Ezekela 19
19
Isira-elaq Hkóhkâm Zô Pê É Matú Ngaùhkyang Sang É Hkyô
1Hau htoq agó, Isira-elaq hkóhkâm zô pê é matú ngaùhkyang sâng luî,
2‘Náng nu gi, hkanghkyi hpúng má,
hkanghkyi zìng mó yhang nghut ri nhung!
Yhang gi, hkanghkyi râm zô pê chyáng ùp mù,
yhang shuî é hkanghkyi zô pé lé hku kô ri.
3Yhang hku kô é mâ é hkanghkyi zo radu gi,
wum bo é hkanghkyi râm zo dùt lò bê nghut ri.
Hkanghkyi râm zo haû gi, sho dàt yù mù,
byù lé ngàt sat zô é hkanghkyi dùt bê nghut ri.
4Gótû byù myû wuì gi, yhâng é hkyô wó gyo bekô nghut mù,
yhángmòq é dong mai yhang lé myhî yù bekô nghut ri.
Yhángmòq gi, yhang lé, gòknghê èq
Egutuq ming shut she ló bekô nghut ri.
5Yhâng nu gi, yhâng chyáng myòqbyu tô é hkyô a jòq lo mù,
láng gôm pyám bê nghut é lé myàng jáng,
yhang zo gódu lé shuî yù mù,
wúm bo é hkanghkyi râm zo dùt shoq hku ko bê nghut ri.
6Hkanghkyi râm zo haû gi, hkanghkyi jùm eq ê ê lò lò kut nyi é nghut mù,
wúm bo é hkanghkyi râm zo dùt bê nghut ri.
Yhang gi, sho dàt yù mù,
byù lé ngàt sat zô é hkanghkyi dùt bê nghut ri.
7Yhang gi, yhángmòq é gingtíng jowò pé lé lhoqhpyoq hpyi pyám mù,
yhángmòq é wà pé lé lhoqhtên pyám bê nghut ri.
Yhang mying garû é htê yánmai,
mîngdán eq haú má nyi é bànshoq bang gi,
gyùq nán bùm bekô nghut ri.
8Haû mù, awui ayàm mau mâ é byù myû wuì gi,
yhang lé lé lhôm htuqhtíng mù,
yhang lé gun èq dú nghop luî,
yhángmòq é dong mai yhang lé myhî yù bekô nghut ri.
9Yhángmòq gi, yhang lé gòknghê èq lâng she yù mù, hkyún má kat luî,
Babelon hkóhkam chyáng shuî jé ló byî ri.
Yhángmòq gi, Isira-elaq é bùm pé má,
yhang mying garû é htê a wó gyo lo sháng gàq ga,
yhang lé htóng má lhûng pyám bekô nghut ri.
10Náng nu gi, wuì yàm má hô tô é,
tsibyiq hkyâm mâ é tsibyiq nuî eq du ri;
haû gi, wuì gyai bâm é yánmai,
hau é akoq gyaí hkyam lò mù, ashi gyai zuî ri.
11Hau é akoq pé gi, kô wáng bê nghut mù,
hkóhkâm ùp é dumbáng wó saí bê nghut ri.
Agàm haû gi, mhut má lháng jé hkyâng shoq myhâng mù,
hau é akoq pé bànshoq ze htoq to bê nghut ri.
12Nghut kôlhang, haû gi, nhikmó-yô é èq nùt htoq pyâm é hui mù,
myigùng má dú tô pyâm tô é hui bê nghut ri.
Buìhtoq laì gi, haú lé mùt kyuq huî pyám mù,
hau é ashi lé lhoqyòq hkyô pyám bê nghut lhê;
haú mâ é wáng é akoq pé gi, kyuq huî byùq mù,
myî èq nyé gyó pyâm é hui bê nghut lhê.
13Ahkuî, haû gi, wuì a bò mù kyuq huî é,
yòso má dum htòt hô tô é hui bê nghut ri.
14Hau é akoq mó pé mâ é akoq rakoq mai myi dap lô mù,
hau é ashi pé nyé gyó pyám bê nghut ri.
Haú má, hkóhkam ùp é dumbáng wó kut râ matú,
htan é akoq rakoq lháng a myìt gyó to lo nghut ri.’ nghû taí aq.
Haû gi, ngaùhkyang sang é dang nghut mù, ngaùhkyang sâng râ matú dùt râ nghut lhê.” gâ ri.
Currently Selected:
Ezekela 19: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
