nase'ananai nofa'ana nafe' nala'agon nawa moni anama nambaho'wana etap.
19Ama nogota laona nafe' ea', dembinai amamunai notanima nafi'i. Ea' na'i ata' ni'i basef andeande' noloma amam nogawa moni anama anan nase'amanai. 20Ea' aman anama nofa' 5,000 kinai nafi'i ea' nofa'ai 5,000 kina anama anan nanda' maol nofa'anai wapoti' na'ipa dembinai ananinai na'i, ‘Dembinai, ine' nase'e 5,000 kina ea' dei' ine' niti ae' anda' maola moni anama dei' efa' 5,000 kina wamenai wapoti'.’
21Ea' Dembinai na'ipana na'i, ‘Ine' aman bu'winai nanda' maol andeande'. Dei' fowa' ine' nimafi amamaga sa'um andeande'. Dei' enda'ena nimafi amamaga lu'wami. Ine' nifi'i nendanifel neloma Dembinai ine'inai.’
22Ea' aman anama nofa' 2,000 kinai nafi'i na'ipana na'i, ‘Dembinai, ine' niti. Ine' nase'e 2,000 kina, dei' anda' maola moni anama, efa' 2,000 kina wamenai wapoti'.’
23Ea' Dembinai na'ipana na'i, ‘Ine' aman bu'winai nanda' maol andeande'. Fowa' ine' nimafi amamaga sa'umi andeande'. Dei' enda'ena nimafi amamaga lu'wami. Ine' fi'i nendanifel neloma Dembinai ine'inai.’
24Ea' aman anama nofa' 1,000 kinai anan wapoti' nafi'i na'ipa Dembinai ananinai na'i, ‘Dembinai, ae' egawa ine' aman la'ifinai nagi amamaga na'i ine'imi atom. Aof anona aman nawamanai anama ine' nafe' nala'am. Ea' anona etap anona aman nowaha olelembanai, ine' nafi'i nagiam. 25Ae' okom napoma ine'. Na'ama ae' umbamahe ma ine', dei' afe' ala'agon ambaho'am 1,000 kina ine'inai amboho'ana nape etap. Amama amamaga ine'imi ea' ine' tanima fa'amo.’
26Ea' Dembinai ananinai nagwamana basef na'ipana na'i, ‘Ine' nanda' maoli, ine' aman aowinai endilisi. Ine' ala'uta nainai. Endilisi ine' negawa ae' ala' gwa'aimi anona aman nawam aof ananinai, afe' atopa' wit anona etap anona amani. 27I'i na'ama, dei' nefa'ana nembe'ana benga ae' etanima ifi'i efa'ana neloma anona wamenai wapoti'. 28Ea' ipe' dalombana 1,000 kina aman anama pese'anana nefe'ma aman anama nofa' moni 10,000 kinai.’
29Dei' main? Emi egafis sahapila amamaga amama nambimb sofa' anom wamenai wapoti' ma sefa' hiami. Ea' emi egafis amamaga a'asi, amamaga kwaiyo'um esis sahapilami, amama nambimb endalombasam esis. 30Aman anama wafinai ipe' pekwahona nefe' nuwis ande' akotiguma endilisi. Wambel anama awagoma selef sonda' nalelef tilili talala' kwapete'as sapoma.
Dembinai nataga epen endilisinai owagama newaloga epes hiesi si'i sawaloga sipsipi meme maitu deindei
31Nemaf anama ae' ataga epen endilisiwei iefi'i ilumai pepel howalagon ae'anai, ea' amam ensel hiami molome mifi'i. Ama nemaf anama ae' epe etoma balata lu'unai ae'anai ma howalagon mafi'i heveni. 32Ea' amam nematawa hiesi sape etap hiagoma sifi'i sope naep ae'imi. Ea' ae' ihihi'as enda'as situ biefis, si'i aman numafi sipsipi nasifa' sipsip mafe' anagon, meme mafe' anagon. 33Ea' enda' epes sefe' situ wa'ol lagel kwahisinai ae'anai si'i sipsip, ea' epes isima God nondaiwa'masi situ wa'ol lagel eganai si'i meme.
34Ea' ae' dembiwei king i'ipa esis isima sape lagel kwahisinai i'i, ‘Ipe' Ahalome ae'anai nofalo'mepa ma pendanifel, ipe' piwis kingdom Ananinai pefa' amamaga amama ipe'imi fowa' etap owa' ata' neatagai ma'omipei. 35Dei' main, ipe' fowa' pati ae' nolomahe ape ipe' pase'e gwa'aimi. Pati iap nase'e, pase'e embel a' embel. Ae' afi'i si'i anona wambelinai ipe' pefa'e afe' ifagw ipe'imi. 36Ea' ae' luwaguf maim a'e, ipe' pase'eam anda'am ea' awasiwi ipe' pimafi andeande'. Ae' ape anda' kalabus, ipe' pafo'o patolowe.’
37Ea' esis isima bu'wasi sogwa basef ananimi si'i, ‘Dembinai, dei' maina nemaf ape' mati ine' nolomahena mase'ena gwa'aimi ine'? Maina nemaf ine' eap mase'ena ape' mase'ena embel? 38Ea' maina nogota ape' matilina si'i anona wambelinai ape' mofa'ena mafi'i ifagw ape'imi? Ea' maina nemaf ape' matilina lowaf a'ena, mase'ena lowaf? 39Ea' maina nemaf mati awes nanda'ena nape kalabus mafe' matilina?’
40Ea' ae' dembiwei king egwamasa basef i'i, ‘Ae' a'ipipa endilisi! Maim opeh bu'wami ipe' panda'ama pagiambama esis sahin owan ae'asi falafisi agof a'asi, amama ipe' ina panda'masam esis etis, owa'. Panda'meam ae' wapoti'.’
41Ea' ae' i'ipa esis saitu lagel eganai wa'ol wapoti' i'ipas, ipe' si'amae fo'o. God nandaiwa'mepa na'i ipe' epes aopei. ‘Ipe' fo'o wambel aonai nif lu'wami ma'oma. Nif anama Ahalome nanda'am mandandombol ma'oma aman aonai Satan naloma ensel ananimi atom. 42Dei' main, ipe' fowa' pati ae' nolomahe ape, ipe' ina pase'e gwa'aimi, owa'. Ea' ae' eap mase'ema embel, ipe' ina pase'e embel a' embel, owa'. 43Ea' ae' si'i epen anagon lauguniwei, ea' ipe' owa' pefa'e pefe' ifagw ipe'imi, owa'. Ea' lowaf a'e ipe' ina pase'e lowaf, ae' awes nanda'e, ape anda' kalabus ea' ipe' ina pafo'o patolowe, owa'etin.’
44Ea' esis wapoti' sogwa basef sohali' ae' si'i, ‘Dembinai, dei' maina nemaf ape' mati ine' gwa'aimi embel a'ena nolomahena, ine' epen anagon lauguninai, ine' lowaf a'ena awes nand'ena, nape nanda' kalabus, ea' ape' owa' mofo'o meatilina?’
45Ea' ae' egwamasa basef esis i'i, ‘Ae' a'ipipa endilisi, maina waf owa' peanda'ana enin epen inima falafini agel a'ani, amama ea' na'ama etin ina panda'meana ae' wapoti', owa'etin.’ 46Ea' epes isima anona nemaf sefe' sofa' amamaga awami mape la'ela'ef hihif. Ea' epes isima bu'wasi anona nemaf owagama sofa' ambal namunai sefe' sope anama sope andeande' la'ela'ef hihif.”
Currently Selected:
Matyu 25: aojF
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Matyu 25
25
Basef womun etina nematawa awiawai 10-peleiwa
1Nemaf anama epes siowis kingdom heveni si'i anom basef womun etina nematawa awiawai 10-peleiwa. Anona aman na'i noso' ano'w nemata'w, nafe' napani ma notanima nifi'i. Ea' nematawa awama awiawaiwai ohafel ofa' lamifah mandandawa wafe' wa'i witi aman anama eaf o'wana ufi'i. 2Wanowa biawa gawa a'awai ea' wanowa biawa ogawai. 3Awama gawa a'awai ofa' lamifah malomawa wafi'i, ea' awau ina ofa'ai kerosin etifin nalomawa, owa'. 4Ea' awama gawaiwai owala kerosin batowagof ofa'am etifim maloma lamifah awoumi ofa'am etifim wafe'. 5Aman anama ina dei' nafi'i ulal, ata' owa'. Ea' awau hiawai naep nimanim ambeh mahawa wa'oh.
6Wa'oh wafe' wafe' ma amaneta la'efina wame' anona maf nataga na'i, ‘Dei' aman naso' nemata'wi nafi'i. Ipe' pefe' petolona eaf pe'wanai pifi'i.’ 7Ea' nematawa awama ohafel, wandondomba lamifah awoumi ma weafe'. 8Ea' nematawa awama gawa a'awai wandaila awama gawaiwai wa'ipawa wa'i, ‘Ipe' ata' pese'apa kerosin tu'wanina. Lamifah ape'imi ma'i fendaga'am.’ 9Ea' awau wa'ipawa wa'i, ‘Owa'. Kerosin anae' dende'ma ape'. Ipe' fo'o stua petala anona ipe'inai.’
10Ea' awo ata' wafe' watala kerosin etin, aman anama noso' nemata'wi nafi'i. Ea' nematawa awama wandandombol wapoti', wawis ipat nomon walomana sa' gwa'aimi lu'wami ma aman naso' nemata'wi, ea' uta naso'.
11Ea' awama wafe' watala kerosin otanima wafi'i wagi' wataga, ea' waitu ofalana wa'i, ‘Dembinai, Dembinai, ine' usi'mapai uta.’
12Ea' anan nagwamawa basef na'i, ‘Ae' a'ipipa endilisi, ae' owa' eagaupei.’
13Ea' Jisas na'i anom basef wapoti' na'i, ‘Dei' ea' na'ama etin, ipe' pindumafuma andeande'. Dei' main, ipe' ina pegawa nambai' ae' iefi'i.’
Basef womun etina amam mofa' otamba
(Lu 19:11-27)
14Nemaf anama ae' etanima iefi'ianai epes siowis kingdom heveni na'ama etin si'i anom basef womun etina anona aman na'i nefe' anagon. Anan nofalai amam amama manda' maola anani mafi'i, nase'ama amamaga ananimi atona etina mumafiam. 15Ea' anan nawalomam moni amam. Anona nase'ana 5,000 kina, anona nase'ana 2,000 kina, anona nase'ana 1,000 kina. Anan nase'am otamba amama dende' ma gawa amamunai ea' nafe'. 16Ea' aman anama nofa' 5,000 kinai mehip etin nanda' maolana ea' nofa' 5,000 kina wamenai wapoti'. 17Ea' aman anama nofa' 2,000 kinai wapoti' nanda' maolan nofa' 2,000 kina wamenai wapoti' naloma fowa'inai. 18Ea' aman anama nofa' 1,000 kinai dembinai ananinai nase'ananai nofa'ana nafe' nala'agon nawa moni anama nambaho'wana etap.
19Ama nogota laona nafe' ea', dembinai amamunai notanima nafi'i. Ea' na'i ata' ni'i basef andeande' noloma amam nogawa moni anama anan nase'amanai. 20Ea' aman anama nofa' 5,000 kinai nafi'i ea' nofa'ai 5,000 kina anama anan nanda' maol nofa'anai wapoti' na'ipa dembinai ananinai na'i, ‘Dembinai, ine' nase'e 5,000 kina ea' dei' ine' niti ae' anda' maola moni anama dei' efa' 5,000 kina wamenai wapoti'.’
21Ea' Dembinai na'ipana na'i, ‘Ine' aman bu'winai nanda' maol andeande'. Dei' fowa' ine' nimafi amamaga sa'um andeande'. Dei' enda'ena nimafi amamaga lu'wami. Ine' nifi'i nendanifel neloma Dembinai ine'inai.’
22Ea' aman anama nofa' 2,000 kinai nafi'i na'ipana na'i, ‘Dembinai, ine' niti. Ine' nase'e 2,000 kina, dei' anda' maola moni anama, efa' 2,000 kina wamenai wapoti'.’
23Ea' Dembinai na'ipana na'i, ‘Ine' aman bu'winai nanda' maol andeande'. Fowa' ine' nimafi amamaga sa'umi andeande'. Dei' enda'ena nimafi amamaga lu'wami. Ine' fi'i nendanifel neloma Dembinai ine'inai.’
24Ea' aman anama nofa' 1,000 kinai anan wapoti' nafi'i na'ipa Dembinai ananinai na'i, ‘Dembinai, ae' egawa ine' aman la'ifinai nagi amamaga na'i ine'imi atom. Aof anona aman nawamanai anama ine' nafe' nala'am. Ea' anona etap anona aman nowaha olelembanai, ine' nafi'i nagiam. 25Ae' okom napoma ine'. Na'ama ae' umbamahe ma ine', dei' afe' ala'agon ambaho'am 1,000 kina ine'inai amboho'ana nape etap. Amama amamaga ine'imi ea' ine' tanima fa'amo.’
26Ea' Dembinai ananinai nagwamana basef na'ipana na'i, ‘Ine' nanda' maoli, ine' aman aowinai endilisi. Ine' ala'uta nainai. Endilisi ine' negawa ae' ala' gwa'aimi anona aman nawam aof ananinai, afe' atopa' wit anona etap anona amani. 27I'i na'ama, dei' nefa'ana nembe'ana benga ae' etanima ifi'i efa'ana neloma anona wamenai wapoti'. 28Ea' ipe' dalombana 1,000 kina aman anama pese'anana nefe'ma aman anama nofa' moni 10,000 kinai.’
29Dei' main? Emi egafis sahapila amamaga amama nambimb sofa' anom wamenai wapoti' ma sefa' hiami. Ea' emi egafis amamaga a'asi, amamaga kwaiyo'um esis sahapilami, amama nambimb endalombasam esis. 30Aman anama wafinai ipe' pekwahona nefe' nuwis ande' akotiguma endilisi. Wambel anama awagoma selef sonda' nalelef tilili talala' kwapete'as sapoma.
Dembinai nataga epen endilisinai owagama newaloga epes hiesi si'i sawaloga sipsipi meme maitu deindei
31Nemaf anama ae' ataga epen endilisiwei iefi'i ilumai pepel howalagon ae'anai, ea' amam ensel hiami molome mifi'i. Ama nemaf anama ae' epe etoma balata lu'unai ae'anai ma howalagon mafi'i heveni. 32Ea' amam nematawa hiesi sape etap hiagoma sifi'i sope naep ae'imi. Ea' ae' ihihi'as enda'as situ biefis, si'i aman numafi sipsipi nasifa' sipsip mafe' anagon, meme mafe' anagon. 33Ea' enda' epes sefe' situ wa'ol lagel kwahisinai ae'anai si'i sipsip, ea' epes isima God nondaiwa'masi situ wa'ol lagel eganai si'i meme.
34Ea' ae' dembiwei king i'ipa esis isima sape lagel kwahisinai i'i, ‘Ipe' Ahalome ae'anai nofalo'mepa ma pendanifel, ipe' piwis kingdom Ananinai pefa' amamaga amama ipe'imi fowa' etap owa' ata' neatagai ma'omipei. 35Dei' main, ipe' fowa' pati ae' nolomahe ape ipe' pase'e gwa'aimi. Pati iap nase'e, pase'e embel a' embel. Ae' afi'i si'i anona wambelinai ipe' pefa'e afe' ifagw ipe'imi. 36Ea' ae' luwaguf maim a'e, ipe' pase'eam anda'am ea' awasiwi ipe' pimafi andeande'. Ae' ape anda' kalabus, ipe' pafo'o patolowe.’
37Ea' esis isima bu'wasi sogwa basef ananimi si'i, ‘Dembinai, dei' maina nemaf ape' mati ine' nolomahena mase'ena gwa'aimi ine'? Maina nemaf ine' eap mase'ena ape' mase'ena embel? 38Ea' maina nogota ape' matilina si'i anona wambelinai ape' mofa'ena mafi'i ifagw ape'imi? Ea' maina nemaf ape' matilina lowaf a'ena, mase'ena lowaf? 39Ea' maina nemaf mati awes nanda'ena nape kalabus mafe' matilina?’
40Ea' ae' dembiwei king egwamasa basef i'i, ‘Ae' a'ipipa endilisi! Maim opeh bu'wami ipe' panda'ama pagiambama esis sahin owan ae'asi falafisi agof a'asi, amama ipe' ina panda'masam esis etis, owa'. Panda'meam ae' wapoti'.’
41Ea' ae' i'ipa esis saitu lagel eganai wa'ol wapoti' i'ipas, ipe' si'amae fo'o. God nandaiwa'mepa na'i ipe' epes aopei. ‘Ipe' fo'o wambel aonai nif lu'wami ma'oma. Nif anama Ahalome nanda'am mandandombol ma'oma aman aonai Satan naloma ensel ananimi atom. 42Dei' main, ipe' fowa' pati ae' nolomahe ape, ipe' ina pase'e gwa'aimi, owa'. Ea' ae' eap mase'ema embel, ipe' ina pase'e embel a' embel, owa'. 43Ea' ae' si'i epen anagon lauguniwei, ea' ipe' owa' pefa'e pefe' ifagw ipe'imi, owa'. Ea' lowaf a'e ipe' ina pase'e lowaf, ae' awes nanda'e, ape anda' kalabus ea' ipe' ina pafo'o patolowe, owa'etin.’
44Ea' esis wapoti' sogwa basef sohali' ae' si'i, ‘Dembinai, dei' maina nemaf ape' mati ine' gwa'aimi embel a'ena nolomahena, ine' epen anagon lauguninai, ine' lowaf a'ena awes nand'ena, nape nanda' kalabus, ea' ape' owa' mofo'o meatilina?’
45Ea' ae' egwamasa basef esis i'i, ‘Ae' a'ipipa endilisi, maina waf owa' peanda'ana enin epen inima falafini agel a'ani, amama ea' na'ama etin ina panda'meana ae' wapoti', owa'etin.’ 46Ea' epes isima anona nemaf sefe' sofa' amamaga awami mape la'ela'ef hihif. Ea' epes isima bu'wasi anona nemaf owagama sofa' ambal namunai sefe' sope anama sope andeande' la'ela'ef hihif.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.