Yeremi-aq 14
14
Sham Èq Sat Hui, Mau A Wò, Mùtmó Gyó Dùt Râ Hkyô
1Mau a wò dùt byùq râ hkyô eq séng luî, Yeremi-aq chyáng haû Yhûmsîng Garaî é dang jé é gi,
2“Yudaq gi, iyon yon mù,
yhâng é wà pé gi, wum nyhôm ló byùq bê nghut ri;
mingbyû wuì gi, haú maû é matú ngaùhkyûng ngaùyang dùt nyi bum akô;
Yerusalem wà mó mai ngau garû é htê htoq lo ri.
3Xânghpoq nge wó bang gi, yhángmòq é duìnhâng zoshâng wuì lé, wuì ê hkâm nhang é nghut mù,
haú bang gi, wuì tíng dong má ê jé kôlhang,
haú má wuì a bò nghut ri.
Yhángmòq gi, wuì yambú akôm eq taû lo bum akô;
yhángmòq gi, gyùq hoq luî, myìt htûm byùq mù,
u ngóm luî taû lo bum akô nghut ri.
4Mîngdán má mau a wo é yánmai,
myigùng gi, myigàng gòq há bê nghut ri;
yò mú zui zo bang gi, u ngóm mù,
gyùq ngha bùm bekô nghut ri.
5Pá pé mâ é xat zîng lháng gi,
mhan nú pé a jòq lô é yánmai,
yhang shuî hkyô kat é xat zo lé tô pyâm to bê nghut ri.
6Kyang é loze pé gi, myhang é dánpyut kong pé má yàp to mù,
dànghkuî pé su laì lé chyup yu nyi bum akô;
zoshuq langhpyùt é yánmai,
yhángmòq é myòqjí myhám myhám dùt byùq bê nghut ri.” gâ ri.
7Yhûmsîng Garai ê, ngá-mòq é yubàk mara gi,
ngá-mòq lé mara hûn sàksé kut kôlhang,
Náng é mying é yánmai, ngá-mòq lé rajung jung kut byi shilaq;
ngá-mòq gi, Nang lé razùp zùp tô pyâm tô é htoq agó,
Nang lé mara kut shut pyám bê nghut lhê.
8Isira-elaq é myòqbyù jang,
myìt myo ûng wom hkun lhê é Hkyi yù Sû ê,
Nàng gi, haî mù, shí mau mâ é byù bíng su le,
ra-myìn za byam nô yu é gyung so sû su le, nghut nyi lhê lhú?
9Nàng gi, haî mù, dan hong byùq é sû su le,
hkyi yù râ a-tsam a bo é sarhê hpó su le, nghut nyi lhê lhú?
Yhûmsîng Garai ê, Nàng gi, ngá-mòq chyáng nghut nyi lhê!
Ngá-mòq gi, Náng é myìng wun é bang nghut lhê;
ngá-mòq lé hkâtô pyâm to ô!
10Byù shí bang eq séng luî, haû Yhûmsîng Garai taî le,
“Yhángmòq gi, yông wún râ lé gyaí ngui é bang nghut akô;
yhángmòq gi, yhûmsing é hkyô lé a hkang zìng kó nghut ri.
Haû mù, haû Yhûmsîng Garai gi, yhángmòq lé a hàp yù nghut ri;
ahkuî, Yhang gi, yhángmòq é agè ashop hkyô lé myìtbun râ nghut luî,
yhángmòq é yubàk marâ é matú, yhángmòq lé mara dam byi râ nghut lhê.” gâ ri.
11Hau htâng, haû Yhûmsîng Garai mai ngo lé taî é gi, “Byù shí bang nyì ngón yùqyò râ matú kyû hkâbo dung byi. 12Yhángmòq zoshuq túm kôlhang, Ngò gi, yhángmòq é wùt ngaù htê lé gyo byi râ a nghut; myi nyhé hkungga pé eq zoshuq hkungga pé lé yhángmòq nhông byi kôlhang, Ngò gi, haú pé lé lhom hàp yù byi râ a nghut. Ngò gi, shâm, mùtmó gyó é eq wúm pê èq yhángmòq lé lhoqhtên pyám râ nghut lhê.” gâ ri.
13Nghut kôlhang, ngò gi, “Goì ê, Ahko Ahkáng lhúnglháng wó Sû Yhûmsîng Garai ê! Myìqhtoî pé gi, ngá-mòq lé, ‘Núngmòq gi, shâm lé myàng râ a nghut é htoq agó, mùtmó gyó é hui zo kôrâ a nghut. Ngò gi, núngmòq lé haú jowò má ayang nguì ngón nhâng râ nghut lhê.’ ga taî kyô akô mhaî.” nghû taî é nghut lhê.
14Haú hkûn, haû Yhûmsîng Garai mai ngo lé taî é gi, “Myìqhtoi haú bang gi, Ngá é myìng lang luî, myìqhtoi mhaû htoî akô nghut ri. Yhángmòq lé Ngò nhang é le a nghut, yhángmòq lé Ngò wò byî é le a nghut, yhángmòq lé Ngò dáng nyo é le a nghut. Núngmòq lé yhángmòq myìqhtoi htoi byî é hkyô gi, mhaû é shing-rán, bùt hpyit é hkyô, a-kyû a bo é hparà noq hkyô eq yhûmsing é ashop é u-nuq chung é hkyô pé chyat nghut ri. 15Haû mù, Ngá é myìng lang mù myìqhtoi htoî é myìqhtoî pé eq séng luî, haû Yhûmsîng Garai taî é gi, ‘Ngò gi, yhángmòq lé a nhâng kôlhang, yhángmòq gi, “Shí mau lé, sham èq nghut nghut, mùtmó gyó é nghut nghut, záng râ a nghut.” ga taî akô nghut ri. Myìqhtoi haú bang gi, shâm eq mùtmó gyó é mai htûm byùq kôrâ nghut lhê. 16Yhángmòq é myìqhtoi dang lé gyô yu é byu pé gi, mùtmó gyó é eq shâm mai shi é hui kô é yánmai, Yerusalem wà mó mâ é hkyô pé má dú lheq pyâm é hui kôrâ nghut lhê. Yhángmòq lé le, yhángmòq é yhûmsîng myhî pé lé le, yhángmòq é yùqzo byìzô pé lé le, myhup yhûm é byù nyì râ a nghut. Ngò gi, yhángmòq hui zo gíng é wuîhke jamjau hpuzo hkyô lé, yhángmòq chyáng hut hkyô kat râ nghut lhê.’ gâ ri.
17Shî su nghû yhángmòq lé taí aq;
‘Ngá é byu pé nghut é, byìzo zo-myi gyíng gi,
yhâng é dàm bùp nò mù, hpuzô nyi é yánmai,
ngá é myòqjí gi, nyí myín ngaùbyi ru jâng yui nyì sháng gàq.
18Ngò, yòsô mau má ê jáng,
sham èq sat tô é bang lé myang ri;
Ngò, wàhkaû má wang ê jáng,
mùtmó gyó luî no hpû nyi bum é bang lé myang ri.
Myìqhtoi eq hkyangjong lháng gi,
haî le a sé kô é za, mú zuî yông lhing wún bûm bekô nghut ri.’ nghû àq.” gâ ri.
19Nàng gi, Yudaq byu pé lé bànshoq he-ngìk pyám bê lhú?
Nàng gi, Zi-un lé wú tiq pyám bê lhû?
Ngá-mòq a wó yâ ge yù loshoq,
haî mù ngá-mòq lé bàt nho é lhú?
Ngá-mòq gi, nguì ngón hkyô lé myòqbyù kôlhang,
gè é hkyô haî le a htoq nghut ri;
lhoqgê lhoqyô byi râ lé myòqbyù kôlhang,
gyùq chiq hpo baú htoq ri nhung!
20Yhûmsîng Garai ê, ngá-mòq gi, ngá-mòq é agè ashop hkyô lé le,
ngá-mòq é îchyí îwâ pé shut é mara lé le, yín yu lhê ô;
ngá-mòq gi, gè gè yhang,
Nang lé mara shut bê nghut lhê.
21Náng é mying é yánmai, ngá-mòq lé hkâwú tiq pyám;
Náng é hpungwup bo é tángmyhâng lé a hkúngga hkâkut.
Ngá-mòq eq tô tô é dangshikaq lé myìtbun mù,
haú lé hkâ lhoqhpyoq pyám.
22Gótû a-myû wuì mâ é, a-kyû a bo é hparà hpôlhô pé má, mau wó wô nhang é bo lhê lhú?
Maulat gi, yhang baú mau ge wò nhang lhê lhú?
Ngá-mòq é Garai Gasang nghut é, Yhûmsîng Garai ê,
shí hkyô gi, Nàng za wó kut lhê, a nghut lhí?
Haû mù, shí hkyô pé bànshoq lé gi, Nàng za kut lhê nghut é yánmai,
ngá-mòq é myòqbyù hkyô gi, Náng chyáng za nghut lhê.
Currently Selected:
Yeremi-aq 14: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.