KAOBAK 32
32
Jakobei Esau to Haüyola Lamlebü
1Jakob jembü lama haukei, hoba Mühghaü hangangbü hao to haüyokei. 2Ladang Jakobei haoen hapbei, haoei laukei, “Ho Mühghaü lakjaibü shuong kishang!” Hibü haoei kho kaonyek la Mahanaim nyenkukei.
3Jakobei hao to shaang jai jungto Edom kaonyeka Seir kao to youkobü hautikei. 4Haoei haoen la sakkuko laukei, “Kanei ngeibü bunyubou Esau to hai laushi, ‘Kaibü sambü Jakobei hai lauda, Ngo Laban yoa tou sühko thüngan kikei. 5Ngei masu, gadu, sanlon, lonmai shuong, sambü hoba samnyu, dogo kia. Tou ngei ngeibü bunyubou to lenla hautikei, khei ngei ka thedanga onou haplabü lele.’ ”
6Ladang youkobü shuong Jakob jungto nopjung longeikei haoenei laukei, “Kün kajai Esau jungto haüyola haukei, hoba hao kato haüyola müt saongao lei yoan louada.” 7Jakob aeibou mokkei hoba maangmaukei. Hobaje haoei hao yoa kibü müt, san shuong, masu shuong, hoba ut shuong tan nyila jankei. 8Haoei dambei, “Esauei louan shuong che shemtialonga kheijinei joubü shuong che kho satenlabü.”
9Kheijinei Jakobei hai welaukei, “O kübou Abraham Mühghaü, hoba kübou Isak Mühghaü, O Bunyubou, aoei küto laukei, ‘Kaibü kaodak to hoba ka chempen jungto sepeiashi, hoba ngei kato mailabü,’ 10nyi kaibü sambü to onou hoba ngühmai lenbü pendou yoka kü shanga hanbüshou ongkei amu; aishanga ngei ngeibü juloei ho Jordan danjung haukei, hoba ngo touje tan nyila yeia. 11Küjai Esau ik ka ngo püetashi, aishanga ngo hatda; aingenyu haoei ngo hoba kü yokabü nashou yaksa pendou shemtilabü. 12Lausikei nyi laua, ‘Maimaitham ngei no naang maitilabü hoba kaibü thensilen yungnyu phetsen tegü wesikei awekhümbo juongnyu haatikulabü.’ ” 13Khüyou langyang khünei dantikei hoba haoei kibü ka haojai Esau la jongsakla hai janletkukei: 14lonnyu saoan hoba lonpaang saoche, 15shoushou thonan ut nyunyu khujin, masu pi saonyi hoba pongsu an, hoba gadu nyunyu saoche hoba paang an. 16Haoei khübü kho sambü shuong ika tan weko lulu kukei; hoba haoei haoeibü sambü shuong to laukei, “Kü thedang to hauashi, hoba tan tan kanglanga tuibang kaangan phoshi.” 17Haoei shaangbou to sakkuko laukei, “Ladang küjai Esauei kato haüyoan, ‘No aoeibü? hoba no lato hauda? hoba ka thedanga kibü habü ho aoeibü?’ dogo phelaje, 18kheijinei nyi hai jongaiashi, ‘Habü ho kaibü sambü Jakobeibü. Habü ho ngeibü bunyu Esau la küntibü jongsak ki; hoba haokei kün phainei louada.’ ” 19Haoei nyiboubü to hoba semboubü to hoba shatsinam tan leibü pendou to lenkei, “Kanei Esau to haüyojinei hao to jeteibü ngüh lenshi. 20Tokei hai lenshi, ‘Chühashi, kaibü sambü Jakob kün phainei louada.’ ” Aieilausi haoei dambei, “Ngei kü thedanga hautibü jongsakei hao khauang sotilabü hoba kho phaia ngei haoeibü the haplabü; aingenyu haoei ngo sungletlabü yinglabü.” 21Hibü jongsak kho hao thedangto hautikei hoba haoje khüyou shuong yoa kikei.
Jakob Mühghaü to Khuyobü
22Khüyou Jakob meimeijung yaknyi hoba samnyunyi hoba haoeibü shousi müt anthükche leian Jabbok Shumang danjung haukei. 23Hobaje haoei haoen shumang danjung hautian phaia haoei kibü pendou jungan hautikei. 24Hobaje Jakob hao mütpem apyokei; hoba ngeyang langesaoko müt che to khuyokei. 25Ladang müt khoei Jakob athüketko apbei haoei Jakobeibü ilo khengokkukei. 26Kheijinei müt khoei laukei, “Ngo litikai, aishanga langesaoa.” Jakobei laukei, “Nyi ngo ühaütiku shongko ngei no alitilabü.”
27Müt khoei hao to phekei, “Kaibü nyen ao?” Haoei laukei, “Jakob.” 28Haoei laukei, “Tou ka jaüan kaibü nyen Jakob anyenlabü, lausikei Israel dogo nyenlabü; aishanga nyi Mühghaü si müt to longyokei hoba thükkei.” 29Jakobei laukei, “Sanoudambo küla kaibü nyen lenbü.” Hobaje haoei laukei, “Nyi ngeibü nyen aila pheda?” Khünei haoei Jakob haükukei.
30Hibü Jakobei ho kaonyek la Peniel nyenkukei, aishanga haoei laukei, “Ngei Mühghaü theshuok hapbei, khei yingasikei ngo lang kia.” 31Hobaje hao Peniel danjung haujinei chanyu hao junga longkei, hoba hao youshi loei soke ombo ombo paikei. 32Khoei tat sühko Israel shousi shuongei youshi bempou phejak ashauda; aishanga haoei Jakobeibü youshi ilo youshi bempou phejaka meitikei.
Currently Selected:
KAOBAK 32: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
KAOBAK 32
32
Jakobei Esau to Haüyola Lamlebü
1Jakob jembü lama haukei, hoba Mühghaü hangangbü hao to haüyokei. 2Ladang Jakobei haoen hapbei, haoei laukei, “Ho Mühghaü lakjaibü shuong kishang!” Hibü haoei kho kaonyek la Mahanaim nyenkukei.
3Jakobei hao to shaang jai jungto Edom kaonyeka Seir kao to youkobü hautikei. 4Haoei haoen la sakkuko laukei, “Kanei ngeibü bunyubou Esau to hai laushi, ‘Kaibü sambü Jakobei hai lauda, Ngo Laban yoa tou sühko thüngan kikei. 5Ngei masu, gadu, sanlon, lonmai shuong, sambü hoba samnyu, dogo kia. Tou ngei ngeibü bunyubou to lenla hautikei, khei ngei ka thedanga onou haplabü lele.’ ”
6Ladang youkobü shuong Jakob jungto nopjung longeikei haoenei laukei, “Kün kajai Esau jungto haüyola haukei, hoba hao kato haüyola müt saongao lei yoan louada.” 7Jakob aeibou mokkei hoba maangmaukei. Hobaje haoei hao yoa kibü müt, san shuong, masu shuong, hoba ut shuong tan nyila jankei. 8Haoei dambei, “Esauei louan shuong che shemtialonga kheijinei joubü shuong che kho satenlabü.”
9Kheijinei Jakobei hai welaukei, “O kübou Abraham Mühghaü, hoba kübou Isak Mühghaü, O Bunyubou, aoei küto laukei, ‘Kaibü kaodak to hoba ka chempen jungto sepeiashi, hoba ngei kato mailabü,’ 10nyi kaibü sambü to onou hoba ngühmai lenbü pendou yoka kü shanga hanbüshou ongkei amu; aishanga ngei ngeibü juloei ho Jordan danjung haukei, hoba ngo touje tan nyila yeia. 11Küjai Esau ik ka ngo püetashi, aishanga ngo hatda; aingenyu haoei ngo hoba kü yokabü nashou yaksa pendou shemtilabü. 12Lausikei nyi laua, ‘Maimaitham ngei no naang maitilabü hoba kaibü thensilen yungnyu phetsen tegü wesikei awekhümbo juongnyu haatikulabü.’ ” 13Khüyou langyang khünei dantikei hoba haoei kibü ka haojai Esau la jongsakla hai janletkukei: 14lonnyu saoan hoba lonpaang saoche, 15shoushou thonan ut nyunyu khujin, masu pi saonyi hoba pongsu an, hoba gadu nyunyu saoche hoba paang an. 16Haoei khübü kho sambü shuong ika tan weko lulu kukei; hoba haoei haoeibü sambü shuong to laukei, “Kü thedang to hauashi, hoba tan tan kanglanga tuibang kaangan phoshi.” 17Haoei shaangbou to sakkuko laukei, “Ladang küjai Esauei kato haüyoan, ‘No aoeibü? hoba no lato hauda? hoba ka thedanga kibü habü ho aoeibü?’ dogo phelaje, 18kheijinei nyi hai jongaiashi, ‘Habü ho kaibü sambü Jakobeibü. Habü ho ngeibü bunyu Esau la küntibü jongsak ki; hoba haokei kün phainei louada.’ ” 19Haoei nyiboubü to hoba semboubü to hoba shatsinam tan leibü pendou to lenkei, “Kanei Esau to haüyojinei hao to jeteibü ngüh lenshi. 20Tokei hai lenshi, ‘Chühashi, kaibü sambü Jakob kün phainei louada.’ ” Aieilausi haoei dambei, “Ngei kü thedanga hautibü jongsakei hao khauang sotilabü hoba kho phaia ngei haoeibü the haplabü; aingenyu haoei ngo sungletlabü yinglabü.” 21Hibü jongsak kho hao thedangto hautikei hoba haoje khüyou shuong yoa kikei.
Jakob Mühghaü to Khuyobü
22Khüyou Jakob meimeijung yaknyi hoba samnyunyi hoba haoeibü shousi müt anthükche leian Jabbok Shumang danjung haukei. 23Hobaje haoei haoen shumang danjung hautian phaia haoei kibü pendou jungan hautikei. 24Hobaje Jakob hao mütpem apyokei; hoba ngeyang langesaoko müt che to khuyokei. 25Ladang müt khoei Jakob athüketko apbei haoei Jakobeibü ilo khengokkukei. 26Kheijinei müt khoei laukei, “Ngo litikai, aishanga langesaoa.” Jakobei laukei, “Nyi ngo ühaütiku shongko ngei no alitilabü.”
27Müt khoei hao to phekei, “Kaibü nyen ao?” Haoei laukei, “Jakob.” 28Haoei laukei, “Tou ka jaüan kaibü nyen Jakob anyenlabü, lausikei Israel dogo nyenlabü; aishanga nyi Mühghaü si müt to longyokei hoba thükkei.” 29Jakobei laukei, “Sanoudambo küla kaibü nyen lenbü.” Hobaje haoei laukei, “Nyi ngeibü nyen aila pheda?” Khünei haoei Jakob haükukei.
30Hibü Jakobei ho kaonyek la Peniel nyenkukei, aishanga haoei laukei, “Ngei Mühghaü theshuok hapbei, khei yingasikei ngo lang kia.” 31Hobaje hao Peniel danjung haujinei chanyu hao junga longkei, hoba hao youshi loei soke ombo ombo paikei. 32Khoei tat sühko Israel shousi shuongei youshi bempou phejak ashauda; aishanga haoei Jakobeibü youshi ilo youshi bempou phejaka meitikei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.