KAOBAK 43
43
Josefeibü Jaisishuong Benjamin yoan Ijep to Ngaibü
1Tou Kanana müh kho aei kaangbou kikei. 2Kheijinei haoenei Ijep kaodak ka sungbabü nyak pendou kho shaukhümsije, bouei haoen to laukei, “Toukei ngaian sen shanga nyak shisho jekba.”
3Lausikei Jihudaei hao to laukei, “Müt khoei kün to maisho lena, ‘Kanei kaneibü na kho aleibalonga kanei kü the ühüplabü.’ 4Hibü küneibü na kho kün yoa hautialonga künei ka la nyak jekbala haukho; 5lausikei nyi hao ohautilonga kün tohaukho, aieilausi müt khoei kün to lena, ‘Kaneibü na kan yoa athonlonga kanei kü the ühüplabü.’ ”
6Kheijinei Israelei laukei, “Kanei kü shanga aila amaibü sungbako kaneibü na toukei che kia dogo müt khola lenkei?”
7Kheijinei haoenei laukei, “Müt khoei kün shanga hoba sen chempen shanga kaangko pheko laukei, ‘Kaneibü bou tou sühko lang kiakaoba lo? hoba kaneibü na che kia lo?’ Künei haoei phebü ngüh ong jongaikei. ‘Kaneibü na kho hato leiba,’ dogo laulep dogo künei lai ngela?”
8Kheijinei Jihudaei haobou Israel to laukei, “Na kho kü yoa hautiashi, hoba kün tongde meimeijung haukho; khei yingsi ong kün hoba küneibü shousinasi shuong ühaiko lang kilabü. 9Hao shanga ngo aukabü yingkho; kü ik ka nyi hao hishi. Ngei ka jungto hao aleibalonga hoba ka thedanga aphokulonga kü langkei sünga ngo ka thedanga shedbü yinglabü. 10Aieilausi kün aphai tegüje touje hoei nyibou longeian kikhoulabü.”
11Kheijinei haoeneibü bou Israelei laukei, “Khei yingalonga kanei khei kümshima; müt khola jongsak shanga sen kaodaka longbü buhek maibü, moumoli shisho, naodei shisho, shikmeimaitibü, ponlemhibü, pistakhio hoba almond buhek, khübü shisho dogo ona lamlean künashi. 12Hobaje kanei lulueibü ika nam phejan nyibang künashi, aishanga kaneibü neimok sembunga jinngaikubü nam khokei künngaijan. Aingenyu denche mashikan kilabü. 13Kaneibü nakei leian müt kho jungto tongde sepeinyu ngaiashi. 14Thükenbou Mühghaüei kaneibü na lubü che yoa Benjamin thonan kan yoa longeitilabü lele müt kho thedanga kan la üeisanou nahaptima. Kü shangaje ngo shousi akibüla yeitialonga, shousi aki dogo setkho.”
15Hibü haoenei jongsakla peisilei hoba ika nam phejan nyi hoba Benjamin leian Ijep kaodak to hauan Josef thedanga lokei. 16Ladang Josefei haoen Benjamin yoa hapbei haoei haoeibü ikjaibou to laukei, “Habü mütshuong chem to leiyetashi hoba kü yoa chajih nyakshau shanga shatsinam ka haitian shausiyung lamleashi.” 17Josefei laubü tegü müt khoei haoen Josef chem to leian loukei.
18Tou Josef chem to leian lousi haoen hatkei hoba laukei, “Shaangla seneibü neimoka jinngaikubü nam shanga sen hato leian louda. Haoei sen la shedbü kuko sen lapan hoba gadu sunglangkuko sen aaola leko phola kümda.” 19Hibü haoen Josefeibü ikjaibou jungto hauan koukhüna joyokei. 20Haoenei laukei, “O ngeibü bunyubou, shaangla kün hato nyak jekla che louyenkei. 21Lausikei nangnak yepshanga sühsi künei neimok sengkei hoba chühsi kün mütpem wekoeibü neimoka nam penko hapbei; kho künei künbangaiakei. 22Hobaje künei toukei khoto jinyoan jungan louyenkei, nam kho küneibü neimoka aoei jinkukeije künei angekei.”
23Kheijinei haoei laukei, “Kan maang temau hoba tehüt. Kaneibü Mühghaü hoba kaneibü boueibü Mühghaüei kaneibü neimoka nam phokukei; ngeije kaneibü nam hileda.” Kheijinei haoei Simeon haoen jungto leibakei.
24Ikjaibou khoei mütshuong kho Josef chem to leian louan you sakla dei kukei, hoba haoenei haoeneibü you makkei, hoba haoeneibü gadu la youho nyaitikei. 25Chajihboua Josef chemto mo alongeitoua haoenei jongsak kho lamlekei; aieilausi haoen khünei shaula yunglabü dogo ditkei. 26Kho phaia Josef chem to longeisi haoeneibü ika kibü jongsak kho chemto jungan angan hao thedanga phokuan haoenei hao thedanga kaoa khüpetkei. 27Haoei haoen shangabü pheko laukei, “Kaneibü jailebü bou che shangabü kanei kü la lenbü kho lai ki? Hao toukei lang kiakaoba lo?”
28Haoenei jongaiko laukei, “Küneibü bou kaibü sambü kho maisho kia.” Hobaje haoenei soumo kuko khüpetkei.
29Kheijinei haoei tangko chühan, haonyueibü shou, na Benjamin hapan laukei, “Kanei kaneibü napeibou shangabü kü la lenbü kho ho sai?” Hobaje haoei laukei, “Mühghaüei ka to onoushima, küshou.” 30Josefei na shangabü sanouko damsije haapshang lambo panteiko haoeibü shemjang to hauan khünei haapbei. 31Kho phaia hao the nyetan tang to longan haoeibü maangpon küpjemeian laukei, “Shausiyung shomashi.” 32Kheijinei haoenei hao la, haoeibü jaisishuong la, hoba hao yoa shaulabü Ijepbü la lulu lulu khümsoka lamlekukei; aieilausi Ibribü yoa Ijepbü liko shaulabü kho janbü aying. Aieilausi Ijepbü shanga kho mangsenlabü kikei. 33Kho phaia hao thedanga, bukbü phetphan tegü jaishou ka thenko settikei, hibü haoen chühyoan maangpangkei. 34Ladang Josefeibü khümsok ka haoen la shausiyung shombukei, kheijinei Benjamineibü phejanje lubüeibü to phejan ngaoei juongbou kikei. Kho tegü haoenei shaukhüm yungkhüman hao yoa olinyokei.
Currently Selected:
KAOBAK 43: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
KAOBAK 43
43
Josefeibü Jaisishuong Benjamin yoan Ijep to Ngaibü
1Tou Kanana müh kho aei kaangbou kikei. 2Kheijinei haoenei Ijep kaodak ka sungbabü nyak pendou kho shaukhümsije, bouei haoen to laukei, “Toukei ngaian sen shanga nyak shisho jekba.”
3Lausikei Jihudaei hao to laukei, “Müt khoei kün to maisho lena, ‘Kanei kaneibü na kho aleibalonga kanei kü the ühüplabü.’ 4Hibü küneibü na kho kün yoa hautialonga künei ka la nyak jekbala haukho; 5lausikei nyi hao ohautilonga kün tohaukho, aieilausi müt khoei kün to lena, ‘Kaneibü na kan yoa athonlonga kanei kü the ühüplabü.’ ”
6Kheijinei Israelei laukei, “Kanei kü shanga aila amaibü sungbako kaneibü na toukei che kia dogo müt khola lenkei?”
7Kheijinei haoenei laukei, “Müt khoei kün shanga hoba sen chempen shanga kaangko pheko laukei, ‘Kaneibü bou tou sühko lang kiakaoba lo? hoba kaneibü na che kia lo?’ Künei haoei phebü ngüh ong jongaikei. ‘Kaneibü na kho hato leiba,’ dogo laulep dogo künei lai ngela?”
8Kheijinei Jihudaei haobou Israel to laukei, “Na kho kü yoa hautiashi, hoba kün tongde meimeijung haukho; khei yingsi ong kün hoba küneibü shousinasi shuong ühaiko lang kilabü. 9Hao shanga ngo aukabü yingkho; kü ik ka nyi hao hishi. Ngei ka jungto hao aleibalonga hoba ka thedanga aphokulonga kü langkei sünga ngo ka thedanga shedbü yinglabü. 10Aieilausi kün aphai tegüje touje hoei nyibou longeian kikhoulabü.”
11Kheijinei haoeneibü bou Israelei laukei, “Khei yingalonga kanei khei kümshima; müt khola jongsak shanga sen kaodaka longbü buhek maibü, moumoli shisho, naodei shisho, shikmeimaitibü, ponlemhibü, pistakhio hoba almond buhek, khübü shisho dogo ona lamlean künashi. 12Hobaje kanei lulueibü ika nam phejan nyibang künashi, aishanga kaneibü neimok sembunga jinngaikubü nam khokei künngaijan. Aingenyu denche mashikan kilabü. 13Kaneibü nakei leian müt kho jungto tongde sepeinyu ngaiashi. 14Thükenbou Mühghaüei kaneibü na lubü che yoa Benjamin thonan kan yoa longeitilabü lele müt kho thedanga kan la üeisanou nahaptima. Kü shangaje ngo shousi akibüla yeitialonga, shousi aki dogo setkho.”
15Hibü haoenei jongsakla peisilei hoba ika nam phejan nyi hoba Benjamin leian Ijep kaodak to hauan Josef thedanga lokei. 16Ladang Josefei haoen Benjamin yoa hapbei haoei haoeibü ikjaibou to laukei, “Habü mütshuong chem to leiyetashi hoba kü yoa chajih nyakshau shanga shatsinam ka haitian shausiyung lamleashi.” 17Josefei laubü tegü müt khoei haoen Josef chem to leian loukei.
18Tou Josef chem to leian lousi haoen hatkei hoba laukei, “Shaangla seneibü neimoka jinngaikubü nam shanga sen hato leian louda. Haoei sen la shedbü kuko sen lapan hoba gadu sunglangkuko sen aaola leko phola kümda.” 19Hibü haoen Josefeibü ikjaibou jungto hauan koukhüna joyokei. 20Haoenei laukei, “O ngeibü bunyubou, shaangla kün hato nyak jekla che louyenkei. 21Lausikei nangnak yepshanga sühsi künei neimok sengkei hoba chühsi kün mütpem wekoeibü neimoka nam penko hapbei; kho künei künbangaiakei. 22Hobaje künei toukei khoto jinyoan jungan louyenkei, nam kho küneibü neimoka aoei jinkukeije künei angekei.”
23Kheijinei haoei laukei, “Kan maang temau hoba tehüt. Kaneibü Mühghaü hoba kaneibü boueibü Mühghaüei kaneibü neimoka nam phokukei; ngeije kaneibü nam hileda.” Kheijinei haoei Simeon haoen jungto leibakei.
24Ikjaibou khoei mütshuong kho Josef chem to leian louan you sakla dei kukei, hoba haoenei haoeneibü you makkei, hoba haoeneibü gadu la youho nyaitikei. 25Chajihboua Josef chemto mo alongeitoua haoenei jongsak kho lamlekei; aieilausi haoen khünei shaula yunglabü dogo ditkei. 26Kho phaia Josef chem to longeisi haoeneibü ika kibü jongsak kho chemto jungan angan hao thedanga phokuan haoenei hao thedanga kaoa khüpetkei. 27Haoei haoen shangabü pheko laukei, “Kaneibü jailebü bou che shangabü kanei kü la lenbü kho lai ki? Hao toukei lang kiakaoba lo?”
28Haoenei jongaiko laukei, “Küneibü bou kaibü sambü kho maisho kia.” Hobaje haoenei soumo kuko khüpetkei.
29Kheijinei haoei tangko chühan, haonyueibü shou, na Benjamin hapan laukei, “Kanei kaneibü napeibou shangabü kü la lenbü kho ho sai?” Hobaje haoei laukei, “Mühghaüei ka to onoushima, küshou.” 30Josefei na shangabü sanouko damsije haapshang lambo panteiko haoeibü shemjang to hauan khünei haapbei. 31Kho phaia hao the nyetan tang to longan haoeibü maangpon küpjemeian laukei, “Shausiyung shomashi.” 32Kheijinei haoenei hao la, haoeibü jaisishuong la, hoba hao yoa shaulabü Ijepbü la lulu lulu khümsoka lamlekukei; aieilausi Ibribü yoa Ijepbü liko shaulabü kho janbü aying. Aieilausi Ijepbü shanga kho mangsenlabü kikei. 33Kho phaia hao thedanga, bukbü phetphan tegü jaishou ka thenko settikei, hibü haoen chühyoan maangpangkei. 34Ladang Josefeibü khümsok ka haoen la shausiyung shombukei, kheijinei Benjamineibü phejanje lubüeibü to phejan ngaoei juongbou kikei. Kho tegü haoenei shaukhüm yungkhüman hao yoa olinyokei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.