KAOBAK 40
40
Josefei Thüngbü shuongeibü Mangh Tetenkubü
1Longche kian phaia, Ijep choba thungjungbou si wentek kümbü leiyeibou nyiei choba khulimbo mat angkei. 2Hobaje Farao chobaei thungjungbou jaishoubou si wentek ngoubü jaishoubou haosi ham to maangpokkei, 3hibü lombou shuong thüka leiyeibou phanga thüngbou chem laoboua Josef kikei, khünei haosi lapan jinkukei. 4Hobaje lombou shuong leiyeibouei müt nyi khokei Josef yoa kitikei, hoba haoei haoen khangenkei.
Haoen longche thüngshanga kian phaia, 5youche Chobaeibü thung jungbou si wentek ngoubou hamei thüngdang chema mangh che che likei, hoba haosieibü mangh tetlabü lulu kiteikei. 6Ngeyang enyu Josef haosi jungto hauan chühsi haosi the khümphüman kikei. 7Kheijinei haoei haosi to laukei, “Kasi tat aila the angesakko kida?”
8Haosiei laukei, “Küsiei mangh cheche likei. Lausikei kho tetenkulabü müt ao aki.” Hibü Josefei haosi to laukei, “Tetenkulabü kho Mühghaüeibü aying lo? Sanoudaman kü la mangh kho lenbü.”
9Kheijinei thung jungbou jaishoubouei Josef to mangh lenkei: “Ngeibü mangha semlüh che kü thedanga ngei hapbei, 10hoba lüha bhek sem kikei, hoba khünei nyem longan pon pungan semlüh hek shenshena hekkei. 11Hobaje ngeibü ika Faraoeibü thung kikei, hoba ngei semlüh shen kheian Faraoeibü ikmanga jinkukei.”
12Kheijinei Josefei laukei, “Ho tetlabü hai: bhek sem kho chalou sem. 13Semnyet kanglanga Farao Chobaei ka la amai apbuan no shangiedbü kümsileia pienngaitilabü, hoba shangied haoeibü thung jungbü tegü nyi Faraoeibü ik to haoeibü thung kulabü. 14Lausikei no ladang maian yeilaje ngokei damenshima, hoba sanoudambo Farao to joyoko ho chem ka ngo leiyentishi. 15Aieilausi ngo Ibri kaodak ka thamtham senjung loubü, hoba haneikei haoenei ngo thüngshang laangpoba phola muko ngei ai shedbü aküm.”
16Ladang wentek ngoubü jaishoubou khoei hao jamboueibü mangh tetlabü kho maian hapbei, haoei Josef to laukei, “Ngeikei mangh che lia, hoba chühashi, ngeibü khua wentek kam sem tonan kikei. 17Hobaje kam thükkaboua Farao shanga shausiyung ngoubülebü phang phanga kikei; lausikei aushuongei ngeibü khua kibü kam ka kho shaukei.”
18Josefei jongaikei, “Ho tetlabü kho: Kam sem kho chalou sem. 19Semnyet kanglanga Faraoei no sengan kaibü khu thetlabü; hoba bua saülabü hoba au shuongei kaibü phe shaulabü.”
20Kho phaia Farao bukbü chaloua haoei hao phanga yaangbü shuong ngaan lem liko tomtikei, kheijinei haoei haoeibü sambü yoa thung jungbou jaishoubou hoba wentek ngoubü jaishoubou yaangbü shuong thedanga lotikei. 21Josefei laubü tetlabü tegü thung jungbou jaishoubou toukei haoeibü thung jungla pentikei; hibü haoei Farao ika thung jinkukei. 22Lausikei wentek ngoubou jaishoubou haoei phenetnyu haitikei. 23Khei yingsikei thung jungbou jaishoubouei Josef adamen; haoei hao maan apbei.
Currently Selected:
KAOBAK 40: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
KAOBAK 40
40
Josefei Thüngbü shuongeibü Mangh Tetenkubü
1Longche kian phaia, Ijep choba thungjungbou si wentek kümbü leiyeibou nyiei choba khulimbo mat angkei. 2Hobaje Farao chobaei thungjungbou jaishoubou si wentek ngoubü jaishoubou haosi ham to maangpokkei, 3hibü lombou shuong thüka leiyeibou phanga thüngbou chem laoboua Josef kikei, khünei haosi lapan jinkukei. 4Hobaje lombou shuong leiyeibouei müt nyi khokei Josef yoa kitikei, hoba haoei haoen khangenkei.
Haoen longche thüngshanga kian phaia, 5youche Chobaeibü thung jungbou si wentek ngoubou hamei thüngdang chema mangh che che likei, hoba haosieibü mangh tetlabü lulu kiteikei. 6Ngeyang enyu Josef haosi jungto hauan chühsi haosi the khümphüman kikei. 7Kheijinei haoei haosi to laukei, “Kasi tat aila the angesakko kida?”
8Haosiei laukei, “Küsiei mangh cheche likei. Lausikei kho tetenkulabü müt ao aki.” Hibü Josefei haosi to laukei, “Tetenkulabü kho Mühghaüeibü aying lo? Sanoudaman kü la mangh kho lenbü.”
9Kheijinei thung jungbou jaishoubouei Josef to mangh lenkei: “Ngeibü mangha semlüh che kü thedanga ngei hapbei, 10hoba lüha bhek sem kikei, hoba khünei nyem longan pon pungan semlüh hek shenshena hekkei. 11Hobaje ngeibü ika Faraoeibü thung kikei, hoba ngei semlüh shen kheian Faraoeibü ikmanga jinkukei.”
12Kheijinei Josefei laukei, “Ho tetlabü hai: bhek sem kho chalou sem. 13Semnyet kanglanga Farao Chobaei ka la amai apbuan no shangiedbü kümsileia pienngaitilabü, hoba shangied haoeibü thung jungbü tegü nyi Faraoeibü ik to haoeibü thung kulabü. 14Lausikei no ladang maian yeilaje ngokei damenshima, hoba sanoudambo Farao to joyoko ho chem ka ngo leiyentishi. 15Aieilausi ngo Ibri kaodak ka thamtham senjung loubü, hoba haneikei haoenei ngo thüngshang laangpoba phola muko ngei ai shedbü aküm.”
16Ladang wentek ngoubü jaishoubou khoei hao jamboueibü mangh tetlabü kho maian hapbei, haoei Josef to laukei, “Ngeikei mangh che lia, hoba chühashi, ngeibü khua wentek kam sem tonan kikei. 17Hobaje kam thükkaboua Farao shanga shausiyung ngoubülebü phang phanga kikei; lausikei aushuongei ngeibü khua kibü kam ka kho shaukei.”
18Josefei jongaikei, “Ho tetlabü kho: Kam sem kho chalou sem. 19Semnyet kanglanga Faraoei no sengan kaibü khu thetlabü; hoba bua saülabü hoba au shuongei kaibü phe shaulabü.”
20Kho phaia Farao bukbü chaloua haoei hao phanga yaangbü shuong ngaan lem liko tomtikei, kheijinei haoei haoeibü sambü yoa thung jungbou jaishoubou hoba wentek ngoubü jaishoubou yaangbü shuong thedanga lotikei. 21Josefei laubü tetlabü tegü thung jungbou jaishoubou toukei haoeibü thung jungla pentikei; hibü haoei Farao ika thung jinkukei. 22Lausikei wentek ngoubou jaishoubou haoei phenetnyu haitikei. 23Khei yingsikei thung jungbou jaishoubouei Josef adamen; haoei hao maan apbei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.