Yeremi-aq 16
16
Byò Dàn Byò Sho Huî É Buìnyì
1Hau htâng, haû Yhûmsîng Garaî é mungdang ngá chyáng jé é gi, 2“Nàng gi, shí jowò má myiwe a gè yu é htoq agó, yùqzo byìzô pé le ge hkû râ a nghut.” gâ ri. 3Hkâsu mù gâ le, shí jowò má hku é yùqzo byìzô pé eq séng luî le, yhángmòq é yhâng nu yhâng wâ pé eq séng luî le, haû Yhûmsîng Garai taî é gi, 4“Yhángmòq gi, nò wúm ajà jà mai shî byùq kôrâ nghut lhê. Yhángmòq é matú iyon yon kôrâ le a nghut; yhángmòq lé myhup yhûm pyám kôrâ le a nghut; myigùng má hpún su lèq bùm kôrâ ru nghut lhê. Yhángmòq gi, sham èq le, mùtmó gyó é èq le, htûm byùq kôrâ nghut mù, yhángmòq é màng pé gi, nghoq pé eq tân jung yòsô zè pê é zoshuq dùt byùq râ nghut lhê.” gâ ri.
5Haû Yhûmsîng Garai taî le, “Màng yhum zoshuq jòq é yhûm má hkâwang ê; iyon ê bo yon mù, shogyo myìt ê shit râ matú hkâ-ê; hkâsu mù gâ le, Ngá é shimân jeju, Ngá é chyitdàp myìt eq Ngá é shogyo myìt lé, byù shí bâng chyáng mai Ngò wùp yu pyám bê nghut lhê.” gâ ri; haû gi, Yhûmsîng Garai taî pyo ri. 6Hau htoq agó, “Shí mau má tiq sû ko sû shi byùq râ nghut lhê; yhángmòq lé myhup yhûm é hkyô le a jòq; iyon yon byî râ le a nghut; shi byùq bê bâng é matú yhûmsîng gùng yâm cheq é le, a nyì; xâm wuq pyâm é le, a nyì râ nghut lhê. 7Shi byùq bê su é matú iyon yon bang lé nhiktíng byi râ matú, zoshuq byî é le, ó a nyì; înu îwa shî kôlhang, yhángmòq lé nhiktíng byi râ matú, shuq jung byî é byù le, nyì râ a nghut.
8Zoshuq poî kut nyi é yhûm má hkâwang ê; yhángmòq eq bo zo bo shuq râ matú hkâbo zùng. 9Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai taî le, ‘Shí jowò má, gabú byam chyû é htê, gabú nguì ngón é htê, lusik é htê eq myisik é htê lé, núngmòq é myòq hí, núngmòq é i-pyàt má lhoqzîm pyám byi râ nghut lhê.’ gâ ri.
10Haû mù, byù shí bang lé shí hkyô pé bànshoq nàng taî kyô é hkûn, yhángmòq gi, nang lé, ‘Haû Yhûmsîng Garai gi, haî mù luî, shî í kô é byò dàn byò sho hkyo èq ngá-mòq lé htim râ matú hkunmó hkyô lhê lhú? Ngá-mòq haî kut shut bê nghut lhê lhú? Ngá-mòq é Garai Gasang nghut é, haû Yhûmsîng Garai lé, ngá-mòq hai mara kut shut bê nghut lhê lhú?’ ga myi kôrâ nghut lhê. 11Haú hkûn, yhángmòq lé, ‘Haû Yhûmsîng Garai taî le, “Haû gi, núngmòq é îchyí îwâ pé, Ngo lé tô pyám luî, gótû hparà pê htâng cháng mù, haú pé lé dójaú luî, noqkuq kô é yánmai nghut lhê. Yhángmòq gi, Ngo lé tô pyám kômù, Ngá é târâ lé a cháng kó nghut ri. 12Nghut kôlhang, núngmòq gi, núngmòq é îchyí îwâ pê htoq je riyhang agè ashop é dông kut bekô nghut ri. Wú keq; núngmòq yùq hkangmó gi, Ngá é jì-no gyo râ htoq, núngmòq é agè ashop é myìt htan é hkyô má châng nyi bum akô nghut ri. 13Haû mù, Ngò gi, núngmòq lé, shí mau mai, núngmòq le, núngmòq é îchyí îwâ pé le a sê é mau má hkat hâng kat râ nghut mù, núngmòq gi, haú má nyí myín gótû hparà pé lé dójaú kôrâ nghut lhê; hkâsu mù gâ le, Ngò gi, núngmòq lé jeju shit râ a nghut.” gâ ri.’ nghû tû taí keq.” gâ ri.
14Haû Yhûmsîng Garai taî pyo é gi, “Nghut kôle, ‘Isira-elaq byu pé lé Egutuq ming mai shuî htoq é, haû Yhûmsîng Garai rû dui nyì nyì.’ ga a taí lô é za, 15‘Isira-elaq byu pé lé, mautsûng hkyam mâ é mau mai le, yhángmòq lé hkat hâng kat é mîngdán pé bànshoq mai le, dum shuî htoq lo é Yhûmsîng Garai rû dui nyì nyì.’ gâ é buìnyì pé jé lô râ nghut lhê.” gâ ri.
16Haû Yhûmsîng Garai taî pyo é gi, “Nghut kôlhang, ahkuî, Ngò gi, ngozo kóng bang myo myo lé nhâng mù, yhángmòq lé châng kông yù nhâng râ nghut lhê. Hau htâng, Ngò gi, sho hkat bang myo myo lé nhang kat râ nghut mù, haú bang gi, bùm hkangmó mai le, kong hkangmó mai le, lùqhkyûng pé mai le, yhángmòq lé châng ho yù râ nghut lhê. 17Ngá é myòqjí gi, yhángmòq é hkyô bànshoq lé wú tô é nghut mù, yhángmòq gi, Ngá é hí mai wó haq kôrâ a nghut; yhángmòq é yubàk mara le Ngá é myòq hí mai wó nghop pyám kôrâ a nghut. 18Yhángmòq gi, Ngá é maumyî lé, yhángmòq é ashop é hparà lhô pê é chyungxe a bo é azòng pê èq agòt a-û kut pyám kômù, Ngá é silî wunlî maumyî má, achaq achyut é hparà hpôlhô pé lhoqpyíng bekô nghut é yánmai, yhángmòq é agè ashop hkyô eq yhángmòq é yubàk marâ é matú, mara dàm í tú byi râ nghut lhê.” gâ ri.
19Ngá é wum-o eq ngá é gingtíng jowò,
myìt myo ûng wôm é hkûn ngá é nghêhkaû jang nghut é,
Yhûmsîng Garai ê, byù myû wuì gi,
myìdàm htoq ló htâng é mai Náng chyáng lé lô kômù,
“Ngá-mòq é îchyí îwâ pé gi, hparà a-pyoq pé eq yhángmòq lé
ge é hkyô a wó byî é hparà hpôlhô pé lé za sing akô nghut ri.
20Byu pé gi, yhûmsing é matú hparà pé a saí kô é lhú?
Saî lhê; nghut kôlhang, haú pé gi, hparà a-kyîng pé a nghut.” ga taí kôrâ nghut lhê.
21“Haû mù, Ngò gi, yhángmòq lé sé nhâng râ nghut lhê;
Ngá é hpungwup a-tsam eq wum-o a-tsam lé,
shí dâm Ngò yhángmòq lé sé nhâng râ nghut lhê.
Haú hkûn, Ngá myîng gi, Yhûmsîng Garai nghut é hkyô lé,
yhángmòq sé kôrâ nghut lhê.” ga Yhûmsîng Garai taî ri.
Currently Selected:
Yeremi-aq 16: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.
Yeremi-aq 16
16
Byò Dàn Byò Sho Huî É Buìnyì
1Hau htâng, haû Yhûmsîng Garaî é mungdang ngá chyáng jé é gi, 2“Nàng gi, shí jowò má myiwe a gè yu é htoq agó, yùqzo byìzô pé le ge hkû râ a nghut.” gâ ri. 3Hkâsu mù gâ le, shí jowò má hku é yùqzo byìzô pé eq séng luî le, yhángmòq é yhâng nu yhâng wâ pé eq séng luî le, haû Yhûmsîng Garai taî é gi, 4“Yhángmòq gi, nò wúm ajà jà mai shî byùq kôrâ nghut lhê. Yhángmòq é matú iyon yon kôrâ le a nghut; yhángmòq lé myhup yhûm pyám kôrâ le a nghut; myigùng má hpún su lèq bùm kôrâ ru nghut lhê. Yhángmòq gi, sham èq le, mùtmó gyó é èq le, htûm byùq kôrâ nghut mù, yhángmòq é màng pé gi, nghoq pé eq tân jung yòsô zè pê é zoshuq dùt byùq râ nghut lhê.” gâ ri.
5Haû Yhûmsîng Garai taî le, “Màng yhum zoshuq jòq é yhûm má hkâwang ê; iyon ê bo yon mù, shogyo myìt ê shit râ matú hkâ-ê; hkâsu mù gâ le, Ngá é shimân jeju, Ngá é chyitdàp myìt eq Ngá é shogyo myìt lé, byù shí bâng chyáng mai Ngò wùp yu pyám bê nghut lhê.” gâ ri; haû gi, Yhûmsîng Garai taî pyo ri. 6Hau htoq agó, “Shí mau má tiq sû ko sû shi byùq râ nghut lhê; yhángmòq lé myhup yhûm é hkyô le a jòq; iyon yon byî râ le a nghut; shi byùq bê bâng é matú yhûmsîng gùng yâm cheq é le, a nyì; xâm wuq pyâm é le, a nyì râ nghut lhê. 7Shi byùq bê su é matú iyon yon bang lé nhiktíng byi râ matú, zoshuq byî é le, ó a nyì; înu îwa shî kôlhang, yhángmòq lé nhiktíng byi râ matú, shuq jung byî é byù le, nyì râ a nghut.
8Zoshuq poî kut nyi é yhûm má hkâwang ê; yhángmòq eq bo zo bo shuq râ matú hkâbo zùng. 9Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai taî le, ‘Shí jowò má, gabú byam chyû é htê, gabú nguì ngón é htê, lusik é htê eq myisik é htê lé, núngmòq é myòq hí, núngmòq é i-pyàt má lhoqzîm pyám byi râ nghut lhê.’ gâ ri.
10Haû mù, byù shí bang lé shí hkyô pé bànshoq nàng taî kyô é hkûn, yhángmòq gi, nang lé, ‘Haû Yhûmsîng Garai gi, haî mù luî, shî í kô é byò dàn byò sho hkyo èq ngá-mòq lé htim râ matú hkunmó hkyô lhê lhú? Ngá-mòq haî kut shut bê nghut lhê lhú? Ngá-mòq é Garai Gasang nghut é, haû Yhûmsîng Garai lé, ngá-mòq hai mara kut shut bê nghut lhê lhú?’ ga myi kôrâ nghut lhê. 11Haú hkûn, yhángmòq lé, ‘Haû Yhûmsîng Garai taî le, “Haû gi, núngmòq é îchyí îwâ pé, Ngo lé tô pyám luî, gótû hparà pê htâng cháng mù, haú pé lé dójaú luî, noqkuq kô é yánmai nghut lhê. Yhángmòq gi, Ngo lé tô pyám kômù, Ngá é târâ lé a cháng kó nghut ri. 12Nghut kôlhang, núngmòq gi, núngmòq é îchyí îwâ pê htoq je riyhang agè ashop é dông kut bekô nghut ri. Wú keq; núngmòq yùq hkangmó gi, Ngá é jì-no gyo râ htoq, núngmòq é agè ashop é myìt htan é hkyô má châng nyi bum akô nghut ri. 13Haû mù, Ngò gi, núngmòq lé, shí mau mai, núngmòq le, núngmòq é îchyí îwâ pé le a sê é mau má hkat hâng kat râ nghut mù, núngmòq gi, haú má nyí myín gótû hparà pé lé dójaú kôrâ nghut lhê; hkâsu mù gâ le, Ngò gi, núngmòq lé jeju shit râ a nghut.” gâ ri.’ nghû tû taí keq.” gâ ri.
14Haû Yhûmsîng Garai taî pyo é gi, “Nghut kôle, ‘Isira-elaq byu pé lé Egutuq ming mai shuî htoq é, haû Yhûmsîng Garai rû dui nyì nyì.’ ga a taí lô é za, 15‘Isira-elaq byu pé lé, mautsûng hkyam mâ é mau mai le, yhángmòq lé hkat hâng kat é mîngdán pé bànshoq mai le, dum shuî htoq lo é Yhûmsîng Garai rû dui nyì nyì.’ gâ é buìnyì pé jé lô râ nghut lhê.” gâ ri.
16Haû Yhûmsîng Garai taî pyo é gi, “Nghut kôlhang, ahkuî, Ngò gi, ngozo kóng bang myo myo lé nhâng mù, yhángmòq lé châng kông yù nhâng râ nghut lhê. Hau htâng, Ngò gi, sho hkat bang myo myo lé nhang kat râ nghut mù, haú bang gi, bùm hkangmó mai le, kong hkangmó mai le, lùqhkyûng pé mai le, yhángmòq lé châng ho yù râ nghut lhê. 17Ngá é myòqjí gi, yhángmòq é hkyô bànshoq lé wú tô é nghut mù, yhángmòq gi, Ngá é hí mai wó haq kôrâ a nghut; yhángmòq é yubàk mara le Ngá é myòq hí mai wó nghop pyám kôrâ a nghut. 18Yhángmòq gi, Ngá é maumyî lé, yhángmòq é ashop é hparà lhô pê é chyungxe a bo é azòng pê èq agòt a-û kut pyám kômù, Ngá é silî wunlî maumyî má, achaq achyut é hparà hpôlhô pé lhoqpyíng bekô nghut é yánmai, yhángmòq é agè ashop hkyô eq yhángmòq é yubàk marâ é matú, mara dàm í tú byi râ nghut lhê.” gâ ri.
19Ngá é wum-o eq ngá é gingtíng jowò,
myìt myo ûng wôm é hkûn ngá é nghêhkaû jang nghut é,
Yhûmsîng Garai ê, byù myû wuì gi,
myìdàm htoq ló htâng é mai Náng chyáng lé lô kômù,
“Ngá-mòq é îchyí îwâ pé gi, hparà a-pyoq pé eq yhángmòq lé
ge é hkyô a wó byî é hparà hpôlhô pé lé za sing akô nghut ri.
20Byu pé gi, yhûmsing é matú hparà pé a saí kô é lhú?
Saî lhê; nghut kôlhang, haú pé gi, hparà a-kyîng pé a nghut.” ga taí kôrâ nghut lhê.
21“Haû mù, Ngò gi, yhángmòq lé sé nhâng râ nghut lhê;
Ngá é hpungwup a-tsam eq wum-o a-tsam lé,
shí dâm Ngò yhángmòq lé sé nhâng râ nghut lhê.
Haú hkûn, Ngá myîng gi, Yhûmsîng Garai nghut é hkyô lé,
yhángmòq sé kôrâ nghut lhê.” ga Yhûmsîng Garai taî ri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.