Yeremi-aq 19
19
1Haû Yhûmsîng Garai, ngo lé shî su ga taî ri; “Tso-au saí su chyáng mâ é yambú zo ralhum ê wui yù mù, shiwa byu pê é sûwún wuî ra-am lé le, hkyangjông pê é sûwún wuî ra-am lé le shuî chûng luî, 2Au goq Hkum eq chyâng é Hinom Zo gâ é Langhkaû shut ê mù, Ngò, nang lé taî é dang pé lé haú má ê taî pyô aq. 3Nàng gi, ‘Yudaq hkóhkam pé eq Yerusalem wà byù wuî ê, haû Yhûmsîng Garaî é dang lé gyo keq. Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai shî su ga taî ri; gyo keq! Ngò gi, wó gyo bang yùq hkangmó é nohkyap nosíng gyó byùq shoq, shí jowò má byò dàn byò sho hkyô jé nhâng râ nghut lhê. 4Hkâsu mù gâ le, yhángmòq gi, Ngo lé tô pyám kômù, yhángmòq le, yhángmòq é îchyí îwâ pé le, Yudaq hkóhkam pé le, a sê é gó-mîng hparà pé lé namngón jung nyhê nhông byi kôluî, shí jowò lé gó-mîng hparà jowò kut pyám bekô nghut ri; hau htoq agó, yhángmòq gi, mara a bò bâng é sui lé shí jowò má lhoqpyíng bekô nghut ri. 5Yhángmòq gi, Balaq hparà lé yhángmòq é yùqzo byìzô pé lé nyhê nhông byi râ matú, Balaq hparà é myhang é jowò pé saî akô nghut ri. Haú hkyô lé, Ngò hkunmó hkyô tô é le a nghut, taí le a taí wú, Ngá é myìt má le a htoq wú é nghut lhê. 6Haû mù, sidìq keq; haû Yhûmsîng Garai taî le, jowò haú lé, Tohpet le, Hinom Zo gâ é Langhkaû le a ga lo kôrâ nghut é buìnyì jé râ nghut mù, byù Sat Langhkaû shèq gâ pyám kôrâ nghut lhê.
7Yudaq byu pé eq Yerusalem wà byu pé htung é hkyô pé lé, shí jowò má Ngò lhoqhten lhoqhpyoq pyám byi râ nghut lhê. Ngò gi, yhángmòq lé, yhángmòq é gye pê é sham èq le, yhángmòq lé sat pyám naû bâng é lòq èq le, sat pyám nhâng râ nghut lhê. Ngò gi, yhángmòq é màng pé lé, nghoqzô pé eq myìdàm htoq mâ é tân jung yòsô zè pê é zoshuq kut nhâng râ nghut lhê. 8Ngò gi, wà mó shî lé, chamchyuîyuì gyùq chiq jang eq rhoî dang taí jowò dùt nhâng râ nghut lhê; haú mai laî ló é bang bànshoq gi, gyùq ngha byùq mù, wà shí má hpuzô é wuîhke jamjau hkyo pê é yánmai, wuìzuì kut pyám byi kôrâ nghut lhê. 9Yhángmòq é gye pé gi, yhángmòq lé lhoqhtûm pyám râ matú wum kat yhang lóm to bekô nghut é yánmai, Ngò gi, yhángmòq lé, rayùq eq rayùq é gùngsho lé zô lhum nhâng râ nghut é htoq agó, yhûmsing é yùqzo byìzô pê é gùngsho lé le zo nhâng râ nghut lhê.’ nghû taí aq.
10Hau htâng, nàng eq rahá châng lé é bang wú tô é má, yambú zo haú lé lhoqhkyop pyám luî, 11yhángmòq lé, ‘Haû Wum-o a-tsam dìk shoq bò Sû Yhûmsîng Garai shî su ga taî ri; “Ngò gi, tso-au saí su é chôkôn shî lé a wó dum saî saí loshoq lhoqhkyop pyâm é su, byù myû shî eq wà byù wuì shí bang lé lhoqhkyop pyám râ nghut lhê. Yhángmòq gi, Tohpet jowò má mân tô é myigùng lháng a jòq loshoq màng myhup kôrâ nghut lhê. 12Haû gi, jowò shî eq shí jowò má nyi é bang lé Ngò kut râ hkyô nghut lhê ga haû Yhûmsîng Garai taî pyo ri. Ngò gi, Tohpet jowò lé kut é su wà shî lé kut pyám râ nghut lhê. 13Yhûmhkûng htoq má mauhkûng bang bànshoq lé namngón hkungga nyhê nhông byi luî, gótû hparà hpôlhô pé lé shuq jung hkungga hut hkyó byî é yhûm bànshoq nghut é, Yerusalem wà mó mâ é yhûm pé eq Yudaq hkóhkâm pê é hkóhkâm yhûm pé gi, Tohpet jowò su agòt a-û dùt byùq râ nghut lhê.” gâ ri.’ nghû taî kyo keq.” gâ ri.
14Haû jáng, Yeremi-aq gi, myìqhtoi dang taí râ matú yhang lé haû Yhûmsîng Garaî èq nhang é Tohpet jowò mai taû ló mù, haû Yhûmsîng Garaî é noqkuq yhûmwàng hkaû má yàp to luî, shiwa byù bànshoq lé, 15“Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai shî su ga taî ri; ‘Gyo keq! Ngò gi, wà shi é ahtoq má le, wà shi é awui ayàm mâ é wà pé bànshoq é ahtoq má le, Ngò taî tô é byò dàn byò sho hkyô bànshoq lé jé nhâng râ nghut lhê; hkâsu mù gâ le, yhángmòq gi, Ngá é dang pé lé a gyo shoq, myìt htân bang nghut akô.’ gâ ri.” ga taî ri.
Currently Selected:
Yeremi-aq 19: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.