Yeremi-aq 47
47
Hpilisiti Byu Pé Eq Sêng É Danglù
1Hpara-uq mai Gaza wà lé majan a lé zan shi-má, Hpilisiti byu pé eq séng luî, myìqhtoi Yeremi-aq chyáng haû Yhûmsîng Garaî chyáng mai shî su ga mungdang jé ri;
2Haû Yhûmsîng Garai shî su ga taî ri;
“Mautsûng hkyam mâ é wuì hkâsu toq lo é lé wú keq;
wuì haû gi, toq wúm lo é wuì dùt mù, mîngdán lé le, haú mâ é lhúnglháng lé le,
wà pé eq haú pé má nyi é bang lé le, ûm nghop pyám râ nghut lhê;
byu pé gi, wùt ngau garû bùm kôrâ nghut lhê;
mîngdán má nyi é bang bànshoq gi,
ngaùhkyûng ngaùyang kut kôrâ nghut lhê.
3Myang hkôdòq nang htê,
gyèlhêng myìng htê eq lhêngchap pé myìng hte é yánmai,
îwâ pé gi, yhángmòq é lòq nyhuî lhâng byùq mù,
yhángmòq é zodù wuì lé a taû lhing garúm kôrâ nghut lhê.
4Hkâsu mù gâ le, Hpilisiti byù bànshoq lé lhoqhtên pyám râ eq,
Turuq wà eq Sidon wà lé wó garúm é,
nyi myìt gyó tô é bànshoq lé lhoqhtûm pyám râ buìnyì jé bê nghut ri.
Haû Yhûmsîng Garai gi, Hkaptora zinlóng mai,
nyi myìt gyó tô é Hpilisiti byu pé lé lhoqhtûm pyám râ za nghut bê.
5Gaza wà gi, yón ngau nyi é hkûn xâm wùq pyám byî é hui mù,
Ashikelon wà gi, lhoqzîm pyâm é hui râ nghut lhê;
pá mau pé má nyi myìt gyó tô é bang gi,
hkâ-myháng jé shoq yhûmsing gùng lé yâm cheq nyî kôrâ lhú?
6‘Goì ê, haû Yhûmsîng Garaî é shâm gi,
hkâ-myháng jé jáng shèq nô byùq râ lhú?
Shâm nàng, shámbyâng má taû xâng pyám aq;
zim za kut jòq to aq.’ ga núngmòq wùt taî ngau akô nghut ri.
7Nghut kôlhang, Ashikelon wà eq wuìshuq lung-aû yàm lé htim râ matú,
haû Yhûmsîng Garai mai hkunmó hkyô to bê é nghut jáng,
haû gi, hkâsu kut wó nô to râ lhú?” gâ ri.
Currently Selected:
Yeremi-aq 47: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.