LUK 1
1
Thengüh
1Sanoubü Theofila: Ngühlangmaibüeibü dambü shuong hoba shaangbü nyekei hapbü aukabü shuong kün la kubü tegü, 2haüthükbü kho dola shanga kün yoa müt juongei haoenei sühlangbü maibouthamei haujemyoa. 3Kho tegü büngbü khangbü ka thama ngei habü pendou ho shangashatan ki yingsije, ngeikei ho ka shanga thenkei thenko dokula maikei dogo damenkei, 4khei nyi ditletbü ngühlang habü ho ngühmaang hoba tükdebü dogo nyi chongchingla shanga.
Johan Baptibou Bukla shangabü Lenbü
5Jihuda Choba, Herod chaloua Abija mütli kabü ungshedbou müt che Zekharia dogo nyenan kikei. Haoyak kho Aron phang ka; saoeibü nyen Elizabet kikei. 6Haosi ham Mühghaü thedanga saopobü ngühkhüm hoba Bunyubouei lenbü pendou amaashikko jungeibü mütshuong kiteikei. 7Lausikei haosi shousi akitei; aieilausi Elizabeth kho angkongbü, hoba ham jaile noulebü ong yingan kiteikei.
8-9 #
2 Ld 31.2 Ungshedbü hangeilamei ho Zekhariaeibü then yingan kiteikei, hoba hao Mühghaü junga ungshedbü kümsilei kümbo kikei; kheijinei Bunyuboueibü saopobü lemshona jenjuok-ponlem lemla shanga phaang lebü kho hao la shatkei. 10#Lev 16.17-19 Kho jenjuok-ponlem lembü jiha mütshuong pendou khonga welauko kiteikei. 11Kheijinei hao la Bunyuboueibü khuthük hangangbü che jenjuok-ponlem lemshanga mae aenei loan longan lenkei. 12Zekhariaei ladang kho hapbei hao mokkei hoba hatbüei shenkei. 13Lausikei khuthük hangangbüei hao to laukei, “Zekharia, tehüt; kaibü welau kho dida. Kayak Elizabetei kala bousu shou che bukkulabü, hoba nyi hao la Johan nyenkulabü; 14nyi olinbü hoba maanghaibü haplabü, hoba hao bukbüei müt juong olinyolabü.
15 #
Jer 1.5 “Aishanga hao Bunyubou thedanga yaangbü che yinglabü, haoei ih ayingsi jaaklabü ai ayunglabü, hao kho bukjineithama Soushou Saopobüei shenan kilabü, 16#Mal 4.5-6 hoba haoei Israelbü juong haoeneibü Bunyubou Mühghaü jungto sepeitilabü. 17#Mal 4.6 Bousi shuongeibü maangpon shousi shuongeibü la yeiko hoba ngüha alebü shuong saopobü to, dogo sepeitila shanga, hoba Bunyubou shanga khümbomeiko lamlean kiteilabü lele mütli che lamlela shanga hao Elijaeibü soushou hoba sei bauan Mühghaü thedanga hauteilabü.”
18Zekhariaei hangangbü to laukei, “Ngei ho lai küman ngela? Ngo baushi yingkei hoba küyakkei po juong noulebü ki.” 19Hangangbüei hao to jongaikei, “Ngo Mühghaü junga lobou Gabriel ki. Ngo ka to joyola hoba ka la ngühlang maibü kula hautikei. 20#Eze 3.26 Kü to ditashi! Kho chalou asühshongko no ngüh angla athükko aplabü, aishanga tetenbü chaloua loushadlabü shanga ngei lenbü khübü ngüh to nyi maialem.”
21Mütshuong pendouei Zekharia chüheiko kikei hoba hao lemshang ka lounyu alongbü khoei haoen maangpangko kikei. 22Ladang hao longkei hao ngühangla athükko kikei hoba haoenei haoei lemshanga mangsang cheje hapan kilabü dogo damenkei. Haoei haoen la shuokenlabü lele ong lenkei hoba haoje ngouyoyo khüpbei. 23Hobaje ladang haoeibü khangenbü then kho wankei hao chemto ngaikei.
24Kho phaia haoyak Elizabetei shia na künkei, hoba saoei lit ngao sühko sao lolo hai laungaiko haukei, 25#Kao 30.22-23 “Ho Bunyubouei kü shanga kümbubü kho ki! Touje haoei kü to maangshikko chühngaia hoba mütshuong yoka ngeibü himou langkua.”
Jisu Buklabü shangabü Lenbü
26Lit lakboua Mühghaü ka Gabriel hangangbü kho Galil kabü Nazaret dogo nyenbü sangnyu che to, 27Dawid mütli kabü Josef nyenbou bousu cheei kanan kibü saosüngbü medei che jungto hautikei. Medeieibü nyen kho Mari. 28Hao atkei hoba sao to laukei, “Salem, maangshiknyutham! Bunyubou ka yoa kia.” 29Kho ngühei sao maangphanga aeibou mokkei, hoba kho salem ngüh kho ai tetlabü yingla dogo dameiko kikei. 30Kheijinei hangangbüei sao to laukei, “Tehüt, Mari, no Mühghaü junga maangshiknyu. 31#Isa 7.14 Nyi na che künlabü hoba bousu shou che buklabü hoba nyi hao la Jisu nyenkulabü. 32Hao yaangenlabü, hao to Thükkaboueibü Shou dogo laulabü, hoba Bunyubou Mühghaüei hao la haobou Dawideibü choba setshang kulabü. 33Haoei Jakob chemdanga ponpen shanga songdaklabü; hoba haoeibü songdak khünei thon akilabü.” 34Lausikei Mariei hao to laukei, “Ho lalokche kian phaia, aieilausi ngo mo chem akankei?” 35Hangangbüei sao to jongaikei, “Soushou Saopobü ka thükto lotlabü hoba Thükkabou khoei no khuileplabü. Kho danko bukla kibou na khüto Mühghaü Shou dogo nyenlabü, 36tokei ka chempen Elizabeteikei sao nou lean phaia, angkongnyu dogo laubou sao khoeikei tou hoei lit lakbou bousu shou che shia künakei; 37aishanga Mühghaü shanga athükaminlabü ai aki.” 38Mariei laukei, “Ngo Bunyuboueibü samnyu; kü to nyi laubü tegü yingshi.” Kheijinei hangangbüei sao apyoan satkei.
Mari Elizabet to Joyola Haubü
39Kheijinei Mari aeibou panteiko shongh kaodak kabü sangnyu Judea to haukei. 40Sao Zekharia chem to haukei hoba Elizabet to salem ngüh joyokei. 41Ladang Elizabetei Marieibü salem ngüh ditkei na kho olinbü ka saoeibü shia saiyeikei, hoba sao kho Soushou Saopobüei shenkei.
42Saoei ngüh kaangbüei ngekko laukei, “Yaksa pendou yoa maangshiknyu yingshi, hoba kaibü shi kabü hek kho haülabou yingshi. 43Ngeibü Bunyuboueibü nyu kü jungto loulabü lele lai kü la haüthükkei? 44Aishanga kaibü salem ngüh ngeibü noukhün to lotjinei naei olinbü ka ngeibü shia saiyeida. 45Bunyuboueibü ngüh kho sao to yinglabü dogo aoei mailembei, sao kho olinbou.”
Marieibü Nyensang Chia
46 #
NC 34.1-3 Hobaje Mariei laukei,
“Ngeibü soushouei Bunyubou yaangenbü tang khittida,
47hoba ngeibü soushou ngeibü Mühghaü,
ngo khümenbou to olinda;
48aishanga haoei samnyu to phangkabü thua kijinei maangshikko chüha.
Tou ka jaüan meten pendouei kü tohaünyu dogo laulabü,
49aishanga Thükenbouei kü to kümsilei yaang küma.Haoeibü nyen kho Saopobü,
50 #
NC 103.17 hoba haoei hao to soumo hatbü shuong to meten meten sühko onou lenda.
51Haoei haoeibü phakei hau kiko kümena;
haoei lulueibü maangpona liliko dambü shuong lintia.
52 #
1 Sam 2.6-7 Haoei songdakbü shuong lulueibü choba setshang ka sungyana,
hoba haoei phangkabü shuong thük to tonena.
53 #
NC 107.9 Haoei mühbünoubü shuong maibüei phottia,
hoba haoei keibü yaangbü shuong ikkong ngaitia.
54-55Haoei seneibü bousi shuong la thekubü tegü
hao haoeibü sambü Israel to thuila loua;
haoei Abraham jungto hoba haoeibü thensilen to
thon akibü onou shanga dambuko kiteia.”
56Mari Elizabet yoa lit sem thüng thüngkei hoba chem to ngaikei.
Johan Baptibou Bukbü
57Elizabeteibü jih sühkei hoba saoei bousu shou che bukkei. 58Saoeibü lepbü shuong hoba chempen shuongei Bunyubouei sao to onou yaang lenbü ditkei hoba haoenei sao to liko olinyokei.
59 #
Kao 17.12 Hobaje sembounyet haoenei hao la kipbumang sühkei hoba haoenei hao la haoboueibü nyenphaito Zekharia dogo nyenkumang sühkei. 60Lausikei haonyuei laukei, “Aying, hao Johan nyenlabü.” 61Haoenei sao to laukei, “Kan chempen aokei khei nyenbüje aki.” 62Haoenei haobou to haoei hao la ai ngenkumang sühdaje shuokenlabü lele phekei. 63Haoei dojin hikei hoba haoeibü nyen “Johan” dogo dokei. Kheijinei pendou maang- pangkei. 64Mangde ong haoeibü ngühang longeikei hoba haoei atoknokko Mühghaü nyen sangko joyokei. 65Lepbü shuong pendou hatko yeikei, hoba Judea shongh kaodak pendoua mütshuongei habü haüthükbü shangabü lau- yokei. 66#NC 80.17 Kho ditbü shuong mütpem wekoei lulueibü maang- phanga hai lauko thankei, “Ho nashou hoei ailaibü müt la yeilama lo?” Aishanga maimaitham Bunyuboueibü ik hao thüka kiteikei.
Zekhariaei Tetenbü
67Haobou Zekharia Soushou Saopobüei shenkei hoba hai tetenko laula khangkei,
68 #
NC 119.9 “Israel Mühghaü Bunyubou sangashi,
aishanga haoei hao mütli pean chühkei hoba haoen püetkei.
69 #
NC 132.17 Haoei sen shanga haoeibü sambü Dawid
chemdang ka Khümenbou che longtia.
70(Kho haoei shangiednyu
haoeibü saopobü thuseibü
shuong danko thekuakei.)
71 #
NC 106.10 Haoei sen dangbou ka hoba sen to mangsenbü
shuong ikmang ka khümenlabü.
72Hobaje ho seneibü bousi shuong to lenbü onou haüthüktila hoba haoeibü
saopobü thesilan damentila shanga kümbei.
73Hobaje seneibü bou Abraham to theyolanyobü,
74-75laobou seneibü dangbou ikmang ka khümenla hoba seneibü langkei sünga
saopobü si tangshaibüa ai ühütko hao khangenla
thüktila shanga haoei kho kümbei.
76No, nashoukei, Thükkaboueibü thuseibü dogo nyenlabü,
aishanga no haoeibü lam lamlela shanga
Bunyubou thedangto hauteilabü.
77Seneibü Mühghaüei haoeibü maanglemenbü
hoba sanoubüa haoeneibü shabü lai apbuda
kho lenko hao mütli la khümenbü phinthonkulabü.
78-79 #
Isa 9.1-2 Kho tegü thük ka changeei nakthühbü
hoba haibü yeme phanga setan kibü shuong la
kho ngesak longbü ngetila shanga
hoba sangmai to seneibü youyaü leila shanga
sen pheian chühlabü.”
80Na kho chingkei hoba soushoua hau kiko yeikei. Hobaje Israel la khümbo kuko longan lenbü chalou asühshongko hao kho yamlamanga ong kiteikei.
Currently Selected:
LUK 1: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
LUK 1
1
Thengüh
1Sanoubü Theofila: Ngühlangmaibüeibü dambü shuong hoba shaangbü nyekei hapbü aukabü shuong kün la kubü tegü, 2haüthükbü kho dola shanga kün yoa müt juongei haoenei sühlangbü maibouthamei haujemyoa. 3Kho tegü büngbü khangbü ka thama ngei habü pendou ho shangashatan ki yingsije, ngeikei ho ka shanga thenkei thenko dokula maikei dogo damenkei, 4khei nyi ditletbü ngühlang habü ho ngühmaang hoba tükdebü dogo nyi chongchingla shanga.
Johan Baptibou Bukla shangabü Lenbü
5Jihuda Choba, Herod chaloua Abija mütli kabü ungshedbou müt che Zekharia dogo nyenan kikei. Haoyak kho Aron phang ka; saoeibü nyen Elizabet kikei. 6Haosi ham Mühghaü thedanga saopobü ngühkhüm hoba Bunyubouei lenbü pendou amaashikko jungeibü mütshuong kiteikei. 7Lausikei haosi shousi akitei; aieilausi Elizabeth kho angkongbü, hoba ham jaile noulebü ong yingan kiteikei.
8-9 #
2 Ld 31.2 Ungshedbü hangeilamei ho Zekhariaeibü then yingan kiteikei, hoba hao Mühghaü junga ungshedbü kümsilei kümbo kikei; kheijinei Bunyuboueibü saopobü lemshona jenjuok-ponlem lemla shanga phaang lebü kho hao la shatkei. 10#Lev 16.17-19 Kho jenjuok-ponlem lembü jiha mütshuong pendou khonga welauko kiteikei. 11Kheijinei hao la Bunyuboueibü khuthük hangangbü che jenjuok-ponlem lemshanga mae aenei loan longan lenkei. 12Zekhariaei ladang kho hapbei hao mokkei hoba hatbüei shenkei. 13Lausikei khuthük hangangbüei hao to laukei, “Zekharia, tehüt; kaibü welau kho dida. Kayak Elizabetei kala bousu shou che bukkulabü, hoba nyi hao la Johan nyenkulabü; 14nyi olinbü hoba maanghaibü haplabü, hoba hao bukbüei müt juong olinyolabü.
15 #
Jer 1.5 “Aishanga hao Bunyubou thedanga yaangbü che yinglabü, haoei ih ayingsi jaaklabü ai ayunglabü, hao kho bukjineithama Soushou Saopobüei shenan kilabü, 16#Mal 4.5-6 hoba haoei Israelbü juong haoeneibü Bunyubou Mühghaü jungto sepeitilabü. 17#Mal 4.6 Bousi shuongeibü maangpon shousi shuongeibü la yeiko hoba ngüha alebü shuong saopobü to, dogo sepeitila shanga, hoba Bunyubou shanga khümbomeiko lamlean kiteilabü lele mütli che lamlela shanga hao Elijaeibü soushou hoba sei bauan Mühghaü thedanga hauteilabü.”
18Zekhariaei hangangbü to laukei, “Ngei ho lai küman ngela? Ngo baushi yingkei hoba küyakkei po juong noulebü ki.” 19Hangangbüei hao to jongaikei, “Ngo Mühghaü junga lobou Gabriel ki. Ngo ka to joyola hoba ka la ngühlang maibü kula hautikei. 20#Eze 3.26 Kü to ditashi! Kho chalou asühshongko no ngüh angla athükko aplabü, aishanga tetenbü chaloua loushadlabü shanga ngei lenbü khübü ngüh to nyi maialem.”
21Mütshuong pendouei Zekharia chüheiko kikei hoba hao lemshang ka lounyu alongbü khoei haoen maangpangko kikei. 22Ladang hao longkei hao ngühangla athükko kikei hoba haoenei haoei lemshanga mangsang cheje hapan kilabü dogo damenkei. Haoei haoen la shuokenlabü lele ong lenkei hoba haoje ngouyoyo khüpbei. 23Hobaje ladang haoeibü khangenbü then kho wankei hao chemto ngaikei.
24Kho phaia haoyak Elizabetei shia na künkei, hoba saoei lit ngao sühko sao lolo hai laungaiko haukei, 25#Kao 30.22-23 “Ho Bunyubouei kü shanga kümbubü kho ki! Touje haoei kü to maangshikko chühngaia hoba mütshuong yoka ngeibü himou langkua.”
Jisu Buklabü shangabü Lenbü
26Lit lakboua Mühghaü ka Gabriel hangangbü kho Galil kabü Nazaret dogo nyenbü sangnyu che to, 27Dawid mütli kabü Josef nyenbou bousu cheei kanan kibü saosüngbü medei che jungto hautikei. Medeieibü nyen kho Mari. 28Hao atkei hoba sao to laukei, “Salem, maangshiknyutham! Bunyubou ka yoa kia.” 29Kho ngühei sao maangphanga aeibou mokkei, hoba kho salem ngüh kho ai tetlabü yingla dogo dameiko kikei. 30Kheijinei hangangbüei sao to laukei, “Tehüt, Mari, no Mühghaü junga maangshiknyu. 31#Isa 7.14 Nyi na che künlabü hoba bousu shou che buklabü hoba nyi hao la Jisu nyenkulabü. 32Hao yaangenlabü, hao to Thükkaboueibü Shou dogo laulabü, hoba Bunyubou Mühghaüei hao la haobou Dawideibü choba setshang kulabü. 33Haoei Jakob chemdanga ponpen shanga songdaklabü; hoba haoeibü songdak khünei thon akilabü.” 34Lausikei Mariei hao to laukei, “Ho lalokche kian phaia, aieilausi ngo mo chem akankei?” 35Hangangbüei sao to jongaikei, “Soushou Saopobü ka thükto lotlabü hoba Thükkabou khoei no khuileplabü. Kho danko bukla kibou na khüto Mühghaü Shou dogo nyenlabü, 36tokei ka chempen Elizabeteikei sao nou lean phaia, angkongnyu dogo laubou sao khoeikei tou hoei lit lakbou bousu shou che shia künakei; 37aishanga Mühghaü shanga athükaminlabü ai aki.” 38Mariei laukei, “Ngo Bunyuboueibü samnyu; kü to nyi laubü tegü yingshi.” Kheijinei hangangbüei sao apyoan satkei.
Mari Elizabet to Joyola Haubü
39Kheijinei Mari aeibou panteiko shongh kaodak kabü sangnyu Judea to haukei. 40Sao Zekharia chem to haukei hoba Elizabet to salem ngüh joyokei. 41Ladang Elizabetei Marieibü salem ngüh ditkei na kho olinbü ka saoeibü shia saiyeikei, hoba sao kho Soushou Saopobüei shenkei.
42Saoei ngüh kaangbüei ngekko laukei, “Yaksa pendou yoa maangshiknyu yingshi, hoba kaibü shi kabü hek kho haülabou yingshi. 43Ngeibü Bunyuboueibü nyu kü jungto loulabü lele lai kü la haüthükkei? 44Aishanga kaibü salem ngüh ngeibü noukhün to lotjinei naei olinbü ka ngeibü shia saiyeida. 45Bunyuboueibü ngüh kho sao to yinglabü dogo aoei mailembei, sao kho olinbou.”
Marieibü Nyensang Chia
46 #
NC 34.1-3 Hobaje Mariei laukei,
“Ngeibü soushouei Bunyubou yaangenbü tang khittida,
47hoba ngeibü soushou ngeibü Mühghaü,
ngo khümenbou to olinda;
48aishanga haoei samnyu to phangkabü thua kijinei maangshikko chüha.
Tou ka jaüan meten pendouei kü tohaünyu dogo laulabü,
49aishanga Thükenbouei kü to kümsilei yaang küma.Haoeibü nyen kho Saopobü,
50 #
NC 103.17 hoba haoei hao to soumo hatbü shuong to meten meten sühko onou lenda.
51Haoei haoeibü phakei hau kiko kümena;
haoei lulueibü maangpona liliko dambü shuong lintia.
52 #
1 Sam 2.6-7 Haoei songdakbü shuong lulueibü choba setshang ka sungyana,
hoba haoei phangkabü shuong thük to tonena.
53 #
NC 107.9 Haoei mühbünoubü shuong maibüei phottia,
hoba haoei keibü yaangbü shuong ikkong ngaitia.
54-55Haoei seneibü bousi shuong la thekubü tegü
hao haoeibü sambü Israel to thuila loua;
haoei Abraham jungto hoba haoeibü thensilen to
thon akibü onou shanga dambuko kiteia.”
56Mari Elizabet yoa lit sem thüng thüngkei hoba chem to ngaikei.
Johan Baptibou Bukbü
57Elizabeteibü jih sühkei hoba saoei bousu shou che bukkei. 58Saoeibü lepbü shuong hoba chempen shuongei Bunyubouei sao to onou yaang lenbü ditkei hoba haoenei sao to liko olinyokei.
59 #
Kao 17.12 Hobaje sembounyet haoenei hao la kipbumang sühkei hoba haoenei hao la haoboueibü nyenphaito Zekharia dogo nyenkumang sühkei. 60Lausikei haonyuei laukei, “Aying, hao Johan nyenlabü.” 61Haoenei sao to laukei, “Kan chempen aokei khei nyenbüje aki.” 62Haoenei haobou to haoei hao la ai ngenkumang sühdaje shuokenlabü lele phekei. 63Haoei dojin hikei hoba haoeibü nyen “Johan” dogo dokei. Kheijinei pendou maang- pangkei. 64Mangde ong haoeibü ngühang longeikei hoba haoei atoknokko Mühghaü nyen sangko joyokei. 65Lepbü shuong pendou hatko yeikei, hoba Judea shongh kaodak pendoua mütshuongei habü haüthükbü shangabü lau- yokei. 66#NC 80.17 Kho ditbü shuong mütpem wekoei lulueibü maang- phanga hai lauko thankei, “Ho nashou hoei ailaibü müt la yeilama lo?” Aishanga maimaitham Bunyuboueibü ik hao thüka kiteikei.
Zekhariaei Tetenbü
67Haobou Zekharia Soushou Saopobüei shenkei hoba hai tetenko laula khangkei,
68 #
NC 119.9 “Israel Mühghaü Bunyubou sangashi,
aishanga haoei hao mütli pean chühkei hoba haoen püetkei.
69 #
NC 132.17 Haoei sen shanga haoeibü sambü Dawid
chemdang ka Khümenbou che longtia.
70(Kho haoei shangiednyu
haoeibü saopobü thuseibü
shuong danko thekuakei.)
71 #
NC 106.10 Haoei sen dangbou ka hoba sen to mangsenbü
shuong ikmang ka khümenlabü.
72Hobaje ho seneibü bousi shuong to lenbü onou haüthüktila hoba haoeibü
saopobü thesilan damentila shanga kümbei.
73Hobaje seneibü bou Abraham to theyolanyobü,
74-75laobou seneibü dangbou ikmang ka khümenla hoba seneibü langkei sünga
saopobü si tangshaibüa ai ühütko hao khangenla
thüktila shanga haoei kho kümbei.
76No, nashoukei, Thükkaboueibü thuseibü dogo nyenlabü,
aishanga no haoeibü lam lamlela shanga
Bunyubou thedangto hauteilabü.
77Seneibü Mühghaüei haoeibü maanglemenbü
hoba sanoubüa haoeneibü shabü lai apbuda
kho lenko hao mütli la khümenbü phinthonkulabü.
78-79 #
Isa 9.1-2 Kho tegü thük ka changeei nakthühbü
hoba haibü yeme phanga setan kibü shuong la
kho ngesak longbü ngetila shanga
hoba sangmai to seneibü youyaü leila shanga
sen pheian chühlabü.”
80Na kho chingkei hoba soushoua hau kiko yeikei. Hobaje Israel la khümbo kuko longan lenbü chalou asühshongko hao kho yamlamanga ong kiteikei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.