LUK 14
14
Jisuei Shatbü Che Maitikubü
1Nounyet hao Farisibü songdakbü chem che to shaula yungla haukei, hoba haoenei hao lombo kikei. 2Hao thedanga mang pokko shatbü müt che kiteikei. 3Jisuei Ngühkhüm lenbou shuong si Farisibü shuong to laukei, “Nounyet maitijan si amaitijan?” 4Lausikei haoenei ngüh üang. Haoei hao to hatan maitikukei, hoba ngaitikei. 5Haoei haoen to laukei, “Kan yoa jembü gadu ayingsi masu deikhüna atetan kisi tongde Nounyetje hao asenenlabü ao ki?” 6Lausikei haoenei kho ajongaien.
Sembüambü hoba Yenmaangshikbü
7Ladang haoei ngabü shuongei thükkabü setshang ong piko hapbei, haoei khübü shuong to ngühphatbü che lenkei, 8#Tet 25.6-7 “Ladang no müt cheei chemkanlem to ngada, thükkabou setshanga teset. Aingenyu lembubouei ka thükkabü yen che chian kialonga, 9no ngabou haosi ham louan, ‘Hao la ho setshang kuashi’, dogo laua longa, himou bauan no phangkabou setshang to ngaila meimeilabü. 10Lausikei ladang no ngadaje hauan thonbou setshanga setashi, hoba ladang no ngabou kho loulaje haoei kato, ‘Thangbou, thükaeto kaiyanga’, dogo laulabü. Kheijinei shaushang yungshanga setbü shuong pendou thedanga no soumo kilabü; 11aishanga aoyouei jembü lolo yaangenlaje hao hanboula yeilabü hoba aoyouei jembü lolo hanbüla yeilaje hao tonenlabü.” 12Haoei chembubou to laukei, “Ladang nyi lem oknyinda kaibü jenabou yingasikei, kaibü jaisina yingasikei, ka chempen yingasikei ayingsi kaibü keibü lepbou yingasikei tenga. Haoenei no ngangaian kala shemngailabü. 13Lausikei ladang nyi oknyinda, shale jonglebü, yousi iksibü, sokebü hoba nyekthubü ngaashi; 14hoba no olinlabü, aieilausi haoenei kala kungaila athük; aishanga saopobü shuong langngaijinei nyi ku hapmailabü.”
Lemnyu Lemyaang Ngühphatbü
(Mt 22.1-10)
15Ladang hao yoa shaushanga setbü shuong yoa cheei khübü ditkei haoei hao to laukei, “Aoei Mühghaü Sangle lema shauoula hao olinbou!” 16Jisuei hao to laukei, “Müt cheei lem yaang huiletkei hoba müt juong ngaishaikei. 17Shaulabü jihsiphaia haoei haoeibü sambü lem to chibü shuong ngala hautiko laukei, ‘Kaiya, aishanga tou ajanjan pendou lamleakei.’ 18Lausikei haoen pendouei maangpon chela lean ap hila khangkei. Shaangbouei hao to laukei, ‘Ngei sek che jekakei hoba ngo khüto haula khamda. Sanoudaman kü la amai apbushi.’ 19Lubüei laukei, ‘Ngei sek shapla shanga masu tang ngao jekakei hoba ngo haoen takteila hauda. Sanoudaman kü la amai apbushi.’ 20Lubüei laukei, ‘Ngo tou ong chem kanakei, khoei ngo alouenlabü.’ 21Sambü kho longeian haoeibü bunyu la khübü lenkei. Kheijinei chem bunyu khau angko hao sambü to lenkei, ‘Sangnyu khongyaang hoba khong to hali hauashi, hoba shale jongle hoba, yousi iksibü, nyekthubü hoba sokebü hato leiba.’ 22Sambüei laukei, ‘Yaangbou, nyi sakkubü tegü küma, hoba tokei setshang jouakei.’ 23Bunyuei sambü to laukei, ‘Pühlam si wakou haang to hauan kü chem shentilabü lele haoen leiyetashi. 24Ngei kan to lenda, ngei lem to chibü shuong ka aoeikei ngeibü lem ka ajeplabü.’ ”
Eik Che Yeilabü Mu
(Mt 10.37-38)
25Mütshang yaang hao yoa haukei, hoba haoei sepeian chühngaian haoen to laukei, 26“Ao kü jungto louda hoba haobou hoba nyu hoba yak hoba shousi shuong hoba jaisina, hoba nousina, hoba jembü mangkei amangsenda, hao ngeibü eik ayeien. 27Aoei haoeibü peisei apeda hoba kü phai alouda hao ngeibü eik ayeien. 28Aishanga kan yoa laobou mütei laangshon lapheishon yaümang sühda, kho yeila shanga nam souko kiasi aki dogo shaang setan haoei aplabü wean achühda lo? 29Aishanga haoei keshang khangan phoan wanla athükko apalonga chühbü shuongei hao la nyikuko aweasüngko 30laulabü, ‘Ho mütei yaüla khangkei lausikei wantila athüklangko apakei.’ 31Ayingsi laobou chobaei lubü choba khulimbo wapyola haujinei lakjaibü hajar anei hao khulimbo hajar saoche leibabü to shuokyola thüklasi athükla dogo shaang setan daman achühda lo? 32Khei ayinglonga haoei athüksije, lubü choba mü kaoen heebüa kijineithama haoei toukei youkobü hautiko sangmei shanga phelabü. 33Kho tegütham, kan yoa aoei haoei kibü pendou üpyolaje hao ngeibü eik ayeien.
Lejim akibü Jem
(Mt 5.13; Mk 9.50)
34“Jem maiakei; lausikei jemkei teibü mauan apalonga aiei teitila? 35Ho kao si od apshang ham shanga lejim aki. Haoenei kho hakan apda. Ao noukhün yetkei haoei ditashi.”
Currently Selected:
LUK 14: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
LUK 14
14
Jisuei Shatbü Che Maitikubü
1Nounyet hao Farisibü songdakbü chem che to shaula yungla haukei, hoba haoenei hao lombo kikei. 2Hao thedanga mang pokko shatbü müt che kiteikei. 3Jisuei Ngühkhüm lenbou shuong si Farisibü shuong to laukei, “Nounyet maitijan si amaitijan?” 4Lausikei haoenei ngüh üang. Haoei hao to hatan maitikukei, hoba ngaitikei. 5Haoei haoen to laukei, “Kan yoa jembü gadu ayingsi masu deikhüna atetan kisi tongde Nounyetje hao asenenlabü ao ki?” 6Lausikei haoenei kho ajongaien.
Sembüambü hoba Yenmaangshikbü
7Ladang haoei ngabü shuongei thükkabü setshang ong piko hapbei, haoei khübü shuong to ngühphatbü che lenkei, 8#Tet 25.6-7 “Ladang no müt cheei chemkanlem to ngada, thükkabou setshanga teset. Aingenyu lembubouei ka thükkabü yen che chian kialonga, 9no ngabou haosi ham louan, ‘Hao la ho setshang kuashi’, dogo laua longa, himou bauan no phangkabou setshang to ngaila meimeilabü. 10Lausikei ladang no ngadaje hauan thonbou setshanga setashi, hoba ladang no ngabou kho loulaje haoei kato, ‘Thangbou, thükaeto kaiyanga’, dogo laulabü. Kheijinei shaushang yungshanga setbü shuong pendou thedanga no soumo kilabü; 11aishanga aoyouei jembü lolo yaangenlaje hao hanboula yeilabü hoba aoyouei jembü lolo hanbüla yeilaje hao tonenlabü.” 12Haoei chembubou to laukei, “Ladang nyi lem oknyinda kaibü jenabou yingasikei, kaibü jaisina yingasikei, ka chempen yingasikei ayingsi kaibü keibü lepbou yingasikei tenga. Haoenei no ngangaian kala shemngailabü. 13Lausikei ladang nyi oknyinda, shale jonglebü, yousi iksibü, sokebü hoba nyekthubü ngaashi; 14hoba no olinlabü, aieilausi haoenei kala kungaila athük; aishanga saopobü shuong langngaijinei nyi ku hapmailabü.”
Lemnyu Lemyaang Ngühphatbü
(Mt 22.1-10)
15Ladang hao yoa shaushanga setbü shuong yoa cheei khübü ditkei haoei hao to laukei, “Aoei Mühghaü Sangle lema shauoula hao olinbou!” 16Jisuei hao to laukei, “Müt cheei lem yaang huiletkei hoba müt juong ngaishaikei. 17Shaulabü jihsiphaia haoei haoeibü sambü lem to chibü shuong ngala hautiko laukei, ‘Kaiya, aishanga tou ajanjan pendou lamleakei.’ 18Lausikei haoen pendouei maangpon chela lean ap hila khangkei. Shaangbouei hao to laukei, ‘Ngei sek che jekakei hoba ngo khüto haula khamda. Sanoudaman kü la amai apbushi.’ 19Lubüei laukei, ‘Ngei sek shapla shanga masu tang ngao jekakei hoba ngo haoen takteila hauda. Sanoudaman kü la amai apbushi.’ 20Lubüei laukei, ‘Ngo tou ong chem kanakei, khoei ngo alouenlabü.’ 21Sambü kho longeian haoeibü bunyu la khübü lenkei. Kheijinei chem bunyu khau angko hao sambü to lenkei, ‘Sangnyu khongyaang hoba khong to hali hauashi, hoba shale jongle hoba, yousi iksibü, nyekthubü hoba sokebü hato leiba.’ 22Sambüei laukei, ‘Yaangbou, nyi sakkubü tegü küma, hoba tokei setshang jouakei.’ 23Bunyuei sambü to laukei, ‘Pühlam si wakou haang to hauan kü chem shentilabü lele haoen leiyetashi. 24Ngei kan to lenda, ngei lem to chibü shuong ka aoeikei ngeibü lem ka ajeplabü.’ ”
Eik Che Yeilabü Mu
(Mt 10.37-38)
25Mütshang yaang hao yoa haukei, hoba haoei sepeian chühngaian haoen to laukei, 26“Ao kü jungto louda hoba haobou hoba nyu hoba yak hoba shousi shuong hoba jaisina, hoba nousina, hoba jembü mangkei amangsenda, hao ngeibü eik ayeien. 27Aoei haoeibü peisei apeda hoba kü phai alouda hao ngeibü eik ayeien. 28Aishanga kan yoa laobou mütei laangshon lapheishon yaümang sühda, kho yeila shanga nam souko kiasi aki dogo shaang setan haoei aplabü wean achühda lo? 29Aishanga haoei keshang khangan phoan wanla athükko apalonga chühbü shuongei hao la nyikuko aweasüngko 30laulabü, ‘Ho mütei yaüla khangkei lausikei wantila athüklangko apakei.’ 31Ayingsi laobou chobaei lubü choba khulimbo wapyola haujinei lakjaibü hajar anei hao khulimbo hajar saoche leibabü to shuokyola thüklasi athükla dogo shaang setan daman achühda lo? 32Khei ayinglonga haoei athüksije, lubü choba mü kaoen heebüa kijineithama haoei toukei youkobü hautiko sangmei shanga phelabü. 33Kho tegütham, kan yoa aoei haoei kibü pendou üpyolaje hao ngeibü eik ayeien.
Lejim akibü Jem
(Mt 5.13; Mk 9.50)
34“Jem maiakei; lausikei jemkei teibü mauan apalonga aiei teitila? 35Ho kao si od apshang ham shanga lejim aki. Haoenei kho hakan apda. Ao noukhün yetkei haoei ditashi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.