KAOBAK 39
39
Josef hoba Potifar Yak
1Tou Josef Ijep kaodak to leian yankei; hoba hao leian yanbü Ishmaelbü shuong ik ka, Farao phanga kibü lombou konglebou Ijepbü Potifarei hao jekkei. 2#Ykj 7.9 Bunyubou Josef yoa kikei, hoba hao naang maikei hoba haoeibü bunyu Ijepbü chema kikei. 3Ladang Bunyubou hao yoa kia, hoba haoei kümbüleibü pendoua haükuda dogo bunyuei chühenkei, 4kheijinei hao thedanga Josefei onou hapbei, hoba haoei hao khangenkei; hoba bunyuei jembü chema hao ikjai letikei, hoba haoeibü peisilei pendou haoeibü ikjai phanga phokukei. 5Haoeibü chema hoba haoei kibü pendou thüka haola ikjai letibü ka jaüan Josef laüa Bunyubouei Ijepbou chema kibü pendoua haükukei. Potifar chem si seka kibü pendou thüka Bunyubou haülabü kikei. 6Hibü haoei kibü pendou Josef ikjaia yoshaian phokukei; hoba shaula yunglabü to liman Josefeibü ika kibü peisilei shangabü bunyuei ai angeko kikei. Josef süngsilop maibü hoba hesihaang maian kikei. 7Longche kian bunyuboueibü yakei Josef to maang dühan saoei hao to laukei, “Kü yoa yepashi, kaiya.” 8Lausikei Josefei ngüha aleko, sao to laukei, “Chühashi, ho chema ai peisilei ong kü yoa ki bunyuei angekei, haoei haoeibü peisilei khümbo kü ikto kuakei. 9Ho chema kü to yaangbou ao aki. Ngeibü bunyuei ka to liman kü la akubü ai aki, aieilausi no hao yak. Hibü ngei ho tegü amaibü jungeiko Mühghaü khulimbo lai shabü shonla?” 10Kho phaiakei saoei chalou angbüa Josef to joyosikei, haoei sao yoa yepla ayingsi sao yoa kila ngüha ale.
11Lausikei nyetche Josef kümsilei denche shanga chem maang to atkei, kheijinei sambü yoka che ongkei chema akitei. 12Saoei Josefeibü neia senetan laukei, “Kü yoa yepashi kaiya!” Lausikei Josefei saoeibü ika haoeibü nei apyoan satkukei. 13Ladang Josefei saoeibü ika haoeibü nei apyoan satkua dogo ngekei, 14saoei saoeibü chem kabü sambü shuong ngashaian laukei, “Chühashi, sen aweasüngla ong bunyuei Ibribü che leian loukei! Hao küto jamla chem to lotkei, lausikei ngei ngekkei. 15Ladang ngei kaang ngekbü ditkei haoei haoeibü nei kü junga apyoan tangto angkei.”
16Saoei lao alongei shongko Josefeibü nei sao junga phokei. 17Kheijinei saoei hao to jeteibü ngühli kho lenkei: “Nyi laobou Ibribü sen chemto leian loukei, haoei ngo louyola lela ngeibü shemjang to lotkei. 18Lausikei ngo ngekko haapsi hao haoeibü nei kü junga apyoan chem ka satkei.”
19Ladang saoeibü yakei, “Kaibü sambüei ngo hainyu jungeikei,” dogo laubü ngühli ditkei, hao aeibou khauangkei. 20Hobaje Josefeibü bunyuei hao lapan Chobaeibü thüngbü shuong thüngshang to jinkei. 21Lausikei ladang Josef thüngdanga kikei, kheijinei Bunyubou hao yoa kikei, hoba hao to onoukei hoba thüngdang lombou la sanoutikei. 22Hibü thüngdang lombouei thüngchema kibü thüngbü shuong pendou Josef ika phokukei; khoei haoenei khünei ai ong kümbei kho Josefei kümtibü ong kikei. 23Hobaje Josefeibü ika ai ki, kho thüngdang lombouei ai achüh, aieilausi hao yoa Bunyubou kikei; hoba haoei kümbü pendoua Bunyubouei thüksimin kukei.
Currently Selected:
KAOBAK 39: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
KAOBAK 39
39
Josef hoba Potifar Yak
1Tou Josef Ijep kaodak to leian yankei; hoba hao leian yanbü Ishmaelbü shuong ik ka, Farao phanga kibü lombou konglebou Ijepbü Potifarei hao jekkei. 2#Ykj 7.9 Bunyubou Josef yoa kikei, hoba hao naang maikei hoba haoeibü bunyu Ijepbü chema kikei. 3Ladang Bunyubou hao yoa kia, hoba haoei kümbüleibü pendoua haükuda dogo bunyuei chühenkei, 4kheijinei hao thedanga Josefei onou hapbei, hoba haoei hao khangenkei; hoba bunyuei jembü chema hao ikjai letikei, hoba haoeibü peisilei pendou haoeibü ikjai phanga phokukei. 5Haoeibü chema hoba haoei kibü pendou thüka haola ikjai letibü ka jaüan Josef laüa Bunyubouei Ijepbou chema kibü pendoua haükukei. Potifar chem si seka kibü pendou thüka Bunyubou haülabü kikei. 6Hibü haoei kibü pendou Josef ikjaia yoshaian phokukei; hoba shaula yunglabü to liman Josefeibü ika kibü peisilei shangabü bunyuei ai angeko kikei. Josef süngsilop maibü hoba hesihaang maian kikei. 7Longche kian bunyuboueibü yakei Josef to maang dühan saoei hao to laukei, “Kü yoa yepashi, kaiya.” 8Lausikei Josefei ngüha aleko, sao to laukei, “Chühashi, ho chema ai peisilei ong kü yoa ki bunyuei angekei, haoei haoeibü peisilei khümbo kü ikto kuakei. 9Ho chema kü to yaangbou ao aki. Ngeibü bunyuei ka to liman kü la akubü ai aki, aieilausi no hao yak. Hibü ngei ho tegü amaibü jungeiko Mühghaü khulimbo lai shabü shonla?” 10Kho phaiakei saoei chalou angbüa Josef to joyosikei, haoei sao yoa yepla ayingsi sao yoa kila ngüha ale.
11Lausikei nyetche Josef kümsilei denche shanga chem maang to atkei, kheijinei sambü yoka che ongkei chema akitei. 12Saoei Josefeibü neia senetan laukei, “Kü yoa yepashi kaiya!” Lausikei Josefei saoeibü ika haoeibü nei apyoan satkukei. 13Ladang Josefei saoeibü ika haoeibü nei apyoan satkua dogo ngekei, 14saoei saoeibü chem kabü sambü shuong ngashaian laukei, “Chühashi, sen aweasüngla ong bunyuei Ibribü che leian loukei! Hao küto jamla chem to lotkei, lausikei ngei ngekkei. 15Ladang ngei kaang ngekbü ditkei haoei haoeibü nei kü junga apyoan tangto angkei.”
16Saoei lao alongei shongko Josefeibü nei sao junga phokei. 17Kheijinei saoei hao to jeteibü ngühli kho lenkei: “Nyi laobou Ibribü sen chemto leian loukei, haoei ngo louyola lela ngeibü shemjang to lotkei. 18Lausikei ngo ngekko haapsi hao haoeibü nei kü junga apyoan chem ka satkei.”
19Ladang saoeibü yakei, “Kaibü sambüei ngo hainyu jungeikei,” dogo laubü ngühli ditkei, hao aeibou khauangkei. 20Hobaje Josefeibü bunyuei hao lapan Chobaeibü thüngbü shuong thüngshang to jinkei. 21Lausikei ladang Josef thüngdanga kikei, kheijinei Bunyubou hao yoa kikei, hoba hao to onoukei hoba thüngdang lombou la sanoutikei. 22Hibü thüngdang lombouei thüngchema kibü thüngbü shuong pendou Josef ika phokukei; khoei haoenei khünei ai ong kümbei kho Josefei kümtibü ong kikei. 23Hobaje Josefeibü ika ai ki, kho thüngdang lombouei ai achüh, aieilausi hao yoa Bunyubou kikei; hoba haoei kümbü pendoua Bunyubouei thüksimin kukei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.