KAOBAK 30
30
1Ladang Rachelei Jakob la shou che ongkei abukkuda dogo saoei hapbei, Rachelei nou to nyekto shatkei, hoba saoei Jakob to laukei, “Kü la shou labü, khei ayinglonga ngo hailabü.”
2Hobaje Jakob Rachel khulimbo maangpokkei, hoba laukei, “Na hekshang ka ka senetbü Mühghaü jeiko ngo ki sai?”
3Kheijinei saoei laukei, “Ngeibü sambü sao Bilha hanei kia, saoei kü la shou bukkulabü lele sao to jamashi hoba kho danko ngeikei chemdang huonglabü.” 4Hobaje saoei sambü sao Bilha yakla lela hao la kukei hoba Jakob sao to jambei. 5Hobaje Bilha mangakongko apbei hoba Jakob la bousushou che bukkukei. 6Rachelei laukei, “Mühghaüei kümat maitikei hoba subüjabü ditan kü la bousushou che kukei;” khoei saoei hao la Dan nyenkukei. 7Rachel samnyu Bilha nyibou mangakongko apbei hoba Jakob la nyiboula bousushou che bukkukei. 8Rachelei laukei, “Ngo kü nou to maiko longyoan ngei künou thükkei.” Hobaje saoei hao la Naftali nyenkukei.
9Ladang Leaei sao nabuk thonbü ngekei, saoei saoeibü samnyu Zilpa leijung louan yakla lela Jakob la kukei. 10Hobaje Leaeibü samnyu Zilpaei Jakob la bousushou che bukkukei. 11Leaei laukei, “Thu maisepa!” Hibü saoei hao la Gad nyenkukei. 12Leaeibü sambüsao Zilpaei nyiboubü bousushou bukkukei. 13#Lk 1.48 Kheijinei Leaei laukei, “Ngo latetche olinda! Saoshuongei kü to haünyu, dogo ngalabü.” Hibü saoei hao la Asher nyenkukei.
14Whet youshou latbü jiha, Reuben sek to koukei, hoba haoei seka moliqhe#MOLIQHE: Yamqhe phangche; hoei shou kitida dogo mailembü ka sanouyobü hangsi lama jüngeikei hapan haonyu Lea jungto sungbakei. Rachelei Lea to laukei, “Kashoueibü moliqhe ka kü la shisho labü dogo sudajada.”
15Lausikei Leaei sao to laukei, “Nyi külao sobü kho hanbümanbü sai? Nyi Küshoueibü moliqhekei langkulep lo?” Hobaje Rachelei laukei, “Khülonga kashoueibü moliqhe shanga tao hao ka yoa yepla thükkei.”
16Ladang Jakob chasem sek ka lungkei, Lea hao shuokla hauan laukei, “No kü junga yepjan; aishanga ngei no küshoueibü moliqheei jektheda.” Hibü khüyou hao sao yoa yepbei.
17Mühghaüei Lea to ditkukei hoba sao mangakongko apan saoei Jakob la shou ngaoboubü bukkukei. 18Hobaje Leaei laukei, “Mühghaüei kü la mu kua, aishanga ngei külao la ngeibü samnyu kukei.” Hibü saoei hao nyen Issakar nyenkukei. 19Lea toukei mangakongko apan, Jakob la bousushou lakboubü bukkukei. 20Kheijinei Leaei laukei, “Mühghaüei kü la namsek mu maibü kua; touje külaoei ngo sungletlabü, aishanga ngei hao la bousushou lak bukkukei.” Hibü saoei hao la Zebulun nyenkukei. 21Kho phaia saoei yaksa shou che bukkei hoba sao la Dina nyenkukei.
22Kheijinei Mühghaüei Rachel damenkei; hoba sao la ditkukei hoba saoeibü na setshang ipbukei. 23#Lk 1.25 Sao mangakongko apan bousu shou che bukkei, hoba saoei laukei, “Mühghaüei ngeibü himou langkua.” 24Hobaje saoei hao la Josef#JOSEF: tetlabü, Haoei hibü nakua nyenkukei, hoba laukei, “Bunyubouei kü la toukei bousushou che kubüma.”
Jakobei Laban to Subüjabü
25Rachelei Josef bukan phaia Jakobei Laban to laukei, “Ngo ngeibü kishang hoba jembü kaodak to hautikai. 26Kü la yaksi shuong hoba kü shousi aoyou shanga ngei no khangenkei haoen labü, hoba ngo hautikai. Ngei no latetche khangenkei kho nyi ngeakei.”
27Lausikei Labanei hao to laukei, “Ngo ong ka nyek to loualonga, haiteishi, aishanga Bunyubouei ka shanga ngo haükukei dogo ngei thuseia ngea.” 28Haoei toukei laukei, “Kaibü mu lenbü, hoba kho ngei ka la kukho.”
29Jakobei hao to laukei, “Ngei no lai khangenkei, hoba kaibü samkeisamuk lai pangtei thounoukei kho nyi no lolo ngeakei. 30Ngo aloujinei nyi shisho ong kibü juong haa; hoba ngo haushang pendoua Bunyubouei no aeibou haükua. Lausikei kü chemdang shanga ladang kümla?”
31Labanei laukei, “Ngei ka la ai kula?” Jakobei jongaikei, “Nyi kü la ai teku; nyi kü shanga maang angalonga ngei nyibou kaibü san shuong lombukho: 32Ngo tat kaibü sanshuong pendou danjung haukho, hoba panpan lanlanbü si kapnakbü pendou, hoba san yo ka nakhübü pendou hoba lon yoka kapnakbü pendou janyinkho hoba kho ngeibü mu kilabü. 33Hibü loulabü jiha nyi ladang ngeibü mu shanga damanchühlaje ngühmaanglanbü chongchinglabü. Lon yoa laobou ong apanbü hoba kap anakbü kü shangabüa yoan kilaje, hoba san yoa anakhübü yoan kilaje khoje kokbü dogo weshi.”
34Labanei jongaikei, “Hoat, kho tegü kümshi.” 35Hobaje khünyet Labanei lon paang shangshang langlangbü hoba kapnakbü hoba lon nyu jakjak laklakbü hoba kapnakbü pendou, ainei thupaibü kikei, hoba san yoa nakhübü pendou, haoei janyinan jembü shou ikto kukei. 36Hobaje hao si Jakob kanglanga semnyet lam kaangtikei. Jakobei Labaneibü joubü shatsinam pangteikei.
37Jakobei poplar bulong, almond bulong, hoba plane bulong ka bhek wapan sungan kho ka khop aangan apan phodonga thupaibü longtian panpanlanlan kümbei. 38Kheijinei haoei khop aangan apbü phodong kho dei dangshang, laonei sanshuongei dei yungla louda, khünei sanshuong thedangatham phokukei. Hobaje ladang ong nakjih sühkei hoba dei yungla loukei, 39haoenei phodong thedanga nakkei hoba shoushou thüngkei. Hobaje haoenei shoushou shatjinei panpan lanlan ayingsi dolosüngsüng ayingsi kap nakan shatkukei.
40Hobaje shoushou kho Jakobei lulu bangnyinkei hoba sanshuongeibü thenyek Labaneibü sanshuonga kibü panpan lanlanbü hoba nakhübü kibü aei sepeian phokukei. Kho tegü haoei haoeibü sanshuong lulu phokei hoba Labaneibü sanshuong yoa apho.
41Ladang ong shuong yoa sekokbü shuong laangeida kheijinei Jakobei phodong kho dei yungshanga toktian phokukei; 42lausikei sanshuong nyibutham kialonga haoei kho toktian aphoku. Hibü hau akibü kho Labaneibü hoba hau kibü kho Jakobeibü yeikei. 43Kho tegü müt kho aeibou haakei, hoba haoeibü sanshuong juong hoba bousu si yaksa sambü hoba ut si gadu kikei.
Currently Selected:
KAOBAK 30: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
KAOBAK 30
30
1Ladang Rachelei Jakob la shou che ongkei abukkuda dogo saoei hapbei, Rachelei nou to nyekto shatkei, hoba saoei Jakob to laukei, “Kü la shou labü, khei ayinglonga ngo hailabü.”
2Hobaje Jakob Rachel khulimbo maangpokkei, hoba laukei, “Na hekshang ka ka senetbü Mühghaü jeiko ngo ki sai?”
3Kheijinei saoei laukei, “Ngeibü sambü sao Bilha hanei kia, saoei kü la shou bukkulabü lele sao to jamashi hoba kho danko ngeikei chemdang huonglabü.” 4Hobaje saoei sambü sao Bilha yakla lela hao la kukei hoba Jakob sao to jambei. 5Hobaje Bilha mangakongko apbei hoba Jakob la bousushou che bukkukei. 6Rachelei laukei, “Mühghaüei kümat maitikei hoba subüjabü ditan kü la bousushou che kukei;” khoei saoei hao la Dan nyenkukei. 7Rachel samnyu Bilha nyibou mangakongko apbei hoba Jakob la nyiboula bousushou che bukkukei. 8Rachelei laukei, “Ngo kü nou to maiko longyoan ngei künou thükkei.” Hobaje saoei hao la Naftali nyenkukei.
9Ladang Leaei sao nabuk thonbü ngekei, saoei saoeibü samnyu Zilpa leijung louan yakla lela Jakob la kukei. 10Hobaje Leaeibü samnyu Zilpaei Jakob la bousushou che bukkukei. 11Leaei laukei, “Thu maisepa!” Hibü saoei hao la Gad nyenkukei. 12Leaeibü sambüsao Zilpaei nyiboubü bousushou bukkukei. 13#Lk 1.48 Kheijinei Leaei laukei, “Ngo latetche olinda! Saoshuongei kü to haünyu, dogo ngalabü.” Hibü saoei hao la Asher nyenkukei.
14Whet youshou latbü jiha, Reuben sek to koukei, hoba haoei seka moliqhe#MOLIQHE: Yamqhe phangche; hoei shou kitida dogo mailembü ka sanouyobü hangsi lama jüngeikei hapan haonyu Lea jungto sungbakei. Rachelei Lea to laukei, “Kashoueibü moliqhe ka kü la shisho labü dogo sudajada.”
15Lausikei Leaei sao to laukei, “Nyi külao sobü kho hanbümanbü sai? Nyi Küshoueibü moliqhekei langkulep lo?” Hobaje Rachelei laukei, “Khülonga kashoueibü moliqhe shanga tao hao ka yoa yepla thükkei.”
16Ladang Jakob chasem sek ka lungkei, Lea hao shuokla hauan laukei, “No kü junga yepjan; aishanga ngei no küshoueibü moliqheei jektheda.” Hibü khüyou hao sao yoa yepbei.
17Mühghaüei Lea to ditkukei hoba sao mangakongko apan saoei Jakob la shou ngaoboubü bukkukei. 18Hobaje Leaei laukei, “Mühghaüei kü la mu kua, aishanga ngei külao la ngeibü samnyu kukei.” Hibü saoei hao nyen Issakar nyenkukei. 19Lea toukei mangakongko apan, Jakob la bousushou lakboubü bukkukei. 20Kheijinei Leaei laukei, “Mühghaüei kü la namsek mu maibü kua; touje külaoei ngo sungletlabü, aishanga ngei hao la bousushou lak bukkukei.” Hibü saoei hao la Zebulun nyenkukei. 21Kho phaia saoei yaksa shou che bukkei hoba sao la Dina nyenkukei.
22Kheijinei Mühghaüei Rachel damenkei; hoba sao la ditkukei hoba saoeibü na setshang ipbukei. 23#Lk 1.25 Sao mangakongko apan bousu shou che bukkei, hoba saoei laukei, “Mühghaüei ngeibü himou langkua.” 24Hobaje saoei hao la Josef#JOSEF: tetlabü, Haoei hibü nakua nyenkukei, hoba laukei, “Bunyubouei kü la toukei bousushou che kubüma.”
Jakobei Laban to Subüjabü
25Rachelei Josef bukan phaia Jakobei Laban to laukei, “Ngo ngeibü kishang hoba jembü kaodak to hautikai. 26Kü la yaksi shuong hoba kü shousi aoyou shanga ngei no khangenkei haoen labü, hoba ngo hautikai. Ngei no latetche khangenkei kho nyi ngeakei.”
27Lausikei Labanei hao to laukei, “Ngo ong ka nyek to loualonga, haiteishi, aishanga Bunyubouei ka shanga ngo haükukei dogo ngei thuseia ngea.” 28Haoei toukei laukei, “Kaibü mu lenbü, hoba kho ngei ka la kukho.”
29Jakobei hao to laukei, “Ngei no lai khangenkei, hoba kaibü samkeisamuk lai pangtei thounoukei kho nyi no lolo ngeakei. 30Ngo aloujinei nyi shisho ong kibü juong haa; hoba ngo haushang pendoua Bunyubouei no aeibou haükua. Lausikei kü chemdang shanga ladang kümla?”
31Labanei laukei, “Ngei ka la ai kula?” Jakobei jongaikei, “Nyi kü la ai teku; nyi kü shanga maang angalonga ngei nyibou kaibü san shuong lombukho: 32Ngo tat kaibü sanshuong pendou danjung haukho, hoba panpan lanlanbü si kapnakbü pendou, hoba san yo ka nakhübü pendou hoba lon yoka kapnakbü pendou janyinkho hoba kho ngeibü mu kilabü. 33Hibü loulabü jiha nyi ladang ngeibü mu shanga damanchühlaje ngühmaanglanbü chongchinglabü. Lon yoa laobou ong apanbü hoba kap anakbü kü shangabüa yoan kilaje, hoba san yoa anakhübü yoan kilaje khoje kokbü dogo weshi.”
34Labanei jongaikei, “Hoat, kho tegü kümshi.” 35Hobaje khünyet Labanei lon paang shangshang langlangbü hoba kapnakbü hoba lon nyu jakjak laklakbü hoba kapnakbü pendou, ainei thupaibü kikei, hoba san yoa nakhübü pendou, haoei janyinan jembü shou ikto kukei. 36Hobaje hao si Jakob kanglanga semnyet lam kaangtikei. Jakobei Labaneibü joubü shatsinam pangteikei.
37Jakobei poplar bulong, almond bulong, hoba plane bulong ka bhek wapan sungan kho ka khop aangan apan phodonga thupaibü longtian panpanlanlan kümbei. 38Kheijinei haoei khop aangan apbü phodong kho dei dangshang, laonei sanshuongei dei yungla louda, khünei sanshuong thedangatham phokukei. Hobaje ladang ong nakjih sühkei hoba dei yungla loukei, 39haoenei phodong thedanga nakkei hoba shoushou thüngkei. Hobaje haoenei shoushou shatjinei panpan lanlan ayingsi dolosüngsüng ayingsi kap nakan shatkukei.
40Hobaje shoushou kho Jakobei lulu bangnyinkei hoba sanshuongeibü thenyek Labaneibü sanshuonga kibü panpan lanlanbü hoba nakhübü kibü aei sepeian phokukei. Kho tegü haoei haoeibü sanshuong lulu phokei hoba Labaneibü sanshuong yoa apho.
41Ladang ong shuong yoa sekokbü shuong laangeida kheijinei Jakobei phodong kho dei yungshanga toktian phokukei; 42lausikei sanshuong nyibutham kialonga haoei kho toktian aphoku. Hibü hau akibü kho Labaneibü hoba hau kibü kho Jakobeibü yeikei. 43Kho tegü müt kho aeibou haakei, hoba haoeibü sanshuong juong hoba bousu si yaksa sambü hoba ut si gadu kikei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.