LUK 13
13
Maangpon Sepeiashi ayingsi Hailabü
1Kheijineitham müt at loukei hoba Galilbü at haoeneibü lembü kuko kian Pilatei haitibü shangabü Jisu la lenkei. 2Haoei haoen to jongaikei, “Khübü Galilbü kheinyu khonsaktisi, Galilbü pendou to haoen shabü aei jungeibü shuong dogo kanei damda lo? 3Ngei lauda, aying; lausikei kan maangpon asepei longa kankei pendou haoen tegü shemlabü. 4Ayingsi Siloama lapheishon laangshon tuongbüei müt anthükset haitisi, Jerusalema kibü pendou to haoen shedbü aei shonbü shuong dogo kanei damda lo? 5Ngei lauda, aying; lausikei kan maangpon asepei longa kankei pendou haoen tegü shemlabü.”
Mai Ehekbü Bhuklong Ngühphatbü
6Haoei haoen la ho ngühphatbü lenkei: “Müt cheei haoeibü semlühlaaka bhuklong che kekei, hoba hao loukei hoba mai lambei lausikei aikei akitei. 7Haoei semlühlaak moubou to laukei, ‘Chü- hashi, tou po sem sühko ngei ho bhuklong ka mai lambo louda, lausikei ai ühüpda. Ho akan koutiashi. Hoei aila kaomai letila?’ 8Lausikei haoei hao to jongaikei, ‘Yaangbou, toupo shangakei khei phoyoashi. Ngei chungthem kaijembo kao thuan kaomai jinkho. 9Hoei ngiempo mai heksije thumaibou, lausikei ehek longa chengan koutishima.’”
Jisuei Nounyet Pheihaibü Yaksa Che Maitibü
10Nounyet hao sinagog chenei songlenko kikei. 11Khünei yaksa che po anthükset athükaminbü soushou kiteikei; sao komattham kikei hoba ai jihdangakei shingan achüh. 12Ladang Jisuei sao hapbei haoei sao hao jungto ngakei hoba sao to laukei, “Yaksa, kaibü athükamin ka no senglitia”; 13hoba haoei sao to hatkei. Kheijinei sao phühde tangshaitham loenkei hoba Mühghaü la soneikangbü kula khangkei. 14Jisuei Nounyet maitisije, sinagog bunyuei khau angko shuong to laukei, “Kümlaleila shanga chalou lak kia; hibü Nounyet ayingko khübü chaloua louashi hoba maitikuashi.” 15Jisuei hao to jongaiko laukei, “Hibüyoubü shuong, kan pendouei Nounyet kaneibü masu ayingsi gadu nyaishang ukhong ka sengletan dei inla shanga leian ohauda lo? 16Hobaje ho sao Abraham nouyangshou yingsije hoba Satanei po anthükset sühko khühan kisije kho khühbü ka sao Nounyet sengkulabü janbü aying lo?” 17Haoei laujinei haoeibü dangbou pendou himou bautikei hoba noknyüh pendou hao soneikangbü kümsileiei olinyokei.
Yongkoshiklang Ngühphatbü
(Mt 13.31-32; Mk 4.30-32)
18Haoei laukei, “Mühghaü Sangle ai phatkei, hoba ngei ho ai to takteiyola? 19Ho müt cheei haoeibü bamanga yongkoshik lang sungjung hauan phinbü phatkei; ho chingkei hoba bunyu la yeikei, hoba mühkabü aushuong kho bheka laangkei.”
Tokai Ngühphatbü
(Mt 13.33)
20Toukei haoei laukei, “Ngei Mühghaü Sangle ai to takteiyola? 21Ho yaksa cheei tokai sungan wenchak sema totan pendou pujung along shongko phobü phatkei.”
Nyonyembü Koukhün
(Mt 7.13-14,21-23)
22Hao Jerusalem to haujinei sangnyu sangshou pendoua songlenko dankei. 23Hobaje müt cheei hao to laukei, “Yaangbou, khümenbü shuong shijo ong si ai?” 24Haoei haoen to laukei, “Koukhün nyonyembü to atla aeibou haujemashi, aishanga ngei kan to lenda, juongnyuei atla aeibou haujemlabü lausikei athüklabü. 25Chem bunyu che laksepan kou khinngailanga longa, hoba kanei tangaenei, ‘Yaangbou, kün la ipbu’ dogo lauko kuokeiasikei haoei ‘Ngei kan angekei; kan laka loukei?’ dogo haoei jongailabü. 26Kheijinei kanei laulabü, ‘Kün ka yoa shaukei yungkei hoba nyi kün la khongnyua songlenkei.’ 27Lausikei haoei kan to laulabü, ‘Ngei kan angekei; kan laka loukei? Kan amaibü kümbü shuong pendou kü jungka kukashi.’ 28Mühghaü Sanglea kanei Abraham hoba Isak hoba Jakob hoba thuseibü shuong pendou haplabü lausikei ladang kanje nongbüa tekan apan haplaje kheijinei haapyobü hoba hauh uyobü kilabü. 29Chaang hoba chanep ka, yungkük hoba yungthang ka mütshuong loulabü hoba Mühghaü Sangle lema yolabü. 30Maimaitham, phaibü shuong shaanglabü, hoba shaangbü shuong phailabü.”
Jisuei Jerusalem to Sanoubü
(Mt 23.37-39)
31Kho jihsiphaia Farisibü at hao jungto loukei hoba laukei, “Haka satan apashi hoba wakou meimeiashi. Herodei no haitimang sühda.” 32Haoei haoen to laukei, “Hauashi, hoba kho selong to lenashi, ‘Tat si ngiet ngei shabü sou shuong shian sattida hoba mütshuong maitikuda, hoba sembounyet ngei ngeibü kümsilei wanlabü.’ 33Lankei, tat hoba ngiet hoba jenyet ngo ngeibü wakou haulabü, aieilausi thuseibü che kho Jerusalem to liman lubünei amaujan.
34“O Jerusalem, Jerusalem, thuseibü shuong haitibü, hoba ka jungto hautibü shuong laangei sonettibou, aunyuei jembü shou kakphanga leisheian paklepbü tegü, ngei ladüngnei ka shousi shuong leisheimang sühkei, lausikei kanei maang üang! 35Chühashi, kaneibü chem kan la litham apyokulabü. Ngei kan to lenda, kanei ‘Bunyubou nyena ao louda, Hao haübou’, dogo alau shongko kanei ngo ühüplabü.”
Currently Selected:
LUK 13: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
LUK 13
13
Maangpon Sepeiashi ayingsi Hailabü
1Kheijineitham müt at loukei hoba Galilbü at haoeneibü lembü kuko kian Pilatei haitibü shangabü Jisu la lenkei. 2Haoei haoen to jongaikei, “Khübü Galilbü kheinyu khonsaktisi, Galilbü pendou to haoen shabü aei jungeibü shuong dogo kanei damda lo? 3Ngei lauda, aying; lausikei kan maangpon asepei longa kankei pendou haoen tegü shemlabü. 4Ayingsi Siloama lapheishon laangshon tuongbüei müt anthükset haitisi, Jerusalema kibü pendou to haoen shedbü aei shonbü shuong dogo kanei damda lo? 5Ngei lauda, aying; lausikei kan maangpon asepei longa kankei pendou haoen tegü shemlabü.”
Mai Ehekbü Bhuklong Ngühphatbü
6Haoei haoen la ho ngühphatbü lenkei: “Müt cheei haoeibü semlühlaaka bhuklong che kekei, hoba hao loukei hoba mai lambei lausikei aikei akitei. 7Haoei semlühlaak moubou to laukei, ‘Chü- hashi, tou po sem sühko ngei ho bhuklong ka mai lambo louda, lausikei ai ühüpda. Ho akan koutiashi. Hoei aila kaomai letila?’ 8Lausikei haoei hao to jongaikei, ‘Yaangbou, toupo shangakei khei phoyoashi. Ngei chungthem kaijembo kao thuan kaomai jinkho. 9Hoei ngiempo mai heksije thumaibou, lausikei ehek longa chengan koutishima.’”
Jisuei Nounyet Pheihaibü Yaksa Che Maitibü
10Nounyet hao sinagog chenei songlenko kikei. 11Khünei yaksa che po anthükset athükaminbü soushou kiteikei; sao komattham kikei hoba ai jihdangakei shingan achüh. 12Ladang Jisuei sao hapbei haoei sao hao jungto ngakei hoba sao to laukei, “Yaksa, kaibü athükamin ka no senglitia”; 13hoba haoei sao to hatkei. Kheijinei sao phühde tangshaitham loenkei hoba Mühghaü la soneikangbü kula khangkei. 14Jisuei Nounyet maitisije, sinagog bunyuei khau angko shuong to laukei, “Kümlaleila shanga chalou lak kia; hibü Nounyet ayingko khübü chaloua louashi hoba maitikuashi.” 15Jisuei hao to jongaiko laukei, “Hibüyoubü shuong, kan pendouei Nounyet kaneibü masu ayingsi gadu nyaishang ukhong ka sengletan dei inla shanga leian ohauda lo? 16Hobaje ho sao Abraham nouyangshou yingsije hoba Satanei po anthükset sühko khühan kisije kho khühbü ka sao Nounyet sengkulabü janbü aying lo?” 17Haoei laujinei haoeibü dangbou pendou himou bautikei hoba noknyüh pendou hao soneikangbü kümsileiei olinyokei.
Yongkoshiklang Ngühphatbü
(Mt 13.31-32; Mk 4.30-32)
18Haoei laukei, “Mühghaü Sangle ai phatkei, hoba ngei ho ai to takteiyola? 19Ho müt cheei haoeibü bamanga yongkoshik lang sungjung hauan phinbü phatkei; ho chingkei hoba bunyu la yeikei, hoba mühkabü aushuong kho bheka laangkei.”
Tokai Ngühphatbü
(Mt 13.33)
20Toukei haoei laukei, “Ngei Mühghaü Sangle ai to takteiyola? 21Ho yaksa cheei tokai sungan wenchak sema totan pendou pujung along shongko phobü phatkei.”
Nyonyembü Koukhün
(Mt 7.13-14,21-23)
22Hao Jerusalem to haujinei sangnyu sangshou pendoua songlenko dankei. 23Hobaje müt cheei hao to laukei, “Yaangbou, khümenbü shuong shijo ong si ai?” 24Haoei haoen to laukei, “Koukhün nyonyembü to atla aeibou haujemashi, aishanga ngei kan to lenda, juongnyuei atla aeibou haujemlabü lausikei athüklabü. 25Chem bunyu che laksepan kou khinngailanga longa, hoba kanei tangaenei, ‘Yaangbou, kün la ipbu’ dogo lauko kuokeiasikei haoei ‘Ngei kan angekei; kan laka loukei?’ dogo haoei jongailabü. 26Kheijinei kanei laulabü, ‘Kün ka yoa shaukei yungkei hoba nyi kün la khongnyua songlenkei.’ 27Lausikei haoei kan to laulabü, ‘Ngei kan angekei; kan laka loukei? Kan amaibü kümbü shuong pendou kü jungka kukashi.’ 28Mühghaü Sanglea kanei Abraham hoba Isak hoba Jakob hoba thuseibü shuong pendou haplabü lausikei ladang kanje nongbüa tekan apan haplaje kheijinei haapyobü hoba hauh uyobü kilabü. 29Chaang hoba chanep ka, yungkük hoba yungthang ka mütshuong loulabü hoba Mühghaü Sangle lema yolabü. 30Maimaitham, phaibü shuong shaanglabü, hoba shaangbü shuong phailabü.”
Jisuei Jerusalem to Sanoubü
(Mt 23.37-39)
31Kho jihsiphaia Farisibü at hao jungto loukei hoba laukei, “Haka satan apashi hoba wakou meimeiashi. Herodei no haitimang sühda.” 32Haoei haoen to laukei, “Hauashi, hoba kho selong to lenashi, ‘Tat si ngiet ngei shabü sou shuong shian sattida hoba mütshuong maitikuda, hoba sembounyet ngei ngeibü kümsilei wanlabü.’ 33Lankei, tat hoba ngiet hoba jenyet ngo ngeibü wakou haulabü, aieilausi thuseibü che kho Jerusalem to liman lubünei amaujan.
34“O Jerusalem, Jerusalem, thuseibü shuong haitibü, hoba ka jungto hautibü shuong laangei sonettibou, aunyuei jembü shou kakphanga leisheian paklepbü tegü, ngei ladüngnei ka shousi shuong leisheimang sühkei, lausikei kanei maang üang! 35Chühashi, kaneibü chem kan la litham apyokulabü. Ngei kan to lenda, kanei ‘Bunyubou nyena ao louda, Hao haübou’, dogo alau shongko kanei ngo ühüplabü.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.