KAOBAK 37
37
Josef hoba Jaisishuong
1Jakob Kanan kaodaka haobou kishanga kikei. 2Ho Jakobeibü chemdang ngühli. Josef po anthüknyet heshou, hoba hao haobou Jakobeibü yak Bilha si Zilpa shuousi shuong, hao jaisishuong yoa san lombo kikei; hoba Josefei jaisi shuongei kümsilei amaibü kümbü ngühlang haobou jungto sungbakei.
3Tou Israelei hao shousi shuong pendou to aeila Josef to sanoukei; aishanga hao hao la baushilamto bukkukei; hoba haoei hao la son juong kakbü nei lamlekukei. 4Ladang hao jaisi shuongei haoeneibü bouei pendou yoka hao to aei sanouda dogo chühenkei, haoenei hao to mangsenkei hoba hao to sanou ngüh alau.
5Youche, Josefei mangh che likei, hoba haoei kho haoen la lenkei; khoei haoenei hao aei ong mangsenkei. 6Haoei haoen to laukei, “Lo, ngeibü mangh lenkho ditashi. 7Sen pendou liko seka youshou thepjinei, chühashi, ngei thepbü youshang kho lokei, hoba chühsi, kaneibü youthep shuong kaijembo loukei hoba ngeibü youthep to khüpetan lembei.”
8Hao jaisi shuongei hao to laukei, “Khülonga maimaitham no küneibü choba yeilep lo hoba nyi kün thüka songdaklep lo?” Haoeibü mangh si haoeibü ngüh hangshong haoenei hao aei mangsenkei.
9Kho phaia toukei, Josefei mangh che likei, hoba kho hao jaisi shuong to lenkei. “Ditashi, toukei ngei mangh che lia; hoba chühashi, chanyu si litnyu hoba khanshoulitshou anthükcheei ngo lembei.”
10Ladang haoei kho haobou si hao jaisi shuong la lenkei, haobouei hao to hakko laukei, “Nyi libü mangh ho ai? Ngo hoba kanyu hoba kaibü jaisi shuongei maimaitham kaoa khüpetan no lemlep sai?” 11#Ykj 7.9 Hao jaisi shuongei hao to the shouan apbei; lausikei haobouei ngüh kho maanga phokei.
Josef Ijepbü la Yaakbü
12Nyetche haoboueibü san shuong lamshautila hao jaisi shuong Shekhem kaophei to haukei. 13Hobaje Israelei Josef to laukei, “Kaibü jaisi shuong Shekhem aenei sanshuong lamshautibü nyi ngeakeibü ngei no khüto hautimang sühda.” Josefei jongaikei, “Ngo lamleakei.”
14Hibü haoei hao to laukei, “No hauan ka jaisi shuong si sanshuong maisho kilaoje ngühlang sungbaan kü la lenbüma.” Hobaje haoei hao Hebron yomang ka hautikei, hoba hao Shekhem to loukei. 15Hobaje müt cheei hao sekmanga paiko hapan hao to phekei, “Nyi ai lamda?”
16Haoei jongaikei, “Ngei kü jaisi shuong lamda. Haoenei sanlon shuong lan lamshautidaje nyi kü la lenla thükasao?”
17Müt khoei laukei, “Haoen haka kuka. Ngei haoenei, ‘Sen Dothan to haukho’ dogo lauyobü dida.” Hibü Josef jaisi shuong phaito haukei hoba haoei haoen Dothan nyangko hapbei.
18Lausikei haoenei hao saabüa hapan, hao alousühtoua hao haitila huon takkei. 19Haoen cheei che to laukei, “Manghlibou kho hato louada! 20Tou kaiya, senei hao haitian püngkhün che to tekan jinan, meisiau amaibüei suian apa dogo laukho. Kheijinei haoeibü mangh kho ai loushedlaje senei chühkho.”
21Ladang Reubenei ho ditkei, haoei hao haoeneibü ik ka khümenla haujembei. Haoei laukei, “Senei haoeibü langkei temautikho, 22sii hansho ongkei tüangti. Phetsena kibü püngkhün to tekan jinkho, lausikei hao to ik tüet.” Reubenei haoeneibü ik ka hao khümenan haobou jungto leian ngaikula shanga laukei. 23Hibü ladang Josef hao jaisi shuong jungto loukei, haoenei haoeibü son kakbü namsekbü neisimei kho haoeibü mangka khokan sungkei, 24hoba haoenei Josef lapan püngkhün to jaangan attikei. Lausikei püngkhüna dei adangko ulangtham kikei.
25Phaisho haoen shaula yungla setan kijinei, haoenei chühlitisi saabüa Ishmaelbü namyak namseibü tan che louko hapbei. Haoenei bu ka tühjung lotbü jen hoba mou moli hoba ponlemhibü peisilei ut taka thongtian Gilead ka Ijep kaodak to hauko kikei. 26Kheijinei Jihudaei jaisinasi shuong to laukei, “Senei seneibü na haitisi hoba haoeibü sii küplepsi ai pailetla? 27Ishmaelbüla hao yaakkukho; aieilausi hao seneibü na, hoba seneibü phe.” Haoeibü jaisinasi shuongei haoeibü ngüha lekei. 28#Mt 27.9 Hibü ladang Midianbü namyak namseibü shuong haoen jungto loukei, haoenei Josef püngkhün ka sungenan nam saoche lu Ishmaelbü la yaakkei, hoba haoenei Josef Ijep kaodak to leian haukei.
29Ladang Reuben püngkhün to sepeijung ngaian chühkei, Josef püngkhüna akitei, hoba haoei haoeibü neisimei jitnyinkei. 30Hobaje nasi shuong jungto sepeinyu ngaian laukei, “Na kho aki! Ngo tou lato haula?”
31Kho phaia haoenei lon paang che haitian khünei Josefeibü mangyuk khoneikei; 32hoba son kakbü mangyuk kho bou jungto hautiko lentikei, “Künei ho hapbei. Ho kashoueibü mangyuk yinglaoje chühshi!”
33Haoei kho chühenan laukei, “Haü, hoje kü shoueibü mangyuk! Yamyang amaibü atei hao haitia! Kü shou Josef netla phoula yeitia!” 34Jakobei maangto shatko haoeibü nei jitnyinan shenjanga senounei shenan chalou lounyu shou shanga mang haapbei. 35Haoeibü nouyang jayang shousi shuongei hao maang sula haujembei, lausikei haoei maang hak somang asühko laukei, “Ü, ngo mang haapbo küshou jungto yemto haulabü.” Kho tegü bouei jembü shou shanga mang haapbei.
36Kho jihsiphaia, Midianbü khoei Ijep choba Faraoeibü lombou konglebou Potifar la Josef yaakkei.
Currently Selected:
KAOBAK 37: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
KAOBAK 37
37
Josef hoba Jaisishuong
1Jakob Kanan kaodaka haobou kishanga kikei. 2Ho Jakobeibü chemdang ngühli. Josef po anthüknyet heshou, hoba hao haobou Jakobeibü yak Bilha si Zilpa shuousi shuong, hao jaisishuong yoa san lombo kikei; hoba Josefei jaisi shuongei kümsilei amaibü kümbü ngühlang haobou jungto sungbakei.
3Tou Israelei hao shousi shuong pendou to aeila Josef to sanoukei; aishanga hao hao la baushilamto bukkukei; hoba haoei hao la son juong kakbü nei lamlekukei. 4Ladang hao jaisi shuongei haoeneibü bouei pendou yoka hao to aei sanouda dogo chühenkei, haoenei hao to mangsenkei hoba hao to sanou ngüh alau.
5Youche, Josefei mangh che likei, hoba haoei kho haoen la lenkei; khoei haoenei hao aei ong mangsenkei. 6Haoei haoen to laukei, “Lo, ngeibü mangh lenkho ditashi. 7Sen pendou liko seka youshou thepjinei, chühashi, ngei thepbü youshang kho lokei, hoba chühsi, kaneibü youthep shuong kaijembo loukei hoba ngeibü youthep to khüpetan lembei.”
8Hao jaisi shuongei hao to laukei, “Khülonga maimaitham no küneibü choba yeilep lo hoba nyi kün thüka songdaklep lo?” Haoeibü mangh si haoeibü ngüh hangshong haoenei hao aei mangsenkei.
9Kho phaia toukei, Josefei mangh che likei, hoba kho hao jaisi shuong to lenkei. “Ditashi, toukei ngei mangh che lia; hoba chühashi, chanyu si litnyu hoba khanshoulitshou anthükcheei ngo lembei.”
10Ladang haoei kho haobou si hao jaisi shuong la lenkei, haobouei hao to hakko laukei, “Nyi libü mangh ho ai? Ngo hoba kanyu hoba kaibü jaisi shuongei maimaitham kaoa khüpetan no lemlep sai?” 11#Ykj 7.9 Hao jaisi shuongei hao to the shouan apbei; lausikei haobouei ngüh kho maanga phokei.
Josef Ijepbü la Yaakbü
12Nyetche haoboueibü san shuong lamshautila hao jaisi shuong Shekhem kaophei to haukei. 13Hobaje Israelei Josef to laukei, “Kaibü jaisi shuong Shekhem aenei sanshuong lamshautibü nyi ngeakeibü ngei no khüto hautimang sühda.” Josefei jongaikei, “Ngo lamleakei.”
14Hibü haoei hao to laukei, “No hauan ka jaisi shuong si sanshuong maisho kilaoje ngühlang sungbaan kü la lenbüma.” Hobaje haoei hao Hebron yomang ka hautikei, hoba hao Shekhem to loukei. 15Hobaje müt cheei hao sekmanga paiko hapan hao to phekei, “Nyi ai lamda?”
16Haoei jongaikei, “Ngei kü jaisi shuong lamda. Haoenei sanlon shuong lan lamshautidaje nyi kü la lenla thükasao?”
17Müt khoei laukei, “Haoen haka kuka. Ngei haoenei, ‘Sen Dothan to haukho’ dogo lauyobü dida.” Hibü Josef jaisi shuong phaito haukei hoba haoei haoen Dothan nyangko hapbei.
18Lausikei haoenei hao saabüa hapan, hao alousühtoua hao haitila huon takkei. 19Haoen cheei che to laukei, “Manghlibou kho hato louada! 20Tou kaiya, senei hao haitian püngkhün che to tekan jinan, meisiau amaibüei suian apa dogo laukho. Kheijinei haoeibü mangh kho ai loushedlaje senei chühkho.”
21Ladang Reubenei ho ditkei, haoei hao haoeneibü ik ka khümenla haujembei. Haoei laukei, “Senei haoeibü langkei temautikho, 22sii hansho ongkei tüangti. Phetsena kibü püngkhün to tekan jinkho, lausikei hao to ik tüet.” Reubenei haoeneibü ik ka hao khümenan haobou jungto leian ngaikula shanga laukei. 23Hibü ladang Josef hao jaisi shuong jungto loukei, haoenei haoeibü son kakbü namsekbü neisimei kho haoeibü mangka khokan sungkei, 24hoba haoenei Josef lapan püngkhün to jaangan attikei. Lausikei püngkhüna dei adangko ulangtham kikei.
25Phaisho haoen shaula yungla setan kijinei, haoenei chühlitisi saabüa Ishmaelbü namyak namseibü tan che louko hapbei. Haoenei bu ka tühjung lotbü jen hoba mou moli hoba ponlemhibü peisilei ut taka thongtian Gilead ka Ijep kaodak to hauko kikei. 26Kheijinei Jihudaei jaisinasi shuong to laukei, “Senei seneibü na haitisi hoba haoeibü sii küplepsi ai pailetla? 27Ishmaelbüla hao yaakkukho; aieilausi hao seneibü na, hoba seneibü phe.” Haoeibü jaisinasi shuongei haoeibü ngüha lekei. 28#Mt 27.9 Hibü ladang Midianbü namyak namseibü shuong haoen jungto loukei, haoenei Josef püngkhün ka sungenan nam saoche lu Ishmaelbü la yaakkei, hoba haoenei Josef Ijep kaodak to leian haukei.
29Ladang Reuben püngkhün to sepeijung ngaian chühkei, Josef püngkhüna akitei, hoba haoei haoeibü neisimei jitnyinkei. 30Hobaje nasi shuong jungto sepeinyu ngaian laukei, “Na kho aki! Ngo tou lato haula?”
31Kho phaia haoenei lon paang che haitian khünei Josefeibü mangyuk khoneikei; 32hoba son kakbü mangyuk kho bou jungto hautiko lentikei, “Künei ho hapbei. Ho kashoueibü mangyuk yinglaoje chühshi!”
33Haoei kho chühenan laukei, “Haü, hoje kü shoueibü mangyuk! Yamyang amaibü atei hao haitia! Kü shou Josef netla phoula yeitia!” 34Jakobei maangto shatko haoeibü nei jitnyinan shenjanga senounei shenan chalou lounyu shou shanga mang haapbei. 35Haoeibü nouyang jayang shousi shuongei hao maang sula haujembei, lausikei haoei maang hak somang asühko laukei, “Ü, ngo mang haapbo küshou jungto yemto haulabü.” Kho tegü bouei jembü shou shanga mang haapbei.
36Kho jihsiphaia, Midianbü khoei Ijep choba Faraoeibü lombou konglebou Potifar la Josef yaakkei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.