Yeremi-aq 15
15
1Haû Yhûmsîng Garai mai ngo lé taî é gi, “Mosheq eq Samu-elaq nhik Ngá é hí má yàp byi kô le lháng, byù myû shî lé Ngò shogyo nhikmyîn yù râ a nghut. Ngá é hí mai yhángmòq lé nhang pyám aq! Yhángmòq htoq ló byùq kó sháng gàq! 2Yhángmòq mai nang lé, ‘Ngá-mòq hká shut htoq ló râ lhú?’ ga myi kô é nghut jáng, yhángmòq lé, ‘Haû Yhûmsîng Garai taî le,
“Shi byùq é ang râ bang gi, shi byùq é shut;
sham èq sat pyâm é ang râ bang gi, sham èq sat pyâm é shut;
zò-mut wuìshit huî é ang râ bang gi, zò-mut wuìshit é shut;
shúm zûng huî é ang râ bang gi, shúm zung é shut, htoq ló keq.” gâ ri.’ nghû taî kyo aq.
3Ngò gi, yhángmòq lé lhoqhtên pyám râ ihkyùp myî jung nghut é, sham èq sat pyám râ hkyô, hkuî pê é ngàt shê râ hkyô, zô htên pyám râ nghoq pé eq tân jung yòsô zè pé lé, yhángmòq chyáng nhang kat râ nghut lhê. 4Yerusalem wà mó má Yudaq hkóhkâm Hezeki-a é yhang zo Manase kut é hkyo é yánmai, myìdàm htoq mâ é mîngdán pé bànshoq htoq má, Ngò, yhángmòq lé gyùq chiq hpo alhô agàn dùt nhâng râ nghut lhê.” ga taî ri; haû gi, Yhûmsîng Garai taî pyo ri.
5Hau htoq agó, “Yerusalem ê, nang lé ó yùq shogyô yù râ lhú?
Náng é matú ó yùq yón byi râ lhú?
Nang lé wángzán hkyô ó yùq myi râ lhú?
6Nàng gi, Ngo lé he-ngìk pyám bê nghut ri;
nàng gi, a nghut shut lhing taû ló bê nghut ri.
Haû mù, Ngò gi, náng chyáng lòq lhâm jé luî, nang lé lhoqhtên pyám râ nghut lhê;
Ngò gi, nang lé a ung shogyo lo nghut ri.” ga le taî ri;
haû gi, Yhûmsîng Garai taî pyo ri.
7Hau htoq agó, “Ngò gi, byo èq pyâng é su,
yhángmòq lé maukyo hkum má pyang râ nghut lhê;
Ngò gi, yhángmòq é zodù wuì lé lhoqhtûm pyám mù, Ngá é a-myû lé lhoqhtên pyám râ nghut lhê;
hkâsu mù gâ le, yhángmòq gi, yhángmòq é hkyô pé lé a htaî lhik pyám kó nghut ri.
8Ngò gi, wuìshuq lung-aû yàm mâ é se-muî htoq myo shoq,
yhángmòq é chuimó pé lhoqmyo râ nghut lhê.
Ngò gi, yhángmòq é zorâm wui é yhâng nû pé lé sat pyám râ sû lé,
nyí gûng má nhang kat râ nghut lhê;
Ngò gi, dìk shoq hpuzô é hkyô eq gyùq chiq hpo lé,
byò dàn tung yhángmòq chyáng jé nhâng râ nghut lhê.
9Zoshâng nyhit yùq hku é înu gi, mòq ló byùq luî,
yhâng é kângsoq htum râ nghut lhê.
Nyí ru nghut nyi ashî le, yhâng é buì wang byùq râ nghut lhê;
yhang gi, hoq hpû é eq myòqdong shum byùq é hui râ nghut lhê.
Ngò gi, nyi myìt gyó tô é bang lé le,
yhángmòq é gye pê hí má sham èq sat pyám râ matú àp pyám râ nghut lhê.” ga,
haû Yhûmsîng Garai taî pyo ri.
10Ânu ê, ra-mau gón má byòq lhum byòq cheq é eq dangnyhin nyhîn lhûm é sû dùt sháng gàq ga,
nàng, ngo lé hku é yánmai, ngò dingnyé wó ri!
Ngò gi, chyi sû le a nghut, ngho sû le a nghut kôlhang,
yùq hkangmó ngo lé nhîng akô nghut ri.
11Haú hkûn, haû Yhûmsîng Garai taî é gi,
“Gè gè yhang, Ngò gi, gè hkyo é matú nang lé hkyi yù râ nghut lhê;
gè gè yhang, Ngò gi, byò dàn byò sho dùt é u eq myìt myo ûng wôm é u má,
náng é gye pé lé, náng é hí má, lé tôngbán nhâng râ nghut lhê.
12Jòqtoq lé wó lhoqhkyui râ lhú?
mautsûng mâ é jòqtoq nghut nghut, gyi nghut nghut lé, wó lhoqhkyui râ lhú?
13Náng é mîngdán gón má,
nàng kut é yubàk mara bànshoq é yánmai,
náng é sùtzè eq náng é zèhkoq pé lé,
ahpau a yu é za lú lo é zè dông byî pyám râ nghut lhê.
14Ngò gi, nang lé, nàng a sê é mau má,
náng é gye pê é jùn dùt nhâng râ nghut lhê;
hkâsu mù gâ le, Ngá é nhikjum yo hkyô gi,
nang lé nyé gyó pyám râ myi tuq kat râ nghut lhê.” gâ ri.
15Yhûmsîng Garai ê, Nàng sê lhê;
ngo lé myìtbun mù, ngo lé wú gon aq.
Ngo lé zing-rî é bang lé lató hpuq byi aq.
Nàng gi, yhángmòq lé myìt hîng byi mù, ngo lé hkâwùp yu pyám;
Náng é yánmai, rhoi pyâm é ngò hui zô é hkyô lé myìtbun byi aq.
16Wum-o a-tsam dìk shoq bò Sû Yhûmsîng Garai Gasang ê,
ngò gi, Náng é dang pé jé é hkûn, haú pé lé zô hâng to bê nghut lhê;
ngò gi, Náng é myìng wùn sû nghut é yánmai,
haú pé gi, ngá é gabú hkyô eq ngò myìt nguì ô nau é hkyô nghut ri.
17Ngò gi, ye kún ngón kún bâng é hpúng má hkâ-nhám le a bo zung é htoq agó,
yhángmòq eq rahá hkâ-nhám le a bo gabú é nghut lhê;
Nàng gi, ngo lé nhikjum mó yó nhang é htoq agó,
Náng é lòq gi, ngá chyáng jòq nyi é yánmai, ngò baú zung nyi é nghut lhê.
18Ngò no hpuzô é hkyô gi, haî mù a nô byùq é lhú?
Ngá é dàm gi, haî mù jèq myô lò luî, a wó yâ ge yu é lhú?
Nàng gi, ngá é matú, kân byùq é wuìlàng zo su,
haî mù mhaû nyi lhê lhú?
19Haû mù, haû Yhûmsîng Garai taî le,
“Nàng myìt lhing é nghut jáng, nàng, Ngo lé wó dójaú râ matú,
nang lé Ngò shuî lhing yù râ nghut lhê;
nàng gi, taí gíng é dang eq a taí gíng é dang lé gam hkoq to bê nghut jáng,
Ngá é dang nyô byi sû dùt râ nghut lhê.
Yhángmòq gi, náng chyáng lhing lò kó sháng gàq;
nàng kúm gi, yhángmòq chyáng ge lhing ló râ a nghut.
20Ngò gi, nang lé, byù shí bâng é matú,
gingtîng é gyi wàhkûm dùt nhâng râ nghut lhê;
yhángmòq gi, nang lé, gyè zan kôrâ nghut kôlhang,
ûng kôrâ a nghut.
Hkâsu mù gâ le, nang lé hkyi yù xe yù râ matú,
Ngò gi, nàng eq rahá nghut nyi lhê.
21Ngò gi, nang lé agè ashop bâng é lòq mai hkyi yù mù,
byù wui byù hkê pé zuî zing tô é mai lhoqhtoq yû râ nghut lhê.” gâ ri;
haû gi, Yhûmsîng Garai taî pyo ri.
Currently Selected:
Yeremi-aq 15: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.
Yeremi-aq 15
15
1Haû Yhûmsîng Garai mai ngo lé taî é gi, “Mosheq eq Samu-elaq nhik Ngá é hí má yàp byi kô le lháng, byù myû shî lé Ngò shogyo nhikmyîn yù râ a nghut. Ngá é hí mai yhángmòq lé nhang pyám aq! Yhángmòq htoq ló byùq kó sháng gàq! 2Yhángmòq mai nang lé, ‘Ngá-mòq hká shut htoq ló râ lhú?’ ga myi kô é nghut jáng, yhángmòq lé, ‘Haû Yhûmsîng Garai taî le,
“Shi byùq é ang râ bang gi, shi byùq é shut;
sham èq sat pyâm é ang râ bang gi, sham èq sat pyâm é shut;
zò-mut wuìshit huî é ang râ bang gi, zò-mut wuìshit é shut;
shúm zûng huî é ang râ bang gi, shúm zung é shut, htoq ló keq.” gâ ri.’ nghû taî kyo aq.
3Ngò gi, yhángmòq lé lhoqhtên pyám râ ihkyùp myî jung nghut é, sham èq sat pyám râ hkyô, hkuî pê é ngàt shê râ hkyô, zô htên pyám râ nghoq pé eq tân jung yòsô zè pé lé, yhángmòq chyáng nhang kat râ nghut lhê. 4Yerusalem wà mó má Yudaq hkóhkâm Hezeki-a é yhang zo Manase kut é hkyo é yánmai, myìdàm htoq mâ é mîngdán pé bànshoq htoq má, Ngò, yhángmòq lé gyùq chiq hpo alhô agàn dùt nhâng râ nghut lhê.” ga taî ri; haû gi, Yhûmsîng Garai taî pyo ri.
5Hau htoq agó, “Yerusalem ê, nang lé ó yùq shogyô yù râ lhú?
Náng é matú ó yùq yón byi râ lhú?
Nang lé wángzán hkyô ó yùq myi râ lhú?
6Nàng gi, Ngo lé he-ngìk pyám bê nghut ri;
nàng gi, a nghut shut lhing taû ló bê nghut ri.
Haû mù, Ngò gi, náng chyáng lòq lhâm jé luî, nang lé lhoqhtên pyám râ nghut lhê;
Ngò gi, nang lé a ung shogyo lo nghut ri.” ga le taî ri;
haû gi, Yhûmsîng Garai taî pyo ri.
7Hau htoq agó, “Ngò gi, byo èq pyâng é su,
yhángmòq lé maukyo hkum má pyang râ nghut lhê;
Ngò gi, yhángmòq é zodù wuì lé lhoqhtûm pyám mù, Ngá é a-myû lé lhoqhtên pyám râ nghut lhê;
hkâsu mù gâ le, yhángmòq gi, yhángmòq é hkyô pé lé a htaî lhik pyám kó nghut ri.
8Ngò gi, wuìshuq lung-aû yàm mâ é se-muî htoq myo shoq,
yhángmòq é chuimó pé lhoqmyo râ nghut lhê.
Ngò gi, yhángmòq é zorâm wui é yhâng nû pé lé sat pyám râ sû lé,
nyí gûng má nhang kat râ nghut lhê;
Ngò gi, dìk shoq hpuzô é hkyô eq gyùq chiq hpo lé,
byò dàn tung yhángmòq chyáng jé nhâng râ nghut lhê.
9Zoshâng nyhit yùq hku é înu gi, mòq ló byùq luî,
yhâng é kângsoq htum râ nghut lhê.
Nyí ru nghut nyi ashî le, yhâng é buì wang byùq râ nghut lhê;
yhang gi, hoq hpû é eq myòqdong shum byùq é hui râ nghut lhê.
Ngò gi, nyi myìt gyó tô é bang lé le,
yhángmòq é gye pê hí má sham èq sat pyám râ matú àp pyám râ nghut lhê.” ga,
haû Yhûmsîng Garai taî pyo ri.
10Ânu ê, ra-mau gón má byòq lhum byòq cheq é eq dangnyhin nyhîn lhûm é sû dùt sháng gàq ga,
nàng, ngo lé hku é yánmai, ngò dingnyé wó ri!
Ngò gi, chyi sû le a nghut, ngho sû le a nghut kôlhang,
yùq hkangmó ngo lé nhîng akô nghut ri.
11Haú hkûn, haû Yhûmsîng Garai taî é gi,
“Gè gè yhang, Ngò gi, gè hkyo é matú nang lé hkyi yù râ nghut lhê;
gè gè yhang, Ngò gi, byò dàn byò sho dùt é u eq myìt myo ûng wôm é u má,
náng é gye pé lé, náng é hí má, lé tôngbán nhâng râ nghut lhê.
12Jòqtoq lé wó lhoqhkyui râ lhú?
mautsûng mâ é jòqtoq nghut nghut, gyi nghut nghut lé, wó lhoqhkyui râ lhú?
13Náng é mîngdán gón má,
nàng kut é yubàk mara bànshoq é yánmai,
náng é sùtzè eq náng é zèhkoq pé lé,
ahpau a yu é za lú lo é zè dông byî pyám râ nghut lhê.
14Ngò gi, nang lé, nàng a sê é mau má,
náng é gye pê é jùn dùt nhâng râ nghut lhê;
hkâsu mù gâ le, Ngá é nhikjum yo hkyô gi,
nang lé nyé gyó pyám râ myi tuq kat râ nghut lhê.” gâ ri.
15Yhûmsîng Garai ê, Nàng sê lhê;
ngo lé myìtbun mù, ngo lé wú gon aq.
Ngo lé zing-rî é bang lé lató hpuq byi aq.
Nàng gi, yhángmòq lé myìt hîng byi mù, ngo lé hkâwùp yu pyám;
Náng é yánmai, rhoi pyâm é ngò hui zô é hkyô lé myìtbun byi aq.
16Wum-o a-tsam dìk shoq bò Sû Yhûmsîng Garai Gasang ê,
ngò gi, Náng é dang pé jé é hkûn, haú pé lé zô hâng to bê nghut lhê;
ngò gi, Náng é myìng wùn sû nghut é yánmai,
haú pé gi, ngá é gabú hkyô eq ngò myìt nguì ô nau é hkyô nghut ri.
17Ngò gi, ye kún ngón kún bâng é hpúng má hkâ-nhám le a bo zung é htoq agó,
yhángmòq eq rahá hkâ-nhám le a bo gabú é nghut lhê;
Nàng gi, ngo lé nhikjum mó yó nhang é htoq agó,
Náng é lòq gi, ngá chyáng jòq nyi é yánmai, ngò baú zung nyi é nghut lhê.
18Ngò no hpuzô é hkyô gi, haî mù a nô byùq é lhú?
Ngá é dàm gi, haî mù jèq myô lò luî, a wó yâ ge yu é lhú?
Nàng gi, ngá é matú, kân byùq é wuìlàng zo su,
haî mù mhaû nyi lhê lhú?
19Haû mù, haû Yhûmsîng Garai taî le,
“Nàng myìt lhing é nghut jáng, nàng, Ngo lé wó dójaú râ matú,
nang lé Ngò shuî lhing yù râ nghut lhê;
nàng gi, taí gíng é dang eq a taí gíng é dang lé gam hkoq to bê nghut jáng,
Ngá é dang nyô byi sû dùt râ nghut lhê.
Yhángmòq gi, náng chyáng lhing lò kó sháng gàq;
nàng kúm gi, yhángmòq chyáng ge lhing ló râ a nghut.
20Ngò gi, nang lé, byù shí bâng é matú,
gingtîng é gyi wàhkûm dùt nhâng râ nghut lhê;
yhángmòq gi, nang lé, gyè zan kôrâ nghut kôlhang,
ûng kôrâ a nghut.
Hkâsu mù gâ le, nang lé hkyi yù xe yù râ matú,
Ngò gi, nàng eq rahá nghut nyi lhê.
21Ngò gi, nang lé agè ashop bâng é lòq mai hkyi yù mù,
byù wui byù hkê pé zuî zing tô é mai lhoqhtoq yû râ nghut lhê.” gâ ri;
haû gi, Yhûmsîng Garai taî pyo ri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.