LUK 2
2
Jisu Bukbü
(Mt 1.18-25)
1Khübü chaloua ho longkei, kaodak pendoua nyen dojan dogo Kaisar Agusta ka ngühkhüm hautikei. 2Kho shaangbou nyen doletbü kikei. Ho Kurinia Siria governor kibü jiha kikei. 3Kho kümsilei shanga mütpem weko jembü sangnyu to haukei. 4Josefkei Galil ka Nazaret sangnyu ka, Jihudaa Bethlehem nyenbü Dawid sangnyu to haukei, aishanga hao Dawid phang hoba thensilen kikei. 5Kiman phobü Mari yoa, mang akongko kijinei hao nyen dola haukei. 6Haosi khünei kijinei sao jih sühkei, 7hoba saoei shaangbou jayangshou bukkei. Saoei hao sholepbei hoba youho nyaishang ukhong chenei phokei, aieilausi haoen shanga sühshang khünei kaoen akitei.
Sanlombü hoba Khuthük Hangangbü shuong
8Kho kaonyeka sanlombü shuong lamshaushanga nangnak haoeneibü sanshuong lombo kiteikei. 9Khuthük hangangbü che haoen thük to lotkei, hoba Bunyubou soneikangbü haoen kaijembo haukei, hoba haoen aeibou hatyokei. 10Khuthük hangangbüei haoen to laukei, “Tehüt: ngei kan jungto mütshuong pendou shanga olinbü ngühlang yaangbü künbada: 11tat kan la Dawid sangnyua Khümenbou che bukkuakei; hao kho Bunyubou Khrista ki. 12Kan shanga amaaphilabü ho kilabü; kanei nasak che neiei sholepan youho nyaishang ukhong chenei yeptian haplabü.” 13Mangde ong hangangbü yoa khuthükbü tan yaangbü che longan Mühghaü nyen sangko laukei,
14“Thükkabou khuthüka Mühghaü to soneikangbü,
hoba kaodaka haoei maangshikbü mütshuong yoa hakso.”
15Ladang khuthük hangangbüei haoen apyojung khuthük to ngaikei hoba sanlombü shuong cheei che to laukei, “Sen Bethlehem to hauakho hoba Bunyubouei sen la ngetibü hoba haüthükbü kho chühakho.” 16Haoen tongde haukei hoba haoenei Mari si Josef hoba na kho youho nyaishang ukhonga yeptian hapbei. 17Kho hapan haoenei na shangabü haoen to ngetibü pendou lenkei. 18Sanlombü shuongei haoen to lenbü ditbü shuong pendou maangpangkei, 19lausikei Mariei kho pendou saoeibü maangpona künkei hoba haüko dambei. 20Hobaje sanlombü shuong Mühghaü la soneikangbü kuko hoba haoenei ditbü hoba haoenei hapbü pendou shanga hao nyen sangko ngaikei; aishanga kho haoen la lenbü tegütham kikei.
Jisu la Nyen Nyenkubü
21Chalou setbounyet hao kiplabü chalou sühkei, hoba hao shia mokünjinei khuthük hangangbüei kubü nyen, hao la Jisu dogo nyenkukei.
Jisu Lembüchema Kubü
22Ladang Mosa Ngühkhümei sakkubü tegü saüenbü jih kho wankei, haoeibü nyusibouei Bunyubou la kula 23(Bunyubou Ngühkhüma Laishibaei lenda, “Shaangbou bukbü jayangshou weko kho Bunyubou to saopobü” dogo nyenlabü,) 24hoba Bunyubou Ngühkhümei sakkubü tegü dukutuk dang che ayingsi guduru shoushou dang che dogo lemla shanga Jerusalem to loukei.
25Jerusalema müt che nyenei Simeon kikei. Hao kho, Israel püetla Khrista loubü to aeibou waangko chüheiko saopobü hoba songlea maangdakbü müt che kiteikei; hoba Soushou Saopobü hao thüka kikei. 26Hobaje haoei Bunyuboueibü Khrista ühüp shongko hao ühailabü dogo Soushou Saopobüei hao to tang khittian kiteikei. 27Soushouei leibü ka hao Lembüchem to loukei, hoba ladang Ngühkhümei mangsühbü tegü hao to kümlaleila shanga nyusibouei nashou Jisu kho leibakei, 28haoei hao hao ikmangto sungletkei hoba Mühghaü sangko laukei,
29“Bunyubou, tou ka ngüh tegü,
nyi no khangenbou haksoa bangtiashi.
30-32Aishanga Küksithang to tang khitlabü ngesakbü,
hoba ka mütli Israel shanga
soneikangbü laobou nyi phangshuong
nyekei hapbo lamlekei,
kü nyekei kaibü khümenbü kho hapa.”
33Haobou si haonyu hao shangabü laubü to maangpangko kikei. 34Simeonei haoen haükukei hoba haonyu Mari to laukei, “Chühashi, maangpon juong ka dambü longla shanga Israela juongnyu tuongtila hoba phonla shanga hoba amaaphilabü laobou khulimbo ngüh laula, ho nashou pienakei. 35Haü, hoba inei ka soushou paiko seplabü.”
36Asher phang ka Fanuel shou Anna nyenbü thuseinyu che kiteikei. Sao kho aeibou sinan kikei; sao chem kanan phaia lao junga po nyet kikei; 37sao kho latnyu po sao leito lei noushou kiteikei.
Saoei lembü chem ladangkei üpyo, lausikei change nangnak mühei nyengko hoba welauko Mühghaü khangenkei. 38Kheijinei sao loukei hoba Mühghaü la nyensang kukei hoba Jerusalem khümenbü shanga haiyeibü shuong pendou to nashou kho shangabü laukei.
Nazaret to Ngaibü
39Ladang Josef si Mariei Bunyubou Ngühkhümei sakkubü tegü khümbo wankei, haoen Galil to haoeneibü sangnyu Nazaret to ngaikei.
40Nashou kho chingkei hoba hau kiko yeikei. Hao songsihonei shenkei hoba Mühghaü onou hao thüka kikei.
Jisu Nashoudanga Lembüchema
41Haoeibü nyusibou po weko Püetbü Lema Jerusalem to haukei. 42Hao po anthüknyi onjinei poshou natshou tegü haoen lem to haukei. 43Ladang chalou kho penkei haoen ngaijinei, nashou Jisu Jerusalema setngaikei, lausikei haoeibü nyusibouei ange. 44Haoenei hao shuong yoa yangakei dogo dambei, hoba haoen chabük che wakou haukei; kheijinei haoenei haoen chempen hoba himshuong yoa hao lameikei. 45Haoenei hao ühüpdang lesi, haoen Jerusalem to ngaikei hoba hao lambei. 46Chalou semnyet danan phaia haoenei hao lembüchema lenbou shuong yoa haoen ngüh ditko, hoba haoen to pheyoko setan hapbei. 47Hao ngüh ditbü shuong pendou haoei ditenbü hoba jongaibü to maang- pangkei. 48Ladang haoeibü nyusibouei hao hapbei, haoen maang- pangkei hoba haonyuei hao to laukei, “Kü shou, nyi aila kün to hainyu jungeikei? Kabou hoba ngo maangmauko no lameida.” 49Haoei haosi to laukei, “Aila kanei ngo lameiko kikei? Ngo kü Bou chema kijan dogo kanei ange lo?” 50Lausikei haoei haoen to laubü kho haoenei aditen. 51Hao haoen yoa Nazaret to loukei, hoba hao haoen phanga ngühaleko kikei. Lausikei haonyuei khübü ngühsidei pendou saoeibü maang- pona thankei. 52#1 Sam 2.6-7 Hobaje Jisu songsihona hoba süngalopa Mühghaü hoba müt thedanga onoua chingkei.
Currently Selected:
LUK 2: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
LUK 2
2
Jisu Bukbü
(Mt 1.18-25)
1Khübü chaloua ho longkei, kaodak pendoua nyen dojan dogo Kaisar Agusta ka ngühkhüm hautikei. 2Kho shaangbou nyen doletbü kikei. Ho Kurinia Siria governor kibü jiha kikei. 3Kho kümsilei shanga mütpem weko jembü sangnyu to haukei. 4Josefkei Galil ka Nazaret sangnyu ka, Jihudaa Bethlehem nyenbü Dawid sangnyu to haukei, aishanga hao Dawid phang hoba thensilen kikei. 5Kiman phobü Mari yoa, mang akongko kijinei hao nyen dola haukei. 6Haosi khünei kijinei sao jih sühkei, 7hoba saoei shaangbou jayangshou bukkei. Saoei hao sholepbei hoba youho nyaishang ukhong chenei phokei, aieilausi haoen shanga sühshang khünei kaoen akitei.
Sanlombü hoba Khuthük Hangangbü shuong
8Kho kaonyeka sanlombü shuong lamshaushanga nangnak haoeneibü sanshuong lombo kiteikei. 9Khuthük hangangbü che haoen thük to lotkei, hoba Bunyubou soneikangbü haoen kaijembo haukei, hoba haoen aeibou hatyokei. 10Khuthük hangangbüei haoen to laukei, “Tehüt: ngei kan jungto mütshuong pendou shanga olinbü ngühlang yaangbü künbada: 11tat kan la Dawid sangnyua Khümenbou che bukkuakei; hao kho Bunyubou Khrista ki. 12Kan shanga amaaphilabü ho kilabü; kanei nasak che neiei sholepan youho nyaishang ukhong chenei yeptian haplabü.” 13Mangde ong hangangbü yoa khuthükbü tan yaangbü che longan Mühghaü nyen sangko laukei,
14“Thükkabou khuthüka Mühghaü to soneikangbü,
hoba kaodaka haoei maangshikbü mütshuong yoa hakso.”
15Ladang khuthük hangangbüei haoen apyojung khuthük to ngaikei hoba sanlombü shuong cheei che to laukei, “Sen Bethlehem to hauakho hoba Bunyubouei sen la ngetibü hoba haüthükbü kho chühakho.” 16Haoen tongde haukei hoba haoenei Mari si Josef hoba na kho youho nyaishang ukhonga yeptian hapbei. 17Kho hapan haoenei na shangabü haoen to ngetibü pendou lenkei. 18Sanlombü shuongei haoen to lenbü ditbü shuong pendou maangpangkei, 19lausikei Mariei kho pendou saoeibü maangpona künkei hoba haüko dambei. 20Hobaje sanlombü shuong Mühghaü la soneikangbü kuko hoba haoenei ditbü hoba haoenei hapbü pendou shanga hao nyen sangko ngaikei; aishanga kho haoen la lenbü tegütham kikei.
Jisu la Nyen Nyenkubü
21Chalou setbounyet hao kiplabü chalou sühkei, hoba hao shia mokünjinei khuthük hangangbüei kubü nyen, hao la Jisu dogo nyenkukei.
Jisu Lembüchema Kubü
22Ladang Mosa Ngühkhümei sakkubü tegü saüenbü jih kho wankei, haoeibü nyusibouei Bunyubou la kula 23(Bunyubou Ngühkhüma Laishibaei lenda, “Shaangbou bukbü jayangshou weko kho Bunyubou to saopobü” dogo nyenlabü,) 24hoba Bunyubou Ngühkhümei sakkubü tegü dukutuk dang che ayingsi guduru shoushou dang che dogo lemla shanga Jerusalem to loukei.
25Jerusalema müt che nyenei Simeon kikei. Hao kho, Israel püetla Khrista loubü to aeibou waangko chüheiko saopobü hoba songlea maangdakbü müt che kiteikei; hoba Soushou Saopobü hao thüka kikei. 26Hobaje haoei Bunyuboueibü Khrista ühüp shongko hao ühailabü dogo Soushou Saopobüei hao to tang khittian kiteikei. 27Soushouei leibü ka hao Lembüchem to loukei, hoba ladang Ngühkhümei mangsühbü tegü hao to kümlaleila shanga nyusibouei nashou Jisu kho leibakei, 28haoei hao hao ikmangto sungletkei hoba Mühghaü sangko laukei,
29“Bunyubou, tou ka ngüh tegü,
nyi no khangenbou haksoa bangtiashi.
30-32Aishanga Küksithang to tang khitlabü ngesakbü,
hoba ka mütli Israel shanga
soneikangbü laobou nyi phangshuong
nyekei hapbo lamlekei,
kü nyekei kaibü khümenbü kho hapa.”
33Haobou si haonyu hao shangabü laubü to maangpangko kikei. 34Simeonei haoen haükukei hoba haonyu Mari to laukei, “Chühashi, maangpon juong ka dambü longla shanga Israela juongnyu tuongtila hoba phonla shanga hoba amaaphilabü laobou khulimbo ngüh laula, ho nashou pienakei. 35Haü, hoba inei ka soushou paiko seplabü.”
36Asher phang ka Fanuel shou Anna nyenbü thuseinyu che kiteikei. Sao kho aeibou sinan kikei; sao chem kanan phaia lao junga po nyet kikei; 37sao kho latnyu po sao leito lei noushou kiteikei.
Saoei lembü chem ladangkei üpyo, lausikei change nangnak mühei nyengko hoba welauko Mühghaü khangenkei. 38Kheijinei sao loukei hoba Mühghaü la nyensang kukei hoba Jerusalem khümenbü shanga haiyeibü shuong pendou to nashou kho shangabü laukei.
Nazaret to Ngaibü
39Ladang Josef si Mariei Bunyubou Ngühkhümei sakkubü tegü khümbo wankei, haoen Galil to haoeneibü sangnyu Nazaret to ngaikei.
40Nashou kho chingkei hoba hau kiko yeikei. Hao songsihonei shenkei hoba Mühghaü onou hao thüka kikei.
Jisu Nashoudanga Lembüchema
41Haoeibü nyusibou po weko Püetbü Lema Jerusalem to haukei. 42Hao po anthüknyi onjinei poshou natshou tegü haoen lem to haukei. 43Ladang chalou kho penkei haoen ngaijinei, nashou Jisu Jerusalema setngaikei, lausikei haoeibü nyusibouei ange. 44Haoenei hao shuong yoa yangakei dogo dambei, hoba haoen chabük che wakou haukei; kheijinei haoenei haoen chempen hoba himshuong yoa hao lameikei. 45Haoenei hao ühüpdang lesi, haoen Jerusalem to ngaikei hoba hao lambei. 46Chalou semnyet danan phaia haoenei hao lembüchema lenbou shuong yoa haoen ngüh ditko, hoba haoen to pheyoko setan hapbei. 47Hao ngüh ditbü shuong pendou haoei ditenbü hoba jongaibü to maang- pangkei. 48Ladang haoeibü nyusibouei hao hapbei, haoen maang- pangkei hoba haonyuei hao to laukei, “Kü shou, nyi aila kün to hainyu jungeikei? Kabou hoba ngo maangmauko no lameida.” 49Haoei haosi to laukei, “Aila kanei ngo lameiko kikei? Ngo kü Bou chema kijan dogo kanei ange lo?” 50Lausikei haoei haoen to laubü kho haoenei aditen. 51Hao haoen yoa Nazaret to loukei, hoba hao haoen phanga ngühaleko kikei. Lausikei haonyuei khübü ngühsidei pendou saoeibü maang- pona thankei. 52#1 Sam 2.6-7 Hobaje Jisu songsihona hoba süngalopa Mühghaü hoba müt thedanga onoua chingkei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.