Matyu 26
26
Amam dambami agufumi ma'i basef mandame'mama moha Jisas neaga'
(Mk 14:1-2; Lu 22:1-2; Jo 11:45-53)
1Jisas nawalipasa basef amama ma hi'alam, ama nogota anama anan na'ipa alupumi ananimi na'i, 2“Ipe' pegawa, nimeguf biam atom ata' mape ma nemaf anama sogwa' gwa'aimi lu'wami sa'i Pasova ea' neataga. Nemaf anama anona aman nowalapa ae' ataga epen endililsiwei ma anom amam naumbih mundi ieil lawag usi'inai tu'wanainai mohe eaga'.”
3Nemaf anama amam pris dambami maloma agufumi esis Judai munduwa'anima mape ipat Kaiafasi, anan pris dembinai nape nali'ma pris hiami. 4Ea' ma'i basef mandame'mama mefe' mondambaho' mombalo' Jisas mohana neaga'. 5Ea' amam mandaiwa'ma meambalo'ana nemaf anama sanda' gwa'aimi amama lu'wami. Na'ama epes hiesi ukup aom ea' sohafel sonda' wandaf.
Ano'w nemata'w kwakolo' sanda newala balaga Jisasi
(Mk 14:3-9; Jo 12:1-8)
6Nemaf anama Jisas nape Betani nape ipat anona aman Saimon, fowa' awes aonai nanda' alop ananinai nambo', dei' ambo'ona. 7Ea' ano'w nemata'w kwafi'mai anan kwahapila anona botol sanda'ana si'i owap, embel sanda alogw bu'wami ma'anai satalona otamba lu'wami nala botol anama. Ea' kwakolo'w sanda anama newala balaga Jisasi ma tebol anan natomama.
8Amam alupumi ananimi mati na'ama, ukup amamumi aom endilisi. Ea' ma'i, “Dei' maina akwa'w kwahambombaga sanda anama nafe' etin? 9I'i afa' ofa'ana enis epes sotalona moni hianai ma afa' ofa'ana oso' epes isima kwahusa gwa'aimi maim, andeande'. Owa'etin.”
10Ea' Jisas nogawa ukup amamumi, na'ipam na'i, “Dei' maina ipe' ukup aom mapoma nemata'w akwama? Owa'. Akwa'w kwanda' waf bu'unai ma ae'. 11Isima kwahusa gwa'aimi maim sape salomepa nimeguf hiami. Ea' ae' ina ata' elomepa epe nimeguf hiami, owa'. 12Nemata'w akwama kwakolo'wa sanda anama ma alop ae'anai kwanda' amama kondola'wifa felefele'ma esis seawe hi'agif. 13Endilisi ae' a'ipipa, ganima etap wambel hiagoma anona nemaf si'ipasa basef amama bu'wami Godi, si'ipasa basef ako'umi wapoti' ma ukup meapoma waf bu'unai akwa'w kwanda'meanai.”
Judas na'i basef la'ifimi naloma amam naumbih moha Jisas neaga'
(Mk 14:10-11; Lu 22:3-6)
14Nogota anama anona alupumi Jisasi 12-peleim agilinama Judas Kariotinai nafe'ma amam pris hiami dambami. 15Ea' nahali'am na'i, “Ipe' pa'i pese'e main petalowe ma ihi'ambepana?”
Ea' amam matalifa moni silva 30-peleim mase'ana. 16Ea' nogota anama atona nohafel nanda'am la'ela'ef nagolopa anona eafa nihi'ambama Jisas amama meambalo'ana.
Jisas na' gwa'aimi lu'wami sa'i Pasova naloma alupumi ananimi
(Mk 14:12-21; Lu 22:7-14,21-23; Jo 13:21-30)
17Nemaf anama sali' sa' anom gwa'aimi sa'i Pasova esis sa' bret anama owa' neatef lu'unai ea' amam alupumi ananimi mafi'mai anan mahali'ana ma'i, “Ine' na'i afa' ofe' ondondomba ipat eti ma ine' nea' gwa'aimi amama?”
18Ea' na'i, “Ipe' pefe' taun, pefe'ma anona aman pi'ipana pi'i, ‘Dembinai Tisa na'i, “Nemaf dahandahama God nandandepamianai ea' felefele'. Ae' a'i ea' Pasova anama eloma alupumi ae'ami ope ipat ine'inai.” ’ ”
19Ea' amam alupumi ananimi manda'am na'ama si'i anan na'ipam ea' mandondomba gwa'aimi Pasova. 20Ea' owamb anan nape nagwa' gwa'aimi tebol naloma alupumi ananimi 12-peleim. 21Ea' amam mape ma' gwa'aimi etin, Jisas na'ipam na'i, “Ae' a'ipipa endilisi, anona afa'inai atuwasi nefe' nihi'amba amam naumbiha ae' efe' eapoma.”
22Ea' ukup amamumi nimanim endilisi, mohafel mahali'ana atona etin ma'i, “Dembinai, ae' o emi?”
23Ea' anan nagwamama basef na'i, “Aman anama dei'aol nalome wahapila bret walata dis, anan ea' ma'una, anama atuwasi nowalapa ae' ma naumbih ae'ami. 24A'e, ataga epen endilisiwei, atuwasi enis epes sehe eaga' si'i Buk Baibel na'iama ae'. Ea' aman anama nowalapa ae' ma naumbih, anan uwahipina endilisi. Nambimb nimanimi awami endilisi motagamana. Fowa' mama'wana owa' ata' kolanai, andeande'. Ama anan ina notagama amamaga nimanimi awami. Owa'etin.”
25Ea' aman anama Judas atuwasi nowalapa Jisas amam naumbih anan na'ipa Jisas na'i, “Dembinai Tisa, ae' o emi?”
Ea' Jisas nagwamana basef na'i, “Ine' etina na'iam.”
Jisas nase'ama gwa'aimi komunion alupumi ananimi 12-peleim
(Mk 14:22-26; Lu 22:15-20; 1 Ko 11:23-25)
26Jisas nalomam ata' mape ma' gwa'aimi etin, nafela anona bret, nanda' beten nanifela God, nawalona nase'am na'ipam na'i, “Ipe' felana pea'ana. Bret anama alop ae'anai.”
27Ea' nafela anona kap embel wain nalanai nanifela God, nase'am na'ipam na'i, “Ipe' hipei gwa'am etin. 28Embel amama esimbel ae'ami manda' basef amama Godi ma'i endilisimi atomi mataga la'ifim. Esimbel amama ae' ekolo'wama God nokwahomasa waf aonai epes hiesi sanda'anai. 29Ae' a'ipipa, ina ata' etanima ea' embel wain wapoti', owa'. Ae' efe' etaga wambel Ahalomei, ea' anona wain dambainai elomepa anama.”
30Amam manda' anona awaf ea' mawisi mafe' mondowasa' halaf lawah oliv motawama.
Jisas na'i atuwasi Pita nombaho' agel ananinai nowa' alafuga anan
(Mk 14:27-31; Lu 22:31-34; Jo 13:36-38)
31Ea' Jisas na'ipam na'i, “Atuwasi owamb anae' ipe' pindaiwa'ma pembale'efa ae' pekwahowe. Dei' main, fowa' gani Baibel na'i na'ama na'i, God na'i,
‘Anona nemaf owagama gani, ae' eha aman anama numafi sipsipi noga'. Ea' sipsip amama mofa' mefe' atona etin.’
32Ea' owa'etin. Nambimb ae' etanima ehafel wapoti' ili'ipa efe' etap hiagoma Galili.”
33Ea' Pita nagwa basef na'ama na'i, “I'i endilisi amam alupumi ine'imi hiemi meambale'efa ine' mi'i mokwahena, hapaimi, ae' embale'efa ine' la'ifiwi ina atuwasi ikwahina, owa'.”
34Ea' Jisas nagwamana basef na'i, “Ae' a'ipina endilisi, dei' owamb anae' awata ata owa' nondo'am, ine' nembaho' agel ae'anai ni'i wenif ni'i, ‘Ae' owa' egawa Jisase.’ ”
35Ea' Pita na'ipana na'i, “Owa'etin. I'i esis soha afa' biafa oga' etin, ae' ina embaho' agel ine'inai, owa'etin.”
Ea' alupumi hiami Jisasi ma'iam na'ama etin hi'alam.
Jisas nafe' nawis anagon Getsemani sawa lawah oliv motawama nanda' beten
(Mk 14:32-42; Lu 22:39-46)
36Ea' Jisas nao'wa alupumi ananimi mafe' etin anagon Getsemani lawah hiami oliv motawama. Ea' na'ipam na'i, “Ipe' pepe na'ae, ae' efe' gani wa'ol enda' beten.”
37Ea' anan nao'wa Pita naloma Sebedi batausana Jemsi Jon nao'wam mafe'. Ea' name' opaf ananinai nimanina kwapete' endilisi. 38Ea' na'ipam na'i, “Opaf ae'anai nimanina endilisi ma ae' ega'. Ipe' pepe na'ae pindumafuma pepe pehafa ae' eatanimani.”
39Ea' anan nandamboma nafe' fele' nowa nambe' opaf notawa nanda' beten na'i, “Ahalome Ae'inai, i'i ine' ni'i a'e, nekwahome nimanimi amama. Ea' ine' nila okom ine'inai atona, Ae' owa'.”
40Nahali'ana ea', nehafel notanima nafe'ma alupumi ananimi mapoma, nati amam ma'oh maga' mafe'. Ea' nofala Pita na'i, “Ipe' la'ifipa pepe pehafa ae' o owa'? Nogota a'ipipa a'i pepe pehafa ae' ina laona, owa'. Nogota bandana si'i aua atotona. 41Ipe' pindumafuma andeande' pepe penda' beten. Na'ama amamaga meagwambipei motagama ipe'. Endilisi ambagof ipe'mi ma'i a'e ma penda' beten, ea' alop nimanina ala'uta naepa.”
42Ea' anan notanima nafe'ma bif nanda' beten na'i, “Ahalome ae'anai, i'i owa' anona eaf ae' indihi'ama nimanimi amama, ea' hapaimi, ae' efa'am. Ine' nila okom ine'inai atona.”
43Anan nahali'ana ea' nandamboma notanima nafi'i bif amam mapoma nati amam ata' ma'oh etin. Dei' main, naep amamumi nimanim. 44Ea' nakwahom notanima nafe' nanda' beten wenif. Beten anama atona do'ok nali' nanda'anai, notanima nanda'ana wapoti'.
45Ea' notanima nafi'mai amam mapoma na'ipam na'i, “Ipe' ata' papoma noma'w pa'oh etin? Peme'! Nogota ae'anai nataga. Dei' nemaf anae' anona aman aonai nifi'i nulumai anom amam awami mufi'i mowa' Ae' ataga epen endilisiwei. 46Hafel! Afa' ofe' uti aman anama nihi'ambama ae' ma naumbih ae'ami dei' nafi'i.”
Judas nawalapa Jisasa naumbiha mombalo'ana mofa'ana mofe'
(Mk 14:43-50; Lu 22:47-53; Jo 18:3-12)
47Jisas ata' naitu na'ipam etin, Judas, anona amam 12-peleim Jisasi, anan nafi'i nalumai amam hiami mahapila bainahi belep. Amam pris dambami malumai amam agufumi dambami esis Judai masapa'am mafi'i. 48Ea' aman anama nowalapa Jisas, nali' na'ipam nanda' ikwaf nihi'ambam na'i, “Atuwasi ipe' piti ae' iesisi' dalogwanai, aman anama ea' Jisas ma'una. Ipe' pembalo'ana pewa'ana.”
49Ea' anan nafe'ma Jisas mehip na'i, “Owamb bu'unai, Dembinai Tisa.” Ea' nasisi' dalogwana.
50Ea' Jisas na'ipana na'i, “Alupinai, amamaga ine' nafi'i ma na'i nenda'ami, da'am mehip.”
Ea' amam mafi'i felefele'ma Jisas mowasa' lagof mombalo'ana. 51Ea' anona aman nape naloma Jisas, nala lagel nagiai bainat ananinai naha anona aman nanda'mana maola pris dembinai nape nali'ma pris hiami, natopa' aliga ananinai pele'atana nowa.
52Ea' Jisas na'ipana na'i, “Wala bainat notambel nowala napoma. Emi egafis sapa' bainah, anona nemaf bainah mohas soga'. 53Ine' negawa pepel Ahalomei o owa'? I'i ae' ihali'ana, Anan nase'e ensel ananimi hiami endilisi mehip mikila' amam soldia hiami wambotagw 12-peleim. Owa'. 54I'i ae' enda' waf anama, atuwasi basef amama fowa' God na'iam mape buk Baibeli ina mataga alihim dende'ma amam mifi'i mombale'e, owa'.”
55Ea' Jisas na'ipa esis amam nematawa hiesi na'i, “Ipe' pefa'ai bainahi belep pafi'i si'i pafi'i pa'i pewa' anona aman aonai napa' naloma gavmani? Nimeguf hiami ae' ape alomepa ipat lu'unai Godi awalapa basef bu'wami esis amam nematawa hiesi ea' ipe' ina pembale'e. 56Ea' dei' amamaga amama ipe' panda'ami mataga dende'ma basef amama fowa' God na'ipa amam profet manda'am mail buk mataga endilisi.”
Ea' alupumi ananimi hiami makwahona mafa' mafe' hi'alam.
Amam mofa' Jisas mafe' manda'mana basefa amam dambami Juda
(Mk 14:53-65; Lu 22:54-55,63-71; Jo 18:13-14,19-24)
57Amam amama mombalo' Jisas mofa'ana mafe' ipat anona pris dembinai nape nali'ma pris hiami Kaiafas. Ea' amam dambami mawalipasa mi'uli Godi maloma agufumi esis Judai mali' mafi'i mundawa'anima mape. 58Ea' Pita ina nalomam nafe' etin, owa'. Anan nape lougun nagi'mam nafe' nataga endalelemb nawis ipat dembinai prisi nafe' nape naloma amam polisman mapoma nif. Anan na'i nope niti atuwasi maim meataga.
59Ea' amam pris dambami maloma amam dambami Juda mumafi koti, amam hiami ma'i mogolopa enis epesa sombaso'ma Jisas ma anom basefa mohana neaga'. 60Ea' epes hiesi sataga sa'i basef baso'maimi mafe'ma Anan. Ea' esis ina satagama anom basef endilisimi ofagema ma mohana neaga', owa'. Ea' anom amam biam mataga 61ma'i, “Aman anama na'i anom basef na'i, ‘Ae' la'ifiwei ma etalona ipat lu'unai Godi ma etanima ela'ana wapoti' nimeguf wanom.’ ”
62Ea' pris anama dembinai naitu nahali' Jisas na'ama na'i, “Ine' negwa basef amama o owa'? Dei' maina amam ma'ipina basef na'ama?”
63Ea' Jisas ina na'i anom basef, owa'.
Ea' pris anama na'ipana na'i, “Ae' a'ipina endilisi ma agel dembinai Godi nape la'ela'ef hihif, ine' kipa ape'. Ine' Krais nogalomana Godi nandandepena nasapa'ena nafi'i o owa'?”
64Ea' Jisas na'i, “Ipe' pa'iam ea' ma'um. Ea' ae' a'ipipa, anona nemaf ipe' piti ae' ataga epen endilisiwei, epe lagel da'isinai Godi. Epe otaga ilif etanima ifi'i petolowe.”
65Jisas na'iam na'ama ea', pris anama okom wandafuna ea' nahape' klos amama anan nalami na'iam na'i, “Anan nanda' dembinai God findiwana ma basef awami! Ape' ina ata' mofalai enis epes wapoti' sifi'i si'i anom basefa anan, owa'. Anan na'ipana basef awami ma God, ea' amama dei' pame'anamam ea'. 66Ipe' ukup mape ma'imama?”
Ea' amam hiami magwamana basef ma'i, “Anan nanda' waf aonai ea' andeande'ma neaga'.”
67Ea' amam misi'wafa amaga Jisasi mahana lagof amamumi. Ea' anom nakolaombana. 68Ea' masopamana naep ananimi ma'i, “Ine' Krais God nandandepena nasapa'ena nafi'i, ine' ni'i basef si'i anona profet na'iami newalapa emi nahena.”
Pita na'i, “Ae' owa' egawa Jisase.”
(Mk 14:66-72; Lu 22:56-62; Jo 18:15-18,25-27)
69Pita tol nape endalelemb nomon nape ipat ande'. Ea' ano'w nemata'w kwanda' maoli kwafi'i felefele' ma anan ea' kwa'ipana kwa'i, “Ine' wapoti' nape naloma Jisas etap hiagoma Galili.”
70Ea' Pita nambaho' agel Jisasi ma naep isima hiesi na'i, “Ae' ina egawa basef amama ine' na'iami, owa'.”
71Ea' nafe' naitu indalelemb nomon felefele'ma uta, ano'w nemata'w kwatolona wapoti' kwa'ipa esis amam nematawa sape felefele' kwa'i, “Aman anama anan nape naloma Jisas Nasaretinai.”
72Ea' Pita nambaho' agel Jisasi wapoti' ea' na'i, “Endilisi gani ilif, ae' ina egawa aman anama.”
73Nogota bandana nafe'ma ea', anom amam maitu felefele' mafi'mai Pita ma'ipana ma'i, “Endilisi, ine' aman naloma esisi. Diga ine'inai nawalapena alihina.”
74Ea' dei' Pita nehafel na'i basef la'ifimi na'i, “I'i basef ae'ami ina endilisimi, ae' a'i God nehe' ega'. Endilisi gani ilif, ae' ine egawa aman anama, owa'.”
Anan na'iam ea', mehip awata nanda'am. 75Ea' Pita okokoma basef nambati' Jisas na'ipanami na'i, “Awata owa' ata' neanda'am, ine' nembaso'mas ni'iam wenif ni'i, ‘Ine' owa' negawa Jisase.’ ”
Ea' Pita nawisi nafe' ande' nalef mehip endilisi.
Currently Selected:
Matyu 26: aojF
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Matyu 26
26
Amam dambami agufumi ma'i basef mandame'mama moha Jisas neaga'
(Mk 14:1-2; Lu 22:1-2; Jo 11:45-53)
1Jisas nawalipasa basef amama ma hi'alam, ama nogota anama anan na'ipa alupumi ananimi na'i, 2“Ipe' pegawa, nimeguf biam atom ata' mape ma nemaf anama sogwa' gwa'aimi lu'wami sa'i Pasova ea' neataga. Nemaf anama anona aman nowalapa ae' ataga epen endililsiwei ma anom amam naumbih mundi ieil lawag usi'inai tu'wanainai mohe eaga'.”
3Nemaf anama amam pris dambami maloma agufumi esis Judai munduwa'anima mape ipat Kaiafasi, anan pris dembinai nape nali'ma pris hiami. 4Ea' ma'i basef mandame'mama mefe' mondambaho' mombalo' Jisas mohana neaga'. 5Ea' amam mandaiwa'ma meambalo'ana nemaf anama sanda' gwa'aimi amama lu'wami. Na'ama epes hiesi ukup aom ea' sohafel sonda' wandaf.
Ano'w nemata'w kwakolo' sanda newala balaga Jisasi
(Mk 14:3-9; Jo 12:1-8)
6Nemaf anama Jisas nape Betani nape ipat anona aman Saimon, fowa' awes aonai nanda' alop ananinai nambo', dei' ambo'ona. 7Ea' ano'w nemata'w kwafi'mai anan kwahapila anona botol sanda'ana si'i owap, embel sanda alogw bu'wami ma'anai satalona otamba lu'wami nala botol anama. Ea' kwakolo'w sanda anama newala balaga Jisasi ma tebol anan natomama.
8Amam alupumi ananimi mati na'ama, ukup amamumi aom endilisi. Ea' ma'i, “Dei' maina akwa'w kwahambombaga sanda anama nafe' etin? 9I'i afa' ofa'ana enis epes sotalona moni hianai ma afa' ofa'ana oso' epes isima kwahusa gwa'aimi maim, andeande'. Owa'etin.”
10Ea' Jisas nogawa ukup amamumi, na'ipam na'i, “Dei' maina ipe' ukup aom mapoma nemata'w akwama? Owa'. Akwa'w kwanda' waf bu'unai ma ae'. 11Isima kwahusa gwa'aimi maim sape salomepa nimeguf hiami. Ea' ae' ina ata' elomepa epe nimeguf hiami, owa'. 12Nemata'w akwama kwakolo'wa sanda anama ma alop ae'anai kwanda' amama kondola'wifa felefele'ma esis seawe hi'agif. 13Endilisi ae' a'ipipa, ganima etap wambel hiagoma anona nemaf si'ipasa basef amama bu'wami Godi, si'ipasa basef ako'umi wapoti' ma ukup meapoma waf bu'unai akwa'w kwanda'meanai.”
Judas na'i basef la'ifimi naloma amam naumbih moha Jisas neaga'
(Mk 14:10-11; Lu 22:3-6)
14Nogota anama anona alupumi Jisasi 12-peleim agilinama Judas Kariotinai nafe'ma amam pris hiami dambami. 15Ea' nahali'am na'i, “Ipe' pa'i pese'e main petalowe ma ihi'ambepana?”
Ea' amam matalifa moni silva 30-peleim mase'ana. 16Ea' nogota anama atona nohafel nanda'am la'ela'ef nagolopa anona eafa nihi'ambama Jisas amama meambalo'ana.
Jisas na' gwa'aimi lu'wami sa'i Pasova naloma alupumi ananimi
(Mk 14:12-21; Lu 22:7-14,21-23; Jo 13:21-30)
17Nemaf anama sali' sa' anom gwa'aimi sa'i Pasova esis sa' bret anama owa' neatef lu'unai ea' amam alupumi ananimi mafi'mai anan mahali'ana ma'i, “Ine' na'i afa' ofe' ondondomba ipat eti ma ine' nea' gwa'aimi amama?”
18Ea' na'i, “Ipe' pefe' taun, pefe'ma anona aman pi'ipana pi'i, ‘Dembinai Tisa na'i, “Nemaf dahandahama God nandandepamianai ea' felefele'. Ae' a'i ea' Pasova anama eloma alupumi ae'ami ope ipat ine'inai.” ’ ”
19Ea' amam alupumi ananimi manda'am na'ama si'i anan na'ipam ea' mandondomba gwa'aimi Pasova. 20Ea' owamb anan nape nagwa' gwa'aimi tebol naloma alupumi ananimi 12-peleim. 21Ea' amam mape ma' gwa'aimi etin, Jisas na'ipam na'i, “Ae' a'ipipa endilisi, anona afa'inai atuwasi nefe' nihi'amba amam naumbiha ae' efe' eapoma.”
22Ea' ukup amamumi nimanim endilisi, mohafel mahali'ana atona etin ma'i, “Dembinai, ae' o emi?”
23Ea' anan nagwamama basef na'i, “Aman anama dei'aol nalome wahapila bret walata dis, anan ea' ma'una, anama atuwasi nowalapa ae' ma naumbih ae'ami. 24A'e, ataga epen endilisiwei, atuwasi enis epes sehe eaga' si'i Buk Baibel na'iama ae'. Ea' aman anama nowalapa ae' ma naumbih, anan uwahipina endilisi. Nambimb nimanimi awami endilisi motagamana. Fowa' mama'wana owa' ata' kolanai, andeande'. Ama anan ina notagama amamaga nimanimi awami. Owa'etin.”
25Ea' aman anama Judas atuwasi nowalapa Jisas amam naumbih anan na'ipa Jisas na'i, “Dembinai Tisa, ae' o emi?”
Ea' Jisas nagwamana basef na'i, “Ine' etina na'iam.”
Jisas nase'ama gwa'aimi komunion alupumi ananimi 12-peleim
(Mk 14:22-26; Lu 22:15-20; 1 Ko 11:23-25)
26Jisas nalomam ata' mape ma' gwa'aimi etin, nafela anona bret, nanda' beten nanifela God, nawalona nase'am na'ipam na'i, “Ipe' felana pea'ana. Bret anama alop ae'anai.”
27Ea' nafela anona kap embel wain nalanai nanifela God, nase'am na'ipam na'i, “Ipe' hipei gwa'am etin. 28Embel amama esimbel ae'ami manda' basef amama Godi ma'i endilisimi atomi mataga la'ifim. Esimbel amama ae' ekolo'wama God nokwahomasa waf aonai epes hiesi sanda'anai. 29Ae' a'ipipa, ina ata' etanima ea' embel wain wapoti', owa'. Ae' efe' etaga wambel Ahalomei, ea' anona wain dambainai elomepa anama.”
30Amam manda' anona awaf ea' mawisi mafe' mondowasa' halaf lawah oliv motawama.
Jisas na'i atuwasi Pita nombaho' agel ananinai nowa' alafuga anan
(Mk 14:27-31; Lu 22:31-34; Jo 13:36-38)
31Ea' Jisas na'ipam na'i, “Atuwasi owamb anae' ipe' pindaiwa'ma pembale'efa ae' pekwahowe. Dei' main, fowa' gani Baibel na'i na'ama na'i, God na'i,
‘Anona nemaf owagama gani, ae' eha aman anama numafi sipsipi noga'. Ea' sipsip amama mofa' mefe' atona etin.’
32Ea' owa'etin. Nambimb ae' etanima ehafel wapoti' ili'ipa efe' etap hiagoma Galili.”
33Ea' Pita nagwa basef na'ama na'i, “I'i endilisi amam alupumi ine'imi hiemi meambale'efa ine' mi'i mokwahena, hapaimi, ae' embale'efa ine' la'ifiwi ina atuwasi ikwahina, owa'.”
34Ea' Jisas nagwamana basef na'i, “Ae' a'ipina endilisi, dei' owamb anae' awata ata owa' nondo'am, ine' nembaho' agel ae'anai ni'i wenif ni'i, ‘Ae' owa' egawa Jisase.’ ”
35Ea' Pita na'ipana na'i, “Owa'etin. I'i esis soha afa' biafa oga' etin, ae' ina embaho' agel ine'inai, owa'etin.”
Ea' alupumi hiami Jisasi ma'iam na'ama etin hi'alam.
Jisas nafe' nawis anagon Getsemani sawa lawah oliv motawama nanda' beten
(Mk 14:32-42; Lu 22:39-46)
36Ea' Jisas nao'wa alupumi ananimi mafe' etin anagon Getsemani lawah hiami oliv motawama. Ea' na'ipam na'i, “Ipe' pepe na'ae, ae' efe' gani wa'ol enda' beten.”
37Ea' anan nao'wa Pita naloma Sebedi batausana Jemsi Jon nao'wam mafe'. Ea' name' opaf ananinai nimanina kwapete' endilisi. 38Ea' na'ipam na'i, “Opaf ae'anai nimanina endilisi ma ae' ega'. Ipe' pepe na'ae pindumafuma pepe pehafa ae' eatanimani.”
39Ea' anan nandamboma nafe' fele' nowa nambe' opaf notawa nanda' beten na'i, “Ahalome Ae'inai, i'i ine' ni'i a'e, nekwahome nimanimi amama. Ea' ine' nila okom ine'inai atona, Ae' owa'.”
40Nahali'ana ea', nehafel notanima nafe'ma alupumi ananimi mapoma, nati amam ma'oh maga' mafe'. Ea' nofala Pita na'i, “Ipe' la'ifipa pepe pehafa ae' o owa'? Nogota a'ipipa a'i pepe pehafa ae' ina laona, owa'. Nogota bandana si'i aua atotona. 41Ipe' pindumafuma andeande' pepe penda' beten. Na'ama amamaga meagwambipei motagama ipe'. Endilisi ambagof ipe'mi ma'i a'e ma penda' beten, ea' alop nimanina ala'uta naepa.”
42Ea' anan notanima nafe'ma bif nanda' beten na'i, “Ahalome ae'anai, i'i owa' anona eaf ae' indihi'ama nimanimi amama, ea' hapaimi, ae' efa'am. Ine' nila okom ine'inai atona.”
43Anan nahali'ana ea' nandamboma notanima nafi'i bif amam mapoma nati amam ata' ma'oh etin. Dei' main, naep amamumi nimanim. 44Ea' nakwahom notanima nafe' nanda' beten wenif. Beten anama atona do'ok nali' nanda'anai, notanima nanda'ana wapoti'.
45Ea' notanima nafi'mai amam mapoma na'ipam na'i, “Ipe' ata' papoma noma'w pa'oh etin? Peme'! Nogota ae'anai nataga. Dei' nemaf anae' anona aman aonai nifi'i nulumai anom amam awami mufi'i mowa' Ae' ataga epen endilisiwei. 46Hafel! Afa' ofe' uti aman anama nihi'ambama ae' ma naumbih ae'ami dei' nafi'i.”
Judas nawalapa Jisasa naumbiha mombalo'ana mofa'ana mofe'
(Mk 14:43-50; Lu 22:47-53; Jo 18:3-12)
47Jisas ata' naitu na'ipam etin, Judas, anona amam 12-peleim Jisasi, anan nafi'i nalumai amam hiami mahapila bainahi belep. Amam pris dambami malumai amam agufumi dambami esis Judai masapa'am mafi'i. 48Ea' aman anama nowalapa Jisas, nali' na'ipam nanda' ikwaf nihi'ambam na'i, “Atuwasi ipe' piti ae' iesisi' dalogwanai, aman anama ea' Jisas ma'una. Ipe' pembalo'ana pewa'ana.”
49Ea' anan nafe'ma Jisas mehip na'i, “Owamb bu'unai, Dembinai Tisa.” Ea' nasisi' dalogwana.
50Ea' Jisas na'ipana na'i, “Alupinai, amamaga ine' nafi'i ma na'i nenda'ami, da'am mehip.”
Ea' amam mafi'i felefele'ma Jisas mowasa' lagof mombalo'ana. 51Ea' anona aman nape naloma Jisas, nala lagel nagiai bainat ananinai naha anona aman nanda'mana maola pris dembinai nape nali'ma pris hiami, natopa' aliga ananinai pele'atana nowa.
52Ea' Jisas na'ipana na'i, “Wala bainat notambel nowala napoma. Emi egafis sapa' bainah, anona nemaf bainah mohas soga'. 53Ine' negawa pepel Ahalomei o owa'? I'i ae' ihali'ana, Anan nase'e ensel ananimi hiami endilisi mehip mikila' amam soldia hiami wambotagw 12-peleim. Owa'. 54I'i ae' enda' waf anama, atuwasi basef amama fowa' God na'iam mape buk Baibeli ina mataga alihim dende'ma amam mifi'i mombale'e, owa'.”
55Ea' Jisas na'ipa esis amam nematawa hiesi na'i, “Ipe' pefa'ai bainahi belep pafi'i si'i pafi'i pa'i pewa' anona aman aonai napa' naloma gavmani? Nimeguf hiami ae' ape alomepa ipat lu'unai Godi awalapa basef bu'wami esis amam nematawa hiesi ea' ipe' ina pembale'e. 56Ea' dei' amamaga amama ipe' panda'ami mataga dende'ma basef amama fowa' God na'ipa amam profet manda'am mail buk mataga endilisi.”
Ea' alupumi ananimi hiami makwahona mafa' mafe' hi'alam.
Amam mofa' Jisas mafe' manda'mana basefa amam dambami Juda
(Mk 14:53-65; Lu 22:54-55,63-71; Jo 18:13-14,19-24)
57Amam amama mombalo' Jisas mofa'ana mafe' ipat anona pris dembinai nape nali'ma pris hiami Kaiafas. Ea' amam dambami mawalipasa mi'uli Godi maloma agufumi esis Judai mali' mafi'i mundawa'anima mape. 58Ea' Pita ina nalomam nafe' etin, owa'. Anan nape lougun nagi'mam nafe' nataga endalelemb nawis ipat dembinai prisi nafe' nape naloma amam polisman mapoma nif. Anan na'i nope niti atuwasi maim meataga.
59Ea' amam pris dambami maloma amam dambami Juda mumafi koti, amam hiami ma'i mogolopa enis epesa sombaso'ma Jisas ma anom basefa mohana neaga'. 60Ea' epes hiesi sataga sa'i basef baso'maimi mafe'ma Anan. Ea' esis ina satagama anom basef endilisimi ofagema ma mohana neaga', owa'. Ea' anom amam biam mataga 61ma'i, “Aman anama na'i anom basef na'i, ‘Ae' la'ifiwei ma etalona ipat lu'unai Godi ma etanima ela'ana wapoti' nimeguf wanom.’ ”
62Ea' pris anama dembinai naitu nahali' Jisas na'ama na'i, “Ine' negwa basef amama o owa'? Dei' maina amam ma'ipina basef na'ama?”
63Ea' Jisas ina na'i anom basef, owa'.
Ea' pris anama na'ipana na'i, “Ae' a'ipina endilisi ma agel dembinai Godi nape la'ela'ef hihif, ine' kipa ape'. Ine' Krais nogalomana Godi nandandepena nasapa'ena nafi'i o owa'?”
64Ea' Jisas na'i, “Ipe' pa'iam ea' ma'um. Ea' ae' a'ipipa, anona nemaf ipe' piti ae' ataga epen endilisiwei, epe lagel da'isinai Godi. Epe otaga ilif etanima ifi'i petolowe.”
65Jisas na'iam na'ama ea', pris anama okom wandafuna ea' nahape' klos amama anan nalami na'iam na'i, “Anan nanda' dembinai God findiwana ma basef awami! Ape' ina ata' mofalai enis epes wapoti' sifi'i si'i anom basefa anan, owa'. Anan na'ipana basef awami ma God, ea' amama dei' pame'anamam ea'. 66Ipe' ukup mape ma'imama?”
Ea' amam hiami magwamana basef ma'i, “Anan nanda' waf aonai ea' andeande'ma neaga'.”
67Ea' amam misi'wafa amaga Jisasi mahana lagof amamumi. Ea' anom nakolaombana. 68Ea' masopamana naep ananimi ma'i, “Ine' Krais God nandandepena nasapa'ena nafi'i, ine' ni'i basef si'i anona profet na'iami newalapa emi nahena.”
Pita na'i, “Ae' owa' egawa Jisase.”
(Mk 14:66-72; Lu 22:56-62; Jo 18:15-18,25-27)
69Pita tol nape endalelemb nomon nape ipat ande'. Ea' ano'w nemata'w kwanda' maoli kwafi'i felefele' ma anan ea' kwa'ipana kwa'i, “Ine' wapoti' nape naloma Jisas etap hiagoma Galili.”
70Ea' Pita nambaho' agel Jisasi ma naep isima hiesi na'i, “Ae' ina egawa basef amama ine' na'iami, owa'.”
71Ea' nafe' naitu indalelemb nomon felefele'ma uta, ano'w nemata'w kwatolona wapoti' kwa'ipa esis amam nematawa sape felefele' kwa'i, “Aman anama anan nape naloma Jisas Nasaretinai.”
72Ea' Pita nambaho' agel Jisasi wapoti' ea' na'i, “Endilisi gani ilif, ae' ina egawa aman anama.”
73Nogota bandana nafe'ma ea', anom amam maitu felefele' mafi'mai Pita ma'ipana ma'i, “Endilisi, ine' aman naloma esisi. Diga ine'inai nawalapena alihina.”
74Ea' dei' Pita nehafel na'i basef la'ifimi na'i, “I'i basef ae'ami ina endilisimi, ae' a'i God nehe' ega'. Endilisi gani ilif, ae' ine egawa aman anama, owa'.”
Anan na'iam ea', mehip awata nanda'am. 75Ea' Pita okokoma basef nambati' Jisas na'ipanami na'i, “Awata owa' ata' neanda'am, ine' nembaso'mas ni'iam wenif ni'i, ‘Ine' owa' negawa Jisase.’ ”
Ea' Pita nawisi nafe' ande' nalef mehip endilisi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.