KAOBAK 44
44
Thung Maubü
1Kho phaia Josefei haoeibü chem bunyubou to lenkei, “Mütshuong la haoenei sühthüng haoeneibü neimoka shaubü jinkuashi, hoba haoen müt wekola haoeneibü nam haoeneibü neimok sembunga jinngaikuashi. 2Hobaje napeiboueibü neimok sembunga ngeibü chandinam thung kho nam yoa jinkushi.” Hobaje haoei Josefei lenbü tegü kümbei. 3Ngeyang enyu haoen haoeneibü gadu yoa hangan hautikei. 4Haoen sangnyu ka lalok ohauko Josefei haoeibü chem ikjaibou to laukei, “Meimeiashi, mütshuong kho phai shijung hauashi, hoba haoen laphetjinei laushi, ‘Kanei maibü jeiko aila amaibü kungaikei? 5Thung kho ngeibü bunyubouei yungbü thung hoba kho phaang pakbü tetsida lebü thung aying lo? Kanei ho kaang shedtia!’ ”
6Haoei haoen laphetan phaia ho ngüh nopmaiko laukei. 7Lausikei haoenei hao to laukei, “Küneibü bunyubouei aila hainyutham laudama lo? Kaibü sambü shuongei kheinyuje tekümbao? 8Chühashi, küneibü neimok sembunga kibü nam künei hapbü khokei künei Kanan kaodak ka ka jungto sungngaibakei. Khülonga kaibü bunyubou chem ka hon ayingsi chandinam künei ainei lela kokla? 9Kaibü sambü shuong yoa aoeibü ona kilaje hao haitishima, hoba künkei seneibü bunyuboueibü aaola lekhoma.”
10Hobaje haoei laukei, “Kanei laubü tegü yingshi: aoeibü ika kho haplaje hao ngeibü aaola lelabü, hoba kan joubü shuong tanglabü.” 11Kheijinei haoenei panteiko lulueibü neimok sembunga khühbü sengkei. 12Kheijinei haoei jaishoubou ka napeibou sühko aakkei. Hobaje thung kho Benjamineibü neimoka hapbei. 13Kheijinei haoenei haoeneibü nei jitnyinkei. Hobaje lulueibü gadu la on künngaitian sangnyu to ngaikei.
14Hobaje Jihuda si haoeibü nasi shuong Josef chem to haukei, aieilausi kheijinei hao chema kiteikei; hoba haoen hao thedanga shingennyu khüpetkei. 15Josefei haoen to laukei, “Kanei ho ai kümsilei kümbei? Ngo tegübü mütei maimaitham phaang pakla thükkei dogo kanei angekei lo?” 16Kheijinei Jihudaei laukei, “Küneibü bunyubou thedanga künei ai lenla? Ayinglonga künei kün lolo ai matmaila? Kaibü sambü shuongeibü Mühghaüei tang khittia. Chühashi, kün hoba aoeibü ika thung hapbei, hao yoa künkei ngeibü bunyuboueibü aaola lekho.”
17Lausikei Josefei laukei, “Kho tegü ngei ladangkei ajungeilabü! Touje aoeibü ika thung hapbei hao kho ong ngeibü sambula lelabü; lausikei kanje kaneibü bou jungto maisho ngaiashi.”
Jihudaei Benjamin shanga Lokubü
18Kheijinei Jihudaei hao nyangko hauan laukei, “O ngeibü bunyubou, kaibü nouei ditko kaibü sambouei ngüh che laula ngei sudajada. No Farao him yingasikei, ka sambou to temangpokma. 19Ngeibü bunyubouei ka sambü shuong to hai phekei, ‘Kaneibü bou ayingsi lubü na kilao?’ 20Hobaje künei jongaikei, ‘Künei jailebü bou kia, hoba hao jai lean bukbü na che kia. Haoeibü jaije haia hoba nyuei bukbü yoa hao che ong jouan kia, khoei bouei hao to sanouda.’ 21Hobaje nyi kaibü sambü dan to laukei, ‘Kanei hao kü jungto leian kayen, ngei hao to chühkho.’ 22Hobaje künei ngeibü bunyubou to jongaikei, ‘Nashoubou kho bou ka abangenlabü, aieilausi haoei bou ka bangalonga bou kho hailabü.’ 23Lausikei nyi kaibü sambü to laukei, ‘Kaneibü na napei kho kan yoa leian aloulonga kanei kü theje ladangkei ühüplabü.’
24“Kho phaia kün kaibü sambü, küneibü bou jungto hauan kün to küneibü bunyubouei joyobü khümbo abou la lenkei. 25Kheijinei küneibü bouei, toukei hauan shaubu shisho jekba dogo laukei. 26Lausikei künei laukei, ‘Küneibü napeibou kün yoa kisi ong kün haulabü. Küneibü napeibou kün yoa akishongko künei kho müteibü thenyek ühüpenlabü.’ 27Kheijinei kaibü sambü küneibü bouei laukei, ‘Kü yakei küla shou müt nyi bukkukei kho kanei ngekei; 28ngei laukei, touje cheje kü jungka satsije, maimaitham netla yeia, hoba ngei tou sühko hao ühüpda. 29Tou kanei haokei kü jungka leian satan denche thushed kühshuoka longa kanei ngo khuthu phaman maangmaua heekhün to attilabü.’
30“Khei yingbü khoei, kaibü sambou küboueibü langkei napeieibü langkei to phenyoan kibüei ngo kübou jungto ladang ngailaje hoba na kho kün yoa athonlaje kheijinei 31kübouei na kho ühüplonga hao hailabü. Kaibü sambü shuongei küneibü khuthu phambü bou maangmaua heekhün to attilabü. 32Aieilausi ngo kaibü sambouei na shanga aukabü leko ho hai kübou to laukei, ‘Hao ka jungto leian alongei longa ngo ponpen kübou thedanga shed yinglabü!’ 33Khei yingbü khoei ngei sukojako lauda, khei na jeiko ngo bunyuboueibü aaola leko kikho; hoba na kho jaisishuong yoa ngaitiashi. 34Aishanga na kü yoa athonlonga kübou jungto ngo lai haula? aieilausi abou khonsak chühko lai ong akien.”
Currently Selected:
KAOBAK 44: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
KAOBAK 44
44
Thung Maubü
1Kho phaia Josefei haoeibü chem bunyubou to lenkei, “Mütshuong la haoenei sühthüng haoeneibü neimoka shaubü jinkuashi, hoba haoen müt wekola haoeneibü nam haoeneibü neimok sembunga jinngaikuashi. 2Hobaje napeiboueibü neimok sembunga ngeibü chandinam thung kho nam yoa jinkushi.” Hobaje haoei Josefei lenbü tegü kümbei. 3Ngeyang enyu haoen haoeneibü gadu yoa hangan hautikei. 4Haoen sangnyu ka lalok ohauko Josefei haoeibü chem ikjaibou to laukei, “Meimeiashi, mütshuong kho phai shijung hauashi, hoba haoen laphetjinei laushi, ‘Kanei maibü jeiko aila amaibü kungaikei? 5Thung kho ngeibü bunyubouei yungbü thung hoba kho phaang pakbü tetsida lebü thung aying lo? Kanei ho kaang shedtia!’ ”
6Haoei haoen laphetan phaia ho ngüh nopmaiko laukei. 7Lausikei haoenei hao to laukei, “Küneibü bunyubouei aila hainyutham laudama lo? Kaibü sambü shuongei kheinyuje tekümbao? 8Chühashi, küneibü neimok sembunga kibü nam künei hapbü khokei künei Kanan kaodak ka ka jungto sungngaibakei. Khülonga kaibü bunyubou chem ka hon ayingsi chandinam künei ainei lela kokla? 9Kaibü sambü shuong yoa aoeibü ona kilaje hao haitishima, hoba künkei seneibü bunyuboueibü aaola lekhoma.”
10Hobaje haoei laukei, “Kanei laubü tegü yingshi: aoeibü ika kho haplaje hao ngeibü aaola lelabü, hoba kan joubü shuong tanglabü.” 11Kheijinei haoenei panteiko lulueibü neimok sembunga khühbü sengkei. 12Kheijinei haoei jaishoubou ka napeibou sühko aakkei. Hobaje thung kho Benjamineibü neimoka hapbei. 13Kheijinei haoenei haoeneibü nei jitnyinkei. Hobaje lulueibü gadu la on künngaitian sangnyu to ngaikei.
14Hobaje Jihuda si haoeibü nasi shuong Josef chem to haukei, aieilausi kheijinei hao chema kiteikei; hoba haoen hao thedanga shingennyu khüpetkei. 15Josefei haoen to laukei, “Kanei ho ai kümsilei kümbei? Ngo tegübü mütei maimaitham phaang pakla thükkei dogo kanei angekei lo?” 16Kheijinei Jihudaei laukei, “Küneibü bunyubou thedanga künei ai lenla? Ayinglonga künei kün lolo ai matmaila? Kaibü sambü shuongeibü Mühghaüei tang khittia. Chühashi, kün hoba aoeibü ika thung hapbei, hao yoa künkei ngeibü bunyuboueibü aaola lekho.”
17Lausikei Josefei laukei, “Kho tegü ngei ladangkei ajungeilabü! Touje aoeibü ika thung hapbei hao kho ong ngeibü sambula lelabü; lausikei kanje kaneibü bou jungto maisho ngaiashi.”
Jihudaei Benjamin shanga Lokubü
18Kheijinei Jihudaei hao nyangko hauan laukei, “O ngeibü bunyubou, kaibü nouei ditko kaibü sambouei ngüh che laula ngei sudajada. No Farao him yingasikei, ka sambou to temangpokma. 19Ngeibü bunyubouei ka sambü shuong to hai phekei, ‘Kaneibü bou ayingsi lubü na kilao?’ 20Hobaje künei jongaikei, ‘Künei jailebü bou kia, hoba hao jai lean bukbü na che kia. Haoeibü jaije haia hoba nyuei bukbü yoa hao che ong jouan kia, khoei bouei hao to sanouda.’ 21Hobaje nyi kaibü sambü dan to laukei, ‘Kanei hao kü jungto leian kayen, ngei hao to chühkho.’ 22Hobaje künei ngeibü bunyubou to jongaikei, ‘Nashoubou kho bou ka abangenlabü, aieilausi haoei bou ka bangalonga bou kho hailabü.’ 23Lausikei nyi kaibü sambü to laukei, ‘Kaneibü na napei kho kan yoa leian aloulonga kanei kü theje ladangkei ühüplabü.’
24“Kho phaia kün kaibü sambü, küneibü bou jungto hauan kün to küneibü bunyubouei joyobü khümbo abou la lenkei. 25Kheijinei küneibü bouei, toukei hauan shaubu shisho jekba dogo laukei. 26Lausikei künei laukei, ‘Küneibü napeibou kün yoa kisi ong kün haulabü. Küneibü napeibou kün yoa akishongko künei kho müteibü thenyek ühüpenlabü.’ 27Kheijinei kaibü sambü küneibü bouei laukei, ‘Kü yakei küla shou müt nyi bukkukei kho kanei ngekei; 28ngei laukei, touje cheje kü jungka satsije, maimaitham netla yeia, hoba ngei tou sühko hao ühüpda. 29Tou kanei haokei kü jungka leian satan denche thushed kühshuoka longa kanei ngo khuthu phaman maangmaua heekhün to attilabü.’
30“Khei yingbü khoei, kaibü sambou küboueibü langkei napeieibü langkei to phenyoan kibüei ngo kübou jungto ladang ngailaje hoba na kho kün yoa athonlaje kheijinei 31kübouei na kho ühüplonga hao hailabü. Kaibü sambü shuongei küneibü khuthu phambü bou maangmaua heekhün to attilabü. 32Aieilausi ngo kaibü sambouei na shanga aukabü leko ho hai kübou to laukei, ‘Hao ka jungto leian alongei longa ngo ponpen kübou thedanga shed yinglabü!’ 33Khei yingbü khoei ngei sukojako lauda, khei na jeiko ngo bunyuboueibü aaola leko kikho; hoba na kho jaisishuong yoa ngaitiashi. 34Aishanga na kü yoa athonlonga kübou jungto ngo lai haula? aieilausi abou khonsak chühko lai ong akien.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.