Yeremi-aq 28
28
Myìqhtoi Pyoq Hanani-a
1Haú zân nghut é, Yudaq hkóhkâm Zedeki-a ùp hi é myí zan zàn, lha-mó ngo hkyap hkyap má, Gibe-on mâ é Azura é yhang zo myìqhtoi Hanani-a gi, haû Yhûmsîng Garaî é yhúmhkaû, hkyangjông pé eq shiwa byù bànshoq é hí má ngo lé dáng nyo ri. 2Yhang, ngo lé taî é gi, “Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai shî su ga taî ri; ‘Ngò gi, Babelon hkóhkâm hun é kyaú lé lhoqhkyuî pyám râ nghut lhê. 3Ngò gi, í zân gyoro má, shí jowò mai Babelon hkóhkâm Nebuhkatneza lú yû mù, Babelon wà mó má yu ló é, haû Yhûmsîng Garaî é yhûm mâ é zèhkoq bànshoq lé, shí jowò má dum yu taû lò râ nghut lhê. 4Hau htoq agó, Ngò gi, Babelon wà mó shut chyup shuî ló huî é, Yudaq mau mâ é shúm byû bànshoq eq Yudaq hkóhkâm Yehoi-akim é yhang zo Yehoi-ahkin lé le, shí jowò má shuî taû lò râ nghut lhê; hkâsu mù gâ le, Ngò gi, Babelon hkóhkam é kyaú lé lhoqhkyuî pyám râ nghut lhê.’ ga haû Yhûmsîng Garai taî pyo ri.” gâ ri.
5Haú hkûn, myìqhtoi Yeremi-aq mai, haû Yhûmsîng Garaî é yhûm má yàp tô é hkyangjông pé eq shiwa byù bànshoq é hí má, myìqhtoi Hanani-a lé tû taî é gi, 6“Amen! Haû Yhûmsîng Garai haú dông kut sháng gàq! Haû Yhûmsîng Garai gi, Babelon mai, haû Yhûmsîng Garaî é yhûm mâ é zèhkoq pé eq shúm byû bànshoq lé shí jowò má shuî taû lo é dông, nàng myìqhtoi htoî é dang lé lhoqdìk byi sháng gàq. 7Nghut kôlhang, nàng eq shiwa byù bànshoq gyô tô é má, ahkuî ngò taí râ nghut é dang lé gyo aq; 8Ngò eq náng é hí mâ é, góhkun lhê é myìqhtoî pé gi, mîngdán myo myo eq hkìk é mîngdán mó pé má, majan, byò dàn byò sho hkyô eq wúm pé jé lô râ hkyô lé myìqhtoi htoî to bekô nghut ri. 9Nghut kôlhang, nguì ngón hkyô lé myìqhtoi htoî é nghut jáng, yhâng é myìqhtoi dang dik lo é hkûn za shèq, yhang lé haû Yhûmsîng Garaî èq nhang kat é nghut é lé hkyak htoq shit râ nghut lhê.” gâ ri.
10Haú hkûn, myìqhtoi Hanani-a gi, myìqhtoi Yeremi-aq é lìngzing mâ é kyaú lé hkyut yû mù, lhoqhkyuî pyám byi luî, 11shiwa byù bànshoq bâng é hí má, “Haû Yhûmsîng Garai shî su ga taî ri; ‘Ngò gi, haû eq rajung za, byù myû wuì bànshoq é lìngzing má hut tô é, Babelon hkóhkâm Nebuhkatneza é kyaú lé, í zân gyoro má hkyut yù mù, lhoqhkyuî pyám byi râ nghut lhê.’ gâ ri.” ga taî ri. Haú hkûn, myìqhtoi Yeremi-aq gi, htoq ló bê nghut ri.
12Myìqhtoi Yeremi-aq é lìngzing mâ é kyaú lé, myìqhtoi Hanani-a èq lhoqhkyuî pyám byî é htâng má, Yeremi-aq chyáng haû Yhûmsîng Garaî é mungdang jé é gi, 13“Ê mù, Hanani-a lé, ‘Haû Yhûmsîng Garai shî su ga taî ri; nàng gi, sik kyaú lé lhoqhkyuî pyám bê nghut ri; nghut kôlhang, nàng gi, hau é malaî jòqtoq kyaú saí bê nghut ri. 14Hkâsu mù gâ le, Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai shî su ga taî ri. Ngò gi, byù myû shí bang bànshoq, Babelon hkóhkâm Nebuhkatneza lé dójaú râ matú, yhángmòq é lìngzing má jòqtoq kyaú hut râ nghut lhê mù, yhángmòq gi, yhang lé dójaú kôrâ nghut lhê; Ngò gi, yhang lé, tân jung yòsô zè pé lé ùp râ ahkáng lháng byi râ nghut lhê.’ nghû taí aq.” gâ ri.
15Haû mù, myìqhtoi Yeremi-aq gi, myìqhtoi Hanani-a lé, “Hanani-a ê, gyo aq! Haû Yhûmsîng Garai gi, nang lé a nhang é nghut kôlhang, nàng gi, byù myû shî lé, mhaû é dang lùmjíng nhâng bê nghut ri. 16Haû mù, haû Yhûmsîng Garai shî su ga taî ri; ‘Ngò gi, nang lé, myìdàm htoq shî mai huî sêng pyám râ nghut bê mù, nàng gi, hkûzân yhang, shi byùq râ nghut lhê; hkâsu mù gâ le, nàng gi, haû Yhûmsîng Garai lé gumlau toq é dang hko taí bê nghut ri.’ gâ ri.” ga taî ri.
17Myìqhtoi Hanani-a gi, haú zân yhang, lha-mó nyhit hkyap hkyap má shi byùq bê nghut ri.
Currently Selected:
Yeremi-aq 28: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.