KAOBAK 29
29
Jakobei Labaneibü Chem Sühbü
1Kheijinei Jakob haoeibü wakoua chaang aekabü kaodak to loukei. 2Hobaje haoei chühsi, khünei khongthua deikhün che nyangko san si lon shuong tan sem phetetnyu yepan hapbei, aieilausi kho deikhün ka haoenei sanshuong la dei yungtikei. Hobaje deikhün sembunga laang yaangbünyu kikei. 3Ladang sanshuong pendou takshatlaje haoenei deikhün sembung kabü laang kho kukan sattian san shuong la dei yungtian laang kho nyibou hao phoshang deikhün sembung to ngaitiko lekei.
4Jakobei sanlombü shuong to phekei, “Jaisinasi shuong, kan laka loukei?” Haoenei jongaikei, “Kün Haran ka.”
5Haoei haoen ka phekei, “Kanei Nahoreibü shou Laban ngekeilao?” Haoenei jongaikei, “Haü, künei hao ngeakei.”
6Haoei phekei, “Hao maisho kiakouba lo?” Haoenei jongaikei, “Hao maisho kia, hoba chühashi, haoshou nouyangshou Rachel san yoa hato louada.”
7Jakobei haoen to laukei, “Chühashi, tou chakung angombei hoba sanshuong leisheilabü jih mosüh, hibü sanshuong la dei inla hoba lamshaula leian hauashi.”
8Kheijinei haoenei laukei, “Sanshuong pendou ayoshai shongko hoba haoenei deikhün sembung ka laang kho khokan üpbu shongko künei athük; khoei kho khokan apan phaia ong künei san la dei inda.”
9Haoei haoen to joyoko kitoua Rachel boueibü sansilon shuong leian loukei; aieilausi saoei haoen lombei. 10Ladang Jakobei haonyueibü jai Labaneibü nouyangshou Rachel hoba hao kou Labaneibü san hapbei, Jakobei nyangko hauan deikhün ka laang khokan apbuan haokou Labaneibü san shuong la dei inkei. 11Hobaje Jakobei Rachel sembung to shepbei, hoba ngüh angko haapbei. 12Kheijinei Jakobei Rachel to hao saoeibü bou chempen hoba Rebekaeibü shou dogo lenkei; hoba saoei laangjung hauan bou la lenkei. 13Ladang Labanei haonaeibü shou shangabü ngühlang ditkei, haoei hao shuokla laangjung haukei. Haoei hao bamlepan sembung shepbei, hoba haoei hao chem to leiyetkei. 14Kheijinei Labanei laukei, “Maimai no kü phe hoba kü sii;” hoba lit che mauko hao khünei kikei.
Jakobei Rachel si Lea Shanga Khangenbü
15Labanei Jakob to laukei, “No chempen yingbü shangakei nyi kü la kong kümbula ayingbü kaibü mu shanga kü la lenbüma.” 16Tou Labanei nouyangshou müt nyi kikei; noushounyueibü nyen Lea hoba nashounyueibü nyen Rachel. 17Lea nyeka hau aki, lausikei Rachel saomaibü hoba süngsilop maibü che kikei.
18Jakobei Rachel sanoukei; hoba haoei laukei, “Ngei kashou nashounyu Rachel shanga po nyet khangenkho.”
19Hobaje Labanei jongaiko laukei, “Ngei lubü müt la kubü khantoje ka la kubü maibou; kü yoa kishi.” 20Jakobei Rachel shanga po nyet khangenkei; lausikei kho chalou shisho tegü ong dambei; aishanga haoei sao sanoukei.
21Jakobei Laban to laukei, “Kü yak kü la labü, chalou pena.” 22#Jn 2.1-2 Hibü Labanei khünei kibü pendou ngashaian lem okkei. 23Lausikei nangnak haoei haoeibü nouyangnyu Lea hao jungto leibakei; hoba hao sao jungto atkei. 24Hobaje Labanei haoshou nouyangnyu Lea la saoeibü samnyu lela haoeibü samnyu Zilpa kukei. 25Hobaje ngeyang chühsi kho Lea kiteikei. Hibü haoei Laban to laukei, “Nyi kü to jungeibü ho ai? Ngei Rachel shanga no khangenkei ayingsi? Aila nyi ngo khüpettikei?”
26Labanei jongaikei, “Kün kaodaka noushounyu to shaang nashounyu akuda. 27Ho yaksa leiyetbü bale pentishi, hoba künei lubü sao khokei kukho; laobou shanga toukei nyi kü yoa po nyet khangenlabü.”
28Hobaje Jakobei khei kümbei. Haoei Lea yoa kho bale pentikei hoba Labanei hao la haoshou Rachel yakla kukei. 29(Hobaje Labanei haoshou Rachel la samnyu la lela haoeibü samnyu Bilha kukei.) 30Jakobei Rachel to jambei hoba haoei Lea toje Rachel aei sanoukei. Hobaje haoei toukei po nyet Laban khangenkei.
Jakob la Shousi Bukkubü
31Ladang Lea to asanouda dogo Bunyubouei hapbei, sao la nasetshang ipbukei; lausikei Rachel angkong kikei. 32Hobaje Lea mangakongko apbei hoba saoei bousushou che bukkei, hoba saoei hao nyen Reuben nyenkukei; aishanga saoei laukei, “Bunyubouei ngo khonsaka chühkei; touje külaoei kü to sanoulabü.” 33Sao nyiboukei mangakongko apbei, hoba saoei laukei, “Aiyeilausi ngo asanouda dogo Bunyubouei ditkei, khoei haoei kü la ho jayangshoukei kukei.” Hobaje saoei hao nyen Simeon nyenkei. 34Sao toukei mangakongko apan bousushou che bukkei, hoba laukei, “Touje kü laoei kü to maangshiklabü, aieilausi ngei hao la bousushou sem bukkua.” Khoei hao la Levi nyenkukei. 35#Mt 1.2-3 Toukei sao mangakongko apan bousushou che bukkei; hoba saoei laukei, “Touje ngei Bunyubou nyen sangkho.” Hibü saoei hao la Juda nyenkukei. Kho phaia sao nabuk thonkei.
Currently Selected:
KAOBAK 29: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
KAOBAK 29
29
Jakobei Labaneibü Chem Sühbü
1Kheijinei Jakob haoeibü wakoua chaang aekabü kaodak to loukei. 2Hobaje haoei chühsi, khünei khongthua deikhün che nyangko san si lon shuong tan sem phetetnyu yepan hapbei, aieilausi kho deikhün ka haoenei sanshuong la dei yungtikei. Hobaje deikhün sembunga laang yaangbünyu kikei. 3Ladang sanshuong pendou takshatlaje haoenei deikhün sembung kabü laang kho kukan sattian san shuong la dei yungtian laang kho nyibou hao phoshang deikhün sembung to ngaitiko lekei.
4Jakobei sanlombü shuong to phekei, “Jaisinasi shuong, kan laka loukei?” Haoenei jongaikei, “Kün Haran ka.”
5Haoei haoen ka phekei, “Kanei Nahoreibü shou Laban ngekeilao?” Haoenei jongaikei, “Haü, künei hao ngeakei.”
6Haoei phekei, “Hao maisho kiakouba lo?” Haoenei jongaikei, “Hao maisho kia, hoba chühashi, haoshou nouyangshou Rachel san yoa hato louada.”
7Jakobei haoen to laukei, “Chühashi, tou chakung angombei hoba sanshuong leisheilabü jih mosüh, hibü sanshuong la dei inla hoba lamshaula leian hauashi.”
8Kheijinei haoenei laukei, “Sanshuong pendou ayoshai shongko hoba haoenei deikhün sembung ka laang kho khokan üpbu shongko künei athük; khoei kho khokan apan phaia ong künei san la dei inda.”
9Haoei haoen to joyoko kitoua Rachel boueibü sansilon shuong leian loukei; aieilausi saoei haoen lombei. 10Ladang Jakobei haonyueibü jai Labaneibü nouyangshou Rachel hoba hao kou Labaneibü san hapbei, Jakobei nyangko hauan deikhün ka laang khokan apbuan haokou Labaneibü san shuong la dei inkei. 11Hobaje Jakobei Rachel sembung to shepbei, hoba ngüh angko haapbei. 12Kheijinei Jakobei Rachel to hao saoeibü bou chempen hoba Rebekaeibü shou dogo lenkei; hoba saoei laangjung hauan bou la lenkei. 13Ladang Labanei haonaeibü shou shangabü ngühlang ditkei, haoei hao shuokla laangjung haukei. Haoei hao bamlepan sembung shepbei, hoba haoei hao chem to leiyetkei. 14Kheijinei Labanei laukei, “Maimai no kü phe hoba kü sii;” hoba lit che mauko hao khünei kikei.
Jakobei Rachel si Lea Shanga Khangenbü
15Labanei Jakob to laukei, “No chempen yingbü shangakei nyi kü la kong kümbula ayingbü kaibü mu shanga kü la lenbüma.” 16Tou Labanei nouyangshou müt nyi kikei; noushounyueibü nyen Lea hoba nashounyueibü nyen Rachel. 17Lea nyeka hau aki, lausikei Rachel saomaibü hoba süngsilop maibü che kikei.
18Jakobei Rachel sanoukei; hoba haoei laukei, “Ngei kashou nashounyu Rachel shanga po nyet khangenkho.”
19Hobaje Labanei jongaiko laukei, “Ngei lubü müt la kubü khantoje ka la kubü maibou; kü yoa kishi.” 20Jakobei Rachel shanga po nyet khangenkei; lausikei kho chalou shisho tegü ong dambei; aishanga haoei sao sanoukei.
21Jakobei Laban to laukei, “Kü yak kü la labü, chalou pena.” 22#Jn 2.1-2 Hibü Labanei khünei kibü pendou ngashaian lem okkei. 23Lausikei nangnak haoei haoeibü nouyangnyu Lea hao jungto leibakei; hoba hao sao jungto atkei. 24Hobaje Labanei haoshou nouyangnyu Lea la saoeibü samnyu lela haoeibü samnyu Zilpa kukei. 25Hobaje ngeyang chühsi kho Lea kiteikei. Hibü haoei Laban to laukei, “Nyi kü to jungeibü ho ai? Ngei Rachel shanga no khangenkei ayingsi? Aila nyi ngo khüpettikei?”
26Labanei jongaikei, “Kün kaodaka noushounyu to shaang nashounyu akuda. 27Ho yaksa leiyetbü bale pentishi, hoba künei lubü sao khokei kukho; laobou shanga toukei nyi kü yoa po nyet khangenlabü.”
28Hobaje Jakobei khei kümbei. Haoei Lea yoa kho bale pentikei hoba Labanei hao la haoshou Rachel yakla kukei. 29(Hobaje Labanei haoshou Rachel la samnyu la lela haoeibü samnyu Bilha kukei.) 30Jakobei Rachel to jambei hoba haoei Lea toje Rachel aei sanoukei. Hobaje haoei toukei po nyet Laban khangenkei.
Jakob la Shousi Bukkubü
31Ladang Lea to asanouda dogo Bunyubouei hapbei, sao la nasetshang ipbukei; lausikei Rachel angkong kikei. 32Hobaje Lea mangakongko apbei hoba saoei bousushou che bukkei, hoba saoei hao nyen Reuben nyenkukei; aishanga saoei laukei, “Bunyubouei ngo khonsaka chühkei; touje külaoei kü to sanoulabü.” 33Sao nyiboukei mangakongko apbei, hoba saoei laukei, “Aiyeilausi ngo asanouda dogo Bunyubouei ditkei, khoei haoei kü la ho jayangshoukei kukei.” Hobaje saoei hao nyen Simeon nyenkei. 34Sao toukei mangakongko apan bousushou che bukkei, hoba laukei, “Touje kü laoei kü to maangshiklabü, aieilausi ngei hao la bousushou sem bukkua.” Khoei hao la Levi nyenkukei. 35#Mt 1.2-3 Toukei sao mangakongko apan bousushou che bukkei; hoba saoei laukei, “Touje ngei Bunyubou nyen sangkho.” Hibü saoei hao la Juda nyenkukei. Kho phaia sao nabuk thonkei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.