KAOBAK 41
41
Josefei Chobaeibü Mangh Tetenkubü
1Po nyi onan phaia Faraoei mangh che likei; hoba chühashi, hao Nail yungkoa loan kikei. 2Chühsi, shumang ka masu pi netbü nyet phokeilabü che longan sang lamshauko kikei. 3Khübü phaia mangsenlabü che hoba koplintham masu pi nyet Nail shumang ka longan shaangla longbü masu yoa yungkoa lokei. 4Hobaje mangsenlabü koplinbü masu shuong khoei phokeilabü masu netbü nyet kho shaukei. Kho phaia Farao pienkei. 5Hao toukei nyibou ngakkei, hoba nyiboukei mang che likei; chühsi, youlong chenei youman haangmaibü nyet longkei. 6Hobaje chühsi, kho phaia sho hoba chaangbou yeiei bungan aptibü lubü youman nyet longkei. 7Hobaje khübü youman pungbü khoei youman maibü langshangbü nyet kho suikei. Kho phaia Farao pikei, hoba chühsi, kho nangnak mangha kiteikei. 8Ngeyang hao senyüh ashembü ka Ijep kaodaka huonseibü, hoba songnge dongebü shuong pendou haoei ngashaikei, hoba Faraoei haoen la mangh kho lenkei; lausikei haoeibü mangh tetenkulabü ao akitei.
9Kheijinei thung jungbouei Farao to laukei, “Tatje ngei ngeibü shedbü damenakei. 10Shangied Faraoei haoeibü sambü to maangpokjinei ngo hoba wentek ngoubou küsi Chobaeibü lombou lakjaibou thüngshang chema thüngan phokei. 11Hobaje küsi hamei you chenei ong mangh che che likei, hoba küsi lulu thüngthüng manghtet likei. 12Kheijinei lakjaiboueibü sambü Ibribü heshou che kün yoa kikei. Küsiei hao la lulueibü mangh lensi haoei küsi la lulueibü mangh tetlabü lenkei. 13Hobaje haoei tetenkubü tegü tükde haüthükkei: ngoje shaangla penbü pentikei, hoba jenabouje phenetnyu haikei.”
14Hibü Faraoei Josef leila hautikei, hoba haoenei thüngshang laangpob ka hao tongde leibakei. Hobaje hao khu shuan hoba nei jeian phaia Farao jungto loukei. 15Faraoei Josef to laukei, “Ngei mangh che likei, hoba kho tetlabü lenla ao aki. Lausikei nyije mangh tetenkuda dogo ka shangabü lauko ngei ditkei.”
16Josefei Farao to jongaikei, “Ngei ho athüklabü, lausikei Mühghaüei Faraoei mangsühbü kho kulabü.”
17Kheijinei Faraoei Josef to laukei, “Mangha ngo Nail yungkoa loan kikei, 18hoba chühsi, netbü hoba phokeilabü masu pi maibü nyet shumang ka longan thakdu laaka sang lamshaukei, 19kho phaia dei ka mangsenlabü koplinbü masu pi nyet longkei. Ngei ladangkei Ijep kaodaka ho tegübü masu hapan achüh. 20Hobaje koplintham mangsenlabü masu nyetei shaangla longbü pi netbü nyet kho shaukei. 21Lausikei haoenei kho suiankei asuibü tegü ong hapbei; aieilausi haoen shangiedbü yam ong mangsenlabü che kikei. Kheijinei ngo pikei. 22Ngei toukei mangha youshou youlong chenei youman langshangbü maibü nyet longan hapbei. 23Kho phaia, chaang aekabü yeiei souan pungtibü youman nyet longkei, 24hoba youman pungbü khoei youman maibü nyet kho suikei. Ngüh kho ngei huonseibü dan la lenkei, lausikei aoeikei kü la kho atetenku.”
25Kheijinei Josefei Farao to laukei, “Faraoeibü mangh penyi ham kho tetlabü che ong. Mühghaüei ai kümla ki kho Farao la lena. 26Masu pi maibü nyet kho po nyet hoba youman maibü nyet kho po nyet; penyi ham manghtet che ong. 27Hobaje kho phaia longbü masu pi kopbü hoba mangsenlabü nyet, hoba chaang aekabü yeiei souan pungtibü youman nyet tetlabü kho, po nyet mühlabü. 28Ngei Farao thedanga lenbü tegütham: Mühghaüei ai kümla kho Farao to lena. 29Chühashi, po nyet sühko Ijep kaodak pendoua phenganyenga kilabü; 30kho phaia po nyet mühsinou kilabü, hoba Ijep kaodaka phenganyenga kibü kho maalabü hoba mühsinou khoei uangmuang anglabü. 31Mühsinou loubüei kaodaka shangied apsileko kibü kho adamenlabü; aieilausi müh yongko kaanglabü. 32Farao la mangh penyi thentibü kho Mühghaüei mudonga takletbü, hoba haoei tongde kümlabü.
33“Hibü tou Faraoei damanchühbü hoba songsido kibü müt che Ijep kaoa settiashi. 34Hobaje kho mütei kaonyeka ikjaibü shuong pienla Faraoei sakkuashi, hoba Ijep kaodaka langle maibü po nyet kibü chaloua shusiphon ka phejan ngaoa che Faraoei heashi. 35Haoenei khübü pomai jihsiphaia shausiyung pendou takshattiashi, hoba shaula yungla shanga Farao hauei sang pendoua thanan phoan lomtiashi. 36Hibü Ijep kaodaka loula kibü mühsinou po nyet shanga punga kho thanan phosi mühjinei kaodak aleilulabü.”
Ijep Kaodaka Josef Governor Yeitibü
37Kümthen kho Farao si hao phanga yaangbü shuong pendou la maikukei. 38Hibü Faraoei haoen to laukei, “Mühghaü soushou kibü ho tegübü müt senei ao hapla?” 39Kheijinei Faraoei Josef to laukei, “Mühghaüei ngüh ho pendou ka la ngetikei, khoei no tegübü damanchühbü hoba songbüdobü ao aki. 40#Ykj 7.10 No kü sanglea bunyu yeishi, hoba kü phanga yaangbü pendouei ka ngühkhüma lelabü. Khei choba setshanga ong ka to ngo yaangbou kilabü.” 41Hobaje Faraoei Josef to laukei, “Chühashi, Ijep kaodak pendou thüka ngei no ikjai piena.” 42Kheijinei Faraoei haoeibü ik ka nyendobü ikjikhap hangan sungan Josef la kukei. Hao la nei maiboutham neikukei, hoba ngüma honeibü yangmen yakkukei. 43Haoei haoeibü nyiboubü kailonga hao settikei; hoba haoenei hao thedanga hao la, “Lam kaangkuashi! Lam kaangkuashi!” dogo ngekkei. Kho khei haoei hao Ijep kaodak pendoua thükkabou yeitikei. 44Kheijinei Faraoei Josef to laukei, “Ngo Farao, lausikei ka ngüh ayoko Ijep kaodak pendoua aoeikei ik yingsikei you yingsikei atonenlabü.” 45Faraoei Josef la Zafenath-Panea nyenkukei, hoba hao yakla lela shanga On kabü ungshedbou Potifera nouyangnyu Asenat kukei. Hobaje Josef Ijep kaodak pendou shoongko paikei. 46Hobaje Ijep choba Faraoeibü kümtoleito atjinei Josef po khujin kiteikei. Hobaje Josef Farao jungka satan Ijep kaodak pendoua paikei. 47Naangmaibü po nyet khünei kaonyuei shusiphon apsileko longtikukei. 48Ijep kaodaka po nyeta latshaibü nyak kho pendou haoei yoshaian sangnyu weko thankei; sangnyu shuong kaijembo kibü sek ka longbü shausiyung pendou haoei khünei thankei. 49Kho tegü Josefei molodei phetsen tegü nyak thankei, khei, yongko juongsapsi haoei aweko nangkei.
50Müh aloubü thedangto Ona ungshedbou Potifera nouyangnyu Asenatei Josef la bousushou nyi bukkukei. 51Josefei jaishoubou la Manasse nyenkukei, hoba laukei, “Aishanga ngo khonkubü pendou hoba kübou chempen pendou Mühghaüei maatikei.” 52Hobaje nyiboubü shou la Efraim#EFRAIM: ngühtet, Shousi kushi nyenkukei hoba laukei, “Aishanga ngo khonkubü kaodaka Mühghaüei ngo hekbü bulong yeitikei.”
53Hobaje Ijep kaodaka naangmaibü po nyet kho thonkei, 54hoba Josefei laubü tegütham, po nyet mühla khangkei. Kaodak pendoua mühkei, lausikei Ijep kaodak pendoua shausiyung kikei. 55Ladang Ijep kaodak pendoua mühsinou khangkei, Ijepbüei Farao to shausiyung shanga ngekkei, kheijinei Faraoei haoen to laukei, “Josef jungto hauashi, hoba haoei ai lenlaje kho kümshi.” 56Ladang kaonyu pendoua mühkei, kheijinei Josefei bung ipbei hoba Ijepbü la yaakkukei; aishanga Ijep kaodaka müh yongko kaangkei. 57Kaodak pendou nyak nola Ijep kaodak to Josef jungto loukei; aishanga kaodak pendoua mühsinou yongko kaangan kikei.
Currently Selected:
KAOBAK 41: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
KAOBAK 41
41
Josefei Chobaeibü Mangh Tetenkubü
1Po nyi onan phaia Faraoei mangh che likei; hoba chühashi, hao Nail yungkoa loan kikei. 2Chühsi, shumang ka masu pi netbü nyet phokeilabü che longan sang lamshauko kikei. 3Khübü phaia mangsenlabü che hoba koplintham masu pi nyet Nail shumang ka longan shaangla longbü masu yoa yungkoa lokei. 4Hobaje mangsenlabü koplinbü masu shuong khoei phokeilabü masu netbü nyet kho shaukei. Kho phaia Farao pienkei. 5Hao toukei nyibou ngakkei, hoba nyiboukei mang che likei; chühsi, youlong chenei youman haangmaibü nyet longkei. 6Hobaje chühsi, kho phaia sho hoba chaangbou yeiei bungan aptibü lubü youman nyet longkei. 7Hobaje khübü youman pungbü khoei youman maibü langshangbü nyet kho suikei. Kho phaia Farao pikei, hoba chühsi, kho nangnak mangha kiteikei. 8Ngeyang hao senyüh ashembü ka Ijep kaodaka huonseibü, hoba songnge dongebü shuong pendou haoei ngashaikei, hoba Faraoei haoen la mangh kho lenkei; lausikei haoeibü mangh tetenkulabü ao akitei.
9Kheijinei thung jungbouei Farao to laukei, “Tatje ngei ngeibü shedbü damenakei. 10Shangied Faraoei haoeibü sambü to maangpokjinei ngo hoba wentek ngoubou küsi Chobaeibü lombou lakjaibou thüngshang chema thüngan phokei. 11Hobaje küsi hamei you chenei ong mangh che che likei, hoba küsi lulu thüngthüng manghtet likei. 12Kheijinei lakjaiboueibü sambü Ibribü heshou che kün yoa kikei. Küsiei hao la lulueibü mangh lensi haoei küsi la lulueibü mangh tetlabü lenkei. 13Hobaje haoei tetenkubü tegü tükde haüthükkei: ngoje shaangla penbü pentikei, hoba jenabouje phenetnyu haikei.”
14Hibü Faraoei Josef leila hautikei, hoba haoenei thüngshang laangpob ka hao tongde leibakei. Hobaje hao khu shuan hoba nei jeian phaia Farao jungto loukei. 15Faraoei Josef to laukei, “Ngei mangh che likei, hoba kho tetlabü lenla ao aki. Lausikei nyije mangh tetenkuda dogo ka shangabü lauko ngei ditkei.”
16Josefei Farao to jongaikei, “Ngei ho athüklabü, lausikei Mühghaüei Faraoei mangsühbü kho kulabü.”
17Kheijinei Faraoei Josef to laukei, “Mangha ngo Nail yungkoa loan kikei, 18hoba chühsi, netbü hoba phokeilabü masu pi maibü nyet shumang ka longan thakdu laaka sang lamshaukei, 19kho phaia dei ka mangsenlabü koplinbü masu pi nyet longkei. Ngei ladangkei Ijep kaodaka ho tegübü masu hapan achüh. 20Hobaje koplintham mangsenlabü masu nyetei shaangla longbü pi netbü nyet kho shaukei. 21Lausikei haoenei kho suiankei asuibü tegü ong hapbei; aieilausi haoen shangiedbü yam ong mangsenlabü che kikei. Kheijinei ngo pikei. 22Ngei toukei mangha youshou youlong chenei youman langshangbü maibü nyet longan hapbei. 23Kho phaia, chaang aekabü yeiei souan pungtibü youman nyet longkei, 24hoba youman pungbü khoei youman maibü nyet kho suikei. Ngüh kho ngei huonseibü dan la lenkei, lausikei aoeikei kü la kho atetenku.”
25Kheijinei Josefei Farao to laukei, “Faraoeibü mangh penyi ham kho tetlabü che ong. Mühghaüei ai kümla ki kho Farao la lena. 26Masu pi maibü nyet kho po nyet hoba youman maibü nyet kho po nyet; penyi ham manghtet che ong. 27Hobaje kho phaia longbü masu pi kopbü hoba mangsenlabü nyet, hoba chaang aekabü yeiei souan pungtibü youman nyet tetlabü kho, po nyet mühlabü. 28Ngei Farao thedanga lenbü tegütham: Mühghaüei ai kümla kho Farao to lena. 29Chühashi, po nyet sühko Ijep kaodak pendoua phenganyenga kilabü; 30kho phaia po nyet mühsinou kilabü, hoba Ijep kaodaka phenganyenga kibü kho maalabü hoba mühsinou khoei uangmuang anglabü. 31Mühsinou loubüei kaodaka shangied apsileko kibü kho adamenlabü; aieilausi müh yongko kaanglabü. 32Farao la mangh penyi thentibü kho Mühghaüei mudonga takletbü, hoba haoei tongde kümlabü.
33“Hibü tou Faraoei damanchühbü hoba songsido kibü müt che Ijep kaoa settiashi. 34Hobaje kho mütei kaonyeka ikjaibü shuong pienla Faraoei sakkuashi, hoba Ijep kaodaka langle maibü po nyet kibü chaloua shusiphon ka phejan ngaoa che Faraoei heashi. 35Haoenei khübü pomai jihsiphaia shausiyung pendou takshattiashi, hoba shaula yungla shanga Farao hauei sang pendoua thanan phoan lomtiashi. 36Hibü Ijep kaodaka loula kibü mühsinou po nyet shanga punga kho thanan phosi mühjinei kaodak aleilulabü.”
Ijep Kaodaka Josef Governor Yeitibü
37Kümthen kho Farao si hao phanga yaangbü shuong pendou la maikukei. 38Hibü Faraoei haoen to laukei, “Mühghaü soushou kibü ho tegübü müt senei ao hapla?” 39Kheijinei Faraoei Josef to laukei, “Mühghaüei ngüh ho pendou ka la ngetikei, khoei no tegübü damanchühbü hoba songbüdobü ao aki. 40#Ykj 7.10 No kü sanglea bunyu yeishi, hoba kü phanga yaangbü pendouei ka ngühkhüma lelabü. Khei choba setshanga ong ka to ngo yaangbou kilabü.” 41Hobaje Faraoei Josef to laukei, “Chühashi, Ijep kaodak pendou thüka ngei no ikjai piena.” 42Kheijinei Faraoei haoeibü ik ka nyendobü ikjikhap hangan sungan Josef la kukei. Hao la nei maiboutham neikukei, hoba ngüma honeibü yangmen yakkukei. 43Haoei haoeibü nyiboubü kailonga hao settikei; hoba haoenei hao thedanga hao la, “Lam kaangkuashi! Lam kaangkuashi!” dogo ngekkei. Kho khei haoei hao Ijep kaodak pendoua thükkabou yeitikei. 44Kheijinei Faraoei Josef to laukei, “Ngo Farao, lausikei ka ngüh ayoko Ijep kaodak pendoua aoeikei ik yingsikei you yingsikei atonenlabü.” 45Faraoei Josef la Zafenath-Panea nyenkukei, hoba hao yakla lela shanga On kabü ungshedbou Potifera nouyangnyu Asenat kukei. Hobaje Josef Ijep kaodak pendou shoongko paikei. 46Hobaje Ijep choba Faraoeibü kümtoleito atjinei Josef po khujin kiteikei. Hobaje Josef Farao jungka satan Ijep kaodak pendoua paikei. 47Naangmaibü po nyet khünei kaonyuei shusiphon apsileko longtikukei. 48Ijep kaodaka po nyeta latshaibü nyak kho pendou haoei yoshaian sangnyu weko thankei; sangnyu shuong kaijembo kibü sek ka longbü shausiyung pendou haoei khünei thankei. 49Kho tegü Josefei molodei phetsen tegü nyak thankei, khei, yongko juongsapsi haoei aweko nangkei.
50Müh aloubü thedangto Ona ungshedbou Potifera nouyangnyu Asenatei Josef la bousushou nyi bukkukei. 51Josefei jaishoubou la Manasse nyenkukei, hoba laukei, “Aishanga ngo khonkubü pendou hoba kübou chempen pendou Mühghaüei maatikei.” 52Hobaje nyiboubü shou la Efraim#EFRAIM: ngühtet, Shousi kushi nyenkukei hoba laukei, “Aishanga ngo khonkubü kaodaka Mühghaüei ngo hekbü bulong yeitikei.”
53Hobaje Ijep kaodaka naangmaibü po nyet kho thonkei, 54hoba Josefei laubü tegütham, po nyet mühla khangkei. Kaodak pendoua mühkei, lausikei Ijep kaodak pendoua shausiyung kikei. 55Ladang Ijep kaodak pendoua mühsinou khangkei, Ijepbüei Farao to shausiyung shanga ngekkei, kheijinei Faraoei haoen to laukei, “Josef jungto hauashi, hoba haoei ai lenlaje kho kümshi.” 56Ladang kaonyu pendoua mühkei, kheijinei Josefei bung ipbei hoba Ijepbü la yaakkukei; aishanga Ijep kaodaka müh yongko kaangkei. 57Kaodak pendou nyak nola Ijep kaodak to Josef jungto loukei; aishanga kaodak pendoua mühsinou yongko kaangan kikei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.