Yeremi-aq 13
13
Jihkyîng Hpyihit
1Haû Yhûmsîng Garai gi, ngo lé, “Jihkyîng hpyihit ê wui yù mù, náng é hpyidum má hit to aq; haú lé wuì kúm hkâzáng nhâng.” ga taî ri. 2Haû mù, ngò gi, haû Yhûmsîng Garai shit kyô é eq rajung za, jihkyîng hpyihit wui yù mù, ngá é hpyidum má hit tô é nghut lhê.
3Hau htâng, haû Yhûmsîng Garaî é mungdang ngá chyáng dum jé é gi, 4“Nàng wui yù mù, hit tô é hpyihit lé yù luî, Uhprat Wuìlàng shut e ló mù, haú mâ é lùq bùm dong má haú lé ê haq to aq.” gâ ri. 5Haû mù, ngò gi, haû Yhûmsîng Garai ngo lé taî é eq rajung za, haú lé Uhprat Wuìlàng yàm má ê haq to bê nghut lhê.
6Hau htâng buìnyì tsómra myáng jáng, haû Yhûmsîng Garai gi, ngo lé, “Ahkuî, Uhprat Wuìlàng shut ê mù, haú má Ngò nang lé haq nhang tô é hpyihit lé ê yù àq.” ga taî ri. 7Haû mù, ngò gi, Uhprat Wuìlàng shut ê luî, ngò haq tô é jowò mai hpyihit lé ê dû htoq yu é nghut lhê; nghut kôlhang, ahkuî, hpyihit haû gi, htên wôm byùq mù, ra-tsuí lháng chûng whuî a mù lo nghut ri.
8Hau htâng, haû Yhûmsîng Garaî é mungdang ngá chyáng jé é gi, 9“Haû Yhûmsîng Garai taî le, ‘Haû eq rajung za, Ngò gi, Yudaq byu pê é nghutbûn é hkyô eq Yerusalem wà mó mâ é gyai yhang nghutbûn é hkyô lé lhoqhtên pyám râ nghut lhê. 10Ngá é dang pé a gyo nhô kut é, yhûmsing é myìt htan é hkyô má cháng luî, gótû hparà pé lé dójaú râ eq noqkuq râ matú châng bum é, agè ashop é byù shí bang gi, hpyihit haû su dùt byùq kôrâ nghut mù, ra-tsuí lháng chûng whuî a mù dùt byùq kôrâ nghut lhê! 11Hkâsu mù gâ le, hpyihit lé hpyidum má hpyihit hit é su, Isira-elaq byù bànshoq bang eq Yudaq byù bànshoq bang lé, Ngá é myìng hu hkyô, hkya-on kúngtôn hkyô eq xânghpoq nge wó hkyo é matú, Ngá é byu pé dùt nhang é dông, Ngá chyáng shuî tsîng tô bùm é nghut kôlhang, yhángmòq a gyo kó nghut ri.’ gâ ri; haû gi, Yhûmsîng Garai taî pyo ri.
Tsibyiq Wing Sho-kuq Htûng
12‘Isira-elaq é Garai Gasang, haû Yhûmsîng Garai taî le, “Sho-kuq htûng hkangmó má tsibyiq wing lhoqpyîng to râ dùt lhê.” gâ ri.’ nghû yhángmòq lé taí aq. Yhángmòq mai nang lé, ‘Sho-kuq htûng hkangmó má tsibyiq wing lhoqpyíng râ hkyô, ngá-mòq a sê é nghut lhê lhú?’ ga taí kôjáng, 13yhángmòq lé, ‘Haû Yhûmsîng Garai taî le, “Ngò gi, shí ming má nyi é bànshoq bang lé le, Dawiq é tángmyhâng má zung é hkóhkam pé lé le, hkyangjông pé, myìqhtoî pé eq Yerusalem wà mó má nyi é bànshoq bang lé le, î shuq wùt nhâng râ nghut lhê. 14Ngò gi, yhángmòq lé, rayùq eq rayùq le, mó eq zo wuî le bàt lhum nhâng mù, shogyo nhikmyin hkyô le a shit, jeju le a byi, yhángmòq lé lhoqhtên pyám râ lé le, a ha bun râ nghut lhê.” gâ ri; haû gi, Yhûmsîng Garai taî pyo ri.’ nghû taî kyo aq.” gâ ri.
Shúm Zûng Bang Gyùq Chiq É Hui Zo Râ É Hkyô
15Haû Yhûmsîng Garai dang nyô bê nghut é yánmai,
gyo mù, rago tâm gyô yù keq;
myìt myhâng nghutbûn é hkyô hkâbô kó.
16Núngmòq é Garai Gasang nghut é, haû Yhûmsîng Garai gi,
mauchut lé a nhang kat shî é htoq agó,
mauchut tuq dùt é kong pé má núngmòq é hkyî a htûng hte lèqbàt shi-má,
Yhang lé hkya-on wàq toq keq.
Núngmòq gi, maubó lé myòqbyù kôrâ nghut lhê;
nghut kôlhang, Yhang gi, haú lé mau taû chut nhâng mù,
tuq tuq chut byùq nhâng râ nghut lhê.
17Núngmòq dang haú lé a gyo kô é nghut jáng,
núngmòq é nghutbun hkyo é yánmai,
ngò gi, haq ngaû râ nghut lhê;
haû Yhûmsîng Garaî é sau hpúng lé shúm dông shuî ló byùq râ nghut é yánmai,
ngò gi, sing nô û nò ngaù râ nghut mù,
ngá é myòqjí mai ngaùbyi yui htoq nyî râ nghut lhê.
18Hkóhkâm eq yhâng nu lé,
“Nungmê é ulhum mâ é hpúng bo é hkóhkâm mùq gi,
gyùt gyó byùq râ nghut é yánmai,
nungmê é hkóhkâm tángmyhâng mai gyó lô keq.” nghû taí keq.
19Maupyî Mau mâ é wà pé gi, myhî pyâm é hui mù,
ó yùq le wó hpóng râ a nghut.
Yudaq mau gón mâ é bang gi, shúm dông shuî ló byùq é hui râ nghut mù,
rayùq lháng a myìt to loshoq shuî ló byùq é hui kôrâ nghut lhê.
20Tu wú kat mù, mautsûng shut mai lé lo é bang lé myàng shoq wú keq.
Ngò, núngmòq lé àp to luî, núngmòq nghutbûn nyi é sau hpúng gi,
hká shut nghut byùq bekô lhú?
21Haû Yhûmsîng Garai gi, núngmòq yhang mhoq byi mù, núngmòq xoq yù bê nghut é bang lé,
núngmòq é ahtoq má nyhi é nghut jáng, núngmòq hkâsu taí kôrâ lhú?
Zo hkû nò no é su,
núngmòq myìt nò kôrâ a nghut lhí?
22“Haî mù ngá chyáng shî su dùt lhê lhú?” nghû,
núngmòq gùng núngmòq taí kô é nghut jáng,
haû gi, núngmòq é yubàk mara myo kô é nghut mù,
núngmòq é hpyî-tsang hkyut pyám byî é hui luî,
núngmòq é hkyîhtáng la-nhik no hpuzô é nghut ri.
23Ehti-opi hpó gi, yhâng é sho-kuq isâm lé,
lo-ká mó gi, yhâng é gùng má kâ é hkyô lé, wó htaî lhik pyám râ lhú?
Haû eq rajung za, agè ashop hkyô kut mán bê é bang núngmòq le,
ge é hkyô lé wó kut kôrâ a nghut.
24“Haû mù, Ngò gi, núngmòq lé, hpuichyap lé su,
yòso mâ é lai èq mùt tâng pyám râ nghut lhê.
25Haû gi, núngmòq é lòqwa maká,
núngmòq é matú Ngò hkunmó hkyô tô é gàmbùm nghut bê.” ga haû Yhûmsîng Garai taî pyo ri.
“Hkâsu mù gâ le, núngmòq gi, Ngo lé tô-myhî pyám kômù,
mhaû é hparà pé lé lùmhkau byùq akô nghut ri.
26Haû mù, Ngò gi, núngmòq é hoq jung de de dùt to râ matú,
núngmòq é hpyî-tsang lé núngmòq é myòqdong má tu nghop pyám byi râ nghut lhê.
27Yò pé eq kong pé má núngmòq kut é achaq achyut hkyô nghut é,
su-myi sulàng shut hkyô,
yùt yùt ô naù mù soqhtung htut é hkyô eq a sansêng é mehpye hpye hkyô lé,
Ngò myàng bê nghut lhê!
Yerusalem ê, nàng gi, dingnyé wó ri!
Nàng gi, hkâ-myháng jé shoq a sanséng dùt nyì râ lhú?” ga,
haû Yhûmsîng Garai taî pyo ri.
Currently Selected:
Yeremi-aq 13: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.
Yeremi-aq 13
13
Jihkyîng Hpyihit
1Haû Yhûmsîng Garai gi, ngo lé, “Jihkyîng hpyihit ê wui yù mù, náng é hpyidum má hit to aq; haú lé wuì kúm hkâzáng nhâng.” ga taî ri. 2Haû mù, ngò gi, haû Yhûmsîng Garai shit kyô é eq rajung za, jihkyîng hpyihit wui yù mù, ngá é hpyidum má hit tô é nghut lhê.
3Hau htâng, haû Yhûmsîng Garaî é mungdang ngá chyáng dum jé é gi, 4“Nàng wui yù mù, hit tô é hpyihit lé yù luî, Uhprat Wuìlàng shut e ló mù, haú mâ é lùq bùm dong má haú lé ê haq to aq.” gâ ri. 5Haû mù, ngò gi, haû Yhûmsîng Garai ngo lé taî é eq rajung za, haú lé Uhprat Wuìlàng yàm má ê haq to bê nghut lhê.
6Hau htâng buìnyì tsómra myáng jáng, haû Yhûmsîng Garai gi, ngo lé, “Ahkuî, Uhprat Wuìlàng shut ê mù, haú má Ngò nang lé haq nhang tô é hpyihit lé ê yù àq.” ga taî ri. 7Haû mù, ngò gi, Uhprat Wuìlàng shut ê luî, ngò haq tô é jowò mai hpyihit lé ê dû htoq yu é nghut lhê; nghut kôlhang, ahkuî, hpyihit haû gi, htên wôm byùq mù, ra-tsuí lháng chûng whuî a mù lo nghut ri.
8Hau htâng, haû Yhûmsîng Garaî é mungdang ngá chyáng jé é gi, 9“Haû Yhûmsîng Garai taî le, ‘Haû eq rajung za, Ngò gi, Yudaq byu pê é nghutbûn é hkyô eq Yerusalem wà mó mâ é gyai yhang nghutbûn é hkyô lé lhoqhtên pyám râ nghut lhê. 10Ngá é dang pé a gyo nhô kut é, yhûmsing é myìt htan é hkyô má cháng luî, gótû hparà pé lé dójaú râ eq noqkuq râ matú châng bum é, agè ashop é byù shí bang gi, hpyihit haû su dùt byùq kôrâ nghut mù, ra-tsuí lháng chûng whuî a mù dùt byùq kôrâ nghut lhê! 11Hkâsu mù gâ le, hpyihit lé hpyidum má hpyihit hit é su, Isira-elaq byù bànshoq bang eq Yudaq byù bànshoq bang lé, Ngá é myìng hu hkyô, hkya-on kúngtôn hkyô eq xânghpoq nge wó hkyo é matú, Ngá é byu pé dùt nhang é dông, Ngá chyáng shuî tsîng tô bùm é nghut kôlhang, yhángmòq a gyo kó nghut ri.’ gâ ri; haû gi, Yhûmsîng Garai taî pyo ri.
Tsibyiq Wing Sho-kuq Htûng
12‘Isira-elaq é Garai Gasang, haû Yhûmsîng Garai taî le, “Sho-kuq htûng hkangmó má tsibyiq wing lhoqpyîng to râ dùt lhê.” gâ ri.’ nghû yhángmòq lé taí aq. Yhángmòq mai nang lé, ‘Sho-kuq htûng hkangmó má tsibyiq wing lhoqpyíng râ hkyô, ngá-mòq a sê é nghut lhê lhú?’ ga taí kôjáng, 13yhángmòq lé, ‘Haû Yhûmsîng Garai taî le, “Ngò gi, shí ming má nyi é bànshoq bang lé le, Dawiq é tángmyhâng má zung é hkóhkam pé lé le, hkyangjông pé, myìqhtoî pé eq Yerusalem wà mó má nyi é bànshoq bang lé le, î shuq wùt nhâng râ nghut lhê. 14Ngò gi, yhángmòq lé, rayùq eq rayùq le, mó eq zo wuî le bàt lhum nhâng mù, shogyo nhikmyin hkyô le a shit, jeju le a byi, yhángmòq lé lhoqhtên pyám râ lé le, a ha bun râ nghut lhê.” gâ ri; haû gi, Yhûmsîng Garai taî pyo ri.’ nghû taî kyo aq.” gâ ri.
Shúm Zûng Bang Gyùq Chiq É Hui Zo Râ É Hkyô
15Haû Yhûmsîng Garai dang nyô bê nghut é yánmai,
gyo mù, rago tâm gyô yù keq;
myìt myhâng nghutbûn é hkyô hkâbô kó.
16Núngmòq é Garai Gasang nghut é, haû Yhûmsîng Garai gi,
mauchut lé a nhang kat shî é htoq agó,
mauchut tuq dùt é kong pé má núngmòq é hkyî a htûng hte lèqbàt shi-má,
Yhang lé hkya-on wàq toq keq.
Núngmòq gi, maubó lé myòqbyù kôrâ nghut lhê;
nghut kôlhang, Yhang gi, haú lé mau taû chut nhâng mù,
tuq tuq chut byùq nhâng râ nghut lhê.
17Núngmòq dang haú lé a gyo kô é nghut jáng,
núngmòq é nghutbun hkyo é yánmai,
ngò gi, haq ngaû râ nghut lhê;
haû Yhûmsîng Garaî é sau hpúng lé shúm dông shuî ló byùq râ nghut é yánmai,
ngò gi, sing nô û nò ngaù râ nghut mù,
ngá é myòqjí mai ngaùbyi yui htoq nyî râ nghut lhê.
18Hkóhkâm eq yhâng nu lé,
“Nungmê é ulhum mâ é hpúng bo é hkóhkâm mùq gi,
gyùt gyó byùq râ nghut é yánmai,
nungmê é hkóhkâm tángmyhâng mai gyó lô keq.” nghû taí keq.
19Maupyî Mau mâ é wà pé gi, myhî pyâm é hui mù,
ó yùq le wó hpóng râ a nghut.
Yudaq mau gón mâ é bang gi, shúm dông shuî ló byùq é hui râ nghut mù,
rayùq lháng a myìt to loshoq shuî ló byùq é hui kôrâ nghut lhê.
20Tu wú kat mù, mautsûng shut mai lé lo é bang lé myàng shoq wú keq.
Ngò, núngmòq lé àp to luî, núngmòq nghutbûn nyi é sau hpúng gi,
hká shut nghut byùq bekô lhú?
21Haû Yhûmsîng Garai gi, núngmòq yhang mhoq byi mù, núngmòq xoq yù bê nghut é bang lé,
núngmòq é ahtoq má nyhi é nghut jáng, núngmòq hkâsu taí kôrâ lhú?
Zo hkû nò no é su,
núngmòq myìt nò kôrâ a nghut lhí?
22“Haî mù ngá chyáng shî su dùt lhê lhú?” nghû,
núngmòq gùng núngmòq taí kô é nghut jáng,
haû gi, núngmòq é yubàk mara myo kô é nghut mù,
núngmòq é hpyî-tsang hkyut pyám byî é hui luî,
núngmòq é hkyîhtáng la-nhik no hpuzô é nghut ri.
23Ehti-opi hpó gi, yhâng é sho-kuq isâm lé,
lo-ká mó gi, yhâng é gùng má kâ é hkyô lé, wó htaî lhik pyám râ lhú?
Haû eq rajung za, agè ashop hkyô kut mán bê é bang núngmòq le,
ge é hkyô lé wó kut kôrâ a nghut.
24“Haû mù, Ngò gi, núngmòq lé, hpuichyap lé su,
yòso mâ é lai èq mùt tâng pyám râ nghut lhê.
25Haû gi, núngmòq é lòqwa maká,
núngmòq é matú Ngò hkunmó hkyô tô é gàmbùm nghut bê.” ga haû Yhûmsîng Garai taî pyo ri.
“Hkâsu mù gâ le, núngmòq gi, Ngo lé tô-myhî pyám kômù,
mhaû é hparà pé lé lùmhkau byùq akô nghut ri.
26Haû mù, Ngò gi, núngmòq é hoq jung de de dùt to râ matú,
núngmòq é hpyî-tsang lé núngmòq é myòqdong má tu nghop pyám byi râ nghut lhê.
27Yò pé eq kong pé má núngmòq kut é achaq achyut hkyô nghut é,
su-myi sulàng shut hkyô,
yùt yùt ô naù mù soqhtung htut é hkyô eq a sansêng é mehpye hpye hkyô lé,
Ngò myàng bê nghut lhê!
Yerusalem ê, nàng gi, dingnyé wó ri!
Nàng gi, hkâ-myháng jé shoq a sanséng dùt nyì râ lhú?” ga,
haû Yhûmsîng Garai taî pyo ri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.