Yeremi-aq 9
9
1Ngá é ulhum gi, wuì htoq dong dùt mù,
ngá é myòqjí gi, ngaùbyi yui é wuìbúm nghut nyî sháng gàq!
Haú hkûn, ngò gi, ngá é byu pé sat pyâm é huî nyi bùm kô é yánmai,
nyí myín ngaùhkyûng ngaùyang dùt nyì râ nghut lhê.
2Ngò gi, ngá é byu pé lé tô pyâm to luî,
yhángmòq chyáng mai wó htoq lô râ matú,
yòso má gyunghkyô so bang nô yu é jowò jòq aq mhaî!
Hkâsu mù gâ le, yhángmòq gi, su-myi sulàng lú hkyô shut é bang chyat nghut mù,
a jujúm é byù hpúng nghut ri.
3“Yhángmòq gi, mhaû é dang taí râ matú,
yhûmsing é shô lé, lai su lâng htung to bekô;
mîngdán haú má yhángmòq kô lam lò kôlhang,
tengmán hkyô dông kô lam lo kô é a nghut.
Yhángmòq gi, mara ralhûm htâng ralhum kut xoq kômù,
Ngo lé a sé kó nghut ri.” ga,
haû Yhûmsîng Garai taî pyo ri.
4“Núngmòq é luzúm wuî lé sidìq keq;
núngmòq é buìnùm wuì mâ é ó yùq lé le hkâ lùmhkaû kó.
Hkâsu mù gâ le, yhángmòq yùq hkangmó gi, mhaû é bang chyat nghut mù,
luzúm wuî yùq hkangmó gi, lùmù gànsang é bang chyat nghut ri.
5Luzúm yhangchang mhaû lhum kômù,
tengmán é dang taî é byù rayùq lháng a nyì kó nghut ri.
Yhángmòq gi, yhûmsing é shô lé mhaú râ matú mhoq byi kômù,
ngú byùq shoq mara kut shut nyi akô nghut ri.
6Nàng gi, mhaú zo mhaú shuq é agùng má nyi tô ri;
yhángmòq gi, yhángmòq é mhaú zo hkyo é yánmai, Ngo lé a sé naû kó nghut ri.” ga,
haû Yhûmsîng Garai taî pyo ri.
7Haû mù, Wum-o a-tsam dìk shoq bò Sû Yhûmsîng Garai taî le,
“Wú keq; Ngò gi, yhángmòq lé nyhê yui pyám luî, chyam lìk râ nghut lhê;
haû mai lai luî, Ngá é byu pê é marâ é yánmai,
Ngò gótû haî wó kut râ lhú?
8Yhángmòq é shô pé gi, byù sat é lai nghut mù,
mhaú zo mhaú shuq é dang taî bum ri.
Yhángmòq gi, yhûmsing nhut mai yhûmkyochang lé dang ngón nyò kôlhang,
i-myìt hkaû má gi, dumzo haq htung tô akô nghut ri.
9Ngò gi, yubàk mara hau é matú, yhángmòq lé mara dam a byi kut râ lhú?
Shî sû é byù myû lé Ngò lató a hpuq kut râ lhú?” ga, haû Yhûmsîng Garai taî pyo ri.
10Ngò gi, bùm pê é matú ngaùbyi ngaùnhap kut mù, wùt garû ngaù râ;
yòso mâ é mhan nú yô pê é matú ngaùhkyang sâng râ nghut lhê.
Hkâsu mù gâ le, haú pé gi, chamchyuîyuì dùt mù, ó le a lai lo nghut luî,
no pé bo ngau é htê le a wó gyo lo nghut lhê.
Nghoqzô pé bànshoq dâng byùq mù,
gaunyhaû pé ban hpang byùq bê nghut lhê.
11“Ngò gi, Yerusalem wà mó lé a-pyâng bùm kut pyám mù,
dànghkuî pê é nyì jang kut pyám râ nghut lhê;
Ngò gi, Yudaq mau mâ é wà pé lé, byù a wó nyî loshoq,
chamchyuîyuì kut pyám râ nghut lhê.” ga Yhûmsîng Garai taî ri.
12Shí hkyô lé wó sê gyo râ hpàqchyî bo é byù ó nyi lhê lhú? Shí hkyô lé wó taî sân kyo râ matú, Yhûmsîng Garaî èq mhoq kyô é hui sû gi, ó yùq nghut lhê lhú? Byù ó le a wó laî byùq é yòso su dùt shoq, mîngdán haû lhoqhtên pyâm é hui mù, chamchyuîyuì dùt tô é gi, haî mù nghut lhê lhú?
13Haû Yhûmsîng Garai gi, “Haû gi, yhángmòq é hí má Ngò tô to byî é Ngá é târâ lé yhángmòq tô pyám kô é yánmai nghut ri; yhángmòq gi, Ngá é jì-no a gyo kô é htoq agó, Ngá é târâ lé a cháng kô é za, 14yhángmòq é i-myìt htan é hkyô má ló byùq akô nghut ri; yhángmòq gi, yhángmòq é îchyí îwâ pé mhoq byi kô é eq rajung za, Balaq hparà pê htâng châng bum akô nghut ri.” ga taî ri. 15Haû mù, haû Isira-elaq é Garai Gasang, Wum-o a-tsam dìk shoq bò Sû Yhûmsîng Garai taî le, “Wú keq; Ngò gi, byù shí bang lé kyî kyî hkô é zoshuq zo nhâng mù, dùq bo é ûchyam shuq nhâng râ nghut lhê. 16Ngò gi, yhángmòq lé, yhángmòq é îchyí îwâ pé le a sê é byù myû wui chyáng, yhángmòq lé lhoqpyo hâng kat mù, yhángmòq lé Ngò ban lhoqhtûm pyâm é hkûn jé shoq, yhángmòq lé sham èq châng hkat râ nghut lhê.” gâ ri.
17Wum-o a-tsam dìk shoq bò Sû Yhûmsîng Garai taî le,
“Shí hkyô lé myìt tû wú keq; ge yón wùt ngau é myiwe wuì lé ji yù keq;
ngaùhkyang rago dàt sang é myiwe wuì lé ê ji lò nhâng keq.
18Ngá-nhûng é myòqjí mai ngaùbyi htoq luî,
ngá-nhûng é myòqkuq mai ngaùbyi yui htoq shoq,
yhángmòq lé hân lé lô nhâng mù, ngá-nhûng é matú,
ngaùhkyûng ngaùyang kut nhâng sháng.
19‘Hkâ-í yhang htên byòq é ngá-mòq hui zo bu-nhung!
Hkâ-í yhang hoq hpû é ngá-mòq hui zo bu-nhung!
Ngá-mòq é yhûm yò lé lhoqhten lhoqhpyoq pyám byi bekô nghut é yánmai,
ngá-mòq gi, yhûmsing é mau lé tô pyâm to ra râ dùt bu-nhung!’ gâ é ngaùhkyang sâng htê,
Zi-un mai htoq é lé wó gyô ri.” gâ ri.
20Ahkuî, myiwe wuì ê, haû Yhûmsîng Garaî é dang lé gyo keq;
Yhâng é nhut mai htoq é dang pé lé tâm gyô yù keq.
Núngmòq é byìzô pé lé, ngaùhkyûng ngaùyang hkâsu kut râ hkyô mhoq byi keq;
rayùq eq rayùq ngaùhkyang sâng râ hkyô mhoq byî lhum keq.
21Hkâsu mù gâ le, shî nò hkyô gi, ngá-nhûng é hkohot mai dòq wang lò mù,
ngá-nhûng é gingtíng jowò pé má wang lò luî,
zoshâng wuì lé hkyô pé mai, zorâm wuì lé byù zîng é jowò pé mai,
huî sêng pyám byi bê nghut ri.
22“Haû Yhûmsîng Garai taî le,
‘Byù màng pé gi, yò mâ é hpún su le,
gùq yam bâng é htâng má, gùq tsing sû a nyì luî,
jòq gyó tô é gùqgyó su le,
lèq tô bùm râ nghut lhê.’ gâ ri.” nghû taí keq.
23Haû Yhûmsîng Garai taî le,
“Hpàqchyî bò sû gi, yhûmsing é hpàqchyî má a nghutbun sháng gàq;
wum bô sû gi, yhûmsing é wum-o má a nghutbun sháng gàq;
wó sû gi, yhûmsing é sùtzè má a nghutbun sháng gàq;
24nghut kôlhang, nghutbun râ sû gi, Ngo lé sê é u-nuq wó é má le,
myìdàm htoq má díngmán hkyô, târâ ràp-rá hkyô eq
shogyo nhikmyin hkyô lé tûn shit é Yhûmsîng Garai, Ngò nghut é hkyô má le,
ru nghutbûn nyì sháng gàq;
hkâsu mù gâ le, haú pé lé Ngò myìt nguì ô nau é nghut lhê.” ga,
haû Yhûmsîng Garai taî pyo ri.
25Haû Yhûmsîng Garai shî su ga taî pyo ri; “Gùngsho má za ahpyo-kuq hpyit é bang bànshoq lé, Ngò mara dam byî é buìnyì pé jé lô râ nghut lhê; 26Haú bang gi, Egutuq, Yudaq, Edom, Ammon, Moba mau mâ é bang eq mau we mâ é yòso má nyi é bang bànshoq nghut bum akô. Hkâsu mù gâ le, byù myû shí bang bànshoq gi, ahpyo-kuq a hpyit é bang chyat nghut ri; Isira-elaq a-myû gón lháng, yhûmsing é i-myìt nhiklhum má ahpyo-kuq a hpyit kó nghut ri.” gâ ri.
Currently Selected:
Yeremi-aq 9: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.