Matyu 27
27
Amam mofa' Jisas nafe'ma gavman dembinai Pailat
(Mk 15:1; Lu 23:1-2; Jo 18:28-32)
1Ea' lala kuhimbita atona amam pris dambami hiami maloma agufumi esis Judai ma'i basef mandame'mama moha Jisas neaga'. 2Amam mowa'ana mofa'ana mafe' mase'ana gavman dembinai Pailat.
Judas nandaha nail mandof ea' afuna
(Ap 1:18-19)
3Dei' aman anama Judas nawalapa Jisasa amam naumbih nati amam manda' basef mahana Jisasa neaga'. Ea' nati amam mahana manda' amamaga amama, ea' nofa' nimanimi lu'wami endilisi. Ea' dei' anan notanima nowambela moni silva anama 30-peleina nafe'ma amam pris amama dambami maloma agufumi esis Judai. 4Ea' na'i, “Ae' anda' waf aonai. Dei' main, awalapa aman anama bu'unai, owa' nonda' waf aonai, atuwasi neaga'.”
Ea' amam ma'i, “Amama ina ofagema afa'imi, owa'. Amama ea' ofagema ine'imi atom.”
5Ea' Judas nakwaha moni silva anama ipat lu'unai Godi nomon, nafe' anagon nandaha nail mandof ea' afuna.
6Amam pris amama dambami mafela moni anama mofa'ana ma'i, “Moni anama anan natala aman anama afa' wahana naga'i. Ea' afa' ina ombe' moni anama neloma moni na'oh ipat lu'unai Godi, owa'.”
7Ea' amam ma'i anom basef mandame'mam ama moni anama manda'ana matala anona etapa anona aman nala' malohi. Ea' mofa' etap anama ma monda' hi'agilifa sowa epes isima lauginasi safi'i salomas sape saga'i. 8Ea' dei' sofala agiliguma sa'i, “Etap esimbel matalanai.”
Agel anama ma etap anama dei' nandape. 9Ea' anom basef fowa' gani God nihi'amba anona aman profet Jeremaia nanda'ami, anama dei' mataga alihim mandawalap. Basef amama ma'iam na'ama ma'i,
“Amam mofa' otamba silva 30-peleim, esis Juda sandandepam ma aman anama. 10Ea' moni anama satala anona etapa anona aman nala' malohi, si'i Dembinai na'ipa ae' mehip.”
Jisas nafe' naituma naep Pailati ea' Pailat nahali'ana
(Mk 15:2-5; Lu 23:3-5; Jo 18:33-38)
11Amam mofa' Jisas mafe' naitu naep dembinai gavman Pailati ea' Pailat nahali'ana na'i, “Ine' king dembinai esis Judai o owa'?”
Ea' Jisas nagwamana basef na'i, “Basef amama ine' na'iami endilisimi.”
12Ea' amam pris amama dambami maloma agufumi esis Judai mambaso'mana ma basef hiami, ea' anan ina nagwamam anom basef, o owa'.
13Ea' Pailat nahali'ana na'i, “Ine' name' basef amama hiami manda'menami o owa'?”
14Ea' Jisas ina nagwamana anom basef Pailat, owa'. Ea' dembinai gavman gegelalasana kwapete'.
Pailat na'i soha Jisas nail lawag usi'inai tu'wanainai
(Mk 15:6-15; Lu 23:13-25; Jo 18:39–19:16)
15Nogota anama gavman anama dembinai waf ananinai na'ama. Afagof hiami ma nemaf anama sanda' gwa'aimi lu'wami amama sa'i Pasova, anan nakwaha enin epen nanda' kalabusi nafe' wafifina. Emi epen esis amam nematawa hiesi sandandepanai, dembinai gavman na'i a'e nakwahona nafe'ma esis wafifina. 16Nemaf anama anona aman nanda' waf aonai nape nanda' kalabus, agilinama Barabas. Aman anama epes hiesi sagawa anan nanda' waf aonai endilisi. 17-18Ea' esis amam nematawa sunduwa'anima saitu. Pailat nogawa amam dambami esis Judai kowalama epes hiesi saila basef Jisasi ukup aom atom mapomana dei' manda' kotimana. Amama atom dei' nahali'as na'i, “Ipe' pa'i ae' ekwaha emi epen nekwaha kalabus nefe'mago ipe'? Ekwaha Barabas o Jisas, esis sa'i Krais Dembinai?”
19Pailat nape ipat anama sanda' kotanai, waulu'mana anani'wi kwanda' basef mafi'mai anan kwa'i, “Ina nenda' anom amamaga awami ma aman anama bu'unai, owa'. Ae' do'ok a'oh owamb andondo'ah atolona ea' efa' nimanimi lu'wami ma Anan.”
20Ea' amam pris amama dambami maloma anom agufumi esis Judai mafela ukup ma esis amam nematawa hiesi ma sohali' Pailata nokwaha Barabas, ea' soha Jisas noga'.
21Ea' Pailat na'ipas wapoti' na'i, “Amam amama biam, ipe' pa'i ae' ekwaha emi epen nefe'mago ipe'?”
Ea' sa'ipana sa'i, “Barabas.”
22Ea' Pailat nahali'as na'i, “Aman anama Jisas ipe' pa'i Kraisi, ipe' pa'i ae' i'imamana?”
Ea' esis hiesi sa'i, “Undana nil lawag usi'inai tu'wanainai!”
23Ea' Pailat nahali'as na'i, “Dei' main? Anan nanda' maina waf aonai?”
Ea' esis sa'i mehip endilisi sa'i, “Undana lawag hana afuna!”
24Ea' Pailat nogawa basef ananimi ina la'ifim nahianas, owa'. Na'ama esis sohafel sonda' wandaf lu'unai. Ea' Pailat nolai embel nasa'opa lagof ananimi ma naep esis amam nematawa hiesi nihi'ambas na'iam na'i, “Ae' ina ati ofagema owa'etina eha aman anama noga', owa'. Ofagema amama ipe'imi atom.”
25Ea' amam nematawa hiesi sagwa basef sa'i, “Ea' ofagema amama mondafi'mai ape' moloma awasi ape'isi.”
26Ea' Pailat nakwaha Barabas nafe'ma esis. Ea' na'ipa amam soldia ma moha Jisas mofa'ana mafe' mundana lawag usi'inai ti'wanainai.
Amam soldia manda' salamala basef awami ma Jisas mahana manda'am mondola'wifana si'i anona dembinai king
(Mk 15:16-20; Jo 19:2-3)
27Ea' amam soldia Pailati mofa' Jisas mawisi ipat amam gavmani lu'unai. Ea' mofala anom soldia hiami mafi'i munduwa'anima ma anan. 28Ea' mowalia luwaguf maim ananimi malamana anona saket akwahinai. 29Ea' mowalo'mana anona mandof higatagunai, malasana'ofana si'i hat mowalo'manana balaga ananinai. Ea' mase'ana anona alifita nahapilana lagel da'isinai ananinai. Amam mindiwa nembawa motawa felefele'ma anan, manda' salamalana ma'i basef findiwaimi ma anan ma'i, “Nemaf bu'unai, ine' king dembinai esis Judai!”
30Ea' misi'wafana mandalombana alifita anama mohana timbi tambel balaga ananinai. 31Manda'ana findiwana ma ea', mowalimana saket anama, akwahinai malamana klos maim ananimi mofa'ana mafe'ma mundana lawag usi'inai tu'wanainai.
Amam soldia maunda Jisas lawag usi'inai tu'wanainai
(Mk 15:21-32; Lu 23:26-43; Jo 19:17-27)
32Amam mohafel mafe' etin, mati anona aman Saimon Sairininai. Ea' amam soldia masapa'ana ma niegiambama Jisas nofa' lawag ananinai. 33Ea' mafe' mataga anagon agiliguma Golgota. Ape' dei' mambomefagel ma'i, Pipitagel Balagaina. 34Ea' mase'ana anom embel wainim mambomom malomana anona marasin numbutinai nea' embel mohagofa ekep pehana. Anan name' embel etin, nandaiwa'mam. 35Amam maundana lawag usi'inai tu'wanainai ea', manda' satu ma luwaguf maim ananimi ma emi nikila' nefa'am mondondam atona etin. 36Ea' amam tol mape anama mumafiana. 37Ea' manda' anom basef mail lawag anama ilifunama felefele'ma balaga ananinai. Basef amama sanda' kotami Pailat nanda'ami mai'am na'ama ma'i, “AMAN ANAMA ANAN JISAS, DEMBINAI ESIS JUDAI.”
38Felefele'ma Jisas naila amam soldia maunda anom biam manda' waf aonai manda' wali. Amam maunda Jisas nail la'afen, ea' maunda amam biam mail wa'owa'ol. 39Ea' enis amam nematawa safe' safi'i esis sanda' salamala anan samboma balagah sa'iam na'ama 40sa'i, “Ine' ewi, ine' netalona ipat anama lu'unai Godi, ma netanima nefelana nimeguf wanom wapoti', dei' nigiambama ine'. I'i ine' nogalomana Godi, nendatagah nisila'i.”
41Ea' amam pris dambami maloma amam mawalipasa mi'uli Godi maloma amam agufumi esis Judai wapoti', hiami malomam manda'ana findiwana na'ama etin si'i eses ma'i, 42“Anan nagiambama enis epes ea' dei' ina nagiambama anan, owa'. Anan dembinai king esis Israeli! Ea' dei' nondatagah lawag ilif nisila'i ma ape' motolona mombale'efana. 43Anan nembale'efa God na'iam na'i, ‘Ae' nogalomana Godi.’ Ea' i'i God okom ninilana, anan nigiambamana.”
44Ea' amam amama biam makowalefi saundam malumana manda'ana findiwana si'i amam agufumi mali' manda'manam.
Jisas ea' naga'
(Mk 15:33-41; Lu 23:44-49; Jo 19:28-30)
45Aon nahagasom owamb lu'unai nataga naofenia etap hiagoma esis Judai akotigin nape nafe' nafe' nataga aon nandamboma nape gani 3 klok wambomota. Ea' nataga howalagon wapoti'.
46Felefele'ma aon nandamboma 3 klok, Jisas noga na'i mehip na'i, “Eloi, Eloi, lema sabaktani?”
Ape' mambomam ma'iam na'ama ma'i,
“God ae'inai, God ae'inai, dei' maina ine' nakwahowe?”
47Ea' enis epes saitu felefele' same' anan na'iam na'ama sa'i, “Anan nofala profet Elaija.”
48 # Sam 69:21 Ea' dei' atef anona aman nasagih nafe' mehip nofa' anom mosong mape naohi#27:48 Mosong mape naohi ofagema ma'i boan otalef dindagimi. I'i enin epen nefe' newala naoh nefa'ami ea' niwafi'ama owaf neham, ale'um magal. I'i ape' molam mowala embel, mowalom, mehip etin embel muwisam. nalam mowala embel wainimi numbutimi nagiam nasapa'am anona elifita nandowana nafe'ma Jisas nea' embel.
49Ea' enis saitu sa'i, “Ata' ota' kwahowana, ma ata' muti Elaija atuwasi nifi'i notagahona o owa'?”
50Ea' Jisas noga na'i mehip endilisi wapoti' ea' na'i a'e, ea' ambal ananinai nandahi' nafe'ana.
51 # Eks 26:31-33; Hi 10:19-20 Ea' lowaf anama lu'unai si'i uta netaol ipat lu'unai Godi nomon palalana gani ilif nowala etap nataga biefina. Ea' suwambon lu'unai nakoto' etap owah lu'wami kokwa'alam. 52Ea' anama sawa epes saga'i hi'agilif mandawisi' ea' amam nematawa hiesi Godi fowa' saga'i sohafel wapoti'. 53Esis sokwaha hi'agilif amama sape. Nemaf anama Jisas nohafel wapoti' esis sefe' suwis Jerusalem, wambel bu'unai God nandandepanai. Ea' epes hiesi satilis.
54Kepten anama dembinai numafi soldia hiami naloma amam soldia mape mumafi Jisasi mati amamaga amama. Nogota anama mati amamaga mataga etap nasol etin napan, umbamaham endilisi ma'i, “Endilisi, aman anama nogalomana Godi.”
55 # Lu 8:2,3 Nematawa hiawai waila Jisasi wakwaha etap hiagoma Galili wafi'i wagiambamana awau waitu laogon watologon. 56#Mt 20:20Ano'w Maria Makdalai'wi. Ano'w agel atona Maria kola Jems naloma Josep. Ea' ano'w kola amam biam Sebedi batausana.
Amam masapa' Jisas nawis owap lu'unai nagal nawis nomon si'i ipat
(Mk 15:42-47; Lu 23:50-55; Jo 19:38-42)
57Ea' wambomota felefele' ma owamb anona aman Arimateainai agilinama Josep nafi'i. Anan amamaga hiamunai anan alupunai naila Jisasi. 58#Diu 21:22,23Ea' nafe'ma Pailat nahali'ana ma nofa'i alop Jisasi nowana. Ea' Pailat na'ipa amam soldia mehip ma Josep nofa'ana mose'anana. 59Ea' nofa'ana lowaf namunai bu'unai afitinai. 60Ea' nowa'ana nofa'ana nafe' nawis hi'agif ananinai dambainai, fowa' nagwasana nawis anona owap lu'unai. Ea' nasapa'ana nawis nambe'ana na'oh nomon. Ea' dei' namboma anona owap lu'unai nafe' nowalo uta hi'agif anama. Anan nanda'am na'ama ea' nafe'. 61Ea' Maria Makdalai'wi kwaloma ano'w awau agel atona, awau biawa wape wa'ol felefele' ma hi'agif watologon.
Amam soldia mumafi hi'agif
62Ama wafilu nemaf sandandomba amamaga gwa'aimi maim anama nafe'ma ea', amam pris dambami maloma amam Farisi mafe' matagama Pailat. 63Ea' ma'ipana ma'i, “Dembinai, afa' ukup mapoma anom basef aman anama nambaso'ami na'iami fowa' anan ata' nape. Anan na'iam na'ama na'i, ‘Nimeguf wanom mefe'ma hi'ilam, ae' etanima ehafel wapoti'.’ 64Amama atom dei' ine' ni'ipa anom soldia mumafi hi'agif anama andeande'ma nimeguf wanom mefe' hi'ilam. Na'ama amam alupumi ananimi mifi'i mokoalopana mofa'ana mefe' mi'ipa esis amam nematawa mi'i, ‘Anan notanima nehafel hi'agif wapoti'.’ Ea' baso'am anama dei'inai lu'una nikila' nali'i.”
65Ea' Pailat na'ipam na'i, “Ipe' pe'wa anom soldia pefe' pewalo uta hi'agif anama la'ifina, si'i ukup ipe'imi ma'iam dende'ma gawa ipe'inai.”
66 # Dan 6:17 Ea' amam mafe' mowalowa hi'agif anama la'ifina, ea' mosao'ma uta masahe'ana manda' anona ikwaf la'ifinai ma epes ina siniga'ana siowis. Ea' ma'ipa anom soldia mape mumafiagon.
Currently Selected:
Matyu 27: aojF
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Matyu 27
27
Amam mofa' Jisas nafe'ma gavman dembinai Pailat
(Mk 15:1; Lu 23:1-2; Jo 18:28-32)
1Ea' lala kuhimbita atona amam pris dambami hiami maloma agufumi esis Judai ma'i basef mandame'mama moha Jisas neaga'. 2Amam mowa'ana mofa'ana mafe' mase'ana gavman dembinai Pailat.
Judas nandaha nail mandof ea' afuna
(Ap 1:18-19)
3Dei' aman anama Judas nawalapa Jisasa amam naumbih nati amam manda' basef mahana Jisasa neaga'. Ea' nati amam mahana manda' amamaga amama, ea' nofa' nimanimi lu'wami endilisi. Ea' dei' anan notanima nowambela moni silva anama 30-peleina nafe'ma amam pris amama dambami maloma agufumi esis Judai. 4Ea' na'i, “Ae' anda' waf aonai. Dei' main, awalapa aman anama bu'unai, owa' nonda' waf aonai, atuwasi neaga'.”
Ea' amam ma'i, “Amama ina ofagema afa'imi, owa'. Amama ea' ofagema ine'imi atom.”
5Ea' Judas nakwaha moni silva anama ipat lu'unai Godi nomon, nafe' anagon nandaha nail mandof ea' afuna.
6Amam pris amama dambami mafela moni anama mofa'ana ma'i, “Moni anama anan natala aman anama afa' wahana naga'i. Ea' afa' ina ombe' moni anama neloma moni na'oh ipat lu'unai Godi, owa'.”
7Ea' amam ma'i anom basef mandame'mam ama moni anama manda'ana matala anona etapa anona aman nala' malohi. Ea' mofa' etap anama ma monda' hi'agilifa sowa epes isima lauginasi safi'i salomas sape saga'i. 8Ea' dei' sofala agiliguma sa'i, “Etap esimbel matalanai.”
Agel anama ma etap anama dei' nandape. 9Ea' anom basef fowa' gani God nihi'amba anona aman profet Jeremaia nanda'ami, anama dei' mataga alihim mandawalap. Basef amama ma'iam na'ama ma'i,
“Amam mofa' otamba silva 30-peleim, esis Juda sandandepam ma aman anama. 10Ea' moni anama satala anona etapa anona aman nala' malohi, si'i Dembinai na'ipa ae' mehip.”
Jisas nafe' naituma naep Pailati ea' Pailat nahali'ana
(Mk 15:2-5; Lu 23:3-5; Jo 18:33-38)
11Amam mofa' Jisas mafe' naitu naep dembinai gavman Pailati ea' Pailat nahali'ana na'i, “Ine' king dembinai esis Judai o owa'?”
Ea' Jisas nagwamana basef na'i, “Basef amama ine' na'iami endilisimi.”
12Ea' amam pris amama dambami maloma agufumi esis Judai mambaso'mana ma basef hiami, ea' anan ina nagwamam anom basef, o owa'.
13Ea' Pailat nahali'ana na'i, “Ine' name' basef amama hiami manda'menami o owa'?”
14Ea' Jisas ina nagwamana anom basef Pailat, owa'. Ea' dembinai gavman gegelalasana kwapete'.
Pailat na'i soha Jisas nail lawag usi'inai tu'wanainai
(Mk 15:6-15; Lu 23:13-25; Jo 18:39–19:16)
15Nogota anama gavman anama dembinai waf ananinai na'ama. Afagof hiami ma nemaf anama sanda' gwa'aimi lu'wami amama sa'i Pasova, anan nakwaha enin epen nanda' kalabusi nafe' wafifina. Emi epen esis amam nematawa hiesi sandandepanai, dembinai gavman na'i a'e nakwahona nafe'ma esis wafifina. 16Nemaf anama anona aman nanda' waf aonai nape nanda' kalabus, agilinama Barabas. Aman anama epes hiesi sagawa anan nanda' waf aonai endilisi. 17-18Ea' esis amam nematawa sunduwa'anima saitu. Pailat nogawa amam dambami esis Judai kowalama epes hiesi saila basef Jisasi ukup aom atom mapomana dei' manda' kotimana. Amama atom dei' nahali'as na'i, “Ipe' pa'i ae' ekwaha emi epen nekwaha kalabus nefe'mago ipe'? Ekwaha Barabas o Jisas, esis sa'i Krais Dembinai?”
19Pailat nape ipat anama sanda' kotanai, waulu'mana anani'wi kwanda' basef mafi'mai anan kwa'i, “Ina nenda' anom amamaga awami ma aman anama bu'unai, owa'. Ae' do'ok a'oh owamb andondo'ah atolona ea' efa' nimanimi lu'wami ma Anan.”
20Ea' amam pris amama dambami maloma anom agufumi esis Judai mafela ukup ma esis amam nematawa hiesi ma sohali' Pailata nokwaha Barabas, ea' soha Jisas noga'.
21Ea' Pailat na'ipas wapoti' na'i, “Amam amama biam, ipe' pa'i ae' ekwaha emi epen nefe'mago ipe'?”
Ea' sa'ipana sa'i, “Barabas.”
22Ea' Pailat nahali'as na'i, “Aman anama Jisas ipe' pa'i Kraisi, ipe' pa'i ae' i'imamana?”
Ea' esis hiesi sa'i, “Undana nil lawag usi'inai tu'wanainai!”
23Ea' Pailat nahali'as na'i, “Dei' main? Anan nanda' maina waf aonai?”
Ea' esis sa'i mehip endilisi sa'i, “Undana lawag hana afuna!”
24Ea' Pailat nogawa basef ananimi ina la'ifim nahianas, owa'. Na'ama esis sohafel sonda' wandaf lu'unai. Ea' Pailat nolai embel nasa'opa lagof ananimi ma naep esis amam nematawa hiesi nihi'ambas na'iam na'i, “Ae' ina ati ofagema owa'etina eha aman anama noga', owa'. Ofagema amama ipe'imi atom.”
25Ea' amam nematawa hiesi sagwa basef sa'i, “Ea' ofagema amama mondafi'mai ape' moloma awasi ape'isi.”
26Ea' Pailat nakwaha Barabas nafe'ma esis. Ea' na'ipa amam soldia ma moha Jisas mofa'ana mafe' mundana lawag usi'inai ti'wanainai.
Amam soldia manda' salamala basef awami ma Jisas mahana manda'am mondola'wifana si'i anona dembinai king
(Mk 15:16-20; Jo 19:2-3)
27Ea' amam soldia Pailati mofa' Jisas mawisi ipat amam gavmani lu'unai. Ea' mofala anom soldia hiami mafi'i munduwa'anima ma anan. 28Ea' mowalia luwaguf maim ananimi malamana anona saket akwahinai. 29Ea' mowalo'mana anona mandof higatagunai, malasana'ofana si'i hat mowalo'manana balaga ananinai. Ea' mase'ana anona alifita nahapilana lagel da'isinai ananinai. Amam mindiwa nembawa motawa felefele'ma anan, manda' salamalana ma'i basef findiwaimi ma anan ma'i, “Nemaf bu'unai, ine' king dembinai esis Judai!”
30Ea' misi'wafana mandalombana alifita anama mohana timbi tambel balaga ananinai. 31Manda'ana findiwana ma ea', mowalimana saket anama, akwahinai malamana klos maim ananimi mofa'ana mafe'ma mundana lawag usi'inai tu'wanainai.
Amam soldia maunda Jisas lawag usi'inai tu'wanainai
(Mk 15:21-32; Lu 23:26-43; Jo 19:17-27)
32Amam mohafel mafe' etin, mati anona aman Saimon Sairininai. Ea' amam soldia masapa'ana ma niegiambama Jisas nofa' lawag ananinai. 33Ea' mafe' mataga anagon agiliguma Golgota. Ape' dei' mambomefagel ma'i, Pipitagel Balagaina. 34Ea' mase'ana anom embel wainim mambomom malomana anona marasin numbutinai nea' embel mohagofa ekep pehana. Anan name' embel etin, nandaiwa'mam. 35Amam maundana lawag usi'inai tu'wanainai ea', manda' satu ma luwaguf maim ananimi ma emi nikila' nefa'am mondondam atona etin. 36Ea' amam tol mape anama mumafiana. 37Ea' manda' anom basef mail lawag anama ilifunama felefele'ma balaga ananinai. Basef amama sanda' kotami Pailat nanda'ami mai'am na'ama ma'i, “AMAN ANAMA ANAN JISAS, DEMBINAI ESIS JUDAI.”
38Felefele'ma Jisas naila amam soldia maunda anom biam manda' waf aonai manda' wali. Amam maunda Jisas nail la'afen, ea' maunda amam biam mail wa'owa'ol. 39Ea' enis amam nematawa safe' safi'i esis sanda' salamala anan samboma balagah sa'iam na'ama 40sa'i, “Ine' ewi, ine' netalona ipat anama lu'unai Godi, ma netanima nefelana nimeguf wanom wapoti', dei' nigiambama ine'. I'i ine' nogalomana Godi, nendatagah nisila'i.”
41Ea' amam pris dambami maloma amam mawalipasa mi'uli Godi maloma amam agufumi esis Judai wapoti', hiami malomam manda'ana findiwana na'ama etin si'i eses ma'i, 42“Anan nagiambama enis epes ea' dei' ina nagiambama anan, owa'. Anan dembinai king esis Israeli! Ea' dei' nondatagah lawag ilif nisila'i ma ape' motolona mombale'efana. 43Anan nembale'efa God na'iam na'i, ‘Ae' nogalomana Godi.’ Ea' i'i God okom ninilana, anan nigiambamana.”
44Ea' amam amama biam makowalefi saundam malumana manda'ana findiwana si'i amam agufumi mali' manda'manam.
Jisas ea' naga'
(Mk 15:33-41; Lu 23:44-49; Jo 19:28-30)
45Aon nahagasom owamb lu'unai nataga naofenia etap hiagoma esis Judai akotigin nape nafe' nafe' nataga aon nandamboma nape gani 3 klok wambomota. Ea' nataga howalagon wapoti'.
46Felefele'ma aon nandamboma 3 klok, Jisas noga na'i mehip na'i, “Eloi, Eloi, lema sabaktani?”
Ape' mambomam ma'iam na'ama ma'i,
“God ae'inai, God ae'inai, dei' maina ine' nakwahowe?”
47Ea' enis epes saitu felefele' same' anan na'iam na'ama sa'i, “Anan nofala profet Elaija.”
48 # Sam 69:21 Ea' dei' atef anona aman nasagih nafe' mehip nofa' anom mosong mape naohi#27:48 Mosong mape naohi ofagema ma'i boan otalef dindagimi. I'i enin epen nefe' newala naoh nefa'ami ea' niwafi'ama owaf neham, ale'um magal. I'i ape' molam mowala embel, mowalom, mehip etin embel muwisam. nalam mowala embel wainimi numbutimi nagiam nasapa'am anona elifita nandowana nafe'ma Jisas nea' embel.
49Ea' enis saitu sa'i, “Ata' ota' kwahowana, ma ata' muti Elaija atuwasi nifi'i notagahona o owa'?”
50Ea' Jisas noga na'i mehip endilisi wapoti' ea' na'i a'e, ea' ambal ananinai nandahi' nafe'ana.
51 # Eks 26:31-33; Hi 10:19-20 Ea' lowaf anama lu'unai si'i uta netaol ipat lu'unai Godi nomon palalana gani ilif nowala etap nataga biefina. Ea' suwambon lu'unai nakoto' etap owah lu'wami kokwa'alam. 52Ea' anama sawa epes saga'i hi'agilif mandawisi' ea' amam nematawa hiesi Godi fowa' saga'i sohafel wapoti'. 53Esis sokwaha hi'agilif amama sape. Nemaf anama Jisas nohafel wapoti' esis sefe' suwis Jerusalem, wambel bu'unai God nandandepanai. Ea' epes hiesi satilis.
54Kepten anama dembinai numafi soldia hiami naloma amam soldia mape mumafi Jisasi mati amamaga amama. Nogota anama mati amamaga mataga etap nasol etin napan, umbamaham endilisi ma'i, “Endilisi, aman anama nogalomana Godi.”
55 # Lu 8:2,3 Nematawa hiawai waila Jisasi wakwaha etap hiagoma Galili wafi'i wagiambamana awau waitu laogon watologon. 56#Mt 20:20Ano'w Maria Makdalai'wi. Ano'w agel atona Maria kola Jems naloma Josep. Ea' ano'w kola amam biam Sebedi batausana.
Amam masapa' Jisas nawis owap lu'unai nagal nawis nomon si'i ipat
(Mk 15:42-47; Lu 23:50-55; Jo 19:38-42)
57Ea' wambomota felefele' ma owamb anona aman Arimateainai agilinama Josep nafi'i. Anan amamaga hiamunai anan alupunai naila Jisasi. 58#Diu 21:22,23Ea' nafe'ma Pailat nahali'ana ma nofa'i alop Jisasi nowana. Ea' Pailat na'ipa amam soldia mehip ma Josep nofa'ana mose'anana. 59Ea' nofa'ana lowaf namunai bu'unai afitinai. 60Ea' nowa'ana nofa'ana nafe' nawis hi'agif ananinai dambainai, fowa' nagwasana nawis anona owap lu'unai. Ea' nasapa'ana nawis nambe'ana na'oh nomon. Ea' dei' namboma anona owap lu'unai nafe' nowalo uta hi'agif anama. Anan nanda'am na'ama ea' nafe'. 61Ea' Maria Makdalai'wi kwaloma ano'w awau agel atona, awau biawa wape wa'ol felefele' ma hi'agif watologon.
Amam soldia mumafi hi'agif
62Ama wafilu nemaf sandandomba amamaga gwa'aimi maim anama nafe'ma ea', amam pris dambami maloma amam Farisi mafe' matagama Pailat. 63Ea' ma'ipana ma'i, “Dembinai, afa' ukup mapoma anom basef aman anama nambaso'ami na'iami fowa' anan ata' nape. Anan na'iam na'ama na'i, ‘Nimeguf wanom mefe'ma hi'ilam, ae' etanima ehafel wapoti'.’ 64Amama atom dei' ine' ni'ipa anom soldia mumafi hi'agif anama andeande'ma nimeguf wanom mefe' hi'ilam. Na'ama amam alupumi ananimi mifi'i mokoalopana mofa'ana mefe' mi'ipa esis amam nematawa mi'i, ‘Anan notanima nehafel hi'agif wapoti'.’ Ea' baso'am anama dei'inai lu'una nikila' nali'i.”
65Ea' Pailat na'ipam na'i, “Ipe' pe'wa anom soldia pefe' pewalo uta hi'agif anama la'ifina, si'i ukup ipe'imi ma'iam dende'ma gawa ipe'inai.”
66 # Dan 6:17 Ea' amam mafe' mowalowa hi'agif anama la'ifina, ea' mosao'ma uta masahe'ana manda' anona ikwaf la'ifinai ma epes ina siniga'ana siowis. Ea' ma'ipa anom soldia mape mumafiagon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.