Yeremi-aq 20
20
Yeremi-aq Eq Pashura
1Haû Yhûmsîng Garaî é noqkuq yhûm lé wú gôn é zau, Imera é yhang zo hkyangjong Pashura#20:1 Pashura gâ é gi, wú gon sû gâ é lichyúm nghut lhê. gi, Yeremi-aq mai haú hkyô pé lé myìqhtoi htoî é lé wó gyo jáng, 2myìqhtoi Yeremi-aq lé bàt kyop nhâng mù, haû Yhûmsîng Garaî é noqkuq yhûm mâ é Ben-yamin é Ahtoq Hkum má jòq é kyum hut hkup má lhûng to nhang ri. 3Htang nyí, Pashura gi, yhang lé kyum hut hkup mai nhang htoq kat é hkûn, Yeremi-aq gi, Pashura lé, “Náng é matú, haû Yhûmsîng Garaî é myìng gi, Pashura a nghut lô é za, Lhînghkyùq gyùq chiq Hpo Mó ga htaî lhik pyám bê nghut ri. 4Hkâsu mù gâ le, haû Yhûmsîng Garai shî su ga taî ri; ‘Ngò gi, náng gûng náng é matú le, náng é buìnùm luzúm wui chyáng le, nang lé gyùq chiq hpo dùt nhâng râ nghut lhê. Yhángmòq gi, náng é hí má, yhángmòq é gye pê é sham èq shi bùm kô é lé, náng é myòq èq yhang myàng râ nghut lhê. Ngò gi, Yudaq mau gón lé, Babelon hkóhkam é lòq má àp byî pyám râ nghut mù, yhang gi, yhángmòq lé Babelon wà mó shut chyup shuî ló mù, sham èq sat pyám râ nghut lhê. 5Ngò gi, wà shî mâ é sùtzè bànshoq nghut é, wó zui saî htoq é bànshoq lé le, hpau dap zè bànshoq lé le, Yudaq hkóhkam pê é sùtdò mâ é zè bànshoq lé le, yhángmòq é gye pê é lòq má àp byî pyám râ nghut mù, yhángmòq gi, haú pé lé wó lú yu é zè dông Babelon wà mó shut yu ló kôrâ nghut lhê. 6Pashura nàng le, náng é yhûm mâ é byù bànshoq le, Babelon shut shúm byû dông chyup shuî ló é hui zo kôrâ nghut lhê. Haú má, nàng le, náng é mhaû é myìqhtoi dang lé gyô yu é buìnùm luzúm wuî bànshoq le shi byùq luî, myhup yhûm pyâm é hui kôrâ nghut lhê.’ gâ ri.” ga taî ri.
Yeremi-aq É Mara Hûn Dang
7Yhûmsîng Garai ê, Nàng gi, ngo lé mhuî é nghut luî, ngò gi, mhuî yu é hui bê nghut ri;
Nàng gi, ngá htoq wum-o a-tsam bo é nghut mù, ngo lé wó ung yù bê nghut ri.
Ngò gi, ra-nyí buî wuìzuì kut pyâm é hui mù,
yùq hkangmó gi, ngo lé rhoi nyi akô nghut ri.
8Ngò gi, dang nyô hkangmó wùt garû ngaù mù,
jé lô râ lú lhum bàt zìk hkyô eq lhoqhten lhoqhpyoq hkyô lé wùt taî pyo é nghut lhê.
Haû mù, haû Yhûmsîng Garaî é mungdang dông,
ra-nyí buî ngo lé rhoî dang taí kô é eq taî hpoî nyì kô é nghut ri.
9Haû mù, ngò gi, “Yhâng é mungdang lé, Yhâng é myìng lang luî,
hkâ-nhám le a taí lo râ nghut lhê.” nghû taí kôlhang,
Yhâng é mungdang gi, ngá é myìt hkaû má myi su dùq nyì mù,
ngá é showui showang pé má nyé gyúng nyì luî,
hau é yánmai, ngá é i-myìt má kat lhûng tô é myung bê nghut mù,
ngò a wó jan lo nghut ri.
10Ngò gi, byù myo myo mai,
“Lhînghkyùq gi, gyùq chiq hpo mó jòq tô ri!
Yhang lé he-ngìk kyo keq!
Yhang lé he-ngìk kyo sháng!” ga,
dangsoq soq bum é lé wó gyô ri.
Ngá é buìnùm luzúm wuî lháng, ngò lèqbàt râ lé láng wú nyî uchyang,
“Yhang lé wó mhuî yù âbe;
haû jáng, ngá-nhúng gi, yhang lé wó ûng mù,
yhang lé lató wó hpuq râ nghut lhê.” ga taî bum akô nghut ri.
11Nghut kôlhang, haû Yhûmsîng Garai gi, sarhê mó su ngò eq rahá nghut nyi ri;
haû mù, ngo lé zing-rî é bang gi, htûng lèqbàt mù, a wó ûngmyuq kôrâ nghut lhê.
Yhángmòq gi, sûm byùq kôrâ nghut mù, hoq mó hpuzo kôrâ nghut luî,
yhángmòq hpau a dàp é hkyô lé hkâ-nhám le tô-myhî pyám byi râ a nghut.
12Díngmán bang lé chyam lìk wú mù,
i-myìt nhiklhum eq myìt é hkyô lé gôn wú é,
Wum-o a-tsam dìk shoq bò Sû Yhûmsîng Garai ê,
ngò myìt tô é hkyô lé Náng chyáng àp to bê nghut é yánmai,
Nàng, yhángmòq lé lató hpuq é lé myàng nhâng laq.
13Haû Yhûmsîng Garai lé mahkôn hkya-on keq!
Haû Yhûmsîng Garai lé jeju hkya-on keq!
Yhang gi, haû agè ashop bâng é lòq mai,
asho awui dùt bâng é chyungxe lé hkyi xe yu ri.
14Ngá é hkû buìnyì gi, nhîng pyâm é hui sháng gàq!
Ngá nu, ngo lé hku é buìnyì gi, shimân byî é a hui sháng gàq!
15Ngá wâ chyáng lé mù, “Náng é matú yùqzo hkû bê nghut ri.” ga,
ngá wa lé gyai yhang gabú é lùdang lé taî kyô é sû gi,
nhîng pyâm é hui sháng gàq!
16Haú yùq gi, haû Yhûmsîng Garaî èq a shogyô é za tu mhuq htên pyâm é wà pé eq dù sháng gàq.
Yhang gi, nàpsûn lé kyek garû ngau é htê wó gyo mù,
nyí-káng lé majan htê wó gyo sháng gàq.
17Hkâsu mù gâ le, yhang gi, ngo lé, ngá nû é ûnghkaû má a sat pyám nghut ri;
ru sat pyâm é nghut jáng, ngá nû é ûnghkaû gi, ngá é lùpdùng dùt mù,
ngò gi, yhâng é ûnghkaû má ahtum abyùq lúng to râ nghut lhê.
18Ngò gi, haî mù luî, wuîhke jamjau eq yón kuq hkyô myàng râ matú le,
hoq hpû é mai ngá é buìnyì pé lhoqhtûm pyám râ matú le,
hku lé lo é nghut lhê lhú?
Currently Selected:
Yeremi-aq 20: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.