KAOBAK 38
38
Jihuda si Tamar
1Kho jihsiphaia Jihudaei haoeibü jaisinasi shuong apyoan Hira nyenbü Adulambü che yoa kila yanan kikei. 2Khünei Jihudaei Kananbü Shuaeibü nouyangnyu hapbei. Haoei sao lekei hoba sao yoa yepbei; 3hoba sao mang akongko apan bousushou che bukkei, hoba haoei hao la Er nyenkukei. 4Toukei sao nyibou mang akongko apbei hoba bousushou che bukkei, hoba hao la Onan nyenkukei. 5Saoei toukei bousushou che bukkei, hoba hao la Shela nyenkukei. Saoei hao Kheziba bukkei.
6Jihudaei haoshou jaishoubou Er shanga yaksa che lekukei hoba saoeibü nyen Tamar kikei. 7Lausikei Jihuda shou jaishoubou Er kho Bunyubou thedanga shedbü kisije Bunyubouei hao haitikei. 8#Mt 22.24-28 Kheijinei Jihudaei Onan to laukei, “Kajaieibü yak to yepan sao to laoeibü janbü kümsilei kümashi, hoba kajai shanga lilabü longtiashi.” 9Lausikei Onanei lilabü kho haoeibü ayinglabü dogo ngean, haoei haojaieibü yak to jamjinei haoei haojai la lilabü akula shanga jotdei kaoa ong apbo lekei. 10Haoei jungeibü kho Bunyubou thedanga shedbü kikei, hoba Bunyubouei haokei haitikei. 11Kheijinei Jihudaei hao shoueibü yak Tamar to laukei, “Küshou Shela aching shongko kabou chema latnyu leko kishi.” Aieilausi haoei dambei, “Aingenyu haokei hao jainyi tegü haibüla.” Hibü Tamar ngaian haobou chema kikei.
12Hobaje longche kian Shua nouyangnyu, Jihuda yak haikei. Ladang Jihuda maang haksokei hao hoba hao thangbou Adullambü Hira yoa haoeibü san wi kipbou jungto Timna to angkei. 13Müt atei Tamar to lenko laukei, “Chühashi, kalaoeibü bou haoeibü san wi kipla Timna to angda.” 14Saoei saoeibü latnyu neisimei hangletan saoeibü thenyek sepeian neikhu yukan nei neian, Timna to haubü lam nyangko kibü Enam sang bakhüna setkei; aieilausi saoei Shela chinga dogo ngekei, hoba hao la yakla lela sao aku.
15Ladang Jihudaei sao hapbei, sao suonlamnyu dogo dambei; aieilausi saoei neikhu yukkei. 16Hobaje haoei lamkoa sao jungto hauan laukei, “Kaiya, ngo ka junga yeptikaima.” (Aieilausi haoei sao kho hao shoueibü yak dogo ange.) Saoei laukei, “No kü yoa yepbü shanga nyi kü la ai kula?”
17Haoei laukei, “Ngei lon shuong yoka lon paangshou che küntikho.” Hobaje saoei laukei, “Nyi kho akünti shongko aukabü shanga denche kuasaoma?”
18Hobaje haoei laukei, “Ngei aukabü shanga jeila ai kula?” Saoei jongaikei, “Kaibü shensinge lüh thonan hoba kaibü ika kibü ju.” Hibü haoei khübü kho kuan sao yoa yepbei, hoba sao mangakongko apbei. 19Sao meimeijung satan apbei hoba saoei thenyeka yukbü nei hangletnyu phoan saoei latnyueibü neisimei lengaikei.
20Kheijinei Jihudaei yaksanyueibü ik ka chongchingla kubü peisilei nyibou sungngaila shanga hao thangbou Adullambü ik danko lonshou kho küntikei, lausikei haoei sao ühüp. 21Kheijinei haoei saoeibü sangbü Enaimbü to pheko laukei, “Enaim sanga lamkoa kibü suonlamnyu kho lan ki?” Haoenei laukei, “Hanei suonlamnyu aokei aki.”
22Hao Jihuda jungto ngaian, “Ngei sao ühüp,” dogo laukei, hoba sangbü shuongei hanei suonlamnyu aokei aki dogo laukei. 23Jihudaei laukei, “Saoei photeibü khübü kho saoei nale, ayinglonga sen himou bautilabü. Chühashi, ngei lonshou kho küntikei, lausikei nyi ühüp.”
24Lit sem phaia ngüh kho Jihuda to lenkei, “Ka shoueibü yak Tamarei asangalan jungeia; hoba toukei chühashi, suonlambüei sao mang akongko kia.” Jihudaei laukei, “Sao leijung louan wana juokettiashi.”
25Ladang sao leibakei, saoei jembü laoeibü bou jungto ngühlang hautiko laukei, “Habü ho aoeibü yingkeije hoei ngo mang akongko kia.” Hobaje saoei laukei, “Ho aoeibü shensinge lüh hoba ju yingkeije lenashi, dogo ngei ka to sudajada.”
26Jihudaei habü ho shenan laukei, “Sao kütokei tangbou yingkei; aieilausi ngei sao kü shou Shela la angaku.” Kho phaiaje haoei sao to ajam.
27Sao na hapla jih sühjinei saoeibü na setshanga phokbü shou kibü ngeenkei. 28Sao na hapla shejinei cheei ik angtikei; hibü na hapjinei thuibü saoei haoeibü ikngüma lei saklangbü shenkuko laukei, “Ho shaang bukkei.” 29#Mt 1.3 Lausikei haoei haoeibü ik sungngaijinei haona shaang bukkei hoba saoei laukei, “Hainyu kümbo nyi kaibü haang wayetkei,” Hibü hao la Perez nyenkukei. 30Kho phaia jai, aola saoei ikngüma lei saklangbü shenkukei, kho bukkei hoba hao la Zera nyenkukei.
Currently Selected:
KAOBAK 38: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
KAOBAK 38
38
Jihuda si Tamar
1Kho jihsiphaia Jihudaei haoeibü jaisinasi shuong apyoan Hira nyenbü Adulambü che yoa kila yanan kikei. 2Khünei Jihudaei Kananbü Shuaeibü nouyangnyu hapbei. Haoei sao lekei hoba sao yoa yepbei; 3hoba sao mang akongko apan bousushou che bukkei, hoba haoei hao la Er nyenkukei. 4Toukei sao nyibou mang akongko apbei hoba bousushou che bukkei, hoba hao la Onan nyenkukei. 5Saoei toukei bousushou che bukkei, hoba hao la Shela nyenkukei. Saoei hao Kheziba bukkei.
6Jihudaei haoshou jaishoubou Er shanga yaksa che lekukei hoba saoeibü nyen Tamar kikei. 7Lausikei Jihuda shou jaishoubou Er kho Bunyubou thedanga shedbü kisije Bunyubouei hao haitikei. 8#Mt 22.24-28 Kheijinei Jihudaei Onan to laukei, “Kajaieibü yak to yepan sao to laoeibü janbü kümsilei kümashi, hoba kajai shanga lilabü longtiashi.” 9Lausikei Onanei lilabü kho haoeibü ayinglabü dogo ngean, haoei haojaieibü yak to jamjinei haoei haojai la lilabü akula shanga jotdei kaoa ong apbo lekei. 10Haoei jungeibü kho Bunyubou thedanga shedbü kikei, hoba Bunyubouei haokei haitikei. 11Kheijinei Jihudaei hao shoueibü yak Tamar to laukei, “Küshou Shela aching shongko kabou chema latnyu leko kishi.” Aieilausi haoei dambei, “Aingenyu haokei hao jainyi tegü haibüla.” Hibü Tamar ngaian haobou chema kikei.
12Hobaje longche kian Shua nouyangnyu, Jihuda yak haikei. Ladang Jihuda maang haksokei hao hoba hao thangbou Adullambü Hira yoa haoeibü san wi kipbou jungto Timna to angkei. 13Müt atei Tamar to lenko laukei, “Chühashi, kalaoeibü bou haoeibü san wi kipla Timna to angda.” 14Saoei saoeibü latnyu neisimei hangletan saoeibü thenyek sepeian neikhu yukan nei neian, Timna to haubü lam nyangko kibü Enam sang bakhüna setkei; aieilausi saoei Shela chinga dogo ngekei, hoba hao la yakla lela sao aku.
15Ladang Jihudaei sao hapbei, sao suonlamnyu dogo dambei; aieilausi saoei neikhu yukkei. 16Hobaje haoei lamkoa sao jungto hauan laukei, “Kaiya, ngo ka junga yeptikaima.” (Aieilausi haoei sao kho hao shoueibü yak dogo ange.) Saoei laukei, “No kü yoa yepbü shanga nyi kü la ai kula?”
17Haoei laukei, “Ngei lon shuong yoka lon paangshou che küntikho.” Hobaje saoei laukei, “Nyi kho akünti shongko aukabü shanga denche kuasaoma?”
18Hobaje haoei laukei, “Ngei aukabü shanga jeila ai kula?” Saoei jongaikei, “Kaibü shensinge lüh thonan hoba kaibü ika kibü ju.” Hibü haoei khübü kho kuan sao yoa yepbei, hoba sao mangakongko apbei. 19Sao meimeijung satan apbei hoba saoei thenyeka yukbü nei hangletnyu phoan saoei latnyueibü neisimei lengaikei.
20Kheijinei Jihudaei yaksanyueibü ik ka chongchingla kubü peisilei nyibou sungngaila shanga hao thangbou Adullambü ik danko lonshou kho küntikei, lausikei haoei sao ühüp. 21Kheijinei haoei saoeibü sangbü Enaimbü to pheko laukei, “Enaim sanga lamkoa kibü suonlamnyu kho lan ki?” Haoenei laukei, “Hanei suonlamnyu aokei aki.”
22Hao Jihuda jungto ngaian, “Ngei sao ühüp,” dogo laukei, hoba sangbü shuongei hanei suonlamnyu aokei aki dogo laukei. 23Jihudaei laukei, “Saoei photeibü khübü kho saoei nale, ayinglonga sen himou bautilabü. Chühashi, ngei lonshou kho küntikei, lausikei nyi ühüp.”
24Lit sem phaia ngüh kho Jihuda to lenkei, “Ka shoueibü yak Tamarei asangalan jungeia; hoba toukei chühashi, suonlambüei sao mang akongko kia.” Jihudaei laukei, “Sao leijung louan wana juokettiashi.”
25Ladang sao leibakei, saoei jembü laoeibü bou jungto ngühlang hautiko laukei, “Habü ho aoeibü yingkeije hoei ngo mang akongko kia.” Hobaje saoei laukei, “Ho aoeibü shensinge lüh hoba ju yingkeije lenashi, dogo ngei ka to sudajada.”
26Jihudaei habü ho shenan laukei, “Sao kütokei tangbou yingkei; aieilausi ngei sao kü shou Shela la angaku.” Kho phaiaje haoei sao to ajam.
27Sao na hapla jih sühjinei saoeibü na setshanga phokbü shou kibü ngeenkei. 28Sao na hapla shejinei cheei ik angtikei; hibü na hapjinei thuibü saoei haoeibü ikngüma lei saklangbü shenkuko laukei, “Ho shaang bukkei.” 29#Mt 1.3 Lausikei haoei haoeibü ik sungngaijinei haona shaang bukkei hoba saoei laukei, “Hainyu kümbo nyi kaibü haang wayetkei,” Hibü hao la Perez nyenkukei. 30Kho phaia jai, aola saoei ikngüma lei saklangbü shenkukei, kho bukkei hoba hao la Zera nyenkukei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.