Yeremi-aq 33
33
Hkyi Xe Yù Râ Matú Htûm Tô É Danghtum
1Yeremi-aq gi, chyungxe zúng bâng é wânghkaû má shúm rû zung nyi ashî u lé, haû Yhûmsîng Garaî é mungdang yhâng chyáng í dam dàm dum jé é gi, 2“Myìdàm htoq lé hpan é Yhûmsîng Garai, myìdàm htoq lé azòng saí mù, haú lé lhoq gingtîng tô é Yhûmsîng Garai, Yhâng é myìng gi, Yhûmsîng Garai ga Sû nghut é, haû Yhûmsîng Garai shî su ga taî ri; 3‘Ngo lé wùt dung aq; haû jáng, Ngò, nang lé tu byi râ nghut lhê; nàng a sê é, kô hkìk é eq a ung htoq sê é múzó hkyô, nang lé taî kyo râ nghut lhê.’ gâ ri. 4Hkâsu mù gâ le, lhom tô é gyè hpúng eq shâm pé lé htuqhtíng râ wàhkûm saî ging râ matú, hpyoq pyám huî é shí wâ mâ é yhûm pé eq Yudaq hkóhkâm wâng pé eq séng luî, Isira-elaq é Garai Gasang, haû Yhûmsîng Garai shî su ga taî ri; 5‘Babelon byu pé eq majan zân lhûm é má, Ngò nhikjum yô é eq nhikmó-yô é èq sat pyám râ nghut é, byù shí bâng é màng pé gi, yhûm shí pé má byíng to râ nghut lhê. Byù shí bâng é agè ashop hkyô bànshoq é yánmai, Ngò gi, Ngá é myòqdong lé wà shî mai haq pyám râ nghut lhê.
6Nghut kôle, Ngò gi, wà shî má wángzán hkyô yu lé byi râ nghut mù, yhángmòq lé yâ gè byi râ nghut lhê; Ngò gi, Ngá é byu pé lé yâ gè byi mù, nguì ngón hkyô eq yùqyò hkyô agùn agó byi râ nghut lhê. 7Ngò gi, Yudaq a-myû eq Isira-elaq a-myû lé, shúm zung é mai shuî taû lò mù, hí lhê su yhángmòq lé dum saî kô myhâng nhâng râ nghut lhê. 8Ngò gi, yhángmòq Ngo lé kut shut é mara bànshoq lé chî sêng pyám byi mù, yhángmòq Ngo lé gumlau toq é yubàk mara bànshoq lé mara hkyut pyám byi râ nghut lhê. 9Wà shi é matú Ngò kut byî é gè hkyô bànshoq lé wó gyo kômù, myìdàm htoq mâ é byù myû bànshoq bâng é hí má, wà shi é yánmai Ngá é myìng hu luî, gabú hkyô, hkya-on kúngtôn hkyô eq xânghpoq nge wó hkyô htoq râ nghut lhê; wà hau é matú Ngò hen lajang byî é nyì ngón yùqyò hkyô mó eq nguì ngón hkyo é yánmai, gyùq chiq gyùq nán hkyô jòq râ nghut lhê.’ gâ ri.
10Haû Yhûmsîng Garai shî su ga taî ri; ‘Núngmòq gi, shí jowò eq séng luî, “Wà shî gi, byù eq shigu gaunyhaú le a nyì, chamchyuîyuì tô hâ to bê nghut ri.” ga taî akô nghut ri. Nghut kôlhang, byù le a nyì, shigu gaunyhaú le a nyì, chamchyuîyuì dùt é, Yudaq wà pé eq Yerusalem wà hkyô pé má, radàm dum, 11gabú byam chyu htê eq gabú nguì ngón é htê pé, myisik lusik é htê pé eq,
“Haû Wum-o a-tsam dìk shoq bò Sû Yhûmsîng Garai lé jeju hkya-on keq;
hkâsu mù gâ le, haû Yhûmsîng Garai gi, gè Sû nghut mù,
Yhâng é chyitdàp myìt gi, ahtum abyùq jòq nyi ri.” ga,
haû Yhûmsîng Garaî é yhûm má jeju bun hkungga lé nhông byi bâng é danghtê lé wó gyo râ nghut lhê.
Hkâsu mù gâ le, Ngò gi, shí mau lé, hí lhê su dum dùt nhâng râ nghut lhê.’ gâ ri; haû gi, Yhûmsîng Garai taî ri.
12Haû Wum-o a-tsam dìk shoq bò Sû Yhûmsîng Garai shî su ga taî ri; ‘Byù le, shigu gaunyhaú le a nyì, chamchyuîyuì dùt tô é shí jowò eq hau é wà pé bànshoq má, sau zúng bang mai yhángmòq é sau hpúng pé ùp râ mhan nú yô pé dum wó kôrâ nghut lhê. 13Bum mau mâ é wà pé, buìwàng hkyam bùmhkyî pá pé mâ é wà pé, Maupyî Mau mâ é wà pé, Ben-yamin maumyî pé, Yerusalem wà mó awui ayàm mâ é wà pé eq Yudaq wà pé má, sau hpúng pé lé nghap é su é lòq ô mai, sau hpúng pé radàm dum lai kôrâ nghut lhê.’ ga haû Yhûmsîng Garai taî ri.
14‘Isira-elaq up bang eq Yudaq up bang lé, Ngò htûm tô é ge é danghtum lé lhoqdìk é buìnyì jé lô râ nghut lhê.’ ga haû Yhûmsîng Garai taî pyo ri.
15Hau htoq agó, ‘Haú buìnyì pé eq haú ahkyíng má,
Ngò gi, Dawiq up mai díngmán é hkûngxoq akoq rakoq yùq htoq lô nhâng râ nghut lhê;
yhang gi, mîngdán má târâ ràp-rá hkyô eq jo têng é dông kut râ nghut lhê.
16Haú buìnyì pé má, Yudaq gi, hkyi yu é hui luî,
Yerusalem wà mó gi, nyì ngón yùqyò râ nghut lhê.
Haû gi, ngá-mòq é Díngmán é Hkyi yù Sû Yhûmsîng Garai ga wà haú lé
wùt é myìng nghut ri.’ le gâ ri.
17Hkâsu mù gâ le, haû Yhûmsîng Garai shî su ga taî ri; ‘Dawiq gi, Isira-elaq é hkóhkâm tángmyhâng má zùng râ byù hkâ-nhám le a langhpyùt râ nghut lhê; 18hau htoq agó, Ngá é hí má yàp mù, ayang, myi nyhé hkungga pé lé byi luî, gùqzò hkungga pé nyhê nhông byi mù, shigu hkungga pé lé byi râ matú, Lewiq yhûmhtu mâ é hkyangjông pé mâ é byù a langhpyùt râ nghut lhê.’ gâ ri.” gâ ri.
19Yeremi-aq chyáng haû Yhûmsîng Garaî é mungdang jé é gi, 20“Haû Yhûmsîng Garai shî su ga taî ri; ‘Nyí eq myín gi, masàt tô é ahkyíng má a wó htoq loshoq, nyí myín eq séng luî Ngò tô tô é dangshikaq lé, núngmòq wó lhoqhpyoq pyám kô é nghut le gi, 21Ngá é duìnhâng zoshâng Dawiq eq Ngò tô tô é dangshikaq le, Ngá é hí má dójaú nyi é, Lewiq byù nghut é hkyangjông pé eq Ngò tô tô é dangshikaq le byòq byùq mù, Dawiq gi, yhâng é hkóhkâm tángmyhâng má zùng râ awùt ashín wó râ a nghut lo. 22Ngò gi, Ngá é duìnhâng zoshâng Dawiq é awùt ashín pé eq Ngá é hí má dójaú é Lewiq byu pé lé, maulat mâ é a ung nghap é kyî pé su myo nhâng mù, wuìshuq lung-aû yàm mâ é a ung nghap é se-muî su lhoqmyo byi râ nghut lhê.’ gâ ri.” gâ ri.
23Yeremi-aq chyáng haû Yhûmsîng Garaî é mungdang jé é gi, 24“Núngmòq gi, byù shí bang mai, ‘Haû Yhûmsîng Garai gi, Yhang hkyin yu é mîngdán shî í lhum lé he-ngìk pyám bê nghut ri.’ ga taî kô é lé a myìt tû wú kó lhú? Haû mù, yhángmòq gi, Ngá é byu pé lé wú tiq pyám kôluî, byù ra-myû dông a són byi kó nghut ri. 25Haû Yhûmsîng Garai shî su ga taî ri; ‘Nyí myín eq séng luî Ngò dangshikaq a to kut mù, mauhkûng eq myigung é târâ lé Ngò a lhoqgîng tô é ru nghut le gi, 26Abraham, Isak eq Yakup é awùt ashîn pé lé ùp râ matú, Yakup eq Ngá é duìnhâng zoshâng Dawiq é awùt ashîn pé lé he-ngìk pyám luî, zau a hkyin to râ nghut lhê. Hkâsu mù gâ le, Ngò gi, yhángmòq mâ é shúm zung é bang lé shuî taû lò mù, shogyo nhikmyîn yù râ nghut lhê.’ gâ ri.” gâ ri.
Currently Selected:
Yeremi-aq 33: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.