Nhông Jaú 11
11
Sansêng É Eq A Sansêng É Zoshuq
1Haû Yhûmsîng Garai gi, Mosheq eq Arun lé, 2“Isira-elaq byu pé lé îsu nghû taí keq; ‘Myigùng htoq má chyungxe dui nyi é gaunyhaú pé bànshoq mâ é, núngmòq ge zo râ gi, a-ô mâ é pé nghut lhê. 3Hkôdoq gòq luî, shung nhe zô é gaunyhaú bànshoq lé núngmòq ge zo râ nghut lhê.
4Ra-am gi, zang za dum taû nhe zo; ra-am gi, hkôdoq za gòq dùt é nyi lhê; haú pé lé gi, núngmòq ge zo râ a nghut. Gola-uk gi, zang dum taû nhe zo kôle, hkôdoq a gòq nghut ri; haû gi, núngmòq é matú a sanséng nghut ri. 5Haû lùqgòk bùm má nyi jung wùng gi, zang dum taû nhe zo kôle, hkôdoq a gòq nghut ri; haû gi, núngmòq é matú a sanséng nghut ri. 6Haû htanglhó gi, zang dum taû nhe zo kôle, hkôdoq a gòq nghut ri; haû gi, núngmòq é matú a sanséng nghut ri. 7Haû wàq gi, hkôdoq gòq kôle, zang a dum nhe zo nghut ri; haû gi, núngmòq é matú a sanséng nghut ri. 8Núngmòq gi, haú pê é sho lé ge zo râ a nghut é htoq agó, haú pê é màng lé ge záng râ a nghut; haú pé gi, núngmòq é matú a sanséng nghut ri.
9Wuìshuq lung-aû eq wuì zo wuì mó lâng pé má kângsoq dui jung bànshoq mâ é, dùng dap é eq a-kyap dàp é haî lé le, núngmòq ge zo râ nghut lhê. 10Nghut kôlhang, Wuìshuq lung-aû eq wuì zo wuì mó lâng pé má yông lhing wún é kângsoq bo é dui jung bànshoq mâ é, dùng eq a-kyap a dàp é haî le, núngmòq é matú achaq achyut é nghut lhê. 11Núngmòq gi, haú pé lé achaq achyut é zè dông myìt yu pyám râ nghut é yánmai, haú pê é sho lé ge zo râ a nghut; haú pê é màng lé le, achaq achyut é zè nghû myìt yù ra râ nghut lhê. 12Dùng eq a-kyap a dàp é, wuì má kângsoq bo jung haî lé nghut kôle, núngmòq, achaq achyut é zè dông myìt yù ra râ nghut lhê.
13Nghoq pé mâ é achaq achyut dùt é dông sôn yù mù, núngmòq a ge zô é nghoq pé gi, zùnbung, langda, langda nòq, 14zùn, zùn noq a-myû bànshoq, 15nghoqnòq a-myû bànshoq, 16nochyông hkungbup, no tot hkungbup, wuìnghoq hpyû, zùnkyang a-myû bànshoq, 17hkungbup zo, wuìnghoq nòq, hkungbup mó, 18dudu didí, yòsô hkungbup, wuì langda, 19hkyî kyang nghoq, wuì zùn bànshoq, sik kyung nghoq eq hpôhí pé nghut lhê.
20Dùng dap mù, hkyi myo myô èq sô é jung bànshoq lé, núngmòq, achaq achyut é zè dông sôn yù ra râ nghut lhê. 21Nghut kôle, dùng dap mù, hkyî myí hkyi èq so luî, myigùng má wó byam gó é a-myû ra-am mâ é lé gi, núngmòq ge zo râ nghut lhê. 22Haú pé gi, dinggám a-myû myû eq hkôtón a-myû myû pé nghut lhê. 23Nghut kôlhang, gótû dùng dap mù, hkyî myi hkyî dàp é jung bànshoq lé gi, núngmòq, achaq achyut é dông myìt yù ra râ nghut lhê.
24Núngmòq gi, a-ô mâ é pê é yánmai, a sanséng dùt byùq kôrâ nghut lhê; haú pê é màng lé záng é sû ó yùq nghut kôle, myínhtâng jé shoq a sanséng dùt byùq râ nghut lhê. 25Haú pê é màng lé gùq yu é sû ó yùq nghut kôle, yhâng é mèbu chî pyám ra râ nghut é htoq agó, myínhtâng jé shoq a sanséng dùt byùq râ nghut lhê.
26Hkôdoq a gòq e gaunyhaú eq zang a dum taû nhe zô é gaunyhaú hkangmó gi, núngmòq é matú a sansêng é chyat nghut lhê; haú pé mâ é màng lé záng é sû ó yùq nghut kôle, a sanséng dùt byùq râ nghut lhê. 27Hkyî myi hkyî dàp mù sô é gaunyhaú bànshoq mâ é, hkyîwa nâng pyeq luî sô é gaunyhaú pé gi, núngmòq é matú a sanséng nghut ri; haú pê é màng lé záng é sû ó yùq nghut kôle, myínhtâng jé shoq a sanséng dùt byùq râ nghut lhê. 28Haú pê é màng lé gùq yu é sû gi, yhâng é mèbu chî pyám ra râ nghut é htoq agó, myínhtâng jé shoq a sanséng dùt byùq râ nghut lhê. Gaunyhaú haú pé gi, núngmòq é matú a sansêng é nghut lhê.
29Myigùng htoq má dô yê é gaunyhaû pé mâ é, núngmòq é matú a sansêng é gaunyhaú pé gi, wún, ngo-nòq, jishup a-myû pé, 30jishup, hkángsê, jishup tsaí, kôhtoiróng eq yànggyùng a-myû pé nghut ri. 31Myigùng htoq má dô yê é haú pé bànshoq gi, núngmòq é matú a sanséng nghut ri; haú pé shi tô é lé záng é sû ó yùq nghut kôle, myínhtâng jé shoq a sanséng dùt byùq râ nghut lhê. 32Haú pé mâ é radu du shî luî, sik gôm pé, mèbu pé, sho-kuq èq saî é zè pé eq jimê pé nghut é chûngzè rajung jûng é ahtoq má gyó záng é nghut jáng, zè haû gi, myínhtâng jé shoq a sanséng dùt byùq bê nghut luî, zè haú lé wuì má nyhûn to aq; hau htâng shèq, zè haû sanséng râ nghut lhê. 33Haú pé mâ é shi to bê radu du tso-au má gyó wang é nghut jáng, tso-au haú má bo é bànshoq a sanséng dùt byùq bê nghut luî, núngmòq gi, tso-au haú lé bàt hkoq pyám keq. 34Núngmòq ge zô jung haî nghut kôle, haú sû é au mâ é wuì záng pyám bê nghut jáng, a sansêng byùq lo nghut ri; haú sû é au mâ é shuq jung haî nghut kôle, a sanséng lo nghut ri. 35Haú pé mâ é màng gyó záng é haí jung le a sansêng byùq lo nghut ri; haû mù, myi bunghkyûng nghut nghut, chyoq au nghut nghut, bàt hkyop pyám ra râ nghut lhê. Haú pé gi, a sansêng é nghut mù, núngmòq gi, haú pé lé a sansêng é zè dông sôn yù ra râ nghut lhê. 36Nghut kôle, wuìbúm nghut nghut, wuì tíng dong nghut nghut gi, sansêng to ra râ nghut lhê; haú pé mâ é màng lé záng sû za shèq a sanséng dùt byùq é nghut lhê. 37Ho râ a-myui má shî màng gyó záng é nghut jáng, a-myui haû a sanséng dùt râ a nghut. 38Nghut kôlhang, wuì nyhun bê a-myui má shî màng gyó záng é nghut jáng, a-myui haû gi, núngmòq é matú a sanséng dùt byùq bê nghut ri.
39Núngmòq ge zô é gaunyhaú mâ é radu du shi byùq mù, hau é màng lé rayùq yùq záng é nghut jáng, haú yùq gi, myínhtâng jé shoq a sanséng dùt byùq râ nghut lhê. 40Haû shî màng zô é sû ó yùq nghut kôle, yhâng é mèbu chî pyám ra râ nghut é htoq agó, myínhtâng jé shoq a sanséng dùt byùq râ nghut lhê. Shî màng haú lé gùq yu é sû ó yùq nghut kôle, yhâng é mèbu chî pyám ra râ nghut é htoq agó, myínhtâng jé shoq a sanséng dùt byùq râ nghut lhê.
41Myigùng htoq má dô yê é jung gaunyhaú hkangmó gi, achaq achyut é chyat nghut mù, ge zo râ a nghut. 42Myigùng htoq má dô yê jung nghut é, wamdaû èq yê é jung nghut nghut, hkyî myí hkyi èq sô é jung nghut nghut, hkyî myo myo dàp luî sô é jung nghut nghut, haî lé le, núngmòq ge zo râ a nghut. Haû gi, achaq achyut é nghut lhê. 43Gaunyhaú haú pé haí jûng èq le, núngmòq é gùng lé achaq achyut hkâdùt nhâng kó. Haú pê é yánmai, yhûmsing gùng lé a sanséng ge dùt nhâng râ a nghut é htoq agó, haú pê èq achaq achyut ge dùt nhâng râ a nghut. 44Hkâsu mù gâ le, Ngò, núngmòq é Garai Gasang nghut é, haû Yhûmsîng Garai nghut lhê; Ngò gi, chyoiyúng Sû nghut é yánmai, núngmòq gùng núngmòq lhoqchyoi lhoqyúng yû mù, chyoiyúng nyî keq. Myigùng htoq má dô yê é jung hai èq le, núngmòq é gùng lé a sanséng hkâdùt nhâng kó. 45Ngò gi, núngmòq é Garai Gasang dùt râ matú, núngmòq lé Egutuq ming mai shuî dòq lo é Sû Yhûmsîng Garai nghut lhê. Haû mù, Ngò gi, chyoiyúng Sû nghut é yánmai, núngmòq le chyoiyúng nyî keq.
46Shí pé gi, yòsô gaunyhaú pé, nghoq pé, wuì má kângsoq dui é jung hkangmó eq myigùng má dô yê é jung hkangmó eq sêng é cháng ra târâ pé nghut lhê. 47Núngmòq gi, sansêng jung eq a sansêng jung, ge zô jung gaunyhaú eq a ge zô jung gaunyhaú pé lé, ge gam hkoq ra râ nghut lhê.’ nghû àq.” ga taî ri.
Currently Selected:
Nhông Jaú 11: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.