Nhông Jaú 12
12
Zô Hku Htâng Má Lhoqsan Lhoqyúng Yû Râ Hkyô
1Haû Yhûmsîng Garai gi, Mosheq lé, 2“Isira-elaq byu pé lé îsu nghû taí aq; ‘Myiwe myhí rayùq gi, zogûng wùn mù yùqzo hku é nghut jáng, yhang lhôhking lé é hkûn nyhit nyí a sansêng é su, htûngli dông nyhit nyí a sanséng râ nghut lhê. 3Yùqzo haû gi, shit nyí nyí má ahpyo-kuq hpyit ra râ nghut lhê. 4Hau htâng, myiwe myhí haû gi, yhang suí yui é mai lhoqsan lhoqyúng yû râ matú, súm xe sum nyí láng ra râ nghut mù, yhâng é lhoqsan lhoqyúng buìnyì pé ngàp shoq, chyoiyúng é zè haî lé le ge záng râ a nghut, sân-yúng jowò má le ge wàng râ a nghut. 5Myiwe myhí haû gi, byìzo hku é nghut jáng, yhâng é lhôhking lé é u lé su, í bàt a sanséng dùt râ nghut lhê. Hau htâng, yhang gi, yhang suí yui é mai lhoqsan lhoqyúng yû râ matú, hkyuq xe hkyuq nyí láng ra râ nghut lhê.
6Yhang gi, yùqzô é matú nghut nghut, byìzô é matú nghut nghut, yhâng é lhoqsan lhoqyúng buìnyì pé ngàp jáng, myi nyhé hkunggâ é matú razàn bò bê sau zo radu eq, mara hkyut hkunggâ é matú, nghoqmyhû zo radu, a nghut jáng, hpûngkyui radu lé, zùphpong zúm hkum má hkyangjong hpô chyáng yu lé byi ra râ nghut lhê. 7Hkyangjong hpó haû gi, yhâng é mara hkô htaí hkungga kut râ matú, haú pé lé, haû Yhûmsîng Garaî é hí má nhông byi râ nghut lhê; haú hkûn, myiwe myhí haû gi, yhang suí yui é mai htûngli dông sansêng byùq râ nghut lhê.
Haú pé gi, yùqzo hku é hkûn nghut nghut, byìzo hku é hkûn nghut nghut, înu cháng râ é târâ pé nghut lhê. 8Nghut kôlhang, yhang gi, sau zo a wó htoq é nghut jáng, hpûngkyui í du, a nghut jáng, nghoqmyhû í du lé, myi nyhé hkunggâ é matú radu, mara hkyut hkunggâ é matú radu kut yu lé ra râ nghut lhê. Haú dông mai, hkyangjong hpó gi, yhâng é matú mara hkô htaí hkungga nhông byi râ nghut luî, yhang gi, sansêng byùq râ nghut lhê.’ nghû àq.” ga taî ri.
Currently Selected:
Nhông Jaú 12: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.